അവൾ ഒരിക്കലും തന്റെ കഥ നിങ്ങളോട് പറയില്ല.
അവൾ നിശബ്ദതയാണ്.
ഏതൊരു ശബ്ദത്തിനും കഴിയാത്തത്ര ഉച്ചത്തിൽ സംസാരിക്കുന്ന ആ നിശ്ചലത.
ക്ഷീണിച്ച ഹൃദയത്തിലേക്ക് വിശ്രമം എപ്പോഴും എത്തുന്നില്ല.
അവളുടെ മനസ്സ് ഇപ്പോഴും ജീവനോടെ ജ്വലിക്കുന്നുണ്ടാവാം
പക്ഷേ അവളുടെ ആത്മാവോ?
ഉറക്കത്തിനു പോലും ശമിപ്പിക്കാനാകാത്ത വിധം തളർന്നിരിക്കുന്നു.
അത് എങ്ങനെ പറഞ്ഞു മനസ്സിലാക്കണമെന്ന് അവൾക്കു തന്നെ അറിയില്ല.
അവളുടെ കണ്ണുകളിലേക്ക് നോക്കൂ
അവളുടെ ചുണ്ടുകൾ ഒരിക്കലും ഉച്ചരിക്കാത്ത സത്യങ്ങൾ അവ വിളിച്ചു പറയുന്നു.
അവൾ തന്റെ വേദനയും സ്നേഹവും മനസ്സിന്റെ മതിലുകൾക്കു പിന്നിൽ ഒതുക്കി വച്ചിരിക്കുന്നു
ലോകത്തെ അടച്ചിടാനല്ല,
തന്റെ ഹൃദയത്തെ സുരക്ഷിതമായി കാക്കാനാണ്.
ആരോടും പറയാതെ അവൾ ഒറ്റയ്ക്ക് പൊരുതിയ യുദ്ധങ്ങൾ എണ്ണമറ്റതാണ്.
അവളുടെ ആത്മാവ് തീയിൽ ഉരുകി വാർക്കപ്പെട്ടതാണ്.
അവളുടെ ധൈര്യം ആവശ്യകതയുടെ മണ്ണിൽ വേരുറച്ചതാണ്.
അതിനാൽ, അവൾ തന്റെ ഹൃദയം എളുപ്പത്തിൽ നിങ്ങൾക്കു നൽകുമെന്ന് പ്രതീക്ഷിക്കരുത്.
തന്നിലുള്ളതെല്ലാം കാക്കാൻ അവൾ ഒരു പടനായികയെപ്പോലെ പൊരുതിയിട്ടുണ്ട്.
വഞ്ചനയ്ക്കു മുന്നിൽ ഏകാന്തത തന്നെ ഭേദം എന്ന് അവൾ മനസ്സിലാക്കിയിട്ടുണ്ട്.
തെറ്റായ ഒരാൾ വീണ്ടും കടന്നുവരുന്നതിലും നല്ലത്
തന്റെ കപ്പൽ സ്വയം കരയ്ക്കടുപ്പിക്കുന്നതാണെന്ന് അവൾ തിരിച്ചറിഞ്ഞിട്ടുണ്ട്.
അവളുടെ മൗനം അവളുടെ പരിചയാണ്.
അവളുടെ നിശബ്ദത അവളുടെ കിരീടമാണ്.
അവൾ പുഞ്ചിരിക്കും. അവൾ സൗമ്യയായിരിക്കും.
എന്നാൽ ആ സൗമ്യത എളുപ്പത്തിൽ നേടിയതല്ല
അത് കനലിൽ നിന്നുരുത്തിരിഞ്ഞ സഹിഷ്ണുതയാണ്.
ഹൃദയവേദനയിലൂടെ, തകർന്ന വഴികളിലൂടെ
അവൾ സൗമ്യമായി നടക്കാൻ പഠിച്ചു.
അവൾ മനസ്സിലാക്കപ്പെടണമെന്ന് ആഗ്രഹിക്കുന്നില്ല.
മനസ്സിലാക്കേണ്ടവർ ഒരിക്കലും മനസ്സിലാക്കാറില്ലെന്ന് അവൾക്കറിയാം.
അവൾ ഇനിയൊരു തിരിച്ചുവരവ് പ്രതീക്ഷിക്കുന്നില്ല.
എങ്കിലും, സ്നേഹിക്കാനും സ്നേഹിക്കപ്പെടാനും അവൾ ആഗ്രഹിക്കുന്നു ..
തന്നെ ഒരിക്കൽ തകർത്തവന്റെ നിഴൽ വീണ്ടും കാണുമോ എന്ന ഭയത്തോടൊപ്പം.
അതിനാൽ അവൾ മുന്നോട്ടു നടക്കുന്നു
നിശബ്ദ നേട്ടങ്ങളിൽ സന്തോഷം കണ്ടെത്തിക്കൊണ്ട്,
ലളിതമായ നിമിഷങ്ങളിൽ സമാധാനം കണ്ടെത്തിക്കൊണ്ട്.
അവൾ ശ്രദ്ധ ആഗ്രഹിക്കുന്നില്ല.
ചോദ്യങ്ങളില്ലാത്ത ശാന്തത മാത്രം. ആവശ്യങ്ങളില്ലാത്ത സമാധാനം മാത്രം.
എന്നാൽ അവളുടെ ആഴങ്ങൾ… അവളുടെ സ്വപ്നങ്ങൾ…
അവളുടെ സ്നേഹം — ഒരിക്കൽ അനുഭവിച്ചാൽ മറക്കാനാകാത്തത്.
അവളെ കണ്ടെത്തിയാൽ,
അവളുടെ ആത്മാവിന്റെ വാതിലിൽ എത്തിയാൽ,
അവളുടെ വിശ്വാസം നേടാൻ നിങ്ങൾ തയ്യാറാണെങ്കിൽ
ഒരു സ്ത്രീയുടെ യഥാർത്ഥ സൗന്ദര്യം ഇതുവരെ നൽകിയ ഏതു വിലയ്ക്കും അർഹമാണെന്ന്
നിങ്ങൾ തിരിച്ചറിയും. ♥️
സ്നേഹാദരങ്ങളോടെ..
ഓരോ വരിയും ഒരുപാട് ചിന്തിക്കാനും മനസ്സിലാക്കാനും ഉള്ളത്.💐🥳
നല്ല ചിന്തകൾ പങ്കുവെച്ച് ലേഖനം