ചൂട് കാരണം മാളങ്ങളിൽനിന്ന് പുറത്തിറങ്ങുന്ന പാമ്പുകളെ കരുതിയിരിക്കണം
പാമ്പുകളെ തുരത്താൻ പൂച്ചയും മറ്റ് ശാസ്ത്രീയ മാർഗ്ഗങ്ങളും താഴെ ചേർക്കുന്നു.
വീടിനുള്ളിലോ പരിസരത്തോ ഒരു പാമ്പിനെ കാണുന്നത് ഏതൊരാളിലും ഭയമുണ്ടാക്കുന്ന കാര്യമാണ്. പാമ്പുകളെ തുരത്താൻ പലരും പല മാർഗ്ഗങ്ങൾ പറയാറുണ്ടെങ്കിലും, ശാസ്ത്രീയമായ രീതികളും പ്രകൃതിദത്തമായ കാവൽക്കാരെയും സമന്വയിപ്പിച്ചുകൊണ്ടുള്ള പ്രതിരോധമാണ് ഏറ്റവും ഫലപ്രദം.
പാമ്പുകളുടെ സ്വാഭാവിക ശത്രു പൂച്ചയാണ്.
പാമ്പുകളെ തുരത്തുന്ന കാര്യത്തിൽ ശാസ്ത്രം പോലും അംഗീകരിക്കുന്ന ഒന്നാണ് പൂച്ചകളുടെ സാന്നിധ്യം. ഒരു വീട്ടിൽ പൂച്ചയുണ്ടെങ്കിൽ അവിടെ പാമ്പുകൾ വരാനുള്ള സാധ്യത വളരെ കുറവാണെന്ന് പറയുന്നതിൽ പ്രധാനമായും നാല് കാരണങ്ങളുണ്ട്:
1. അതിവേഗത്തിലുള്ള പ്രതികരണശേഷി: ഒരു പാമ്പ് ആക്രമിച്ച് തിരികെ വരുന്നതിനേക്കാൾ വേഗത്തിൽ പ്രതികരിക്കാൻ പൂച്ചകൾക്ക് സാധിക്കും. പാമ്പിന്റെ ചലനങ്ങളെ മുൻകൂട്ടി കാണാനുള്ള കഴിവും അവയുടെ വഴക്കമുള്ള ശരീരവും പൂച്ചകളെ പാമ്പുകളുടെ പേടിസ്വപ്നമാക്കുന്നു.
2. ഭക്ഷണശൃംഖലയിലെ മാറ്റം: പാമ്പുകൾ വീട്ടിലേക്ക് വരുന്നത് പ്രധാനമായും എലികളെ പിടിക്കാനാണ്. പൂച്ചകൾ വീട്ടിലെ എലികളെ വേട്ടയാടുന്നതോടെ പാമ്പുകൾക്ക് അവിടെ ഭക്ഷണത്തിന് ക്ഷാമം അനുഭവപ്പെടുകയും അവ തനിയെ ഒഴിഞ്ഞുപോവുകയും ചെയ്യുന്നു.
3. ഗന്ധം കൊണ്ടുള്ള പ്രതിരോധം: പൂച്ചകളുടെ ഗന്ധം (Pheromones) നിലനിൽക്കുന്ന ഇടങ്ങളിൽ പാമ്പുകൾ വരാൻ മടിക്കുന്നു. തങ്ങളുടെ ശത്രുവിന്റെ സാന്നിധ്യം മണത്തറിയാൻ പാമ്പുകൾക്ക് പ്രത്യേക കഴിവുണ്ട്.
4. ജാഗ്രതയുള്ള കാവൽക്കാർ: രാത്രികാലങ്ങളിൽ പോലും ചെറിയ ചലനങ്ങൾ ശ്രദ്ധിക്കുന്ന പൂച്ചകൾ, പാമ്പ് പരിസരത്ത് എത്തിയാൽ ഉടൻ തന്നെ ബഹളം വെച്ചോ അവയെ നേരിട്ടോ നമ്മെ അറിയിക്കുന്നു.
വീടിനുള്ളിൽ പാമ്പ് കയറാതിരിക്കാൻ ശ്രദ്ധിക്കേണ്ട കാര്യങ്ങൾ
പൂച്ചയെ വളർത്തുന്നതിനോടൊപ്പം തന്നെ താഴെ പറയുന്ന ശാസ്ത്രീയ മുൻകരുതലുകൾ കൂടി സ്വീകരിച്ചാൽ 100% ഫലം ഉറപ്പാക്കാം:
* പരിസരം വൃത്തിയാക്കുക: വീടിനോട് ചേർന്ന് കാടുകൾ വളരാൻ അനുവദിക്കരുത്. ഉയരമുള്ള പുല്ലുകൾ പാമ്പുകൾക്ക് മികച്ച ഒളിത്താവളമാണ്.
* മാളങ്ങൾ അടയ്ക്കുക: വീടിന്റെ തറയിലോ മതിലുകളിലോ ഉള്ള വിള്ളലുകൾ, എലിമടകൾ എന്നിവ സിമന്റ് ഉപയോഗിച്ച് കൃത്യമായി അടയ്ക്കുക.
* വിറകും കല്ലും അടുക്കി വെക്കുക: വിറക് കൂമ്പാരങ്ങൾ, പഴയ ഓടുകൾ, കല്ലുകൾ എന്നിവ വീടിനോട് ചേർന്ന് കൂട്ടിയിടരുത്. ഇവ മാറ്റിവെക്കുമ്പോൾ പാമ്പുകൾ ഒളിച്ചിരിപ്പില്ലെന്ന് ഉറപ്പുവരുത്തുക.
* ഭക്ഷണാവശിഷ്ടങ്ങൾ ഒഴിവാക്കുക: ഭക്ഷണാവശിഷ്ടങ്ങൾ അലക്ഷ്യമായി പുറത്തിടുന്നത് എലികളെ ആകർഷിക്കും. എലികൾ വന്നാൽ പുറകെ പാമ്പും എത്തും.
* വാതിലുകൾ സുരക്ഷിതമാക്കുക: വാതിലിന്റെ അടിവശത്തെ വിടവിലൂടെ പാമ്പുകൾ അകത്തു കയറാൻ സാധ്യതയുണ്ട്. ഇവിടെ ‘ഡോർ സീലുകൾ’ (Door Seals) പിടിപ്പിക്കുന്നത് നന്നായിരിക്കും. വെന്റിലേറ്ററുകളിൽ ചെറിയ കണ്ണികളുള്ള നെറ്റുകൾ അടിക്കുക.
•വീടിനോട് ചേർന്ന് നിൽക്കുന്ന മരങ്ങളും വള്ളിചെടികളും ചാഞ്ഞു കിടക്കുന്ന മരകൊമ്പുകളും ഉണ്ടെങ്കിൽ വെട്ടിമാറ്റുക
•ചെടി ചട്ടികൾ, ഇൻഡോർ ആന്റ് ഔട്ട്ഡോർ പ്ലാന്റുകൾ എപ്പോഴും തണുപ്പ് നിറഞ്ഞ ഇടങ്ങളായതുകൊണ്ട് തന്നെ പ്രത്യേകം ശ്രദ്ധിക്കുക.
•അടുക്കളയ്ക്ക് അകത്തുള്ള കബോർഡുകളിലും ഗ്യാസ് കുറ്റിക്ക് അടിയിലും ഫ്രിഡ്ജ് ഇരിക്കുന്ന ഇടങ്ങളിലും പാമ്പ് കയറി ഇരിയ്ക്കാനുള്ള സാധ്യത കൂടും.
•വീട്ടിലെ കുളിമുറികളിൽ, കുളിക്കുമ്പോഴും മറ്റും വരുന്ന വെള്ളം പോകുന്നതിനായുള്ള ചെറിയ ഹോളുകൾ വരുന്നയിടത്തും ചെറിയ നെറ്റ് ഉപയോഗിയ്ക്കുക.
•വെള്ളം പോകുന്നത് പറമ്പിലെ ഓവ് ചാലുകളിലേയ്ക്ക് ആണെങ്കിൽ ആ പൈപ്പ് വഴി പാമ്പ് കുളിമുറിയിലേയ്ക്ക് എത്തുന്നതിനുള്ള സാധ്യത കൂട്ടും. അതുകൊണ്ട് വെള്ളം മാത്രം പോകുന്ന രീതിയുള്ള നെറ്റ് ഉപയോഗിക്കാൻ പ്രത്യേകം ശ്രദ്ധിക്കണം.
•രാത്രി കിടക്കുമ്പോൾ മെത്ത, തലയിണ കട്ടിലിന്റെ അടിഭാഗം എല്ലാം തട്ടി കുടയുകയും പ്രത്യേകം നിരീക്ഷിച്ചതിന് ശേഷം മാത്രം ഉറങ്ങാൻ കിടക്കുക.
•ജനലുകളും മറ്റും അടച്ച് ഹോളുകൾ ഇല്ലെന്ന് ഉറപ്പ് വരുത്തുക.
•ഹെൽമെറ്റ്, ഷൂസ് എന്നിവയെല്ലാം എടുത്ത് ഇടുന്നതിന് മുൻപേ തന്നെ തറയിൽ തട്ടികുടഞ്ഞതിന് ശേഷം ധരിക്കുക.
•ഫ്രിഡ്ജിനും വാഷിംഗ് മെഷീനിന്റെയും അകത്തും പാമ്പുകൾ കയറിയിരിക്കാനുള്ള സാധ്യത കൂടുതലാണ്. വാഷിംഗ് മെഷീനിന്റെ വെള്ളം പോകുന്ന പൈപ്പുകൾ വഴി അകത്ത് കയറി ഇരിക്കാനുള്ള സാധ്യതയും തള്ളിക്കളയാനാവില്ല.
•യൂറോപ്യൻ ക്ലോസറ്റിനുള്ളിലും പാമ്പ് കയറി ഇരിക്കുന്നത് പതിവ് കാഴ്ചയാണ്. ആയതിനാൽ, ക്ലോസ്റ്റ് എപ്പോഴും അടച്ചു വെയ്ക്കേണ്ടതാണ്. തുറന്ന് വെയ്ക്കുന്നത് പാമ്പിന് അകത്ത് കയറി കൂടാനുള്ള സാധ്യതയെയാണ് വർധിപ്പിക്കുന്നത്.
തെറ്റായ ധാരണകൾ
മണ്ണെണ്ണയോ, വെളുത്തുള്ളി മിശ്രിതമോ, കാർബോളിക് ആസിഡോ തളിച്ചാൽ പാമ്പുകൾ വരില്ല എന്നത് പൂർണ്ണമായ സത്യമല്ല. മഴ പെയ്യുമ്പോഴോ കുറച്ചു സമയം കഴിയുമ്പോഴോ ഇവയുടെ ഗന്ധം മാറുകയും പാമ്പുകൾ വരികയും ചെയ്യും. എന്നാൽ പ്രകൃതിദത്തമായ പ്രതിരോധത്തിനൊപ്പം വീടിന്റെ ഘടനയിൽ വരുത്തുന്ന മാറ്റങ്ങളാണ് കൂടുതൽ ശാശ്വതമായ പോംവഴി.
പാമ്പുകളെ കൊല്ലാതെയുള്ള പ്രതിരോധമാണ് ഏറ്റവും ഉചിതം. ഒരു പൂച്ചയെ വളർത്തുന്നതിലൂടെയും വീടിന്റെ പരിസരം വൃത്തിയായി സൂക്ഷിക്കുന്നതിലൂടെയും നമുക്ക് പാമ്പുഭയം ഇല്ലാതെ സമാധാനമായി ഉറങ്ങാൻ സാധിക്കും. ഓർക്കുക, പാമ്പുകൾ വരുന്നത് നമുക്ക് ഉപദ്രവമുണ്ടാക്കാനല്ല, മറിച്ച് അവയുടെ ആവാസവ്യവസ്ഥയിൽ മാറ്റം വരുമ്പോഴോ ഇര തേടിയോ ആണ്. ആ സാഹചര്യങ്ങൾ ഒഴിവാക്കുക എന്നതാണ് യഥാർത്ഥ പോംവഴി.
ടൈൽസ് ഇട്ട തറകളിൽ പാമ്പുകൾ കയറുകയില്ല എന്ന ധാരണ തീർത്തും തെറ്റായ ഒന്നാണ്. പാമ്പിന് ഇഴയാനുള്ള സാധ്യതയുണ്ടെങ്കിൽ തീർച്ചയായും അവ കയറും. ടൈൽസുകളിൽ സുഖമായി പാമ്പിന് ഇഴയാൻ കഴിയുന്ന ഇടമാണ്. പാമ്പ് എന്നത് കാലും കൈയും ഇല്ലാത്ത തല മുതൽ വാലു വരെ തറയിൽ ഇഴയുന്ന ജീവിയാണ്. പാമ്പുകളുടെ തൊലി പരുക്കൻ ആകുമ്പോഴാണ് അവ പടം പൊഴിക്കുക. പുതുതായി അവർക്ക് വരുന്ന തൊലി അത്രയ്ക്കും നേർത്തതാണ്. പാമ്പുകൾ ഇഴയുന്ന ഭാഗം തീർത്തും എണ്ണ മെഴുക്കിൽ തൊടുന്നതുപോലെ വഴുവഴുപ്പ് നിറഞ്ഞതാണ്. അതുകൊണ്ട് തന്നെ, ടൈൽസ് എന്നോ പരുക്കൻ തറകൾ എന്നോ ഇല്ല. അവയ്ക്ക് ഇഴയാൻ സാധിക്കുന്ന ഇടത്തെല്ലാം അവ കയറുമെന്നതിൽ സംശയമില്ല.
ചൂട് ക്രമാതീതമായി വർധിക്കുമ്പോൾ മാളത്തിൽനിന്ന് പുറത്തിറങ്ങുന്ന പാമ്പുകൾ ഭീഷണിയാകുന്നു. പൊതുവേ ആക്രമണകാരികളല്ലെങ്കിലും ചൂടുകാലത്ത് പാമ്പുകൾ ആക്രമണ സ്വഭാവം കാണിക്കുമെന്ന് വിദഗ്ധർ. തണുപ്പുള്ളയിടങ്ങളിലും ചപ്പുചവറുകളും മാലിന്യവും കൂടിയ സ്ഥലങ്ങളിലും ജാഗ്രത കാട്ടണമെന്ന് വനംവകുപ്പ് ഉദ്യോഗസ്ഥർ മുന്നറിയിപ്പ് നൽകി.പാമ്പുകളെ കണ്ടാൽ പിടിക്കാനോ അടുത്തേയ്ക്ക് പോകാനോ പാടില്ല. വനംവകുപ്പിനെയോ സർപ്പ വളന്റിയറെയോ
വിവരമറിയിക്കണം. ഓരോ പ്രദേശത്തും പരിശീലനം നേടിയ സർപ്പരക്ഷാ പ്രവർത്തകരുടെ നമ്പർ വനം വകുപ്പിന്റെ വെബ്സൈറ്റിൽ ലഭ്യമാണ്.
പാമ്പുകടിക്കുള്ള പ്രതിവിഷം (ആന്റിവെനം) സംസ്ഥാനത്ത് 151 സർക്കാർ ആശുപത്രികളിലും 150 സ്വകാര്യ ആശുപത്രികളിലും ലഭ്യമാണെന്ന് അധികൃതർ. പ്രതിവിഷമുള്ള ആശുപത്രികളിലേക്ക് കനിവ് 108 ആംബുലന്സ് വഴി രോഗികളെ കൃത്യമായി എത്തിക്കാനുള്ള സൗകര്യവും ലഭ്യമാണ്.
പാമ്പ് കടിയേറ്റാൽ ആദ്യം സ്വീകരിക്കേണ്ട മുൻകരുതലുകൾ
പാമ്പ് കടിയേറ്റാൽ പ്രാഥമിക ശുശ്രൂഷ ഇല്ല. പാമ്പ് കടിയേറ്റതായി തോന്നിയാൽ ഉടനടി ആന്റി വെനം (Anti-Venom) കിട്ടുന്ന അടുത്തുള്ള ആശുപത്രിയിൽ പ്രവേശിപ്പിക്കുക. പാമ്പ് കടിയേറ്റ ഭാഗത്ത് തേച്ച് കഴുകാനോ, കെട്ടിവെയ്ക്കാനോ, രക്തം പിഴിഞ്ഞ് കളയാനോ ശ്രമിക്കരുത്. ഇതെല്ലാം അശാസ്ത്രീയ രീതിയാണ്. പാമ്പു കടിയേറ്റാൽ ആദ്യം ചെയ്യേണ്ടത് പരിഭ്രമിക്കാതെ ഇരിക്കുക, കടിയേറ്റ് കിടക്കുന്ന ആളെ കൂടുതൽ ടെൻഷൻ അടിപ്പിക്കാതെ കഴിവതും സാന്ത്വനപ്പെടുത്താൻ ആണ് ശ്രമിക്കേണ്ടത്. ഈ രീതി ആരും തന്നെ പിന്തുടരുന്നില്ല എന്നതാണ് വാസ്തവം. നാട്ടുചികിത്സകളോ സ്വയം ചികിത്സയോ ചെയ്ത് സമയം കളയാതെ ഉടനടി ആശുപത്രിയിൽ എത്തിക്കാനുള്ള
നടപടികൾ കൈകൊള്ളുക.
ആംബുലൻസിൽ ആണ് രോഗിയെ കൊണ്ടുപോകുന്നതെങ്കിൽ കിടത്തി കൊണ്ടപോകുക, സ്കൂട്ടറിലോ, കാറിലോ ആണെങ്കിൽ ഇരുത്തിയും കൊണ്ടുപോകാവുന്നതാണ്. രോഗിയുടെ കൂടെ ഒരാൾ ഉണ്ടായിരിക്കണം. കാരണം പാമ്പകടിയേറ്റ ആൾക്ക് ക്ഷീണവും തളർച്ചയും തലകറക്കവും അനുഭവപ്പെടാം. ഈ സാഹചര്യത്തിലാണ് കൂടെ ആൾ ഉണ്ടായിരിക്കണമെന്ന മുന്നറിയിപ്പ് നൽകുന്നത്. കടിച്ച പാമ്പിനെ അന്വേഷിച്ച് പോകുന്നതിന് പകരം പാമ്പ് കടിയേറ്റ ആളെ ഉടനടി ആശുപത്രിയിൽ എത്തിക്കുക.
വിഷം കൂടിയ പാമ്പുകളുടെ കടിയേറ്റാൽ കടുത്ത വേദന, കടിച്ച ഭാഗത്ത് നീര്,നിറം മാറ്റം സംഭവിക്കും, ഛർദി, ബോധക്ഷയം ഇവയെല്ലാം സംഭവിക്കും. അതുകൊണ്ട് പെട്ടെന്ന് തന്നെ നമുക്ക് മനസ്സിൽ ആക്കാൻ സാധിക്കും. എന്നാൽ ചില പാമ്പുകൾ കടിച്ചാൽ ഇവയൊന്നും ഉണ്ടാകില്ല. പാമ്പുകടിയേറ്റ നാലു മുതൽ എട്ട് മണിക്കൂറിനുള്ളിൽ മരണം സംഭവിക്കും. അതുകൊണ്ട് ഈ വേനൽകാലത്ത് അത്രയ്ക്കും ജാഗ്രതയോടു കൂടി മുൻപോട്ടു പോകുക.
മെയ്-ജൂൺ മാസങ്ങളിൽ പാമ്പുകളുടെ മുട്ട വിരിഞ്ഞ് കുഞ്ഞുങ്ങൾ ഇറങ്ങുന്ന സമയമാണ്. ഒരുപാട് പാമ്പിൻ കുഞ്ഞുങ്ങൾ വിരിഞ്ഞ് പുറത്തിറങ്ങുന്ന സമയമാണ്. അതീവ ജാഗ്രത പുലർത്തേണ്ട സമയം കൂടിയാണിത്. തള്ള പാമ്പ് അടയിരുന്ന്
അല്ല മുട്ട വിരിഞ്ഞ് കുഞ്ഞുങ്ങൾ ഇറങ്ങുന്നത്. മുട്ടയിട്ട് പാമ്പുകൾ അവരുടെ വഴിക്ക് പോകും. അപൂർവം ചില പാമ്പുകൾ മാത്രമാണ് അടയിരിക്കുന്നത്. മുട്ട വിരിഞ്ഞ് വരുന്ന കുഞ്ഞുങ്ങൾ അവരുടേതായ ഇടങ്ങൾ കണ്ടെത്തുന്നത് വരെ എവിടെ കയറി ഇരുന്നാൽ ആണോ സുരക്ഷിതത്വം തോന്നുന്നത് അത്തരം ഇടങ്ങളിൽ കയറി ഇവ സ്ഥാനം പിടിക്കും. അതുകൊണ്ടാണ് കുഞ്ഞു പാമ്പുകൾ വീടിനുള്ളിലേയ്ക്ക് കയറി വരുന്നത് പലയിടത്തും നാം കാണുന്നത്.
കൗതുകം കൊണ്ടായാലും അല്ലാതെയായാലും കുഞ്ഞു പാമ്പുകളെ കുപ്പി വെച്ച് പിടിച്ച് അതിലേയ്ക്ക് പിടിച്ച് ഇടാൻ ശ്രമം നടത്തരുത്. കുഞ്ഞു പാമ്പുകളിൽ വിഷത്തിന്റെ അളവിൽ കുറവ് മാത്രമേ ഉള്ളൂ, വലിയ പാമ്പുകളെ അപേക്ഷിച്ച് കുഞ്ഞു പാമ്പുകളിലെ വിഷത്തിന്റെ വീര്യം പതിൻമടങ്ങ് ആയിരിക്കും. അതുകൊണ്ട് കുഞ്ഞു പാമ്പുകളെ പിടിച്ചു വെയ്ക്കാനുള്ള ശ്രമങ്ങൾ നടത്തരുത്. ഉടനടി വനംവകുപ്പിലോ ബന്ധപ്പെട്ടവരുമായോ ബന്ധപ്പെടുക. മാറി നിന്ന്
കുഞ്ഞു പാമ്പുകൾ എവിടെയാണ് കയറി ഇരിക്കുന്നതെന്ന് മാത്രം ശ്രദ്ധിച്ച് അത് ബന്ധപ്പെട്ടവരുമായി പങ്കുവെക്കുക.
🙏
നല്ലറിവ്
Usefull information