📱വാർത്തകൾ ഒറ്റനോട്ടത്തിൽ📱 – 2026 | ഓഗസ്റ്റ് 10 | തിങ്കൾ ✍️ കപിൽ ശങ്കർ

🔹പത്തനംതിട്ടയിലെ മോട്ടോർ വാഹന വകുപ്പ് ഉദ്യോഗസ്ഥരുടെ സസ്പെൻഷനിൽ പ്രതിഷേധം ശക്തമാക്കി മോട്ടോർ വാഹനവകുപ്പിലെ സംഘടനകൾ. കറുത്ത ബാഡ്ജ് ധരിച്ച് ഓഫീസിലെത്തുമെന്നും, ഇന്നു മുതൽ പെറ്റി പിരിക്കില്ലെന്നും, എഎംവിഐമാ‍‍ർ അടക്കമുള്ള ഉദ്യോഗസ്ഥർ വകുപ്പിലെ വണ്ടിയോടിക്കില്ലെന്നും സംഘടനകൾ അറിയിച്ചു.

🔹‎പത്തനംതിട്ടയിലെ മോട്ടോർ വാഹന വകുപ്പ് ഉദ്യോഗസ്ഥരുടെ സസ്പെൻഷ നുമായി ബന്ധപ്പെട്ട് അധികാരം എന്തും ചെയ്യാനായി ഉദ്യോഗസ്ഥർ ഉപയോഗിക്കരുതെന്നും അധികാരം കൃത്യമായി ഉപയോഗിക്കണമെന്നും ഗതാഗത മന്ത്രി സിപി ജോൺ.
‎
‎🔹വിഴി‍ഞ്ഞത്ത് കാണാതായ മത്സ്യത്തൊഴിലാളിയായ ജോണിൻ്റെ വീട്ടിലെത്തി ആഭ്യന്തര മന്ത്രി രമേശ് ചെന്നിത്തലയും ഫിഷറീസ് മന്ത്രി അബ്ദുൽ ഗഫൂറും. പ്രതീക്ഷ കൈവിട്ടിട്ടില്ലെന്നും തിരച്ചിൽ തുടരുമെന്നും രമേശ് ചെന്നിത്തല പറഞ്ഞു. കടലിൽ കാണാതായാൽ തിരച്ചിൽ നടത്തുന്നതിന് മാർഗ്ഗരേഖ ഉടൻ പുറത്തിറക്കുമെന്നും മുന്നറിയിപ്പ് സംവിധാനം മെച്ചപ്പെടുത്തുമെന്നും ഫിഷറീസ് മന്ത്രി പറഞ്ഞു.

‎🔹ഇതാദ്യമായല്ല മത്സ്യത്തൊഴിലാളികളെ കാണാതാകുന്നത് എന്നതുള്‍പ്പെടെ മുഖ്യമന്ത്രി വി ഡി സതീശന്‍ നടത്തിയ പരാമര്‍ശങ്ങളില്‍ മാപ്പ് പറയണമെന്ന് ആവശ്യപ്പെട്ട്, വിഴിഞ്ഞത്ത് കടലില്‍ കാണാതായ ജോണിന്റെ കുടുംബം. അത്തരം പരാമര്‍ശങ്ങള്‍ ആ കസേരയില്‍ ഇരുന്നു പറയരുത്. ഇനിയെങ്കിലും പരാമര്‍ശം നടത്തുമ്പോള്‍ ഒരു വിഭാഗം ആളുകളെ ആക്ഷേപിക്കരുതെന്നും ജോണിന്റെ മകള്‍ ജിജി പറഞ്ഞു.

🔹എഞ്ചിനീയറിങ് വിദ്യാർഥികളെ പ്രതിസന്ധിയിലാക്കി ഉന്നത വിദ്യാഭ്യാസ വകുപ്പ്. കേന്ദ്രീകൃത സ്പോട്ട് അഡ്മിഷൻ സമ്പ്രദായം ഒഴിവാക്കി. സ്വകാര്യ സ്വാശ്രയ മാനേജുമെൻ്റുകളെ സഹായിക്കാനാണ് കേരളത്തിലെ യു ഡി എഫ് സർക്കാരിൻ്റെ നീക്കം.ഇത് സർക്കാർ കോളേജുകളിലെ സീറ്റുകൾ ലഭിക്കാനുള്ള പല വിദ്യാർത്ഥികളുടെയും അവസരം നഷ്ടപ്പെടുത്തും. സർക്കാർ കോളേജുകളിൽ ഒഴിഞ്ഞ് കിടക്കുന്ന സീറ്റുകൾ ചുണ്ടിക്കാട്ടി ഭാവിയിൽ കോഴ്സുകൾ വെട്ടിക്കുറയ്ക്കാനും ഈ നടപടി ഇടയാക്കും. അലോട്മെൻ്റുകളുടെ എണ്ണം വെട്ടിക്കുറച്ചതിന് പിന്നാലെയാണ് ഉന്നത വിദ്യാഭ്യാസ വകുപ്പിൻ്റെ ഈ നടപടിയും. സാധാരണ നാല് അലോട്ട്മെന്റ്കൾക്ക് ശേഷമാണ് സ്പോട്ട് അഡ്മിഷൻ നടത്തുക.

‎🔹വിദേശ സംഭാവന നിയന്ത്രണ നിയമമായ എഫ്‌സിആർഎയിൽ നിർദേശിച്ചിരിക്കുന്ന ഭേദഗതികൾ മിഷനറി സംഘടനകൾ, സന്നദ്ധ സംഘടനകൾ, ജീവകാരുണ്യ സ്ഥാപനങ്ങൾ, സാമൂഹിക സേവന സംഘടനകൾ എന്നിവയുടെ പ്രവർത്തനങ്ങളെ പ്രതികൂലമായി ബാധിക്കാനുള്ള സാധ്യതകൾ സംബന്ധിച്ച് അടിയന്തര ചർച്ച ആവശ്യപ്പെട്ട് കൊടിക്കുന്നിൽ സുരേഷ് എംപി ലോക്‌സഭയിൽ അടിയന്തര പ്രമേയ നോട്ടീസ് നൽകി.

🔹പ്രതിപക്ഷ നേതാവ് പിണറായി വിജയൻ്റെ വീട്ടിൽ റെയ്ഡിനെത്തിയ ഇഡി ഉദ്യോഗസ്ഥരെ ആക്രമിച്ച കേസിൽ ഒരു പ്രതികൂടി പിടിയിൽ. വിദേശത്തേക്ക് പോയ 27-ാമത്തെ പ്രതി ആദർശാണ് പിടിയിലായത്. അതേസമയം, ഒളിവിൽപോയ പാളയം സന്തോഷിനെ പിടികൂടിയിട്ടില്ല.

🔹ബക്കറ്റിലെ ചൂട് വെള്ളം മറിഞ്ഞ് പൊള്ളലേറ്റ് ചികിത്സയിലായിരുന്ന രണ്ട് വയസുകാരി മരിച്ചു. കോട്ടപ്പടി മുട്ടത്തുപാറ മേൽഭാഗത്ത് വീട്ടിൽ ലിജു-എൽബി ദമ്പതിമാരുടെ മകൾ ബിൽഗ മറിയം ലിജു (2) ആണ് മരിച്ചത്.അണുബാധയെ തുടർന്നാണ് ബിൽഗ മറിയം ലിജു മരിച്ചത്. ഒരാഴ്ച മുൻപായിരുന്നു അപകടം. കുട്ടിയെ കുളിപ്പിക്കാനായി ബക്കറ്റിൽ ചൂട് വെള്ളം വച്ചിരുന്നു. അമ്മ മാറിയ സമയത്ത് കുട്ടി ബക്കറ്റിൽ പിടിച്ചതോടെ അത് അബദ്ധത്തിൽ മറിഞ്ഞ് ചൂട് വെള്ളം ദേഹത്ത് വീഴുകയായിരുന്നു.

🔹വീട്ടുമുറ്റത്ത് ഒരേ സമയം മൂന്നു പുലികള്‍. പൂത്തകൊല്ലിയിലെ സുബ്രഹ്മണ്യന്‍റെ വീട്ടിലെ സിസിടിവിയിലാണ് രാത്രി മുറ്റത്തുകൂടി മൂന്നു പുലികള്‍ നടന്നുനീങ്ങുന്ന ദൃശ്യം പതിഞ്ഞത്. നേരത്തേ പതിഞ്ഞ ദൃശ്യം കഴിഞ്ഞ ദിവസമാണ് വീട്ടുകാരുടെ ശ്രദ്ധയില്‍പ്പെട്ടത്.ദൃശ്യം പുറത്തുവന്നതോടെ പ്രദേശവാസിള്‍ ഭീതിയിലായി. പുലികളെ പേടിച്ച് രാത്രി പുറത്തിറങ്ങാന്‍ കഴിയാത്ത സ്ഥിതിയിലാണ് പൂത്തകൊല്ലിയിലും സമീപങ്ങളിലുമുള്ളവര്‍. പൂത്തകൊല്ലിയില്‍ മുമ്പും പുലി സാന്നിധ്യം ഉണ്ടായിട്ടുണ്ടെങ്കിലും മൂന്നെണ്ണം ഒന്നിച്ച് എത്തുന്നത് ആദ്യമായാണെന്നു നാട്ടുകാര്‍ പറഞ്ഞു.

🔹അർജുൻ ആയങ്കി ഒളിവിലായിരിക്കേ സഹായം നൽകിയതിനു സഹോദരൻ കണ്ണൂർ അഴീക്കൽ കൊവ്വലടി ആയങ്കി ഹൗസിൽ അജയ് ആയങ്കി (24) കോഴിക്കോട്ട് അറസ്റ്റിൽ.അർജുൻ ആയങ്കിക്കായി സമൂഹമാധ്യമങ്ങൾ വഴി അർജുന്‍റെ അക്കൗണ്ടിലേക്കു ക്രൗഡ് ഫണ്ടിംഗ് നടത്തിയതിനാണു സഹോദരൻ അജയിയെ പോലീസ് കസ്റ്റഡിയിൽ എടുത്ത് അറസ്റ്റ് രേഖപ്പെടുത്തിയത്.

🔹ഒറ്റ രാത്രിയിൽ ഹെലിപാഡ് നിർമിച്ച്, നാവികസേനയുടെ രക്ഷാപ്രവർത്തനത്തിന് സഹായമേകി മാതാ അമൃതാനന്ദമയി മഠം. കടലിൽ കാണാതായ ഗൗതമിനായുള്ള തിരച്ചിലിന് വേണ്ടിയാണ് ഹെലിപാഡ് നിർമിച്ചത്. കൊല്ലം അമൃതപുരി എൻജിനീയറിങ് കോളജ് ഗ്രൗണ്ടിലാണ് നാവികസേനയുടെ രക്ഷാപ്രവർത്തനത്തിന് വേണ്ടി അടിയന്തരമായി ഹെലിപാഡ് നിർമാണം നടത്തിയത്.

🔹സാമൂഹ്യമാധ്യമങ്ങളിലൂടെ തനിക്കെതിരെ വ്യാജ പ്രചരണം നടത്തുന്നവര്‍ക്കെതിരെ നിയമ നടപടികള്‍ ആരംഭിച്ചെന്ന് സിപിഎം നേതാവ് പി. ജയരാജന്‍. പോലീസിനെ വെല്ലുവിളിച്ചതിന് പിന്നാലെ പിടിയിലായ അര്‍ജുന്‍ ആയങ്കിയെ പി. ജയരാജന്‍ ചേര്‍ത്തു പിടിച്ച് നില്‍ക്കുന്ന വ്യാജ ചിത്രം ഉപയോഗിച്ചാണ് വ്യാജ പ്രചരണം.സാമൂഹ്യമാധ്യമങ്ങളിൽ പ്രചരിക്കുന്ന ചിത്രം പങ്കുവച്ചുകൊണ്ട് ഫേസ്ബുക്കിലൂടെയാണ് പി.ജയരാജൻ വ്യാജപ്രചരണത്തിനെതിരെ രംഗത്തെത്തിയത്. 27 വർഷം മുൻപ് നടന്ന ആർഎസ്എസ് ആക്രമണത്തിൽ നഷ്ടപ്പെട്ട ഇടതു കൈയിലെ പെരുവിരൽ, എഐ ഉപയോഗിച്ച് നിര്‍മിച്ച ചിത്രത്തിൽ പ്രത്യക്ഷപ്പെട്ടതും ജയരാജൻ പോസ്റ്റിൽ ചൂണ്ടിക്കാട്ടി. വ്യാജ പ്രചാരണത്തിനെതിരെ നിയമനടപടി തുടങ്ങിയതായും പി.ജയരാജൻ വ്യക്തമാക്കി.

🔹ബാവലി എക്‌സൈസ് ചെക്‌പോസ്റ്റില്‍ നടത്തിയ പരിശോധനയില്‍ 50ഗ്രാം കഞ്ചാവുമായി പാലക്കാട് സ്വദേശി പിടിയില്‍. ഒറ്റപ്പാലം ചെറുപ്പുളശേരി മഞ്ജുളി പറമ്പില്‍ എം.സി. ജിഥുന്‍ (26) ആണ് അറസ്റ്റിലായത്.മാനന്തവാടി എക്‌സൈസ് സര്‍ക്കിള്‍ ഇന്‍സ്‌പെക്ടര്‍ പി.എ. ജോസഫിന്‍റെ നേതൃത്വത്തില്‍ മാനന്തവാടി സര്‍ക്കിളും സംഘവും ബാവലി എക്‌സൈസ് ചെക്ക്‌പോസ്റ്റ് സംഘവും സംയുക്തമായി ഇന്നലെ നടത്തിയ പരിശോധനയിലാണ് പ്രതി പിടിയിലായത്.

🔹തിരുവല്ലം ബൈപാസില്‍ റോഡ് മുറിച്ചുകടക്കുമ്പോള്‍ ബൈക്കിടിച്ച് വയോധികരായ സഹോദരിമാര്‍ക്ക് ദാരുണ അന്ത്യം. തിരുവല്ലം ഇടയാര്‍ പുതുവയല്‍ വീട്ടില്‍ ശാന്ത (72) , വിജയമ്മ (63) എന്നിവരാണ് മരിച്ചത്.ഇന്നലെ രാവിലെ ഏഴോടെ തിരുവല്ലം പാലത്തിന് സമീപം കരിമ്പുവിള ജംഗ്ഷനിലാണ് അപകടം. തിരുവല്ലത്തുളള സര്‍വീസ് റോഡില്‍ നിന്നും കയറി ഇരുവരും കൈകള്‍ പരസ്പരം പിടിച്ച് ബൈപാസ് റോഡ് മുറിച്ചുകടക്കുമ്പോള്‍ കോവളം ഭാഗത്തുനിന്നും അമിത വേഗത്തിലെത്തിയ ബൈക്ക് ഇവരെ ഇടിച്ച് തെറിപ്പിക്കുകയായിരുന്നു.

🔹തോട്ടേക്കാട് കാരക്കുണ്ട് പാലത്തിനു സമീപത്ത് വെടിയുണ്ടകൾ കണ്ടെത്തിയ സംഭവത്തിൽ ആശങ്ക. എട്ടു വെടിയുണ്ടകളാണ് ഇവിടെനിന്നു കണ്ടെടുത്തത്. രാവിലെ മൂന്നു വെടിയുണ്ടകളാണ് കണ്ടെത്തിയിരുന്നത്. തുടർന്ന് പോലീസ് എത്തി നടത്തിയ വിശദമായ തെരച്ചിലിൽ അഞ്ചെണ്ണംകൂടി കിട്ടി. പോലീസ് വിശദമായ അന്വേഷണം ആരംഭിച്ചു.

🔹കേരള തീരത്ത്‌നിന്നു കടലില്‍ പോയി കഴിഞ്ഞ 11 വര്‍ഷത്തിനിടെ അപകടങ്ങളില്‍പ്പെട്ട് മരണമടഞ്ഞത് 469 മത്സ്യത്തൊഴിലാളികള്‍. കടലില്‍ കാണാതായത് 160 മത്സ്യ ത്തൊഴിലാളികളെയാണ്.10 ദിവസംമുമ്പ് കടലില്‍ കാണാതായ മുതലപ്പൊഴിയിലെ രണ്ട് മത്സ്യത്തൊഴിലാളികളുടെയും ചവറ പുത്തന്‍ തുറയില്‍ കാണാതായ ഒരു മത്സ്യത്തൊഴിലാളിയുടെയും കണക്കുകള്‍ കാണാതായവരുടെ പട്ടികയില്‍പ്പെട്ടിട്ടില്ല. ഇവര്‍ക്ക് വേണ്ടി നാവികസേന കടലില്‍ പരിശോധന നടത്തിവരികയാണ്.

🔹ഓവാലി പഞ്ചായത്തിലെ ബാലവാടിക്കടുത്ത ലാറസ്റ്റന്‍ നാലാംനമ്പറില്‍ സ്വകാര്യ എസ്റ്റേറ്റില്‍ കടുവയുടെ ആക്രമണത്തില്‍ വയോധികന്‍ കൊല്ലപ്പെട്ട സംഭവത്തില്‍ പ്രതിഷേധിച്ച് നാട്ടുകാര്‍ ഓവാലിയിലെ ലാറസ്റ്റനില്‍ സമരം നടത്തി.ഇന്നലെ രാവിലെയാണ് സമരം നടത്തിയത്.

🔹ഓണം ആഘോഷിക്കാൻ നാട്ടിലേക്ക് തിരിക്കാനൊരുങ്ങുന്ന മറുനാടൻ മലയാളികൾ കടുത്ത യാത്രാ പ്രതിസന്ധിയിൽ. ട്രെയിനുകളിൽ മാസങ്ങൾക്ക് മുൻപേ ടിക്കറ്റുകൾ തീർന്നതും സ്വകാര്യ ബസുകളും വിമാന കമ്പനികളും നിരക്കുകൾ കുത്തനെ കൂട്ടിയതുമാണ് മലയാളി കുടുംബങ്ങളെ ആശങ്കയിലാഴ്ത്തുന്നത്. പലരും ഇത്തവണ ഓണാഘോഷം കേരളത്തിന് പുറത്താക്കേണ്ടി വരുമോ എന്ന ആശങ്കയിലാണ്.

🔹ലഹരിമരുന്ന് കേസിൽ ഒളിവിൽ കഴിഞ്ഞിരുന്ന മുഖ്യപ്രതി ഒടുവിൽ പൊലീസിന്റെ വലയിൽ. 51 കിലോ കഞ്ചാവ് പിടികൂടിയ കേസിൽ പശ്ചിമബംഗാളിൽ ഒളിവിൽ കഴിഞ്ഞിരുന്ന പ്രതിയെ ആലുവ റൂറൽ പൊലീസിന്റെ പ്രത്യേക സംഘം പശ്ചിമബംഗാളിലെത്തി സാഹസികമായി പിടികൂടി. പശ്ചിമബംഗാൾ ജലങ്ങി സ്വദേശി അസ്ലം ഷൈഖ് ആണ് തടിയിട്ടപറമ്പ് പൊലീസിന്റെ പിടിയിലായത്.

🔹യുവനടിക്കെതിരായ ലൈംഗികാതിക്രമ കേസിൽ സംവിധായകൻ അറസ്റ്റിൽ. സംവിധായകൻ ഷക്കീൽ നൂറാനി(73) ആണ് കേസിൽ പിടിയിലായത്. യുവനടി നൽകിയ പരാതിയിലാണ് നടപടി. സിനിമ ചർച്ചയ്ക്കെന്ന പേരിൽ വീട്ടിലേക്ക് വിളിച്ചുവരുത്തി പീഡിപ്പിച്ചെന്നാണ് പരാതി.

🔹കുവൈത്തിൽ 3,000 ദിനാറിന് മുകളിലുള്ള വിദേശ പണമിടപാടുകൾക്ക് രണ്ട് മാസത്തെ ബാങ്ക് സ്റ്റേറ്റ്‌മെന്റ് നിർബന്ധമാക്കി. കള്ളപ്പണം വെളുപ്പിക്കലും തീവ്രവാദ ധനസഹായവും തടയുന്നതിന്റെ ഭാഗമായാണ് ഈ നടപടി.

🔹ഇറാനെതിരായ വലിയ സൈനികനീക്കങ്ങളിൽനിന്ന് യുഎസ് പിന്മാറുന്നതായി സൂചന. പകരം ഇറാനെതിരായ സാമ്പത്തിക സമ്മർദം ശക്തമാക്കാനാണ് യുഎസിന്റെ നീക്കം. യുഎസ് പ്രസിഡന്റ് ഡൊണാൾഡ് ട്രംപ് ആണ് ഇതുസംബന്ധിച്ച സൂചനകൾ നൽകിയത്.

🔹ലെയോ പതിനാലാമൻ മാർപാപ്പ അടുത്തമാസം 25 മുതൽ 28 വരെ ഫ്രാൻസിൽ സന്ദർശനം നടത്തും. 2008ൽ ബെനഡിക്‌ട് പതിനാറാമൻ മാർപാപ്പ നടത്തിയ സന്ദർശനത്തിന് 18 വർഷങ്ങൾക്കുശേഷമാണ് ഒരു മാർപാപ്പ ഫ്രഞ്ച് മണ്ണിലെത്തുന്നത്. ‘ലോകത്തിനു ജീവൻ ഉണ്ടാകേണ്ടതിന്’ എന്ന പ്രമേയമാണ് അപ്പസ്തോലിക് സന്ദർശനത്തിനു നൽകിയിരിക്കുന്നത്. വിശുദ്ധ യോഹന്നാന്‍റെ സുവിശേഷത്തിലെ (6:51) വചനത്തെ അടിസ്ഥാനമാക്കിയാണ് യാത്രയുടെ പ്രമേയം തെരഞ്ഞെടുത്തിരിക്കുന്നത്.

🔹‎ഇന്ത്യയ്ക്കും ചൈനയ്ക്കും 100 ശതമാനം വരെ തീരുവ ചുമത്താൻ പ്രസിഡന്റ് ഡോണൾഡ് ട്രംപിന് അധികാരം നൽകുന്ന നിർണായക ബിൽ യു.എസ്. സെനറ്റ് പാസാക്കി. റഷ്യയിൽ നിന്ന് എണ്ണയും പ്രകൃതിവാതകവും വാങ്ങുന്നത് തുടരുന്ന രാജ്യങ്ങളെ ലക്ഷ്യമിടുന്ന ബിൽ ഇനി ജനപ്രതിനിധി സഭയുടെ പരിഗണനയിലേക്ക് പോകും.

🔹ശ്രീലങ്കയ്ക്കെതിരായ ടെസ്റ്റ് പരമ്പരയ്ക്കുള്ള ഇന്ത്യൻ ടീമിൽ സർഫറാസ് ഖാനെ ഉൾപ്പെടുത്തി. പരിക്കിനെ തുടർന്ന് സായ് സുദർശനെ ടീമിൽനിന്ന് ഒഴിവാക്കിയതോടെയാണ് മുംബൈ താരത്തിന് വീണ്ടും ഇന്ത്യൻ ടീമിലേക്ക് അവസരം ലഭിച്ചത്.സുദർശന്‍റെ പരിക്ക് ഭേദമാകുന്നതിൽ പുരോഗതിയുണ്ടെങ്കിലും ലങ്കയ്ക്കെതിരായ പരമ്പരയിൽ കളിക്കാനാകില്ലെന്ന് ബിസിസിഐ അറിയിച്ചു. 15ന് ആരംഭിക്കുന്ന ആദ്യ ടെസ്റ്റിന് മുന്നോടിയായാണ് ടീമിൽ മാറ്റം. ന്യൂസിലൻഡിനെതിരായ ടെസ്റ്റ് പരമ്പരയിലാണ് താരം അവസാനമായി ഇന്ത്യക്കായി കളിച്ചത്. ആറ് ഇന്നിംഗ്സുകളിൽ നിന്ന് 171 റൺസ് നേടിയിരുന്നു.ടീം പ്രഖ്യാപനത്തിന് ശേഷം ഇന്ത്യൻ സംഘത്തിൽ നിന്ന് ഒഴിവാക്കപ്പെടുന്ന രണ്ടാമത്തെ താരമാണ് സായ് സുദർശൻ. നേരത്തെ പേസ് ബൗളർ ജസ്പ്രീത് ബുംറയെയും ടീമിൽ നിന്ന് ഒഴിവാക്കിയിരുന്നു. ബുംറയ്ക്കും സുദർശനും ശാരീരികക്ഷമത തെളിയിക്കണമെന്ന നിബന്ധന സെലക്ടർമാർ മുന്നോട്ടുവെച്ചിരുന്നു.

🔹ത്രിദിന പരിശീലനം ജയത്തോടെ അവസാനിപ്പിച്ചു; ഇനി ടീം ഇന്ത്യക്കു മുന്നിലുള്ളത് സിംഹള പരീക്ഷാദിനങ്ങള്‍. വിരലിനേറ്റ പരിക്കിനെത്തുടര്‍ന്ന് ആദ്യ ഇന്നിംഗ്‌സില്‍ ഇറങ്ങാതിരുന്ന ക്യാപ്റ്റന്‍ ശുഭ്മാന്‍ ഗില്‍ ഇന്നലെ രണ്ടാം ഇന്നിംഗ്‌സില്‍ ക്രീസിലെത്തി.ശ്രീലങ്ക ക്രിക്കറ്റ് ഇലവന് എതിരായ പരിശീലന മത്സരം ടീം ഇന്ത്യ ആറു വിക്കറ്റ് ജയത്തോടെ അവസാനിപ്പിച്ചു. സ്‌കോര്‍: ശ്രീലങ്ക ക്രിക്കറ്റ് ഇലവന്‍ 363/8 ഡിക്ലയേര്‍ഡ്, 200/6 ഡിക്ലയേര്‍ഡ്. ഇന്ത്യ 357/6 ഡിക്ലയേര്‍ഡ്, 214/4 ഡിക്ലയേര്‍ഡ്.രണ്ടാംദിനത്തിലെ സ്‌കോറില്‍ (357/6) ഇന്ത്യന്‍ ടീം ഇന്നിംഗ്‌സ് ഡിക്ലയര്‍ ചെയ്തതോടെയാണ് മൂന്നാംദിനം കളിയാരംഭിച്ചത്. തുടര്‍ന്ന് ശ്രീലങ്കന്‍ ക്രിക്കറ്റ് ഇലവന്‍ രണ്ടാം ഇന്നിംഗ്‌സിനായി ക്രീസിലെത്തി. ആദ്യ ഇന്നിംഗ്‌സില്‍ അര്‍ധസെഞ്ചുറി നേടിയ നിഷാന്‍ ഫെര്‍ണാണ്ടോ (66) രണ്ടാം ഇന്നിംഗ്‌സിലും (63) അതാവര്‍ത്തിച്ചു. 73 പന്തിലായിരുന്നു ഫെര്‍ണാണ്ടോയുടെ 63 റണ്‍സ്. നിപുന്‍ ധനഞ്ജയയാണ് (46) ആതിഥേയ ടീമിന്‍റെ രണ്ടാം ഇന്നിംഗ്‌സില്‍ ഭേദപ്പെട്ട ബാറ്റിംഗ് കാഴ്ചവച്ച മറ്റൊരു താരം. ഇന്ത്യയുടെ ഗുര്‍ണൂര്‍ ബ്രാര്‍, രവീന്ദ്ര ജഡേജ എന്നിവര്‍ രണ്ടു വിക്കറ്റ് വീതം സ്വന്തമാക്കി. മുഹമ്മദ് സിറാജ്, പ്രസിദ്ധ് കൃഷ്ണ എന്നിവര്‍ ഓരോ വിക്കറ്റ് വീഴ്ത്തി.പരിശീലനത്തിനിടെ കൈവിരലിനു പരിക്കേറ്റ ശുഭ്മാന്‍ ഗില്‍ ആദ്യദിനം കളത്തില്‍നിന്നു വിട്ടുനിന്നപ്പോള്‍ കെ.എല്‍. രാഹുല്‍ ആയിരുന്നു ഇന്ത്യയെ നയിച്ചത്. ആദ്യ ഇന്നിംഗ്‌സില്‍ രാഹുല്‍ 40 റണ്‍സ് നേടുകയും ചെയ്തു. രണ്ടാം ഇന്നിംഗ്‌സില്‍ രാഹുലിനു പകരം ശുഭ്മാന്‍ ഗില്ലാണ് ഓപ്പണിംഗ് റോളില്‍ എത്തിയത്.

🔹യാഷിനെ നായകനാക്കി ഗീതു മോഹൻദാസ് സംവിധാനം ചെയ്യുന്ന ടോക്സിക്ക് എന്ന ചിത്രത്തിന്‍റെ ട്രെയിലർ റിലീസ് ചെയ്തു. ഇരട്ട വേഷത്തിൽ മൂന്ന് ഗെറ്റപ്പുകളിലാണ് യാഷ് ടോക്സിക്കിൽ എത്തുന്നത്.രായ എന്ന കഥാപാത്രമായും രായയുടെ മകന്‍റെ വേഷത്തിലും യാഷ് സിനിമയിൽ ഉണ്ട് എന്നാണ് ട്രെയിലർ നൽകുന്ന സൂചനകൾ.കിയാര അദ്വാനി, നയൻതാര, താരാ സുതാരിയ, ഹിമ ഖുറേഷി, രുഗ്മിണി വസന്ത് എന്നിങ്ങനെ അഞ്ച് നായികമാരാണ് ചിത്രത്തിലുള്ളത്. ശക്തമായ സ്ത്രീ കഥാപാത്രങ്ങളാകും സിനിമയിൽ എന്നും സൂചനകളുണ്ട്.
മലയാളിയായ സുദേവ് നായരും പ്രധാന വേഷത്തിലുണ്ട്. ഗീതു മോഹൻദാസും യാഷും ചേർന്നാണ് ചിത്രത്തിന്‍റെ കഥ എഴുതിയിരിക്കുന്നത്. രാജീവ് രവിയാണ് ഛായാഗ്രഹണം നിർവഹിച്ചിരിക്കുന്നത്.രവി ബസ്രൂർ, വിശാൽ മിശ്ര, തനിഷ്ക് ബാഗ്ചി എന്നിവർ സംഗീത സംവിധാനം നിർവഹിക്കുന്നു. കന്നഡയിലും ഇംഗ്ലീഷിലുമാണ് സിനിമ ചിത്രീകരിച്ചിരിക്കുന്നത്. മലയാളം, തമിഴ്, തെലുങ്ക്, ഹിന്ദി എന്നീ ഭാഷകളിലും ചിത്രം ഓഗസ്റ്റ് 26ന് റിലീസ് ചെയ്യും. കെവിഎൻ പ്രൊഡക്ഷൻസും മോൺസ്റ്റർ മൈൻഡ് ക്രിയേഷൻസും ചേർന്നാണ് ചിത്രം നിർമിക്കുന്നത്.
കന്നഡയിലും ഇംഗ്ലീഷിലുമായി ഒരേസമയം ചിത്രീകരണം പൂർത്തിയാക്കുന്ന ടോക്സിക്, മലയാളം ഉൾപ്പെടെ ആറോളം ഭാഷകളിലാകും പ്രദർശനത്തിനെത്തുക.

🔹മലയാളികളുടെ പ്രിയതാരം മോഹൻലാലിന്‍റെ മകൾ വിസ്മയ മോഹൻലാലും നിർമാതാവ് ആന്‍റണി പെരുന്പാവൂരിന്‍റെ മകൻ ആശിഷ് ജോ ആന്‍റണിയും അരങ്ങേറ്റം കുറിക്കുന്ന തുടക്കം എന്ന ചിത്രത്തിന് ആദ്യദിനം ഗംഭീര കളക്ഷൻ. മോഹൻലാലിന്‍റെ അഭിനയപാരമ്പര്യം പേറി കാമറയ്ക്കു മുന്നിലെത്തുകയെന്നത് വിസ്മയക്കു വലിയ വെല്ലുവിളിയായിരുന്നു. ആ വെല്ലുവിളിയെ പ്രതിഭ കൊണ്ടും ആത്മവിശ്വാസം കൊണ്ടും നേരിട്ട്, പ്രേക്ഷകരുടെ കൈയടി നേടിയിരിക്കുകയാണ് യുവതാരം. 2018 എന്ന ചിത്രത്തിന്‍റെ സൂപ്പർ ഹിറ്റ് വിജയത്തിനുശേഷം ജൂഡ് ആന്തണി ജോസഫ് സംവിധാനം ചെയ്ത തുടക്കം, പേര് അന്വർഥമാക്കും വിധം വിസ്മയയുടെ അഭിനയ ജീവിതത്തിലെ ഗംഭീരമായ തുടക്കമായി മാറിയിരിക്കുന്നു.

💦 ഗുരുജിയുടെ വാക്കുകൾ
*****************************

സ്നേഹവും പരിഗണനയും ഒരിക്കലും ആരുടെയും മുന്നിൽ യാചിച്ചു വാങ്ങേണ്ട ഒന്നല്ല. നമുക്ക് പ്രിയപ്പെട്ടവരാണെന്ന് നമ്മൾ കരുതുന്നവരുടെ അരികിൽ നിന്ന് അൽപ്പം സമയത്തിനുവേണ്ടി അല്ലെങ്കിൽ ഒരു നല്ല വാക്കിനുവേണ്ടി നമ്മൾ നിരന്തരം കേഴേണ്ടി വരുന്നുണ്ടെങ്കിൽ, അവിടെ മനസ്സിലാക്കേണ്ട ഒരു സത്യമുണ്ട്—നമ്മുടെ സാന്നിധ്യം അവർക്ക് അത്രയധികം വിലപ്പെട്ടതല്ല എന്നത്.
ജീവിതത്തിൽ തിരക്കുകൾ ഇല്ലാത്തവരായി ആരുമില്ല. എന്നാൽ തങ്ങൾക്ക് പ്രിയപ്പെട്ടവർക്കായി എത്ര വലിയ തിരക്കുകൾക്കിടയിലും സമയം കണ്ടെത്താൻ മനസ്സുള്ളവരാണ് യഥാർത്ഥത്തിൽ നമ്മെ സ്നേഹിക്കുന്നവർ. നമ്മെ ഒഴിവാക്കുന്നവരുടെ മുന്നിൽ സ്വയം വില കളഞ്ഞു കൊടുക്കാതെ, നമ്മുടെ ആത്മാഭിമാനത്തിന് പ്രാധാന്യം നൽകി ജീവിക്കാൻ പഠിക്കുക. സ്നേഹം യാചനയിലൂടെയല്ല, മറിച്ച് പരസ്പരമുള്ള മനസ്സിലാക്കലിലൂടെയാണ് വളരേണ്ടത്.

ചരിത്രത്തിൽ ഇന്നത്തെ ദിവസത്തിന്റെ പ്രാധാന്യങ്ങൾ
********************************************************************

ഓഗസ്റ്റ് 10

•ലോക സിംഹ ദിനം (World Lion Day):കാടുകളുടെ രാജാവായ സിംഹങ്ങളുടെ സംരക്ഷണത്തെക്കുറിച്ചും അവ നേരിടുന്ന വംശനാശ ഭീഷണിയെക്കുറിച്ചും ആഗോളതലത്തിൽ അവബോധം സൃഷ്ടിക്കുന്നതിനാണ് ഓഗസ്റ്റ് 10 ലോക സിംഹ ദിനമായി ആചരിക്കുന്നത്.നിയമവിരുദ്ധമായ വേട്ടയാടൽ തടയുക, സിംഹങ്ങളുടെ സ്വാഭാവിക വാസസ്ഥലങ്ങൾ സംരക്ഷിക്കുക എന്നിവയാണ് പ്രധാന ലക്ഷ്യങ്ങൾ.2013-ൽ ‘ബിഗ് ക്യാറ്റ് റെസ്ക്യൂ’ (Big Cat Rescue) എന്ന സംഘടനയുടെ നേതൃത്വത്തിലാണ് ഈ ദിനാചരണം ആരംഭിച്ചത്. ഇന്ത്യയിലെ ഗുജറാത്തിലുള്ള ഗിർ ദേശീയോദ്യാനം ഏഷ്യറ്റിക് സിംഹങ്ങളുടെ സംരക്ഷണത്തിൽ പ്രധാന പങ്ക് വഹിക്കുന്നു.

•ലോക ജൈവഇന്ധന ദിനം (World Biofuel Day)ഫോസിൽ ഇന്ധനങ്ങൾക്ക് (പെട്രോൾ, ഡീസൽ) പകരമായി പരിസ്ഥിതി സൗഹൃദമായ അസംസ്‌കൃത ജൈവഇന്ധനങ്ങളുടെ പ്രാധാന്യം ജനങ്ങളിലെത്തിക്കാൻ ഈ ദിവസം ഉപയോഗിക്കുന്നു.ഡീസൽ എഞ്ചിന്റെ ഉപജ്ഞാതാവായ സർ റുഡോൾഫ് ഡീസൽ, 1893 ഓഗസ്റ്റ് മാസത്തിൽ ആദ്യമായി നിലക്കടല എണ്ണ (Peanut oil) ഉപയോഗിച്ച് മെക്കാനിക്കൽ എഞ്ചിൻ വിജയകരമായി പ്രവർത്തിപ്പിച്ചതിന്റെ ഓർമ്മപ്പെടുത്തലായാണ് ഈ ദിവസം തിരഞ്ഞെടുത്തത്.ഭാരത സർക്കാരിന്റെ പെട്രോളിയം-പ്രകൃതി വാതക മന്ത്രാലയം 2015 മുതൽ ഈ ദിവസം ഔദ്യോഗികമായി ആചരിച്ചുവരുന്നു.

•ദേശീയ വിരവിമുക്ത ദിനം (National Deworming Day): ഇന്ത്യയിൽ കുട്ടികളിലെ വിരശല്യം ഇല്ലാതാക്കാൻ വർഷത്തിൽ രണ്ടുതവണ (ഫെബ്രുവരിയിലും ഓഗസ്റ്റിലും) നടത്തുന്ന ഗുളിക വിതരണ ക്യാമ്പുകളുടെ ഭാഗമായി ഓഗസ്റ്റ് 10 പല സംസ്ഥാനങ്ങളിലും വിരവിമുക്ത ദിനമായി ആചരിക്കാറുണ്ട്.

•വി. വി. ഗിരി ജന്മദിനം: ഇന്ത്യയുടെ നാലാമത്തെ രാഷ്ട്രപതിയായിരുന്ന വി. വി. ഗിരിയുടെ (വരാഹഗിരി വെങ്കട ഗിരി) ജന്മദിനമാണ് ഓഗസ്റ്റ് 10 (1894)

തയ്യാറാക്കിയത്: കപിൽ ശങ്കർ

4 Likes

📱വാർത്തകൾ ഒറ്റനോട്ടത്തിൽ📱 – 2026 | ഓഗസ്റ്റ് 10 | തിങ്കൾ ✍️ കപിൽ ശങ്കർ

💦 ഗുരുജിയുടെ വാക്കുകൾ
*****************************

ചരിത്രത്തിൽ ഇന്നത്തെ ദിവസത്തിന്റെ പ്രാധാന്യങ്ങൾ
********************************************************************

ഓഗസ്റ്റ് 10

തയ്യാറാക്കിയത്: കപിൽ ശങ്കർ

📱വാർത്തകൾ ഒറ്റനോട്ടത്തിൽ📱 – 2026 | ഓഗസ്റ്റ് 13 | വ്യാഴം ✍️ കപിൽ ശങ്കർ

1,000-ലേറെ വ്യാജവിവാഹങ്ങൾ; ഗ്രീൻ കാർഡിനായി വൻ തട്ടിപ്പ് ശൃംഖല; അമേരിക്കയിൽ 11 പേർക്കെതിരെ കേസ്

ടൊയോട്ടയുടെ വൻ റിക്കോൾ; 5 ലക്ഷത്തിലധികം വാഹനങ്ങളിൽ സുരക്ഷാ ആശങ്ക

1 COMMENT

LEAVE A REPLY Cancel reply

Most Popular

📱വാർത്തകൾ ഒറ്റനോട്ടത്തിൽ📱 – 2026 | ഓഗസ്റ്റ് 13 | വ്യാഴം ✍️ കപിൽ ശങ്കർ

ഓപ്പറേഷൻ തണ്ടർ: കോട്ടയത്ത് ലഹരി മിഠായികളുമായി പ്രായപൂർത്തിയാകാത്ത മൂന്ന് കുട്ടികൾ എക്സൈസിന്റെ പിടിയിൽ.

Recent Comments

EDITOR PICKS

📱വാർത്തകൾ ഒറ്റനോട്ടത്തിൽ📱 – 2026 | ഓഗസ്റ്റ് 13 | വ്യാഴം ✍️ കപിൽ ശങ്കർ

ഓപ്പറേഷൻ തണ്ടർ: കോട്ടയത്ത് ലഹരി മിഠായികളുമായി പ്രായപൂർത്തിയാകാത്ത മൂന്ന് കുട്ടികൾ എക്സൈസിന്റെ പിടിയിൽ.

POPULAR POSTS

ഭർത്താവിനെ ശ്വാസംമുട്ടിച്ചു കൊന്ന കേസ്; ഭാര്യയും ഇരുപതുകാരനായ കാമുകനും അറസ്റ്റിൽ.

POPULAR CATEGORY

ABOUT US

FOLLOW US

📱വാർത്തകൾ ഒറ്റനോട്ടത്തിൽ📱 – 2026 | ഓഗസ്റ്റ് 10 | തിങ്കൾ ✍️ കപിൽ ശങ്കർ

💦 ഗുരുജിയുടെ വാക്കുകൾ *****************************

ചരിത്രത്തിൽ ഇന്നത്തെ ദിവസത്തിന്റെ പ്രാധാന്യങ്ങൾ ********************************************************************

ഓഗസ്റ്റ് 10

തയ്യാറാക്കിയത്: കപിൽ ശങ്കർ

1 COMMENT

LEAVE A REPLY Cancel reply

Most Popular

Recent Comments

EDITOR PICKS

POPULAR POSTS

POPULAR CATEGORY

ABOUT US

FOLLOW US

💦 ഗുരുജിയുടെ വാക്കുകൾ
*****************************

ചരിത്രത്തിൽ ഇന്നത്തെ ദിവസത്തിന്റെ പ്രാധാന്യങ്ങൾ
********************************************************************