👬👫കുട്ടീസ് കോർണർ 👬👫 (എഴുപത്തിയാറാം വാരം) ✍അവതരണം: സൈമ ശങ്കർ, മൈസൂർ

ഹായ് കുട്ടീസ്!!
ഈ ആഴ്ച നമുക്ക് A) തീപ്പെട്ടി ചിത്രം കണ്ടൊരു വിശദീകരണം, B) പദ ലളിതം (വാക്കുകളെ കുറിച്ചൊരു വിശദീകരണം), C) സ്ഥലനാമ കഥകൾ പിന്നെ കുറച്ചു D) കടംകഥകളും, കൂടാതെ ഈ ആഴ്ചയും എളുപ്പത്തിൽ (E) സ്റ്റെപ് ബൈ സ്റ്റെപ് ആയി വരയ്ക്കുന്ന ഒരു ചിത്രം കൂടി കാണാം ട്ടോ 😍 കുട്ടീസ് ഒഴിവു സമയങ്ങളിൽ അവ വരച്ചു നോക്കുണ്ടല്ലോ… അല്ലെ .😍

എന്ന് സ്വന്തം
ശങ്കരിയാന്റി.

👫A) തീപ്പെട്ടി ചിത്രം (21)

രബീന്ദ്രനാഥ് ടാഗോർ

ടാഗോറിന്റെ ചിത്രമുള്ള തീപ്പെട്ടി ചേർക്കുന്നു

ഇന്ത്യയിലെ പ്രമുഖ സാഹിത്യകാരനും സാംസ്കാരിക നായകനുമായിരുന്നു രബീന്ദ്രനാഥ ടാഗോർ . രബി(രവി) എന്ന വിളിപ്പേരുണ്ടായിരുന്ന ടാഗോർ കൊൽക്കത്തയിലെ കൊട്ടാര സദൃശ്യമായ ജോറസങ്കോ ഗൃഹത്തിൽ 1861 മെയ് 7 ന് ദേബേന്ദ്രനാഥ്‌ ടാഗോറിന്റെയും ശാരദാ ദേവിയുടെയും പതിനാലു മക്കളിൽ പതിമൂന്നാമനായി പിറന്നു. വീടിനടുത്തുള്ള പ്രാഥമിക വിദ്യാലയത്തിലായിരുന്നു അദ്ദേഹത്തിന്റെ വിദ്യാഭ്യാസം തുടങ്ങിയത്. അമ്മ ചെറുപ്പത്തിലേ മരിച്ചതിനാൽ വേലക്കാരാണ് ടാഗോറിനെ നോക്കിയത്. പിതാവ് കലാകാരൻമാരെ വീട്ടിൽ കൊണ്ടുവന്നു താമസിപ്പിക്കുകയും കുട്ടികളെ സംഗീതം പഠിപ്പിക്കുകയും ചെയ്തിരുന്നു. ടാഗോറിന്റെ 16 ആം വയസ്സിൽ ‘ഭാനുസിംഹൻ’ എന്ന തൂലികാനാമത്തിൽ ആദ്യ കവിതാസമാഹാരം പുറത്തിറക്കി. 1877 -ൽ ചെറുകഥകളും നാടകങ്ങളും രചിച്ചുതുടങ്ങി. ഗുരുദേവ്‌ എന്നും ആദരപൂർവ്വം അദ്ദേഹത്തെ സംബോധന ചെയ്തിരുന്നു.

കവി, തത്ത്വചിന്തകൻ, ദൃശ്യകലാകാരൻ, കഥാകൃത്ത്‌, നാടകകൃത്ത്, ഗാനരചയിതാവ്‌, നോവലിസ്റ്റ്, സാമൂഹിക പരിഷ്കർത്താവ് തുടങ്ങിയ നിലകളിൽ തന്റെ പ്രതിഭ തെളിയിക്കുകയും ബംഗാളിസാഹിത്യത്തിനും സംഗീതത്തിനും പത്തൊൻപതാം നൂറ്റാണ്ടിന്റെ അന്ത്യത്തിലും, ഇരുപതാം നൂറ്റാണ്ടിന്റെ തുടക്കത്തിലുമായി പുതുരൂപം നൽകുകയും ചെയ്തു. അദ്ദേഹത്തിന്റെ കാവ്യസമാഹാരം ആയ ഗീതാഞ്ജലിക്ക് 1913-ൽ സാഹിത്യത്തിനുള്ള നോബൽ പുരസ്കാരം ലഭിച്ചതിലൂടെ പ്രസ്തുത പുരസ്കാരം ലഭിക്കുന്ന ഏഷ്യയിലെ ആദ്യ വ്യക്തിയായി ടാഗോർ.

അറുപത്തിയെട്ടാം വയസ്സിൽ അദ്ദേഹം ചിത്രരചന ആരംഭിച്ചു, വിനോദത്തിനു വേണ്ടി തുടങ്ങി ഏകദേശം മൂവായിരത്തോളം ചിത്രങ്ങൾ രചിച്ചു. ബംഗാളിലെ മത-സാമൂഹിക – സാംസ്കാരിക രംഗങ്ങളിൽ പുരോഗമന -പരിഷ്കരണ പ്രസ്ഥാനങ്ങളുമായി ബന്ധപ്പെട്ട് വളരെയേറെ സംഭാവനകൾ നൽകിയ കുടുംബമാണ് കൽക്കത്തയിലെ ജെറാസങ്കോ ടാഗോർ കുടുംബം.

ഇന്ത്യൻ സ്വാതന്ത്ര്യ സമരത്തെയും ഗാന്ധിജിയെയും പൂർണ്ണമായി പിന്തുണച്ചിരുന്നു. ടാഗോറി ന്റെ ജീവിതം ദുരന്തപൂർണ്ണമായിരുന്നു. തന്റെ കുടുംബത്തിലെ എല്ലാവരെയും നഷ്ടപ്പെട്ട ടാഗോർ ബംഗാളിന്റെ അധഃപതനത്തിനും സാക്ഷ്യം വഹിച്ചു. ടാഗോറിന്റെ കൃതികളും അദ്ദേഹം സ്ഥാപിച്ച വിശ്വഭാരതി സർവ്വകലാശാലയും ഇതെല്ലാം അതിജീവിച്ചു.

അവസാന നാലു വർഷങ്ങൾ രോഗശയ്യയിൽ കടുത്ത വേദനയിലായിരുന്ന ടാഗോർ, 1937 അവസാനത്തോടെ മരണാസന്ന അബോധാവസ്ഥയിലായി. അതിൽ നിന്ന് മോചിതനായെങ്കിലും 1940ൽ സമാനമായ അവസ്ഥയിൽ നിന്ന് ശമനമുണ്ടായില്ല. ടാഗോർ ഈ സമയത്ത്‌ രചിച്ച കവിതകൾ ഉത്കൃഷ്ടവും പ്രത്യേകമായി, മരണ ചിന്തയിൽ വ്യാപൃതമായവയും ആയിരുന്നു. നീണ്ട കാലത്തെ രോഗാവസ്ഥയ്ക്കു ശേഷം ടാഗോർ 1941 ഓഗസ്റ്റ്‌ 7-ന് തന്റെ ജന്മ ഗൃഹമായ ജൊറസങ്കോവിൽ വച്ച്‌ മരണമടഞ്ഞു. ടാഗോറിന്റെ ചരമവാർഷികം ഇന്നും പൊതു പരിപാടികളോടെ ബംഗാളികൾ അനുശോചിക്കുന്നു.

📗📗

👫B) പദ ലളിതം

അളിയൻ

ചെറുപ്പക്കാർ പരസ്പരം വിളിക്കുന്ന പദമാണ് ഇന്ന് അളിയൻ.ഇത്‌ കേൾക്കുമ്പോൾ എന്ത്‌ കൊണ്ട് ഇവർ ഇങ്ങനെ വിളിക്കുന്നുയെന്ന് ആരും ചിന്തിച്ച് പോകും. സഹോദരിയുടെ ഭർത്താവാണല്ലോ അളിയൻ. പിന്നെ എന്തിന് ചെറുപ്പക്കാർ പരസ്പരം വിളിക്കണം .ആലോചിച്ചാൽ അളിയെന്ന പദത്തിന് സ്നേഹമെന്നാണ് അർത്ഥം. അപ്പോൾ അളിയുള്ളവൻ അളിയൻ. ഇനിയും ചിന്തിക്കേണ്ട കാര്യം സഹോദരിയുടെ ഭർത്താവ് ശരിക്കും അളിയനാണോ അതോ നാട്ടുനടപ്പ് കൊണ്ട് മാത്രം അളിയനാണോ?

📗📗

👫C) സ്ഥലനാമ കഥകൾ

കുട്ടീസ് 😍
ഈ ആഴ്ചയിലും ചില സ്ഥലങ്ങൾക്ക് എങ്ങനെ ആ പേര് വന്നു എന്ന് കൗതുകത്തോടെ വായിച്ചറിഞ്ഞോളൂ 😍

പ്രമാടം

പത്തനംതിട്ട ജില്ലയിൽ ഉൾപ്പെട്ട സ്ഥലമാണ് പ്രമാടം.പേരിൽ ഒരു വിശേഷണം കാണാം.”മാടം “എന്ന പദം ഇന്ന് കുടിലെന്നർത്ഥത്തിൽ ആണ് ഉപയോഗിക്കുന്നത്.അതുമായി ബന്ധപ്പെട്ട പ്രയോഗങ്ങൾ ഭാഷയിൽ ഉണ്ട്.ഒരു കുടിൽ വയ്ക്കാൻ സ്ഥലമെങ്കിലുമെന്നു പ്രയോഗിക്കാറുണ്ട്.എന്നാൽ മാടത്തിന് “മാളിക”യെന്നാണാർഥം.അപ്പോൾ പ്രമാടമോ _വിശേഷപ്പെട്ട മാളികയുണ്ടായിരുന്ന സ്ഥലമാവാം.ചേരഭരണകാലത്ത് സമയം അറിയിക്കുന്ന മാളികയോ,വാനനിരീക്ഷണവുമായി അടുപ്പമുള്ള മാളികയോ അതുപോലെ മറ്റെന്തെങ്കിലുമോ നിലനിന്ന സ്ഥലമാവാം പ്രമാടം

📗📗

👫D) കടങ്കഥകൾ (32)

1)പൊക്കിളിൽ തൊട്ടാൽ ഇളിച്ചു കാട്ടും.

ടോർച്ച്

2)പൊന്ന് തിന്ന് വെള്ളി തുപ്പി.

അയനിച്ചക്കയുടെ കുരു

3)പ്രതിഷ്ഠയുണ്ട്, പ്രദക്ഷിണമുണ്ട്, നേദ്യവും ധാരയുമുണ്ട്, പക്ഷേ പൂജയില്ല.

ചക്ക്

4)മകൻ അറയ്ക്കകത്ത്, അമ്മ പുരയ്ക്ക് പുറത്ത്.

നെല്ലും വൈക്കോലും

5)മണ്ണിനടിയിൽ പൊന്നമ്മ.

മഞ്ഞൾ

6)മണ്ണിൽ മുളയ്ക്കാതെ മരത്തിൽ പടർന്നു.

ചിതൽ

7)മണ്ണ് വെട്ടി വെട്ടി പൊന്ത കണ്ടു. പൊന്ത വെട്ടി വെട്ടി പാറ കണ്ടു. പാറ വെട്ടി വെട്ടി വെള്ളി കണ്ടു. വെള്ളി വെട്ടി വെട്ടി വെള്ളം കണ്ടു.

തേങ്ങ

8)മുക്കണ്ണൻ ചന്തയ്ക്ക് പോയി.

തേങ്ങ

9)മുള്ളിനുള്ളിലെ സുന്ദരിക്കുട്ടി.

റോസാപുഷ്പം

10)മുള്ളില്ലാത്ത പുറംകാട്ടിൽ എല്ലില്ലാത്ത ഒരെലിക്കുഞ്ഞ്.

പേൻ

📗📗

👫E) എളുപ്പത്തിൽ ഒരു ചിത്രം വരയ്ക്കാം (60)

അവതരണം:
സൈമ ശങ്കർ മൈസൂർ

3 Likes

👬👫കുട്ടീസ് കോർണർ 👬👫 (എഴുപത്തിയാറാം വാരം) ✍അവതരണം: സൈമ ശങ്കർ, മൈസൂർ

👫A) തീപ്പെട്ടി ചിത്രം (21)

രബീന്ദ്രനാഥ് ടാഗോർ

👫B) പദ ലളിതം

അളിയൻ

👫C) സ്ഥലനാമ കഥകൾ

പ്രമാടം

👫D) കടങ്കഥകൾ (32)

👫E) എളുപ്പത്തിൽ ഒരു ചിത്രം വരയ്ക്കാം (60)

അവതരണം:
സൈമ ശങ്കർ മൈസൂർ

സൗദി എണ്ണപ്പാടത്തിന് നേരെ ഹൂതി ആക്രമണം; രണ്ട് പേര്‍ക്ക് ദാരുണാന്ത്യം, ഇന്ത്യന്‍ പൗരനുള്‍പ്പെടെ പരിക്ക്.

റിലീഫ് കോർണറിന്റെ ഏഴാമത് വാർഷികയോഗം ഞായറാഴ്‌ച ഒക്ടോബർ 25

ബിഗ് ടെക് കമ്പനികൾക്കെതിരെ രൂക്ഷ വിമർശനവുമായി യു.എസ് കോൺഗ്രസ് അംഗം രാജ കൃഷ്ണമൂർത്തി

3 COMMENTS

LEAVE A REPLY Cancel reply

Most Popular

അനർഹമായ മുൻഗണനാ റേഷൻ കാർഡുകൾ സറണ്ടർ ചെയ്യാം

രണ്ടാനമ്മയെ യുവാവ് തീകൊളുത്തി കൊന്നു

വഖഫ് ബോർഡ്‌ പുനഃസംഘടനയുമായി ബന്ധപ്പെട്ട് സിംഗിൾ ബെഞ്ച് ഉത്തരവിന് സ്റ്റേ ഇല്ല

കണ്ണൂരില്‍ മുഖ്യമന്ത്രി വി ഡി സതീശനെതിരെ ഫേസ്ബുക്കില്‍ പോസ്റ്റിട്ട രണ്ട്‌പേര്‍ക്കെതിരെ പൊലീസ് കേസെടുത്തു

Recent Comments

EDITOR PICKS

അനർഹമായ മുൻഗണനാ റേഷൻ കാർഡുകൾ സറണ്ടർ ചെയ്യാം

രണ്ടാനമ്മയെ യുവാവ് തീകൊളുത്തി കൊന്നു

വഖഫ് ബോർഡ്‌ പുനഃസംഘടനയുമായി ബന്ധപ്പെട്ട് സിംഗിൾ ബെഞ്ച് ഉത്തരവിന് സ്റ്റേ ഇല്ല

POPULAR POSTS

രണ്ടാനമ്മയെ യുവാവ് തീകൊളുത്തി കൊന്നു

സൗദി എണ്ണപ്പാടത്തിന് നേരെ ഹൂതി ആക്രമണം; രണ്ട് പേര്‍ക്ക് ദാരുണാന്ത്യം, ഇന്ത്യന്‍ പൗരനുള്‍പ്പെടെ പരിക്ക്.

ഇന്ത്യയിൽ വൈദ്യുത നിലയങ്ങളിൽ കൽക്കരി ക്ഷാമം രൂക്ഷം; വൈദ്യുതി പ്രതിസന്ധിക്ക് സാധ്യത.

POPULAR CATEGORY

ABOUT US

FOLLOW US

👬👫കുട്ടീസ് കോർണർ 👬👫 (എഴുപത്തിയാറാം വാരം) ✍അവതരണം: സൈമ ശങ്കർ, മൈസൂർ

👫A) തീപ്പെട്ടി ചിത്രം (21)

രബീന്ദ്രനാഥ് ടാഗോർ

👫B) പദ ലളിതം

അളിയൻ

👫C) സ്ഥലനാമ കഥകൾ

പ്രമാടം

👫D) കടങ്കഥകൾ (32)

👫E) എളുപ്പത്തിൽ ഒരു ചിത്രം വരയ്ക്കാം (60)

അവതരണം: സൈമ ശങ്കർ മൈസൂർ

3 COMMENTS

LEAVE A REPLY Cancel reply

Most Popular

Recent Comments

EDITOR PICKS

POPULAR POSTS

POPULAR CATEGORY

ABOUT US

FOLLOW US

അവതരണം:
സൈമ ശങ്കർ മൈസൂർ