മലയാളി മനസ്സിന്റെ എല്ലാ വായനക്കാർക്കും പാചകരംഗത്തിലേക്ക് സ്വാഗതം. ഇന്ന് ഞാൻ പരിചയപ്പെടുത്തുന്നത് എളുപ്പത്തിൽ തയ്യാറാക്കാൻ പറ്റുന്ന വളരെ ടേസ്റ്റുള്ള ഒരു കാപ്പുചീനോടെ റെസിപ്പി ആണ്. ക്രീമിയായിട്ടുള്ള ഈ ഇറ്റാലിയൻ കോഫി ഒരു തവണ ഉണ്ടാക്കിയാൽ വീണ്ടും ഉണ്ടാക്കും എന്നുള്ള കാര്യം തീർച്ച. ഇതെങ്ങനെയാണ് തയ്യാറാക്കുന്നത് എന്ന് നോക്കാം.
കാപ്പു ചീനോ തയ്യാറാക്കുന്നതിന് മുൻപ് അതേക്കുറിച്ചൊന്നു പരിചയപ്പെടുത്താം. ഇതൊരു ക്രീമി ആയിട്ടുള്ള ഇറ്റാലിയൻ കോഫി ആണ്. ഈ കോഫി തയ്യാറാക്കുന്നത് ആവി പറക്കുന്ന പതയോടു കൂടിയ പാലും കോഫി പൗഡറും, പഞ്ചസാരയും, ചെറു ചൂടുവെള്ളവും ചേർത്ത് ബീറ്റ് ചെയ്തെടുത്ത ക്രീമും ഉപയോഗിച്ചാണ്.
ആവശ്യമായ ചേരുവകൾ
🥫🥛🫙🫗🥫🥛🥛🫙🥫🫗🥤🥤
1️⃣. ഇൻസ്റ്റന്റ് കോഫി പൗഡർ (ബ്രൂ) – 3 ടേബിൾ സ്പൂൺ.
2️⃣. പഞ്ചസാര മൂന്ന് ടേബിൾ സ്പൂൺ.
3️⃣. പാൽ (തിളപ്പിച്ചത് ) -2 ഗ്ലാസ്.
4️⃣. ചെറു ചൂടുവെള്ളം – 3 ടേബിൾ സ്പൂൺ.
തയ്യാറാക്കുന്ന വിധം.
🥣🥃🍜🥡☕☕☕🫖🫖🥣
📢 ആദ്യമായി ഒരു ബൗളിൽ ഇൻസ്റ്റന്റ് കോഫി പൗഡറും പഞ്ചസാരയും ചെറു ചൂടുവെള്ളവും ചേർത്ത് നന്നായി ബീറ്റ് ചെയ്ത് എടുക്കുക.
📢 അതിനുശേഷം രണ്ട് ഗ്ലാസ് എടുത്ത് അതിലേക്ക് രണ്ട് ടേബിൾ സ്പൂൺ ബീറ്റ് ചെയ്തു വച്ചിരിക്കുന്ന ക്രീം ഇട്ടുകൊടുത്ത് തിളച്ച പാല് ഒഴിച്ചുകൊടുത്ത് ഇളക്കുക.
📢 അതിനു മുകളിൽ ഒരു സ്പൂൺ ക്രീമും തിളച്ചു പതഞ്ഞു വന്ന പാലും ചേർത്ത് കുറേശ്ശെ കുറേശ്ശെയായി മെല്ലെ ഒഴിച്ചുകൊടുത്ത് ഗാർണിഷ് ചെയ്ത് എടുക്കുക. അടിപൊളി കാപ്പുച്ചിനോ അഥവാ ക്രീമിയായിട്ടുള്ള ഇറ്റാലിയൻ കോഫി തയ്യാർ.
📢 ഈ കോഫി എല്ലാവരും ഉണ്ടാക്കി കുടിക്കുമല്ലോ. അഭിപ്രായവും പറയുമല്ലോ..👍 അടുത്ത റെസിപ്പിയുമായി അടുത്ത ആഴ്ച കാണാം..🙏
തയ്യാറാക്കിയത്: റീന നൈനാൻ,
(മാജിക്കൽ ഫ്ലേവേഴ്സ്, വാകത്താനം)
👍