മുറ്റത്തെ മണ്ണിൽ
മുത്തുപോൽ വിരിഞ്ഞ
തുമ്പപ്പൂക്കൾ
ഓണവരവറിയിച്ചു…
പാടവരമ്പിലൂടെ
ഓടിയെത്തിയ കാറ്റിൽ
പൂക്കളുടെ മണവും
ഓണപ്പാട്ടും നിറഞ്ഞു…
തറവാട്ടുമുറ്റത്ത്
പൂക്കളം തീർക്കുമ്പോൾ
കുഞ്ഞിക്കൈകളിൽ
നിറങ്ങൾ ചിരിച്ചു…
അടുക്കളപ്പുകയ്ക്കൊപ്പം
അമ്മയുടെ കൈപ്പുണ്യവും
പായസത്തിന്റെ മധുരവും
വീടാകെ പടർന്നു…
ഊഞ്ഞാലിലാടിയ
ബാല്യത്തിന്റെ ചിരികൾ
മാവിൻചില്ലകളിൽ
ഇന്നും ബാക്കിയുണ്ട്…
കൊയ്ത്തുപാട്ടുപോലെ
മനസ്സുകൾ ചേർന്നപ്പോൾ,
ഗ്രാമം മുഴുവൻ
ഒരു തറവാടായി…
കാലം മാറിയാലും
മണ്ണിന്റെ മണത്തിൽ
മായാതെ നിൽക്കുന്നു—
എന്റെ നാടിന്റെ ഓണം…
കാലം മാറിയാലും ഓണ ഓർമ്മകൾക്ക് എന്നും ബാല്യത്തിൻ്റെ മധുരം തന്നെയാണ്ട്🥰 സുന്ദരമായ കുഞ്ഞുകവിത🤝 ഓണാശംസകൾ ജിഷ🌹❤️😊
സ്നേഹം നന്ദി സന്തോഷം ❤️🙏
👌
സന്തോഷം നന്ദി സർ 🙏