ഈ നാട്ടിലെ ഓരോ നമ്പൂതിരി ഇല്ലങ്ങളിലും ഓരോ സർപ്പക്കാവുകൾ ഉണ്ട്.
കല്ലുകൊണ്ട് വേർതിരിച്ച് അവയെ സൂക്ഷിച്ചിട്ടുണ്ടായിരുന്നു.
മനുഷ്യസ്പർശം മേൽക്കാതെ അത്തരം കാവുകളിൽ പല ജാതി വൃക്ഷലതാദികൾ ഇടതൂർന്നു വളർന്നിട്ടുണ്ടായിരുന്നു.
ചിതൽപ്പുറ്റു നിറഞ്ഞ അവിടെ നിലമാകെ കൊഴിഞ്ഞ ഇലകൾ
നിറഞ്ഞിരിക്കുന്നുണ്ടായിരുന്നു.
കാവിന്റെ അരികിലൂടെ ഞാൻ പലവട്ടം നടന്നിട്ടുണ്ടായിരുന്നു.
പാമ്പുകളെ കാണുമോ ഉപദ്രവിക്കുമോ ഉള്ള ഒരു ഉൾഭയത്തോടെ..
പക്ഷേ ഒന്നിനേയും കാണാറില്ല.
വർഷത്തിൽ ഒരിക്കൽ ആയില്യം നാളിൽ സർപ്പപൂജ നടത്താറുണ്ട്.
പാലും നെല്ലും അരിയും ഒക്കെ പൂജയ്ക്കുള്ള വിഭവങ്ങൾ..
” നാഗത്തറയിലെ
ദൈവങ്ങളേ..
നൂറു പാലും കുടിച്ച്
ആടാട് നീ….
ആയുസ്സും ആരോഗ്യവും
നേടിത്തരൂ”
നാഗപ്പാട്ടു പാടി നാഗത്തെ പ്രീതിപ്പെടുത്തുന്നു.
നാഗങ്ങൾ നമ്മുടെ ഞരമ്പുകൾ, നാഡികളെ പ്രതിനിധാനം ചെയ്യുന്നുവെന്ന്
പറയപ്പെടുന്നു.
കരിപ്പാൽ നാഗം ഇവിടെ അടുത്തുള്ള പ്രധാന നാഗക്ഷേത്രമാണ്
ഞാനവിടെ പോയിട്ടുണ്ട്..
നാഗക്കാവുകൾ വെറും നാഗക്കാവുകൾ അല്ല. പ്രകൃതിയെ ആരാധിക്കുന്ന സ്ഥലമാണത്.. പ്രകൃതിസംരക്ഷണത്തിനു പൂർവ്വികർ കണ്ടു വെച്ചിട്ടുള്ള ഒരു ഉപായം തന്നെ..
പിന്നെ മിക്ക ഇല്ലങ്ങളിലും നീന്തൽക്കുളങ്ങളും ചെമ്പകമരങ്ങളും കാണും..
കൂടാതെ കല്ലുവെട്ടിയ ഇല്ലങ്ങളും..
പ്രകൃതിയെ പൂജിച്ച് സംരക്ഷിക്കുന്ന ഈ സ സർപ്പകാവുകൾ ഒക്കെ
നശിപ്പിച്ചു നശിപ്പിച്ചു കുറച്ച് മാത്രം ബാക്കിയായി..
“നാവേരു പാടുന്ന
നാഗങ്ങളെ
നാഗത്തറയിൽ
ആടാട് നീ”
🙏
🙏