ഓണനിലാവിൻ തലോടലിൽ
മുക്കുറ്റിപൂവൊന്നു കൺതുറന്നു
മന്ദസ്മിതം തൂകിവന്നണഞ്ഞ
മന്ദമാരുതൻ മെല്ലെ തലോടിനിന്നു
കർക്കിടകത്തിൻ കരാളഹസ്തത്തിൽ
ശ്വാസമടക്കിനിന്ന ചെടികളെ
പൊന്നിൻ ചിങ്ങം മാടിവിളിച്ചുണർത്തി
കാതിൽ സ്വകാര്യം പറഞ്ഞുനിന്നു
ചിങ്ങനിലാവിൻ പുഞ്ചിരിയിൽ
നെൽവയലുകൾ പുളകിതരായി
ഓണത്തപ്പനെ വരവേറ്റിടാൻ
നെൽച്ചെടികൾ കതിരണിഞ്ഞു
ചന്നം പിന്നം പെയ്യുന്ന മഴയിൽ
നനഞ്ഞ തൂവലുകൾ കുടഞ്ഞ്
പക്ഷികൾ പറന്നുയർന്നു ചൊല്ലി
ഓണം വരവായി പൂക്കളമൊരുക്കിടാം
ജലാശയങ്ങൾ തെളിനീരായി മാറി
മീനുകൾ തുള്ളിച്ചാടികളിച്ചു
എല്ലാം കണ്ടറിഞ്ഞ മാനവൻ
മധുരിക്കും മാവേലി ഓർമ്മകളുമായി
ഓണത്തെ ഹൃത്തിൽ വരവേറ്റിടുന്നു
ഓണക്കവിത അസ്സലായിട്ടുണ്ട്🤝😊 ഓണാശംസകൾ🏵️🌹❤️🥰
നന്നായി എഴുതി