📱വാർത്തകൾ ഒറ്റനോട്ടത്തിൽ📱 – 2026 | മെയ് 10 | ഞായർ ✍️ കപിൽ ശങ്കർ

🔹മെയ് 10-ാം തീയതി പ്രധാനമായും താഴെ പറയുന്ന അന്താരാഷ്ട്ര-ദേശീയ ദിനങ്ങളാണ് ആചരിക്കുന്നത്:

•മാതൃദിനം (Mother’s Day): ഇന്ത്യ ഉൾപ്പെടെയുള്ള നിരവധി രാജ്യങ്ങളിൽ മെയ് മാസത്തിലെ രണ്ടാമത്തെ ഞായറാഴ്ചയാണ് മാതൃദിനമായി ആഘോഷിക്കുന്നത്. ആ രീതിയിൽ ഈ വർഷത്തെ (2026) മാതൃദിനം മെയ് 10-നാണ് വരുന്നത്.
•ലോക ലൂപ്പസ് ദിനം (World Lupus Day): ലൂപ്പസ് (Lupus) എന്ന സ്വയംപ്രതിരോധ രോഗത്തെക്കുറിച്ചുള്ള (Autoimmune disease) അവബോധം വളർത്തുന്നതിനാണ് ഈ ദിനം ആചരിക്കുന്നത്.
•അന്താരാഷ്ട്ര അർഗാനിയ ദിനം (International Day of Argania): പരിസ്ഥിതി സംരക്ഷണത്തിലും സുസ്ഥിര വികസനത്തിലും അർഗാൻ മരങ്ങളുടെ പ്രാധാന്യം ഓർമ്മിപ്പിക്കുന്നതിനായി യുഎൻ (UN) ആചരിക്കുന്ന ദിനമാണിത്.
•ഒന്നാം സ്വാതന്ത്ര്യ സമരം (1857): ഇന്ത്യൻ ചരിത്രത്തിൽ മെയ് 10-ന് വലിയ പ്രാധാന്യമുണ്ട്. 1857 മെയ് 10-നാണ് ബ്രിട്ടീഷ് ഭരണത്തിനെതിരെയുള്ള ഇന്ത്യയുടെ ഒന്നാം സ്വാതന്ത്ര്യ സമരം (സിപായി ലഹള) മീററ്റിൽ നിന്നും ഔദ്യോഗികമായി ആരംഭിച്ചത്.
•നടൻ വിജയ് തമിഴ്‌നാടിന്റെ പുതിയ മുഖ്യമന്ത്രിയായി ഇന്ന് (2026 മെയ് 10) സത്യപ്രതിജ്ഞ ചെയ്ത് അധികാരമേറ്റു.

🔹കേരളത്തിലെ മുഖ്യമന്ത്രിക്കാര്യത്തില്‍ ഡല്‍ഹിയില്‍ നടന്ന മൂന്നു മണിക്കൂര്‍ ചര്‍ച്ചയിലും തീരുമാനമായില്ല. കെ.സി വേണുഗോപാലും രമേശ് ചെന്നിത്തലയും വി.ഡി. സതീശനും മുഖ്യമന്ത്രിയാകണമെന്ന നിലപാടില്‍ ഉറച്ചുനിന്നു. രാഹുല്‍ ഗാന്ധിയും മല്ലികാര്‍ജുന്‍ ഖാര്‍ഗയും തീരുമാനമെടുക്കുമെന്ന് എഐസിസി സെക്രട്ടറി ദീപദാസ് മുന്‍ഷി പറഞ്ഞു. മൂന്നു പേരും അര്‍ഹരാണെന്നും സോണിയാഗാന്ധിയുമായി ആലോചിക്കുമെന്നും രാഹുല്‍ഗാന്ധി. നേതൃത്വത്തിന്റെ തീരുമാനം അംഗീകരിക്കുമെന്ന് കേരള നേതാക്കള്‍. വൈകാരികവും സങ്കീര്‍ണവുമായ നിലയിലേക്കു കാര്യങ്ങള്‍ എത്തിയതില്‍ ഹൈക്കമാന്‍ഡ് അസന്തുഷ്ടി പ്രകടിപ്പിച്ചു.

🔹നടൻ വിജയ് തമിഴ്‌നാടിന്റെ പുതിയ മുഖ്യമന്ത്രിയായി ഇന്ന് (2026 മെയ് 10) സത്യപ്രതിജ്ഞ ചെയ്ത് അധികാരമേറ്റു.ചെന്നൈയിലെ ജവഹർലാൽ നെഹ്‌റു ഇൻഡോർ സ്റ്റേഡിയത്തിൽ നടന്ന പ്രൗഢഗംഭീരമായ ചടങ്ങിലാണ് തമിഴക വെട്രി കഴകം (TVK) അധ്യക്ഷനായ വിജയ് സത്യപ്രതിജ്ഞ ചെയ്തത്.
2026-ലെ തമിഴ്‌നാട് നിയമസഭാ തിരഞ്ഞെടുപ്പിൽ വിജയിയുടെ പാർട്ടിയായ TVK 108 സീറ്റുകൾ നേടി ഏറ്റവും വലിയ ഒറ്റക്കക്ഷിയായി മാറി.കേവല ഭൂരിപക്ഷത്തിന് (118 സീറ്റുകൾ) പത്ത് സീറ്റുകൾ കുറവായിരുന്നതിനാൽ, കോൺഗ്രസ് (5), സി.പി.ഐ.എം (2), സി.പി.ഐ (2), വി.സി.കെ (2), ഐ.യു.എം.എൽ (2) എന്നീ പാർട്ടികളുടെ പിന്തുണയോടെ 120 സീറ്റുകളുടെ ഭൂരിപക്ഷം ഉറപ്പാക്കിയാണ് വിജയ് സർക്കാർ രൂപീകരിച്ചത്. തമിഴ്‌നാട് രാഷ്ട്രീയത്തെ പതിറ്റാണ്ടുകളായി ഭരിച്ചിരുന്ന ഡി.എം.കെ (DMK), എ.ഐ.എ.ഡി.എം.കെ (AIADMK) എന്നീ ദ്രാവിഡ പാർട്ടികളുടെ ദ്വിധ്രുവ ഭരണത്തിനാണ് ഈ വിജയത്തിലൂടെ അറുതിയായത്. എം.ജി.ആറിനും ജയലളിതയ്ക്കും ശേഷം തമിഴ്‌നാട് മുഖ്യമന്ത്രിയാകുന്ന മൂന്നാമത്തെ പ്രമുഖ സിനിമാതാരമാണ് വിജയ്.

🔹കേരളത്തിലെ മുഖ്യമന്ത്രി പദത്തെ ചൊല്ലിയുള്ള തര്‍ക്കങ്ങളുടെ പേരില്‍ തെരുവില്‍ അങ്കം വെട്ടരുതെന്ന് കെ സി വേണുഗോപാല്‍, വി ഡി സതീശന്‍, രമേശ് ചെന്നിത്തല എന്നിവര്‍ സംയുക്തമായി ആവശ്യപ്പെട്ടു. പ്രവര്‍ത്തകര്‍ പ്രകടനങ്ങള്‍ നടത്തുന്നതും ഫ്ലക്സുകള്‍ സ്ഥാപിക്കുന്നതും അവസാനിപ്പിക്കണമെന്നും അതു പാര്‍ട്ടിക്കു ദോഷമാകുമെന്നും നേതാക്കള്‍. ഹൈക്കമാന്‍ഡിന്റെ നിര്‍ദേശപ്രകാരമാണ് ഈ നീക്കം.

🔹കേരള കോണ്‍ഗ്രസ് നേതാവും മന്ത്രിയുമായിരുന്ന റോഷി അഗസ്റ്റിനെയും പ്രമോദ് നാരായണനെയും രൂക്ഷമായി വിമര്‍ശിച്ച് കേരള കോണ്‍ഗ്രസ് എം സ്റ്റിയറിങ്ങ് കമ്മിറ്റി. തെരഞ്ഞെടുപ്പിന് മുന്‍പ് മുന്നണി മാറ്റസാധ്യത ഉണ്ടായിട്ടും തടഞ്ഞതാണ് പാര്‍ട്ടിയുടെ നാശത്തിനു കാരണമെന്നാണ് വിമര്‍ശനം. പിണറായി വിജയന്റെയും സിപിഎം നേതാക്കളുടെയും ധാഷ്ട്യം തിരിച്ചടിയായെന്നും വിലയിരുത്തി. സിപിഎം അണികളുടെ വോട്ടു ലഭിച്ചില്ലെന്നും വിമര്‍ശനമുയര്‍ന്നു.

🔹വി.ഡി സതീശനെ മുഖ്യമന്ത്രിയാക്കണമെന്ന ആവശ്യവുമായി ഇരിട്ടി ടൗണില്‍ കോണ്‍ഗ്രസ് പ്രവര്‍ത്തകന്റെ ശയനപ്രദക്ഷിണം. കോണ്‍ഗ്രസ് പ്രവര്‍ത്തകനായ പി വി രാജന്‍ പട നയിച്ചവന്‍ മുഖ്യമന്ത്രിയാവട്ടെ എന്ന പ്ലക്കാര്‍ഡുമായാണ് ശയനപ്രദക്ഷിണം നടത്തിയത്.

🔹കാഞ്ഞങ്ങാട് കൂളിയങ്കല്‍ മുതല്‍ തോയമ്മല്‍ വരെ നാഷണല്‍ ഹൈവേയില്‍ ശക്തമായ മഴയില്‍ വെള്ളം കെട്ടി നിന്നത്തോടെ യാത്രക്കാര്‍ പെരുവഴിയിലായി. വൈകിട്ട് ഏഴിന് ആരംഭിച്ച മഴ രണ്ടു മണിക്കൂറോളം നീണ്ടു നിന്നതോടെ റോഡ് വെള്ളത്തില്‍ മുങ്ങുകയായിരുന്നു.

🔹വ്യാജരേഖ ചമച്ച് അവയവ കൈമാറ്റ തട്ടിപ്പു നടത്തിയ കേസിലെ മുഖ്യപ്രതി ഒളിവിലുള്ള കാസര്‍കോട് സ്വദേശി മുഹമ്മദ് നജീബിന്റെ ഭാര്യ കുന്നത്തുനാട് സ്വദേശി റഷീദ അറസ്റ്റില്‍. കേസില്‍ അഞ്ചുപേരെ നേരത്തെ അറസ്റ്റു ചെയ്തിരുന്നു. സണ്ണി വര്‍ഗീസ്, സിനി വര്‍ഗീസ്, ശ്രീജ, സുധീര്‍, വിനോദ് എന്നിവരാണു നേരത്തെ പിടിയിലായത്. കേസന്വേഷണത്തിന് എറണാകുളം റൂറല്‍ പൊലീസ് പ്രത്യേക അന്വേഷണ സംഘം രൂപീകരിക്കും.

🔹പൊലീസ് ജീപ്പ് മോഷ്ടിച്ചയാളെ നാട്ടുകാര്‍ പിടികൂടി പോലീസില്‍ ഏല്‍പിച്ചു. തൃശൂര്‍ വടക്കേക്കാട് സ്വദേശി ഹംസയെയാണ് കണ്ണൂര്‍ ടൗണ്‍ പൊലീസ് അറസ്റ്റു ചെയ്തത്. മൊബൈല്‍ ഫോണ്‍ മോഷണം പോയെന്നു പരാതിപ്പെടാന്‍ സ്റ്റേഷനിലെത്തിയ ഇയാള്‍ അര്‍ധരാത്രിയോടെ തൊട്ടടുത്ത സൈബര്‍ പൊലീസ് സ്റ്റേഷനു സമീപത്തെ ജീപ്പുമായി കടന്നു കളയുകയായിരുന്നു. ജീപ്പില്‍ ‘പോലീസ് ലുക്കി’ല്ലാത്തയാളെ കണ്ടു എസ്എന്‍ പാര്‍ക്കിലെ നാട്ടുകാര്‍ ചോദ്യം ചെയ്തപ്പോഴാണു മോഷ്ടിച്ചതാണെന്നു വ്യക്തമായത്.

🔹ആറു വയസ്സുകാരിയെ ട്രെയിനില്‍ ലൈംഗികാതിക്രമം നടത്തിയെന്ന പരാതിയില്‍ കൊല്ലം സ്വദേശി സാനിഷി(40)നെ പുനലൂര്‍ റെയില്‍വേ പൊലീസ് കസ്റ്റഡിയിലെടുത്തു. കേരളത്തിലേക്കു തീര്‍ഥയാത്രക്കെത്തിയ തമിഴ് കുടുംബത്തിലെ കുട്ടിയാണ് അതിക്രമത്തിന് ഇരയായത്.

🔹ജോലി വാഗ്ദാനം നല്‍കി ഒറ്റപ്പാലം സ്വദേശിനിയെ കഴക്കൂട്ടത്ത് ‘ഡേ ഡ്രീം’ എന്ന സ്പായിലേക്കു വിളിച്ചുവരുത്തി പീഡിപ്പിച്ചെന്ന കേസില്‍ സിപിഎം കല്‍പന ബ്രാഞ്ച് സെക്രട്ടറിയും ഡിവൈഎഫ്‌ഐ മേഖല സെക്രട്ടറിയുമായ കഠിനംകുളം സ്വദേശി ജിപ്‌സനു (35) പുറമേ, സ്പായില്‍ ഒത്താശ ചെയ്തുകൊടുത്ത മാന്നാര്‍ സ്വദേശിനി അശ്വതി (22) യെയും അറസ്റ്റു ചെയ്തു.

🔹ഇടുക്കി വണ്ടിപ്പെരിയാറില്‍ വിവാഹസല്‍ക്കാരത്തിനിടെ ഭക്ഷണം വിളമ്പുന്നതിനെച്ചൊല്ലിയുള്ള തര്‍ക്കം കൂട്ടത്തല്ലില്‍ കലാശിച്ചു. പരിക്കേറ്റ വരന്റെ സഹോദരീഭര്‍ത്താവ് ഉള്‍പ്പെടെ 10 പേരെ ആശുപത്രിയില്‍ പ്രവേശിപ്പിച്ചു. സല്‍ക്കാരം അവസാനിക്കാറായി കാറ്ററിംഗ് സംഘം മേശ ഒതുക്കുന്നതിനിടെയാണു വരന്റെ അടുത്ത ബന്ധുക്കള്‍ ഭക്ഷണം കഴിക്കാനെത്തിയത്. അവരോടു വേറെയൊരു മേശയിലേക്കു മാറിയിരിക്കാന്‍ നിര്‍ദേശിച്ച കാറ്ററിംഗ് സംഘവുമായി ഏറ്റുമുട്ടുകയായിരുന്നു.

🔹കൊച്ചി നഗരത്തില്‍ പോലീസ് നടത്തിയ മിന്നല്‍ പരിശോധനയില്‍ ആറുപേര്‍ അറസ്റ്റിലായി. തൃപ്പൂണിത്തുറയിലെ റിസോര്‍ട്ടില്‍ നിന്നും കരിമുകളിലെ വീട്ടില്‍ നിന്നുമായി എം.ഡി.എം.എയും എക്സ്റ്റസി ഗുളികകളും പിടിച്ചെടുത്തു. ലഹരി ശൃംഖലയെക്കുറിച്ച് പോലീസ് അന്വേഷണം ഊര്‍ജ്ജിതമാക്കിയിട്ടുണ്ട്.

🔹കോണ്‍ഗ്രസിനെ വിമര്‍ശിച്ചും ഒപ്പം നിന്ന പാര്‍ട്ടികള്‍ക്ക് നന്ദി പറഞ്ഞും തമിഴ്നാട് മുന്‍ മുഖ്യമന്ത്രി എം കെ സ്റ്റാലിന്‍. ഡിഎംകെ സഖ്യത്തില്‍ ജയിച്ചിട്ടും നന്ദി പറയാന്‍ കോണ്‍ഗ്രസുകാര്‍ എത്തിയില്ല. പല സാധ്യതകളും മുന്നില്‍ വന്നെന്നും എന്നാല്‍ പാര്‍ട്ടി മികച്ച തീരുമാനം എടുത്തെന്നും സ്റ്റാലിന്‍ പറഞ്ഞു.

🔹എംസി റോഡിൽ വെഞ്ഞാറമൂടിന് സമീപം കീഴായിക്കോണത്ത് കാറും ബൈക്കും കൂട്ടിയിടിച്ച് യുവാവ് മരിച്ചു. കുറ്റിക്കാട് സ്വദേശി സുബിൻ (18) ആണ് മരിച്ചത്. ഞായറാഴ്ച പുലർച്ചെ 2.30 ഓടെയായിരുന്നു അപകടം നടന്നത്. വെഞ്ഞാറമൂട് ഭാഗത്ത് നിന്നു വന്ന ബൈക്ക് എതിർ ദിശയിൽ നിന്നു വന്ന കാറുമായി കൂട്ടിയിടിക്കുകയായിരുന്നു. ബൈക്കിന് പിന്നിലിരുന്ന് യാത്ര ചെയ്യുകയായിരുന്നു സുബിൻ. ബൈക്ക് ഓടിച്ചിരുന്ന സുബിന്‍റെ സുഹൃത്ത് സിദ്ധാർഥ് പരിക്കുകളെ തുടർന്ന് ചികിത്സയിലാണ്.
വാമനപുരത്ത് നിന്നും ഭക്ഷണം കഴിച്ച് മടങ്ങുകയായിരുന്ന ഗോകുലം മെഡിക്കൽ കോളജ് ആശുപത്രിയിലെ ഡോക്ടർമാർ സഞ്ചരിച്ച കാർ ആണ് ബൈക്കിലിടിച്ചത്. ഉടൻതന്നെ യുവാക്കളെ ഗോകുലം മെഡിക്കൽ കോളജിൽ എത്തിച്ചെങ്കിലും സുബിന്‍റെ ജീവൻ രക്ഷിക്കാനായില്ല.

🔹കളമശേരിയിൽ പോത്തിന്‍റെ ആക്രമണത്തിൽ വയോധികന് ദാരുണാന്ത്യം. കൊല്ലംകുടി വീട്ടിൽ അബു(73) ആണ് മരിച്ചത്. വീടിന് സമീപത്ത് മരങ്ങൾ കുത്തി മറിക്കുന്നത് കണ്ട് പോത്തിനെ ഓടിക്കാൻ ശ്രമിക്കുന്നതിനിടെയാണ് ആക്രമണം.ആക്രമണത്തിൽ‌ അബുവിന്‍റെ കാലിനും വാരിയെല്ലുകൾക്കും ഗുരുതര പരിക്കേറ്റിരുന്നു. ആക്രമണത്തിൽ പരിക്കേറ്റ അബുവിന്‍റെ നിലവിളി കേട്ട് നാട്ടുകാർ ഓടിയെത്തിയെങ്കിലും പോത്ത് അക്രമാസക്തമായിരുന്നതിനാൽ‌ ഉടൻ വയോധികനെ രക്ഷിക്കാനായില്ല.തുടർന്ന് പോത്തിന്‍റെ ശ്രദ്ധ മാറിയതോടെയാണ് നാട്ടുകാർ അബുവിനെ ആശുപത്രിയിലേക്ക് മാറ്റിയത്. എന്നാൽ ഗുരുതരമായി പരിക്കേറ്റ അബുവിന്‍റെ ജീവൻ രക്ഷിക്കാനായില്ല.

🔹ഇനിയുള്ള ദിവസങ്ങളില്‍ എല്ലാ ജില്ലകളിലും കാറ്റോടും ഇടിമിന്നലോടും കൂടിയ മഴയ്ക്ക് സാധ്യതയെന്ന് കാലാവസ്ഥ മുന്നറിയിപ്പ്. ബംഗാള്‍ ഉള്‍ക്കടലില്‍ സീസണിലെ ആദ്യ ന്യൂനമര്‍ദ്ദത്തിന് സാധ്യതയുണ്ട്. മന്നാര്‍ ഉള്‍ക്കടലിനും അതിനോട് ചേര്‍ന്നുള്ള ശ്രീലങ്കയ്ക്കും മുകളിലായി ചക്രവാതചുഴിയുമുണ്ട്.

🔹തമിഴ്നാട്ടില്‍ വിജയ് സര്‍ക്കാരില്‍ കോണ്‍ഗ്രസിനും മന്ത്രിമാര്‍. വര്‍ഷങ്ങള്‍ നീണ്ട കാത്തിരിപ്പിനൊടുവിലാണ് കോണ്‍ഗ്രസ് അധികാരത്തില്‍ പങ്കാളികളാകുന്നത്. മേലൂര്‍ എംഎല്‍എ പി വിശ്വനാഥന്‍, രാജേഷ് കുമാര്‍ എന്നിവര്‍ മന്ത്രിമാരാകും . വിജയ്യുടെ സത്യപ്രതിജ്ഞ ചടങ്ങില്‍ പങ്കെടുക്കാന്‍ രാഹുല്‍ഗാന്ധി എത്തും. അതേസമയം തമിഴ്‌നാട് നിയമസഭയിലേക്കു തെരഞ്ഞെടുക്കപ്പെട്ട കോണ്‍ഗ്രസിന്റെ അഞ്ച് എം.എല്‍.എമാരെ ഹൈദരാബാദിലെ റിസോര്‍ട്ടിലേക്ക് മാറ്റിയിരുന്നു.

🔹പഞ്ചാബ് മന്ത്രിയും ആം ആദ്മി പാര്‍ട്ടി നേതാവുമായ സഞ്ജീവ് അറോറയെ കള്ളപ്പണം വെളുപ്പിക്കല്‍ കേസില്‍ എന്‍ഫോഴ്സ്മെന്റ് ഡയറക്ടറേറ്റ് അറസ്റ്റു ചെയ്തു. ഡല്‍ഹി, ഗുരുഗ്രാം, ഛണ്ഡീഗഡ് എന്നിവിടങ്ങളില്‍ നടന്ന റെയ്ഡിനു പിറകേയാണ് പഞ്ചാബ് വ്യവസായ മന്ത്രിയായ സഞ്ജീവ് അറോറയെ ഇഡി കസ്റ്റഡിയിലെടുത്തത്.

🔹ബി.ജെ.പിക്കെതിരെ ഗുരുതരമായ ആരോപണവുമായി പഞ്ചാബ് മുഖ്യമന്ത്രി ഭഗവന്ത് മാന്‍. കേന്ദ്ര ഏജന്‍സികളെ ബി.ജെ.പി ദുരുപയോഗം ചെയ്യുകയാണെന്ന് അദ്ദേഹം പറഞ്ഞു. പഞ്ചാബ് മന്ത്രിയും എം.എല്‍.എയുമായ സഞ്ജീവ് അറോറയുടെ സ്ഥലങ്ങളില്‍ എന്‍ഫോഴ്സ്മെന്റ് ഡയറക്ടറേറ്റ് റെയ്ഡ് നടത്തിയതിനെതിരെയായിരുന്നു മാനിന്റെ പ്രതികരണം.

🔹ബിജെപിക്കെതിരെ എല്ലാ പ്രതിപക്ഷ പാര്‍ട്ടികളും അണിനിരക്കണമെന്നും സഹകരിക്കാന്‍ താല്‍പര്യമുള്ള എല്ലാ പാര്‍ട്ടികളുമായും ചര്‍ച്ച ചെയ്യുമെന്നും ബംഗാള്‍ മുന്‍ മുഖ്യമന്ത്രി മമത ബാനര്‍ജി. കാളിഘട്ടിലെ വീടിനു മുന്‍പില്‍ ജനങ്ങളുമായി സംസാരിക്കുകയായിരുന്നു അവര്‍.

🔹പശ്ചിമ ബംഗാളില്‍ സിപിഎം പാര്‍ട്ടി പത്രമായ ഗണശക്തിയുടെ ഒന്നാം പേജില്‍ ബിജെപി സര്‍ക്കാരിന്റെ ബഹുവര്‍ണ പരസ്യം. 35 വര്‍ഷം അധികാരത്തിലിരുന്ന സിപിഎമ്മിനെ മമത ബാനര്‍ജി അധികാരത്തില്‍നിന്നു പുറത്താക്കിയ ശേഷം 15 വര്‍ഷത്തിനിടെ ആദ്യമായാണ് പാര്‍ട്ടി പത്രത്തിന് സര്‍ക്കാര്‍ പരസ്യം ലഭിക്കുന്നത്. പ്രധാനമന്ത്രി നരേന്ദ്ര മോദിയുടെയും മുഖ്യമന്ത്രി സുവേന്ദു അധികാരിയുടെയും ചിത്രമാണ് പരസ്യത്തിലുള്ളത്.

🔹നിയമസഭാ തിരഞ്ഞെടുപ്പിലെ പരാജയത്തിനു പിറകേ തൃണമൂല്‍ കോണ്‍ഗ്രസില്‍ കലഹം. മമത ബാനര്‍ജിക്കു ജനങ്ങളുമായുള്ള ബന്ധം നഷ്ടപ്പെട്ടതും പാര്‍ട്ടി നേതാക്കളുടെ ധിക്കാരപരമായ പെരുമാറ്റവുമാണ് തിരഞ്ഞെടുപ്പ് തിരിച്ചടിക്ക് കാരണമെന്ന് എംഎല്‍എമാരും മുതിര്‍ന്ന നേതാക്കളും വിമര്‍ശിച്ചു. പാര്‍ട്ടി രണ്ടു ചേരികളായെന്ന് മുതിര്‍ന്ന നേതാവായ രവീന്ദ്രനാഥ് ഘോഷ് തുറന്നടിച്ചു.

🔹റഷ്യ – യുക്രെയ്ന്‍ യുദ്ധം അവസാനിക്കുകയാണെന്ന് റഷ്യന്‍ പ്രസിഡന്റ് വ്ലാഡിമിര്‍ പുട്ടിന്‍. ട്രംപ് നിര്‍ദേശിച്ച യുദ്ധത്തടവുകാരുടെ കൈമാറ്റം യുക്രെയ്ന്‍െ അംഗീകരിക്കുമെന്നാണു പ്രതീക്ഷ. നാലു വര്‍ഷത്തിലേറെയായി നീണ്ടു നിന്ന പോരാട്ടം അവസാനിപ്പിക്കാന്‍ സഹായിച്ച യുഎസിന് നന്ദിയെന്നും പുട്ടിന്‍ പറഞ്ഞു.

🔹ഇറാനെതിരായ സൈനിക നടപടി വ്യാപിപ്പിക്കുമെന്ന ഭീഷണിയുമായി അമേരിക്കന്‍ പ്രസിഡണ്ട് ഡോണള്‍ഡ് ട്രംപ്. ചര്‍ച്ചകള്‍ക്കും ധാരണകള്‍ക്കും വഴങ്ങിയില്ലെങ്കില്‍ പ്രോജക്ട് ഫ്രീഡം ഉള്‍പ്പടെയുള്ള നടപടികള്‍ വ്യാപിപ്പിക്കുമെന്നാണ് മുന്നറിയിപ്പ്. ചര്‍ച്ച അടുത്തയാഴ്ച്ച ഇസ്ലാമാബാദില്‍ പുനരാരംഭിച്ചേക്കും.

🔹കടുത്ത സാമ്പത്തിക പ്രതിസന്ധിയിലായ പാക്കിസ്ഥാന് 132 കോടി ഡോളറിന്റെ (ഏകദേശം 12,400 കോടി രൂപ) വായ്പ കൂടി അനുവദിക്കാന്‍ ഐഎംഎഫ് തീരുമാനിച്ചു. ഐഎംഎഫ് നിര്‍ദേശിച്ച സാമ്പത്തിക നിയന്ത്രണങ്ങള്‍ പാക്കിസ്ഥാന്‍ അംഗീകരിച്ചതിനെ തുടര്‍ന്നാണു വായ്പ അനുവദിച്ചത്.

🔹വിദേശ ഏജന്‍സികളുമായി ചേര്‍ന്ന് ചാര പ്രവര്‍ത്തനങ്ങള്‍ നടത്തുകയും ഇറാന്റെ ആക്രമണങ്ങള്‍ക്കു പിന്തുണ പ്രഖ്യാപിക്കുകയും ചെയ്ത 41 പേരെ ബഹ്റിന്‍ സുരക്ഷാ സേന പിടികൂടി. ഇറാന്റെ സൈനിക വിഭാഗമായ റെവല്യൂഷണറി ഗാര്‍ഡുമായും ബന്ധമുള്ളവരാണു പിടിയിലായവര്‍.

🔹കാനഡയില്‍ നടന്ന കൊലപാതകക്കേസില്‍ ഇന്ത്യന്‍ വംശജര്‍ കുറ്റക്കാരെന്ന് കോടതി. ഇന്ത്യന്‍ വംശജരായ ഗുര്‍ക്കരന്‍ സിങ്, അഭിജീത്ത് സിങ്, ഖുശ്വീര്‍ തൂര്‍ എന്നിവര്‍ക്കെതിരെയാണ് വിധി. അബോട്ട്സ്ഫോര്‍ഡില്‍ വയോധിക ദമ്പതികള്‍ കൊല്ലപ്പെട്ട സംഭവത്തിലാണ് ബ്രിട്ടീഷ് കൊളംബിയ സുപ്രീം കോടതി വിധി പ്രസ്താവിച്ചത്.

🔹ഗള്‍ഫ് മേഖലയിലെ ഏറ്റവും പ്രധാന എണ്ണക്കയറ്റുമതി കേന്ദ്രമായ ഇറാന്റെ ഖാര്‍ഗ് ഐലന്‍ഡിന് സമീപം സമുദ്രത്തില്‍ വന്‍തോതില്‍ എണ്ണ പടരുന്നതായി സാറ്റ്ലൈറ്റ് ദൃശ്യങ്ങള്‍. ഏകദേശം 20 ചതുരശ്ര മൈലിലധികം പ്രദേശത്ത് എണ്ണ പടര്‍ന്നതായാണ് ഓയില്‍ സ്പില്‍ മോണിറ്ററിംഗ് സര്‍വീസായ ‘ഓര്‍ബിറ്റല്‍ ഇഒഎസ്’ വ്യക്തമാക്കുന്നത്.

🔹ഐപിഎല്ലില്‍ രാജസ്ഥാന്‍ റോയല്‍സിനെ 77 റണ്‍സിന് തകര്‍ത്ത് ഗുജറാത്ത് ടൈറ്റന്‍സ് പോയിന്റ് പട്ടികയില്‍ രണ്ടാം സ്ഥാനത്തെത്തി. ജയ്പൂരിലെ സവായ്മാന്‍സിംഗ് സ്റ്റേഡിയത്തില്‍ 230 റണ്‍സിന്റെ വിജയലക്ഷ്യവുമായി ക്രീസിലിറങ്ങിയ രാജസ്ഥാന്‍ 16.3 ഓവറില്‍ 152 റണ്‍സിന് ഓള്‍ ഔട്ടായി. 44 പന്തില്‍ 84 റണ്‍സെടുത്ത ശുഭ്മാന്‍ ഗില്ലിന്റേയും 36 പന്തില്‍ 55 റണ്‍സെടുത്ത സായ് സുദര്‍ശന്റേയും മികവിലാണ് ഗുജറാത്ത് കൂറ്റന്‍ സ്‌കോര്‍ പടുത്തുയര്‍ത്തിയത്. അതേസമയം 25 പന്തില്‍ 38 റണ്‍സെടുത്ത രവീന്ദ്ര ജഡേജയാണ് രാജസ്ഥാന്റെ ടോപ് സ്‌കോറര്‍. ഓപ്പണര്‍ വൈഭവ് സൂര്യവംശി 16 പന്തില്‍ 36 റണ്‍സടിച്ചപ്പോള്‍ ധ്രുവ് ജുറെല്‍ 10 പന്തില്‍ 24 റണ്‍സെടുത്തു.

🔹തെലുങ്ക് സൂപ്പര്‍താരം രാം ചരണ്‍ നായകനായി അഭിനയിക്കുന്ന പാന്‍ ഇന്ത്യന്‍ ചിത്രമായ ‘പെദ്ധി’ യുടെ ചിത്രീകരണം പൂര്‍ത്തിയായി. 2026 ജൂണ്‍ 4 ന് ആണ് ചിത്രം ആഗോള തലത്തില്‍ തീയേറ്ററുകളിലെത്തുക. ദേശീയ അവാര്‍ഡ് ജേതാവ് ബുചി ബാബു സന സംവിധാനം ചെയ്യുന്ന ചിത്രം വൃദ്ധി സിനിമാസിന്റെ ബാനറില്‍ വെങ്കട സതീഷ് കിലാരു ആണ് നിര്‍മ്മിക്കുന്നത്. മൈത്രി മൂവി മേക്കര്‍സ്, സുകുമാര്‍ റൈറ്റിങ്സ് എന്നിവര്‍ ചേര്‍ന്നാണ് ഈ ബിഗ് ബഡ്ജറ്റ് ചിത്രം അവതരിപ്പിക്കുന്നത്. ട്രെയിലര്‍ 16നോ 17നോ പുറത്തുവിടും എന്നതാണ് പുതിയ റിപ്പോര്‍ട്ട്. ഗുസ്തിക്ക് ഒപ്പം ക്രിക്കറ്റും ചിത്രത്തിന്റെ കഥാ പശ്ചാത്തലമായി വരുന്നുണ്ട്. ബോളിവുഡ് താരം ജാന്‍വി കപൂര്‍ ആണ് ചിത്രത്തിലെ നായിക. കന്നഡ സൂപ്പര്‍താരം ശിവരാജ് കുമാറും ഈ ചിത്രത്തില്‍ ഒരു നിര്‍ണായകമായ കഥാപാത്രത്തെ അവതരിപ്പിക്കുന്നു. ബോളിവുഡ് താരം ദിവ്യേന്ദു ശര്‍മ, ജഗപതി ബാബു, ബോമന്‍ ഇറാനി എന്നിവരാണ് മറ്റു കഥാപാത്രങ്ങള്‍.

🔹ക്യൂബ്സ് എന്റര്‍ടെയ്ന്‍മെന്റ്സിന്റെ ബാനറില്‍ ആന്റണി വര്‍ഗീസ് പെപ്പെ, ദുഷാര വിജയന്‍, സുനില്‍, കബീര്‍ സിംഗ് എന്നിവരെ കേന്ദ്ര കഥാപാത്രങ്ങളാക്കി ഷരീഫ് മുഹമ്മദ് നിര്‍മ്മിച്ച് പോള്‍ ജോര്‍ജ്ജ് സംവിധാനം ചെയ്യുന്ന ‘കാട്ടാളന്‍’ സിനിമയിലെ ‘ദി ഹണ്ടര്‍ ആന്തം’ പുറത്ത്. മോഹന്‍ലാലിന്റെ പേജിലൂടെയാണ് ഗാനം പുറത്തിറക്കിയിരിക്കുന്നത്. വേറിട്ട ഗാനങ്ങളൊരുക്കി ചുരുങ്ങിയ കാലം കൊണ്ട് സംഗീത ലോകത്ത് ശ്രദ്ധേയനായ നിഹാല്‍ സാദിഖ് ഒരുക്കിയിരിക്കുന്ന ഇലക്ട്രിഫൈയിങ് ആന്തം ആലപിച്ചിരിക്കുന്നത് നിഹാല്‍ സാദിഖും ഹനാന്‍ ഷായും എസ്വിഡിപിയും മുന്‍സും ചേര്‍ന്നാണ്. വരികള്‍ എഴുതിയിരിക്കുന്നത് സുഹൈല്‍ കോയയും വിഘ്നേഷും എസ്വിഡിപിയും ചേര്‍ന്നാണ്. ആന്തം സംവിധാനം ചെയ്തിരിക്കുന്നത് അശ്വിന്‍ എസ് കുമാറാണ്. മെയ് 28-നാണ് സിനിമയുടെ വേള്‍ഡ് വൈഡ് റിലീസ്. കാട്ടാളനായുള്ള പ്രേക്ഷകരുടെ ആകാംക്ഷ പതിന്മടങ്ങ് വര്‍ദ്ധിപ്പിക്കുന്നതാണ് ഗാനം.

💦 ഗുരുജിയുടെ വാക്കുകൾ

സ്വന്തം ശക്തിയെ തിരിച്ചറിയാത്തതു കൊണ്ടാണു നാം പ്രശ്നക്കാരായി മാറുന്നത്. സത്യവും അഹിംസയും ആത്മാര്‍ത്ഥതയുടെ ജീവിതശൈലിയും നാം സ്വായത്തമാക്കണം. കാലം മാറിയെന്നു പറയും മുമ്പു നമ്മുടെ മാറ്റത്തെ യഥാകാലം വിലയിരുത്തണം. അലസമനസ്സ് പിശാചിന്‍റെ പണിപ്പുരയാണെന്നാണു പറയുക. അതുകൊണ്ട് അദ്ധ്വാനം ആരാധനയാണെന്നു കരുതണം. ദൈവം എല്ലാ പക്ഷികള്‍ക്കും ഭക്ഷണം നൽകുന്നു. എന്നാല്‍ അവിടുന്ന് ഒന്നിന്‍റെയും കൂട്ടില്‍ ഭക്ഷണം കൊണ്ടു പോയി വക്കാറില്ലായെന്ന യാഥാര്‍ത്ഥ്യം മറക്കരുത്…. അദ്ധ്വാനിക്കാതെ അടിച്ചു പൊളിക്കാമെന്ന വ്യാമോഹം മിഥ്യയാണ് മണ്ടത്തരമാണ്, ദുരന്തമാണ്.

തയ്യാറാക്കിയത്: കപിൽ ശങ്കർ

30 Likes

📱വാർത്തകൾ ഒറ്റനോട്ടത്തിൽ📱 – 2026 | മെയ് 10 | ഞായർ ✍️ കപിൽ ശങ്കർ

💦 ഗുരുജിയുടെ വാക്കുകൾ

തയ്യാറാക്കിയത്: കപിൽ ശങ്കർ

📱വാർത്തകൾ ഒറ്റനോട്ടത്തിൽ📱 – 2026 | ജൂൺ 13 | ശനി ✍️ കപിൽ ശങ്കർ

ഫിഫ ലോകകപ്പ് ആവേശത്തിനിടയിലും യു.എസ് – മെക്സിക്കോ നയതന്ത്ര ബന്ധത്തിൽ അനിശ്ചിതത്വം

ക്രൂരമായ ലൈംഗികാതിക്രമം ആസൂത്രണം ചെയ്ത മുൻ ഫയർഫോഴ്സ് ഉദ്യോഗസ്ഥന് ജീവപര്യന്തം തടവ്

1 COMMENT

LEAVE A REPLY Cancel reply

Most Popular

നീറ്റ് പുനഃപരീക്ഷയിൽ പുതിയ മാറ്റം; പരീക്ഷാസമയം 15 മിനിറ്റ് കൂട്ടി.

നിപ പ്രതിരോധത്തിൽ സർക്കാറിന് വീഴ്ചയില്ല: സ്പെഷ്യൽ പ്ലീഡർ നിയമനത്തിൽ മലക്കം മറിഞ്ഞ് കെ മുരളീധരൻ.

Recent Comments

EDITOR PICKS

നീറ്റ് പുനഃപരീക്ഷയിൽ പുതിയ മാറ്റം; പരീക്ഷാസമയം 15 മിനിറ്റ് കൂട്ടി.

നിപ പ്രതിരോധത്തിൽ സർക്കാറിന് വീഴ്ചയില്ല: സ്പെഷ്യൽ പ്ലീഡർ നിയമനത്തിൽ മലക്കം മറിഞ്ഞ് കെ മുരളീധരൻ.

POPULAR POSTS

നീറ്റ് പുനഃപരീക്ഷയിൽ പുതിയ മാറ്റം; പരീക്ഷാസമയം 15 മിനിറ്റ് കൂട്ടി.

അസമില്‍ ലാന്‍ഡിങ്ങിനിടെ വ്യോമസേന വിമാനം തകര്‍ന്നുവീണു

POPULAR CATEGORY

ABOUT US

FOLLOW US