ഓണ സദ്യയിൽ വിളമ്പാൻ നാടൻ രീതിയിൽ വളരെ എളുപ്പത്തിൽ തയ്യാറാക്കാൻ പറ്റിയ, നല്ല രുചികരമായ ചെറുനാരങ്ങ അച്ചാറിന്റെ റെസിപ്പി താഴെ നൽകുന്നു.
ആവശ്യമായ ചേരുവകൾ
🍋🛢️🫚🧂🥫🧄🧅🌿🌶️🫗🍋
🍋ചെറുനാരങ്ങ: 10-12 എണ്ണം
🛢️നല്ലെണ്ണ (എള്ളെണ്ണ): 4-5 ടേബിൾസ്പൂൺ
🫛കടുക്: 1 ടീസ്പൂൺ
🫚ഇഞ്ചി: 1½ ടേബിൾസ്പൂൺ (പൊടിയായി അരിഞ്ഞത്)
🧄വെളുത്തുള്ളി: 2 ടേബിൾസ്പൂൺ (പൊടിയായി അരിഞ്ഞത്)
🌶️പച്ചമുളക്: 3-4 എണ്ണം (വട്ടത്തിൽ അരിഞ്ഞത്)
🌿കറിവേപ്പില: 2 തണ്ട്
🌶️കാശ്മീരി മുളകുപൊടി: 3 ടേബിൾസ്പൂൺ (നല്ല നിറത്തിന്)
🌶️എരിവുള്ള മുളകുപൊടി: 1 ടേബിൾസ്പൂൺ (നിങ്ങളുടെ എരിവിനനുസരിച്ച് മാറ്റാം)
🛢️മഞ്ഞൾപ്പൊടി: ½ ടീസ്പൂൺ
🫛ഉലുവപ്പൊടി: ½ ടീസ്പൂൺ
🍶കായപ്പൊടി: ½ ടീസ്പൂൺ
🍶വിനാഗിരി: 3-4 ടേബിൾസ്പൂൺ
🫙ചൂടുവെള്ളം: ½ കപ്പ്
🧂ഉപ്പ്: ആവശ്യത്തിന്
🫕തയ്യാറാക്കുന്ന വിധം🫕
♨️♨️♨️♨️♨️♨️♨️♨️
🍋 നാരങ്ങ വേവിക്കൽ:- ചെറുനാരങ്ങ നന്നായി കഴുകി തുടച്ച ശേഷം ആവിയിൽ (Steam) 8-10 മിനിറ്റ് വേവിച്ചെടുക്കുക (അല്ലെങ്കിൽ അല്പം വെള്ളത്തിലിട്ട് തിളപ്പിച്ച് തൊലി മൃദുവാകുന്നതുവരെ വേവിച്ചാലും മതി).
🍋 മുറിക്കലും ഉപ്പ് തിരുമ്മലും:- തണുത്ത ശേഷം നാരങ്ങ ചെറിയ കഷണങ്ങളായി മുറിക്കുക. അതിലേക്ക് ആവശ്യത്തിന് ഉപ്പ് ചേർത്ത് നന്നായി ഇളക്കി മാറ്റിവെക്കുക.
🥘 താളിക്കൽ:- ഒരു പാനിൽ നല്ലെണ്ണ ചൂടാക്കി കടുക് പൊട്ടിക്കുക.
🥘 വഴറ്റൽ:- അതിലേക്ക് അരിഞ്ഞുവെച്ച ഇഞ്ചി, വെളുത്തുള്ളി, പച്ചമുളക്, കറിവേപ്പില എന്നിവ ചേർത്ത് പച്ചമണം മാറി നേരിയ പൊൻനിറമാകുന്നതുവരെ വഴറ്റുക.
⚱️പൊടികൾ ചേർക്കൽ:- തീ വളരെ കുറച്ചുവെച്ച ശേഷം കാശ്മീരി മുളകുപൊടി, എരിവുള്ള മുളകുപൊടി, മഞ്ഞൾപ്പൊടി, ഉലുവപ്പൊടി, കായപ്പൊടി എന്നിവ ചേർത്ത് ചെറിയ തീയിൽ മൂപ്പിച്ചെടുക്കുക. (പൊടികൾ കരിഞ്ഞുപോകരുത്).
🥗 ഗ്രേവി തയ്യാറാക്കൽ:- ഗ്രേവി ഉണ്ടാക്കുവാനായി ഇതിലേക്ക് അര കപ്പ് തിളപ്പിച്ച ചൂടുവെള്ളവും വിനാഗിരിയും ഒഴിച്ച് തിളപ്പിക്കുക.
🍋 നാരങ്ങ ചേർക്കൽ:- ഗ്രേവി തിളച്ചുവരുമ്പോൾ ഉപ്പ് പുരട്ടിവെച്ചിരിക്കുന്ന നാരങ്ങ കഷണങ്ങൾ ചേർത്ത് നന്നായി ഇളക്കുക. ചെറിയ തീയിൽ 2 മിനിറ്റ് വെച്ച ശേഷം തീ അണയ്ക്കാം.
✉️ചെറിയ ചില കുറിപ്പുകൾ✉️
📑📄📑📃📄📑📃📄
🫙അച്ചാർ പൂർണ്ണമായും തണുത്ത ശേഷം മാത്രം ഈർപ്പമില്ലാത്ത വൃത്തിയുള്ള ചില്ലുകുപ്പിയിലേക്ക് (Glass Jar) മാറ്റുക.
🍯ചെറുനാരങ്ങയുടെ കയ്പ്പ് മാറി അച്ചാറിന് യഥാർത്ഥ രുചി കിട്ടാൻ 3-4 ദിവസത്തിനു ശേഷം ഉപയോഗിക്കുന്നതാണ് ഏറ്റവും നല്ലത്.
🌼മലയാളി മനസ്സിന്റെ പ്രിയപ്പെട്ട എല്ലാ വായനക്കാർക്കും ഐശ്വര്യവും സമൃദ്ധിയും നിറഞ്ഞ ഓണാശംസകൾ നേരുന്നു.🥰🙏
തയ്യാറാക്കിയത്: റീന നൈനാൻ,
(മാജിക്കൽ ഫ്ലേവേഴ്സ്, വാകത്താനം)
