ശ്രാവണനിലാപ്പാൽ (കവിത) ✍ റോമി ബെന്നി

ചിണുങ്ങുന്നമഴക്കുഞ്ഞിനൊപ്പമാ
ചിങ്ങവെയിലൊളി പൊൻ ചിരി
തൂകവേ

മുറ്റപ്പുൽപ്പായയിലാ
മുക്കുറ്റിപ്പൂക്കൾനിരന്നിരുന്നനുസരണ
യുള്ളരർഭകരെപ്പോലെ

ഓലത്തുമ്പത്തെകൂടു
പണിതീർത്തൊരാ
തൂക്കണാംകുരുവി കുടിൽപൂകിനായി
ശ്രാവണനിലാപ്പാൽ
കാത്തു പാൽകാച്ചി
നൊരുങ്ങി

മുഖശോഭയേറ്റാനായി മഴനീരിനാൽ
കഴുകി വെൺവദനംതുമ്പപ്പെണ്ണ്.

ചെമ്പരത്തിക്കൊപ്പമാ
തുടുവർണ്ണച്ചെഞ്ചാ
യംപ്പൂശി കുടച്ചെത്തി
കാന്തിയാർന്നു

മലർമാല്യമൊരുക്കുന്ന
മുല്ലമുത്തുകൾരാവുപുലരുമു
മ്പാപരിമളവുമേകികാറ്റിനൊപ്പം
ചാഞ്ചാടിയാടിയല്ലോ

മഴവെള്ളപ്പളുങ്കുകുടഞ്ഞിടയ്ക്കിടെകേ
ശമുണക്കികിളിപ്പിന്നുകെട്ടിയൊരുങ്ങി
പനങ്കുലപ്പെൺകിടാവുമാതോഴിമാരും

താംബൂലക്കൂട്ടിനായിഅടയ്ക്കകളിട
യ്ക്കിടെവെറ്റിത്തോട്ടത്തിലേയ്ക്കു
കണ്ണെറിഞ്ഞുനിന്നുരസമാർന്നു

പലപൂക്കൾപതിഞ്ഞരാ
പലവർണ്ണ ചേലചുറ്റിയാ
മരതകവേലികൾനിരവദ്യമായി തിളങ്ങി

മഴ പോയതറിഞ്ഞുടൻ
മന്ദാരം പുഞ്ചിരി തൂകി മെല്ലെ ഇളംവെ
യിൽകാഞ്ഞുനിന്നതിമോദമോടെ

വെള്ളില വള്ളികൾ സുന്ദരി
പൂമോളെ കുങ്കുമം പൂശി
പെണ്ണുകാണാനൊരുക്കി ചിങ്ങമാസ
മാംഗല്യത്തിനവളനനുപമയായ്

തുളസിത്തറയിൽ പാവന
കതിർമണ്ഡപമൊരുങ്ങിപരിമളമോടെ

മലയാള നാടിന്റെ മംഗളമേളം കേട്ടാ
താരകങ്ങൾനിശയിലതിശയമായ്
കണ്ണുചിമ്മി

പൂനിലാവിൻ പാൽധാര
യിലാപുഴപ്പെണ്ണു പുളകത്താൽ ഇളകി
കുളിരോളമേറ്റതിമോദമോടെ

മാമലനാട്ടിലെ മാമാങ്കമായെന്നു
ദൂരെയാരോ പാടിപ്പറഞ്ഞ പോൽ
ഓണക്കാറ്റാഞ്ഞു വീശി.

ഓർമയിലീയോണഭംഗി
മായാതെനിൽക്കുമ്പോൾ
മഴവില്ലിൻ ശോഭയാർന്ന
മനമോടെ ഞാൻ കണ്ടു
മറുനാട്ടിലെങ്കിലുമീയോണം

60 Likes