ഓണത്തിനുണ്ണി വരുന്നതും കാത്ത്…
ഓരോ ദിനങ്ങൾ കഴിക്കയാണമ്മ.
ആകെയൊരുണ്ണിയാണമ്മയ്ക്കെന്നാ
ലും…
ദൂരെ പറഞ്ഞയക്കാതെ വയ്യ…
ആണ്ടിലൊരിക്കൽ
വന്നെങ്കിലെന്നായ്..
ഏറെ കൊതിക്കുകയാണീയമ്മ….
കുട്ടൻ വരുമ്പോൾ ഒരുക്കിടേണം വട്ടം
പലവക…നാക്കിലയിൽ…
കുപ്പി ഭരണിയിൽ കണ്ണിമാങ്ങ ചക്ക
വരട്ടിയ തോട്ടുരുളീൽ… മാമ്പഴ
പുളിശ്ശേരി ഉണ്ണിക്കിഷ്ടം…. ഉപ്പേരി
പപ്പടം ഇഞ്ചിപ്പുളി മച്ചിന കത്തായി
ഒരുക്കി വെച്ചു…..
ചുറ്റുവട്ടത്തെ കുട്ടികളോടൊത്ത്
മെച്ചത്തിൽ പൂക്കളം തീർത്തീടണം..
മാവേലി വെക്കണം പൂജ കഴിക്കണം
ഓണമായ്…ഓണമായ്…. ഓണമായി.
ഇക്കൊല്ലം ഓണത്തിനുണ്ണി വന്നാൽ
കണ്ണനെ കാണാനായി ചെന്നിടേണം..
എത്ര നാളായി കൊതിച്ചിടുന്നു
ഒന്നിനും തുണയില്ല ആളൊരുത്തർ…
ഉത്രാടനാളിൽ ഉടുക്കുവാനായി
ഉണ്ണിക്കു കോടി എടുത്തിടേണം.
ഇക്കൊല്ലം ഓണത്തിനുണ്ണി വന്നാൽ
ഒത്തൊരു പെണ്ണിനെ കണ്ടിടേണം…
ഉണ്ണിക്ക് കൂട്ടിനായി ഏകിടേണം
എന്നുണ്ണി..പൊന്നുണ്ണി പൊന്മകനെ…
അമ്മയ്ക്കു കൂട്ടിനായ് ആള് വേണം…
അമ്മയ്ക്കും പ്രായമായില്ലേ കുട്ടാ…
ഈ ഓണം ഉണ്ണിക്കു കാഴ്ചവെക്കാൻ
ഏറെ ഒരുക്കുകയാണീ അമ്മ….
‘ഒരുക്കം’ കവിത ഇഷ്ടമായി🥰😘👌👌
നല്ല കവിത
സൂപ്പർ 👏
ഓണം
വരുന്നതിന്റെ ഒരുക്കത്തിലൂടെ ഗംഭീരമായി എഴുതി