കൗമാരപ്രായക്കാരുടെ വ്യായാമ കുറവും
ആരോഗ്യ പ്രശ്നങ്ങളും:
————————————
പഠനഭാരവും മൊബൈൽ, സോഷ്യൽ മീഡിയ, വീഡിയോ ഗെയിമുകൾ എന്നിവയുടെ അമിത ഉപയോഗവും കാരണം പലരും വ്യായാമം അവഗണിക്കുന്നു. ഇത് ജീവിതശൈലി രോഗങ്ങൾക്ക് പ്രധാന കാരണമാകുന്നു.
വ്യായാമക്കുറവ് മൂലം ശരീരത്തിൽ അധിക കൊഴുപ്പ് അടിഞ്ഞുകൂടുകയും അമിതവണ്ണം, ഇൻസുലിൻ പ്രതിരോധം, ഉയർന്ന രക്തസമ്മർദം തുടങ്ങിയ പ്രശ്നങ്ങൾ ആരംഭിക്കുകയും ചെയ്യും. പിന്നീട് ഹൃദ്രോഗം, പ്രമേഹം, ഫാറ്റി ലിവർ തുടങ്ങിയ രോഗങ്ങൾക്കുള്ള സാധ്യതയും വർധിക്കുന്നു.
ശാരീരിക പ്രവർത്തനങ്ങളുടെ അഭാവം മാനസികാരോഗ്യത്തെയും ബാധിക്കുന്നു. സ്ഥിരമായ വ്യായാമം സമ്മർദവും ഉത്കണ്ഠയും കുറയ്ക്കുമ്പോൾ, വ്യായാമക്കുറവ് ഉറക്കക്കുറവ്, ശ്രദ്ധക്കുറവ്, ആത്മവിശ്വാസക്കുറവ് എന്നിവയ്ക്ക് കാരണമാകാം.
ലോകാരോഗ്യ സംഘടനയുടെ കണക്ക് പ്രകാരം, കൗമാരക്കാർ ദിവസവും കുറഞ്ഞത് 60 മിനിറ്റെങ്കിലും ശാരീരിക വ്യായാമ പ്രവർത്തനങ്ങളിൽ ഏർപ്പെടണം. നടത്തം, ഓട്ടം, സൈക്കിൾ ചവിട്ടൽ, കളികൾ എന്നിവയ്ക്കൊപ്പം സ്ക്രീൻ സമയം കുറയ്ക്കുകയും ആരോഗ്യകരമായ ഭക്ഷണം പിന്തുടരുകയും ചെയ്യണം.
കൗമാരത്തിൽ വളരുന്ന ആരോഗ്യശീലങ്ങളാണ് ഭാവിയിലെ ആരോഗ്യം നിർണയിക്കുന്നത്. അതിനാൽ മാതാപിതാക്കളും അധ്യാപകരും കുട്ടികളെ സ്ഥിരമായി വ്യായാമത്തിനും സജീവമായ ജീവിതശൈലിക്കും പ്രോത്സാഹിപ്പിക്കേണ്ടത് ജീവിതശൈലി രോഗങ്ങൾ തടയാൻ അത്യന്താപേക്ഷിതമാണ്.
വളരെ ഗൗരവകരമായ ഒരു വിഷയമാണ് ചൂണ്ടി കാണിച്ചത്
Thank you ☺️🥰❤️
👏👍