Monday, May 20, 2024
Homeസിനിമബഡേ മിയാൻ ചോട്ടെ മിയാൻ ട്രെയിലർ മാർച്ച് 26ന് പുറത്തിറങ്ങും.

ബഡേ മിയാൻ ചോട്ടെ മിയാൻ ട്രെയിലർ മാർച്ച് 26ന് പുറത്തിറങ്ങും.

രവി കൊമ്മേരി

അക്ഷയ് കുമാർ, ടൈ​ഗർ ഷ്റോഫ് എന്നിവർ മുഖ്യവേഷത്തിലെത്തുന്ന ബഡേ മിയാൻ ഛോട്ടേ മിയാൻ എന്ന ചിത്രത്തിന്റെ ട്രെയിലർ മാർച്ച് 26ന് റിലീസ് ചെയ്യുന്നു. പൂജാ എൻ്റർടെയ്ൻമെൻ്റിൻ്റെ മഹത്തായ ഓപ്പസ് എക്‌സ്‌ട്രാവാഗാൻസയാണ് ബഡേ മിയാൻ ഛോട്ടേ മിയാൻ എന്ന് പോസ്റ്റർ വെളിപ്പെടുത്തുന്നു.

മലയാള സിനിമയിലെ സൂപ്പർ സ്റ്റാർ പൃഥ്വിരാജ് വില്ലൻ കഥാപാത്രത്തെ അവതരിപ്പിക്കുന്ന ഈ ചിത്രം, ഹിന്ദി, തമിഴ്, തെലുങ്ക്, മലയാളം, കന്നഡ എന്നീ ഭാഷകളിലായി പാൻ ഇന്ത്യൻ തലത്തിലാണ് റിലീസ് ചെയ്യുന്നത്. ചിത്രത്തിൽ താരത്തിന്റെ മലയാളം ആമുഖത്തോടെയായിരുന്നു മുൻപ് റിലീസ്സായ ടീസർ പുറത്തിറങ്ങിയത്. ആദ്യമായാണ് അക്ഷയും ടൈഗറും ഇന്ത്യയിലെ ഏറ്റവും വലിയ ആക്ഷൻ സിനിമയിൽ ഒരുമിച്ച് അഭിനയിക്കുന്നത്. ഷാഹിദ് കപൂർ നായകനായ ബ്ലഡി ഡാഡി എന്ന ചിത്രത്തിന് ശേഷം അലി അബ്ബാസ് സഫർ ഒരുക്കുന്ന ചിത്രമാണിത്.

ആക്ഷൻ വിഭാഗത്തിലെ ആരാധകരിൽ ആവേശത്തിൻ്റെ തിരമാലകൾ തീർത്തുകൊണ്ടാണ് ഈ വർഷത്തെ ആത്യന്തികമായ ആക്ഷൻ കാഴ്ചയായ ‘ബഡേ മിയാൻ ചോട്ടെ മിയാൻ’ ട്രെയിലർ ലോഞ്ച് തീയതി പൂജാ എൻ്റർടൈൻമെൻ്റ് പ്രഖ്യാപിച്ചത്. ബഡേ മിയാൻ എന്ന കഥാപാത്രമായി അക്ഷയ് കുമാറും ഛോട്ടേ മിയാൻ ആയി ടൈഗർ ഷ്റോഫും വേഷമിടുന്നു, ഒപ്പം സോനാക്ഷി സിൻഹയും, മാനുഷി ചില്ലറും, അലയ എഫും അണിനിരക്കുന്ന ഈ മെഗാ ചിത്രം ഏപ്രിൽ പത്തിന് സ്‌ക്രീനുകളിൽ എത്തും.

രോണിത്ത് റോയ് മറ്റൊരു പ്രധാനകഥാപാത്രത്തെ അവതരിപ്പിക്കുന്നു. വഷു ഭഗ്നാനിയും പൂജ എന്റർടൈൻമെന്റും ചേർന്ന് അലി അബ്ബാസ് സഫർ ഫിലിംസുമായി സഹകരിച്ചാണ് ചിത്രത്തിൻ്റെ നിർമ്മാണം. വഷു ഭഗ്നാനി, ദീപ്ഷിഖ ദേശ്മുഖ്, ജാക്കി ഭഗ്നാനി, ഹിമാൻഷു കിഷൻ മെഹ്റ, അലി അബ്ബാസ് സഫർ എന്നിവരാണ് നിർമ്മാതാക്കൾ. അലി അബ്ബാസ് സഫറും ആദിത്യ ബസുവും ചേർന്നാണ് ചിത്രത്തിന് തിരക്കഥ ഒരുക്കിയിരിക്കുന്നത്. ചിത്രം പുറത്തിറങ്ങുന്നതും കാത്ത് പ്രേക്ഷകർ ആകാംക്ഷയിലാണ്.

രവി കൊമ്മേരി

RELATED ARTICLES

LEAVE A REPLY

Please enter your comment!
Please enter your name here

Most Popular

Recent Comments