👫കുട്ടീസ് കോർണർ 👬👫 (നൂറാം വാരം) ✍ സൈമ ശങ്കർ, മൈസൂർ

ഹായ് കുട്ടീസ്!! വീണ്ടും കുട്ടീസ് കോർണറിലേയ്ക്ക് സ്വാഗതം 😍

ഈ ആഴ്ച നമുക്ക് A)തീപ്പെട്ടി ചിത്ര വിവരണം. B)വാക്കിലെ പകരക്കാരൻ
C)ഗുണപാഠകഥ, പിന്നെ കുറച്ച് D)പഴഞ്ചൊല്ലുകളും, കൂടാതെ ഈ ആഴ്ചയും എളുപ്പത്തിൽ(E) സ്റ്റെപ് ബൈ സ്റ്റെപ് ആയി വരയ്ക്കുന്ന ഒരു ചിത്രം കൂടി കാണാം ട്ടോ 😍 കുട്ടീസ് ഒഴിവു സമയങ്ങളിൽ അവ വരച്ചു നോക്കാറുണ്ടോ?മനസ്സിന്റെ ഉല്ലാസത്തിനും, ഏകാഗ്രതയ്ക്കും ചിത്ര രചന ഏറെ പ്രയോജനം ചെയ്യും 😍

എന്ന് സ്വന്തം
ശങ്കരിയാന്റി.

👫A) തീപ്പെട്ടി ചിത്രം (2)

കുട്ടീസ്…..! ഈ ആഴ്ചയും തീപ്പെട്ടിയിലെ ചിത്രം കണ്ടൊരു വിശദീകരണം ആയാലോ…?

ചന്ദ്രൻ

ഭൂമിയുടെ ഒരേയൊരു പ്രകൃതിദത്ത ഉപഗ്രഹമാണ് ചന്ദ്രൻ. 384,403 km അപ്പുറത്തു നിന്ന്, എന്നും പാൽപ്പുഞ്ചിരി കാണിച്ചു നമ്മളെ സദാ ആകർഷിക്കുന്ന ഭൂമിയുടെ പ്രകൃത്യാ ഉള്ള സ്വന്തം ഉപഗ്രഹമായ ചന്ദ്രന്‍. ഭൂമിയുടെ വ്യാസത്തിന്റെ ഏകദേശം മുപ്പത് മടങ്ങ് വരും ഈ ദൂരം. ഭൂമിക്ക് ചുറ്റും ഒരു തവണ പ്രദക്ഷിണം ചെയ്യാൻ ചന്ദ്രന് 27.3 ദിവസങ്ങൾ വേണം.

3,474 കി.മീ. ആണ് ചന്ദ്രന്റെ വ്യാസം, ഉപരിതലത്തിലെ ഗുരുത്വാകർഷണ ശക്തി ഭൂമിയുടെ ഉപരിതലത്തിൽ അനുഭവപ്പെടുന്നതിന്റെ പതിനേഴ് ശതമാനമാണ്. ചന്ദ്രന്റെ ഉപരിതലത്തിൽ തട്ടി പ്രതിഫലിക്കുന്ന സൂര്യപ്രകാശം ഭൂമിയിലെത്താൻ ഏകദേശം 1.3 സെക്കന്റുകൾ എടുക്കുന്നു. സൗരയൂഥത്തിലെ 8 ഗ്രഹങ്ങളുടെ സ്വാഭാവിക ഉപഗ്രഹങ്ങളിൽ വലിപ്പം , ഭാരം, വ്യാസം എന്നിവയിൽ ചന്ദ്രൻ അഞ്ചാം സ്ഥാനത്താണ്‌. ഭൂമിയില്‍ 60 കിലോഗ്രാം ഭാരമുള്ള ഒരാള്‍ക്ക് ചന്ദ്രനില്‍ 10 കിലോഗ്രാമേ ഉണ്ടാകൂ. ഭൂമിക്ക്‌ പുറത്ത്‌ മനുഷ്യൻ ചെന്നെത്തിയിട്ടുള്ള ഒരേയൊരു ശൂന്യാകാശ ഗോളം ചന്ദ്രനാണ്‌.

സാഹിത്യകാരന്മാർക്കും ചിത്രകാരന്മാർക്കും എല്ലാം എന്നും ഒരു പ്രചോദനമായിട്ടാണ് ചന്ദ്രൻ നിലകൊള്ളുന്നത്‌. കവിത, കഥ , നാടകം, സംഗീതം, ചിത്രങ്ങൾ എന്നിവയിലെല്ലാം ഒരു പ്രതിരൂപമാണ് ഈ ഗോളം. പുരാതന കാല ഘട്ടത്തിൽ പല സംസ്കാരങ്ങളിലും ചന്ദ്രനെ ഒരു ദൈവമായി ആരാധിച്ചു പോന്നിരുന്നു. ഹിന്ദു പുരാണപ്രകാരം ചന്ദ്രൻ ഒരു ദേവതയാണ്‌. ഇന്നും ചന്ദ്രനെ അടിസ്ഥാനമാക്കിയുള്ള ജ്യോതിഷരീതികൾ നിലവിലുണ്ട്‌. ഇരുപതാം നൂറ്റാണ്ടിന്റെ ആദ്യ പകുതിയുടെ അവസാനം വരെ ചന്ദ്രന്റെ ദൂരപക്ഷ ഭാഗത്തെക്കുറിച്ച് യാതൊന്നും തന്നെ അറിയപ്പെട്ടിരുന്നില്ല. ഭൂമിയെ പ്രദക്ഷിണം ചെയ്യുന്ന അതേ സമയ ദൈർഘ്യം കൊണ്ടു തന്നെയാണ് ചന്ദ്രൻ അതിന്റെ അച്ചുതണ്ടിൽ ഭ്രമണം ചെയ്യുന്നതും, അതിനാൽ തന്നെ ഭൂമിയിൽ നിന്ന് നിരീക്ഷിക്കുമ്പോൾ എല്ലായ്പ്പോഴും ഒരുവശം മാത്രമേ ദൃഷ്ടിയിൽ പെട്ടുകയുള്ളു . മുൻപ് കൂടിയ വേഗത്തിൽ ഭ്രമണം ചെയ്തിരുന്ന ചന്ദ്രൻ ഭൂമിയുമായുള്ള ഘർഷണ പ്രഭാവങ്ങൾ നിമിത്തം ഭ്രമണവേഗം കുറഞ്ഞ് ഇന്നത്തെ അവസ്ഥയിൽ സ്ഥിരപ്പെടുകയായിരുന്നു.

ഭൂമിയിൽ നിന്ന് നഗ്നനേത്രങ്ങൾ ക്കൊണ്ട് വീക്ഷിക്കുമ്പോൾ ദൃശ്യമാകുന്ന കറുത്ത പാടുകൾ മരിയ (Maria) എന്നറിയപ്പെടുന്നു. ലാറ്റിനിൽ കടലുകൾ എന്നാണ് ഈ വാക്കിനർത്ഥം. പുരാതന വാന നിരീക്ഷകർ ഇവ ചന്ദ്രനിലെ കടലുകളാണ് എന്നായിരുന്നു ധരിച്ചിരുന്നത്. പ്രാചീനകാലത്ത് ബാസാൾട്ട് ലാവകൾ ഉറച്ചുണ്ടായ സമതലങ്ങളാണ് അവ.

ചന്ദ്രനിൽ പകൽസമയത്തെ ശരാശരി ഉപരിതലതാപനില 107 ഡിഗ്രി സെൽഷ്യസും രാത്രി -153 ഡിഗ്രി സെൽഷ്യസുമാണ്‌ . സൂര്യൻ, ചന്ദ്രൻ, ഭൂമി എന്നിവ ഒരു നേർ രേഖയിൽ വരുമ്പോഴാണ് ഗ്രഹണം എന്ന പ്രതിഭാസം സംഭവിക്കുന്നത്‌. ചന്ദ്രഗ്രഹണം നടക്കുന്നത്‌ പൗർണ്ണമി ദിനത്തിലും സൂര്യഗ്രഹണം നടക്കുന്നത് അമാവാസി ദിനത്തിലുമാണ്‌. സൂര്യനും ചന്ദ്രനും ഇടയിൽ ഭൂമി വരുമ്പോൾ ഭൂമിയുടെ നിഴൽ ചന്ദ്രനിൽ പതിക്കുന്നതിനെയാണ് ചന്ദ്രഗ്രഹണം എന്ന്‌ പറയുന്നത്‌. ചന്ദ്രൻ ഭൂമിയുടെയും സൂര്യന്റെയും ഇടയിൽ വരുന്നതിനാൽ ഭൂമിയിൽ ചന്ദ്രന്റെ നിഴൽ വീഴുന്നത് സൂര്യ ഗ്രഹണം എന്നും അറിയപ്പെടുന്നു. രണ്ട് ഗ്രഹണങ്ങളിലും പൂർണ്ണ ഗ്രഹണവും ഭാഗീക ഗ്രഹണവും നടക്കാറുണ്ട്‌. എന്റെ ശേഖരണത്തിലെ ചന്ദ്രന്റെ ചിത്രമുള്ള തീപ്പെട്ടി താഴെ ചേർക്കുന്നു.

📗📗

👫B) വാക്യത്തിലെ പകരക്കാരൻ

കുട്ടീസ്……!😍 വാക്യത്തിലെ പകരക്കാരൻ ഈ ആഴ്ചയും അറിഞ്ഞോളൂ

മലയാളത്തിൽ ഒരു വാക്യം അല്ലെങ്കിൽ നീണ്ട ചില പദങ്ങളുടെ അർത്ഥം ഒരു പദം ഉപയോഗിച്ച് എളുപ്പത്തിൽ പകരക്കാരൻ ആകാൻ പറ്റും. പരീക്ഷകൾ, അധ്യാപകർ, കുട്ടികൾ, ജോലി തേടുന്നവർ..അങ്ങനെ ഒട്ടേറെ സാഹചര്യങ്ങളിൽ വളരെ പ്രയോജനം നൽകുന്ന നല്ലൊരു ശേഖരമാകുന്നു ഇത് എന്ന് മുൻപേ പറഞ്ഞിരുന്നല്ലോ. 😍

1. തപസ്സു ചെയ്യുന്ന കാട് – തപോവനം

2. തനിയെ ഇരിക്കുന്നവൻ – ഏകാകി

3. തിരിച്ചു വരാത്ത പോക്ക് – ഒരുപ്പോക്ക്

4. തലമുറകളായി കിട്ടിയ സംസ്കാരം – പാരമ്പര്യം

5. സ്വയം പുകഴ്ത്തൽ – ആത്മപ്രശംസ

6. ഉയർന്നും താഴ്ന്നും ഉള്ളത് – നിമ്നോന്നതം

7. സ്വയം നിന്ദിക്കൽ – ആത്മനിന്ദ

8. സ്വയം രചിച്ച സ്വന്തം ജീവചരിത്രം – ആത്മകഥ

9. താളത്തിന്റെ ആദ്യം മുതൽ അവസാനം വരെയുള്ള സമയം – താളവട്ടം

10. താളമേളത്തോടെ കഥകൾ അവതരിപ്പിക്കുക – കഥാകാലക്ഷേപം

📗📗

👫C) ഗുണപാഠ കഥ

ഒരു ഏകാകിയായ ആന ഒരു നല്ല സുഹൃത്തിനെ തേടി കാട്ടിലൂടെ നടക്കുകയായിരുന്നു. ആന കുരങ്ങിനെ കണ്ടുമുട്ടി അവനോട് സൗഹൃദം ചോദിച്ചു. ആനയ്ക്ക് മരങ്ങളിൽ ആടാൻ കഴിയാത്തതിനാൽ കുരങ്ങൻ വിസമ്മതിച്ചു. ആന ചലിച്ചുകൊണ്ടേയിരുന്നു, മുയലിനെ കണ്ടുമുട്ടി. അവൻ മുയലിനോട് സൗഹൃദം ചോദിച്ചു, പക്ഷേ ആന തന്റെ മാളത്തിന് വളരെ വലുതായതിനാൽ മുയൽ വിസമ്മതിച്ചു. ആന തുടർന്നു, ഒരു തവളയെ കണ്ടുമുട്ടി, അവൻ മറ്റ് മൃഗങ്ങളോട് ചോദിച്ച അതേ ചോദ്യം ചോദിച്ചു. ആനയ്ക്ക് അവനെപ്പോലെ ചാടാൻ കഴിയാത്തതിനാൽ തവള സൗഹൃദം നിരസിച്ചു. ആനകൾ ഒരേ ചോദ്യം വിവിധ മൃഗങ്ങളോട് ചോദിച്ചെങ്കിലും അതേ ഉത്തരം ലഭിച്ചു. പിന്നീട്, അതേ ദിവസം തന്നെ, എല്ലാ മൃഗങ്ങളും ഭയന്ന് ഓടുന്നത് ആന കണ്ടു. ആന കരടിയെ തടഞ്ഞു നിർത്തി എന്തിനാണ് ആ തിരക്കിന്റെ കാരണം എന്ന് ചോദിച്ചു. ഒരു കടുവ അവരെ ആക്രമിച്ചതായി കരടി അവനോട് പറഞ്ഞു. എല്ലാ മൃഗങ്ങളെയും ആക്രമിക്കുന്നത് നിർത്താൻ ആന മാന്യമായി കടുവയോട് ആവശ്യപ്പെട്ടു, പക്ഷേ കടുവ അവന്റെ അഭ്യർത്ഥന നിരസിച്ചു. മറ്റ് മാർഗമൊന്നും കാണാതെ ആന കടുവയെ ആക്രമിച്ച് ആട്ടിയോടിച്ചു. എല്ലാ മൃഗങ്ങളും ആനയോട് നന്ദിയുള്ളവരായി, അവരുടെ സുഹൃത്താകാൻ പറ്റിയ വലുപ്പമാണിതെന്ന് പറഞ്ഞു.

ഗുണപാഠം: സുഹൃത്തുക്കൾ ഏത് വലുപ്പത്തിലും ആകൃതിയിലും ആകാം.

📗📗

👫 D) പഴഞ്ചൊല്ലുകൾ

1.പെൺപട പടയല്ല, മൺചിറ ചിറയല്ല

2.പെൺപിറന്ന വീടു പോലെ

3.പെൺബുദ്ധി പിൻബുദ്ധി

4.പെറ്റവൾക്കറിയാം പിള്ളവരുത്തം

5.മകം പിറന്ന മങ്ക

6.മുടിയാൻകാലത്തു്‌ മുന്നലപുരത്തൂന്നൊരു പെണ്ണു കെട്ടി,അവളും മുടിഞ്ഞു,ഞാനും മുടിഞ്ഞു

7.മണ്ണും പെണ്ണും നന്നാക്കുന്ന പോലെ

8.വേലക്കള്ളിക്കു പിള്ളസാക്ഷി

9.വീക്ക് ഭർത്താവിന്‌ പോക്ക് ഭാര്യ

10.സ്ത്രീകളുടെ മുടിക്കു നീളം കൂടും,പക്ഷേ ബുദ്ധിക്കു കുറയും

📗📗

👫E) എളുപ്പത്തിൽ ഒരു ചിത്രം വരയ്ക്കാം (84)

അവതരണം:
സൈമ ശങ്കർ മൈസൂർ
➖➖➖➖➖➖➖➖➖➖➖
👬👭👫👭👬👭👫👭👬👭

192 Likes

👫കുട്ടീസ് കോർണർ 👬👫 (നൂറാം വാരം) ✍ സൈമ ശങ്കർ, മൈസൂർ

👫A) തീപ്പെട്ടി ചിത്രം (2)

ചന്ദ്രൻ

👫B) വാക്യത്തിലെ പകരക്കാരൻ

👫C) ഗുണപാഠ കഥ

📗📗

👫E) എളുപ്പത്തിൽ ഒരു ചിത്രം വരയ്ക്കാം (84)

അവതരണം:
സൈമ ശങ്കർ മൈസൂർ
➖➖➖➖➖➖➖➖➖➖➖
👬👭👫👭👬👭👫👭👬👭

ഇന്ത്യയിലേക്കുള്ള എല്‍എന്‍ജിയുമായി ഒരു ചരക്ക് കപ്പല്‍ കൂടി ഹോര്‍മൂസ് കടലിടുക്ക് കടന്നു

‘നാമം ‘ (NAMAM) എക്സലൻസ് അവാർഡ് ഓഗസ്റ്റ് 2 ന് മാതൃകാവ്യക്തിത്വങ്ങൾക്ക്

1 COMMENT

LEAVE A REPLY Cancel reply

Most Popular

ഇന്ത്യയിലേക്കുള്ള എല്‍എന്‍ജിയുമായി ഒരു ചരക്ക് കപ്പല്‍ കൂടി ഹോര്‍മൂസ് കടലിടുക്ക് കടന്നു

വെള്ളിയാഴ്ച വരെ മുഖ്യമന്ത്രിയെ സന്ദർശിക്കുന്നതിന് നിയന്ത്രണം.

പ്രിയദര്‍ശിനി പദ്ധതി റദ്ദാക്കണം എന്നാവശ്യപ്പെട്ട് ഹൈക്കോടതിയില്‍ പൊതുതാല്‍പര്യ ഹര്‍ജി

Recent Comments

EDITOR PICKS

ഇന്ത്യയിലേക്കുള്ള എല്‍എന്‍ജിയുമായി ഒരു ചരക്ക് കപ്പല്‍ കൂടി ഹോര്‍മൂസ് കടലിടുക്ക് കടന്നു

വെള്ളിയാഴ്ച വരെ മുഖ്യമന്ത്രിയെ സന്ദർശിക്കുന്നതിന് നിയന്ത്രണം.

POPULAR POSTS

ഇന്ത്യയിലേക്കുള്ള എല്‍എന്‍ജിയുമായി ഒരു ചരക്ക് കപ്പല്‍ കൂടി ഹോര്‍മൂസ് കടലിടുക്ക് കടന്നു

പ്രശസ്ത യുവനടി സഞ്ജിത ഉഗാലെയെ വീടിനുള്ളില്‍ തൂങ്ങിമരിച്ച നിലയില്‍ കണ്ടെത്തി

തമിഴ്‌നാട്ടിൽ മൂന്ന് വയസ്സുകാരി ലൈംഗിക അതിക്രമത്തിന് ഇരയായി കൊല്ലപ്പെട്ടു.

POPULAR CATEGORY

ABOUT US

FOLLOW US

👫കുട്ടീസ് കോർണർ 👬👫 (നൂറാം വാരം) ✍ സൈമ ശങ്കർ, മൈസൂർ

👫A) തീപ്പെട്ടി ചിത്രം (2)

ചന്ദ്രൻ

👫B) വാക്യത്തിലെ പകരക്കാരൻ

👫C) ഗുണപാഠ കഥ

📗📗

👫E) എളുപ്പത്തിൽ ഒരു ചിത്രം വരയ്ക്കാം (84)

അവതരണം: സൈമ ശങ്കർ മൈസൂർ ➖➖➖➖➖➖➖➖➖➖➖ 👬👭👫👭👬👭👫👭👬👭

1 COMMENT

LEAVE A REPLY Cancel reply

Most Popular

Recent Comments

EDITOR PICKS

POPULAR POSTS

POPULAR CATEGORY

ABOUT US

FOLLOW US

അവതരണം:
സൈമ ശങ്കർ മൈസൂർ
➖➖➖➖➖➖➖➖➖➖➖
👬👭👫👭👬👭👫👭👬👭