മലകൾക്കുമേലെ അങ്ങകലെ
വിലാപങ്ങൾ വിതുമ്പലായി
വിശ്വാസികളും അവിശ്വാസികളും
പലായനംചെയ്യാനൊരുങ്ങി
അരുതേയെന്ന് മരക്കുരിശിന്റെ യാചന
നീതിമാന്റെ വിലാപം
നിശബ്ദമായി
സ്നേഹത്തിനു മരണമില്ല
ഇവർ ചെയ്യുന്നതെന്തെന്നു ഇവരറിയുന്നില്ല
ഇവരോട് ക്ഷമിക്കേണമേ
ദൈവപുത്രന്റെ വിലാപം
കുരിശിൽ ദൈവത്തിന്റെ രക്തം
നിയോഗിക്കപ്പെട്ട നന്മമരത്തിലലിഞ്ഞു
അവന്റെ വരവിനായി അവർ വിലപിച്ചു
പലായനംചെയ്തവർ തിരിച്ചുവന്നു
കല്ലറകൾ തകർത്തെറിഞ്ഞ്
സ്നേഹസ്വരൂപൻ ഉയിർത്തെഴുന്നേറ്റു
വിലാപങ്ങൾ പ്രാർത്ഥനകളായി
പലായനങ്ങൾ പവിത്രങ്ങളായി
ദൈവം മനുഷ്യനായി
മനുഷ്യൻ ദൈവമായി
🙏