👫കുട്ടീസ് കോർണർ 👬👫 (നൂറ്റിയൊന്നാം വാരം) ✍ സൈമ ശങ്കർ, മൈസൂർ

ഹായ് കുട്ടീസ്!! വീണ്ടും കുട്ടീസ് കോർണറിലേയ്ക്ക് സ്വാഗതം 😍

ഈ ആഴ്ച നമുക്ക് A)തീപ്പെട്ടി ചിത്ര വിവരണം. B)വാക്കിലെ പകരക്കാരൻ
C)ഗുണപാഠകഥ, പിന്നെ കുറച്ച് D)പഴഞ്ചൊല്ലുകളും, കൂടാതെ ഈ ആഴ്ചയും എളുപ്പത്തിൽ(E) സ്റ്റെപ് ബൈ സ്റ്റെപ് ആയി വരയ്ക്കുന്ന ഒരു ചിത്രം കൂടി കാണാം ട്ടോ 😍 കുട്ടീസ് ഒഴിവു സമയങ്ങളിൽ അവ വരച്ചു നോക്കാറുണ്ടോ?മനസ്സിന്റെ ഉല്ലാസത്തിനും, ഏകാഗ്രതയ്ക്കും ചിത്ര രചന ഏറെ പ്രയോജനം ചെയ്യും 😍

😍💕മനസ്സിന്റെ ഉല്ലാസത്തിനും, ഏകാഗ്രതയ്ക്കും ചിത്ര രചന ഏറെ പ്രയോജനം ചെയ്യും 😍ഇനി…. ഈ ആഴ്ചയോട് കൂടി കുട്ടീസ് കോർണറിന് ഒരു നീണ്ട ഇടവേള
കൊടുക്കുന്നു .

കുട്ടീസ്….. 😍 മാതാ പിതാക്കളെ സ്നേഹിക്കുന്ന, മുതിർന്നവരെ ബഹുമാനിയ്ക്കുന്ന, നാടിനു നന്മകൾ വിളയിക്കുന്ന മഹത്തായ മനുഷ്യരായി വളരുവാൻ ആശംസകൾ😍

എന്ന് സ്വന്തം
ശങ്കരിയാന്റി.

👫A) തീപ്പെട്ടി ചിത്രം (6)

കുട്ടീസ്…..! ഈ ആഴ്ചയും തീപ്പെട്ടിയിലെ ചിത്രം കണ്ടൊരു വിശദീകരണം ആയാലോ…? തീപ്പെട്ടി കൂടെ ചേർക്കുന്നു.

തബല

ഇന്ത്യൻ സംഗീതത്തിൽ പൊതുവെയും, ഉത്തരേന്ത്യൻ ശാസ്ത്രീയ സംഗീതമായ ഹിന്ദുസ്ഥാനി സംഗീതത്തിൽ പ്രത്യേകിച്ചും ഉപയോഗിക്കപ്പെടുന്ന ഒരു വാദ്യോപകരണമാണ് തബല. വലിപ്പത്തിലും ആകൃതിയിലും വ്യത്യസ്തമായ രണ്ട് വാദ്യ ഉപകരണങ്ങൾ തബലയുടെ ഭാഗമായുണ്ട്.വീപ്പ അഥവാ ഡ്രം എന്നർഥം വരുന്ന ഒരു അറബി വാക്കാണ് തബല എന്നതിനുറവിടം.

പതിമൂന്നാം നൂറ്റാണ്ടിലെ പേർഷ്യൻ‍ കവിയായിരുന്ന അമീർ ഖുസ്രോ ആണ് ഈ വാദ്യത്തിന്റെ ഉപ്ജ്ഞാതാവ് എന്ന് വിശ്വസ്സിക്കപ്പെടുന്നു. എന്നിരുന്നാലും അദ്ദേഹത്തിന്റെ കുറിപ്പുകളിലൊന്നും തന്നെ തബലെയെപ്പറ്റി ഒന്നും തന്നെ പരാമർശിച്ചു കാണുന്നില്ല. കൃത്യമായ ചരിത്രരേഖകൾ പ്രകാരം പതിനെട്ടാം നൂറ്റാണ്ടിൽ ഡെൽഹിയിൽ ജീവിച്ചിരുന്ന ഉസ്താദ് സിദ്ദാർ ഖാനാണ് തബല ആദ്യമായി ഉപയോഗിച്ചത് എന്ന് കരുതപ്പെടുന്നു.

ഭക്തിപരമായ നാടൻ പാട്ടുകൾക്ക് ഉപയോഗിച്ചിരുന്ന ഒരു നാട്ട് വാദ്യത്തിൽ നിന്ന് ശാസ്ത്രീയ സംഗീതത്തിന്റെ ഒരു അവിഭാജ്യ ഘടകമായി തബല മാറിയത് പതിനെട്ടാം നൂറ്റാണ്ടിന്റെ അവസാനത്തിലോ പത്തൊമ്പതാം നൂറ്റാണ്ടിന്റെ ആദ്യത്തിലോ ആയിരിക്കണം. മുഗൾ കാലഘട്ടം ആണ് തബലയെ കൂടുതൽ ജനകീയമാക്കിയത്. അക്കാലത്ത് ഹിന്ദുസ്ഥാനി സംഗീതത്തിനു കിട്ടിയ സ്വീകാര്യത, ഈ ഹിന്ദുസ്ഥാനി താളവാദ്യത്തിനും ലഭിച്ചു. പക്കവാദ്യമായും പ്രധാനവാദ്യമായും തബലവായന അവതരിപ്പിക്കാറുണ്ട്. ഇന്ത്യയെപ്പോലെ പാകിസ്താനിലും തബലയ്ക്ക് വലിയ പ്രചാരമാണുള്ളത്.

തബലക്ക് രണ്ട് വാദ്യങ്ങൾ ആണ് ഉള്ളത്. സ്ത്രൈണ-സംഗീത-ശബ്ദം പുറപ്പെടുവിക്കുന്ന് ചെറിയ വാദ്യവും പുരുഷ സംഗീത-ശബ്ദം പുറപ്പെടുവിക്കുന്ന വലിയ വാദ്യവും. വലിയ വാദ്യത്തെ “ഡഗ്ഗ” എന്നും ചെറിയ വാദ്യത്തെ തബല എന്നും വിളിക്കുന്നു. രണ്ട് വാദ്യത്തിലും മുകളിലെ തുകലിൽ മൂന്ന് സ്ഥാനങ്ങളുണ്ട്. ആവ യഥാക്രമം കിനാര, മൈധാൻ, സിഹായി എന്നിങ്ങനെ അറിയപ്പെടുന്നു. ഈയവും ചൊറും ചേർത്ത മിശ്രിതവുമുപയോഗിച്ചാണു മദ്ധ്യത്തിലെ സിഹായി (മഷി) നിർമ്മിക്കുന്നത്. ആടിന്റെ തുകലാണു സാധാരണയായ് തബല നിർമ്മാണത്തിനുപയോഗിക്കാറ്; തടികൊണ്ടുള്ള തബലയിലും ലോഹം അല്ലെങ്കിൽ മണ്ണ് കൊണ്ടുള്ള ധഗയിലും തുകൽ-വള്ളികളാൽ അവയെ ബന്ധിച്ചിരിക്കുന്നു. ഈ തുകൽ വള്ളികളെ ബത്തി എന്നറിയപ്പെടുന്നു. ഗട്ട എന്ന് വിളിക്കുന്ന തടിക്കട്ടകൾ തബലയിലെ തുകൽ-വള്ളികൾക്കിടയിൽ തിരുകിയിരിക്കുന്നു. ആവ സ്വരസ്ഥാന ക്രമീകരണത്തിനു ഉപയൊഗിക്കപ്പെടുന്നു. ധഗയ്ക്ക് പ്രത്യേക സ്വരസ്ഥാനങ്ങൾ ഇല്ല. അതിൽനിന്നുള്ള ഘനമേറിയ ശബ്ദം തബലയുടെ ശബ്ദത്തോട് ചേർന്നാണു മനോഹരമായ സംഗീതമുണ്ടാകുന്നത്. തബലയിലെ സംഗീതത്തെ നിയന്ത്രിക്കുന്നത് വിരൽ തുകലിൽ പതിക്കുന്ന സ്ഥാനവും ശക്തിയുമാണെങ്കിൽ, ധഗയിലെ സംഗീതത്തെ നിയന്ത്രിക്കുന്നത് കൈക്കുഴകൊണ്ട് വരുത്തുന്ന മർദ-വ്യത്യാസവും വിരലുകളുമാണ്.

ഇന്ത്യൻ സംസ്കാരത്തിലും സംഗീതത്തിലും തബലയുടെ സ്വാധീനം വളരെ വലുതാണ്. ശാസ്ത്രീയ സംഗീതത്തിൽ മാത്രമല്ല, വളരെ പ്രചാരമുള്ള സിനിമാ സംഗീതത്തിലും തബല സുലഭമായി ഉപയോഗിക്കപ്പെടുന്നു. ഉസ്താദ് അള്ള രഖ ഖാൻ , ഉസ്താദ് സക്കീർ ഹുസൈൻ , ഉസ്താദ് ഫിയാസ് ഖാൻ തുടങ്ങിയ തബല ആചാര്യൻ മാരിലൂടെ ഈ വാദ്യത്തിന്റെ പ്രശസ്തി മറ്റു രാജ്യങ്ങളിലേക്കും സഞ്ചരിച്ചു. ഇന്ന്, ഇലക്ട്രോണിക്ക് കീബോർഡുകളിലും മറ്റും തബലവാദ്യത്തിന്റെ ശബ്ദവും കൃത്രിമമായി സൃഷ്ടിക്കാവുന്ന തരത്തിൽ അതിന് പ്രചാരം ലഭിച്ചിട്ടുണ്ട്.

📗📗

👫B) വാക്യത്തിലെ പകരക്കാരൻ

കുട്ടീസ്……!😍 വാക്യത്തിലെ പകരക്കാരൻ ഈ ആഴ്ചയും അറിഞ്ഞോളൂ

മലയാളത്തിൽ ഒരു വാക്യം അല്ലെങ്കിൽ നീണ്ട ചില പദങ്ങളുടെ അർത്ഥം ഒരു പദം ഉപയോഗിച്ച് എളുപ്പത്തിൽ പകരക്കാരൻ ആകാൻ പറ്റും. പരീക്ഷകൾ, അധ്യാപകർ, കുട്ടികൾ, ജോലി തേടുന്നവർ..അങ്ങനെ ഒട്ടേറെ സാഹചര്യങ്ങളിൽ വളരെ പ്രയോജനം നൽകുന്ന നല്ലൊരു ശേഖരമാകുന്നു ഇത് എന്ന് മുൻപേ പറഞ്ഞിരുന്നല്ലോ. 😍

1. തുടരെ ചെയ്യുന്നത് – അനുപ്രയോഗം

2. തുരങ്കം ഉണ്ടാക്കി മോഷ്ടിക്കുന്നവൻ – സുരുംഗാഹി

3. ദമ്പതികൾ എന്ന അവസ്ഥ – ദാമ്പത്യം

4. തോണിയിൽ മറുകര എത്തിക്കുന്നത് – കടത്ത്

5.ദരിദ്രന്റെ ഭാവം – ദാരിദ്ര്യം

6. ദാനം ചെയ്യുന്നവൻ – ദാതാവ്

7. ദാനം ചെയ്യുന്ന ശീലം ഉള്ളവൻ – ദാനശീലൻ

8. ശബ്ദവും ദൃശ്യവും ദൂരത്തിലേക്ക് വിടുന്നത് – സംപ്രേഷണം

9. ദേശത്തേക്കുറിച്ച് അഭിമാനം ഉള്ളവൻ – ദേശാഭിമാനി

10. ശുഭമായി തീരുന്നത് – ശുഭപര്യവസായി

📗📗

👫C) ഗുണപാഠ കഥ

ഒരു പാവപ്പെട്ട ആൺകുട്ടി സ്കൂൾ ഫീസ് അടയ്ക്കാൻ പത്രം വിൽക്കാറുണ്ടായിരുന്നു. ഒരു ദിവസം, അയാൾക്ക് വളരെ വിശന്നു, ഭക്ഷണം വാങ്ങാൻ തന്റെ അയൽപക്കത്തേക്ക് പോകാൻ തീരുമാനിച്ചു. അവൻ പലരോടും ചോദിച്ചു, പക്ഷേ ആരും ഭക്ഷണം തന്നില്ല. പല ശ്രമങ്ങൾക്കും ശേഷം, ഒരു പെൺകുട്ടി അവന് ഒരു ഗ്ലാസ് പാൽ നൽകി. അവൾ അതിന് പണം വാങ്ങിയില്ല. കുറച്ച് വർഷങ്ങൾക്ക് ശേഷം, പെൺകുട്ടിക്ക് അസുഖം വന്നു, ഒരു ഡോക്ടറും അവളെ ചികിത്സിക്കാൻ തയ്യാറായില്ല. അവളുടെ ചികിത്സയ്ക്കായി നഗരത്തിലെ ഏറ്റവും മികച്ച ഡോക്ടറെ കാണാൻ അവൾ തീരുമാനിച്ചു. ഫീസ് താങ്ങാൻ കഴിയാത്തപ്പോഴും ഡോക്ടർ അവളുടെ ചികിത്സയ്ക്കായി മാസങ്ങൾ ചെലവഴിച്ചു. പെൺകുട്ടിയുടെ ആശുപത്രി ബിൽ ലഭിച്ചപ്പോൾ, അവളുടെ കണ്ണുകൾ നിറഞ്ഞു. അതിൽ ഇങ്ങനെ എഴുതിയിരുന്നു, “പൂർണ്ണമായും പണം നൽകി, ഒരു ഗ്ലാസ് പാൽ”.

ഗുണപാഠം: കാരുണ്യപ്രവൃത്തികൾക്ക് എപ്പോഴും പ്രതിഫലം ലഭിക്കും.

📗📗

👫 D) പഴഞ്ചൊല്ലുകൾ

1)അടുപ്പെത്ര ചെറുതായാലും കല്ല് മൂന്നെണ്ണം വേണം

2)അനിയത്തിയെ കാണിച്ചു കൊടുത്ത് ഏട്ടത്തിയെ കെട്ടിച്ചെന്നു പറഞ്ഞ പോലെ

3)ഇതിലും വലിയ വെള്ളിയാഴ്ച വന്നിട്ട് വാപ്പ പള്ളീ പോയിട്ടില്ല

4)ഇരുന്നിട്ട് വേണം കാൽ നീട്ടാൻ

5)ഓടുന്ന പട്ടിക്ക് ഒരു മുഴം മുമ്പെ

6)ഓതാൻ പോയിട്ട് ഒള്ളപുത്തീം പോയി

7)പള്ളീലിരുന്നാൽ പള്ളേല് പോകൂല

8)മരത്തിൽ കാണുമ്പോൾ ഞാൻ അത്‌ മാനത്ത് കണ്ടിരിക്കും

9)സമ്പത്ത് കാലത്തു തൈ പത്തു നട്ടാൽ ആപത്ത് കാലത്ത് കാ പത്ത് തിന്നാം

10)ഉണ്ടെങ്കിലോണം പോലെ അല്ലെങ്കിലേകാദശി

📗📗

👫E) എളുപ്പത്തിൽ ഒരു ചിത്രം വരയ്ക്കാം (85)

അവതരണം:
സൈമ ശങ്കർ മൈസൂർ
➖➖➖➖➖➖➖➖➖➖➖
👬👭👫👭👬👭👫👭👬👭

ഒരു സുവർണ യാത്രയുടെ സമാപനം ..
“കുട്ടീസ് കോർണർ”

101-ാം വാരം – സമാപന ലക്കം –

“കുട്ടീസ് കോർണർ” ഒരു പംക്തി മാത്രമായിരുന്നില്ല…
100 ആഴ്ചകളായി കുഞ്ഞുമനസ്സുകളെ ചേർത്തുപിടിച്ച്, അവരുടെ ചിന്തകൾക്കും സ്വപ്നങ്ങൾക്കും സർഗ്ഗാത്മകതയ്ക്കും നിറം പകർന്ന സൈമ ശങ്കറിന്റെ മനോഹരമായ ഒരു യാത്രയായിരുന്നു അത്.
കുഞ്ഞുമനസ്സുകളോടൊപ്പം സൈമ ശങ്കർ കൈകോർത്ത ഈ സ്നേഹയാത്ര 101-ാം വാരത്തിൽ ഇന്ന് ഇവിടെ സമാപിക്കുകയാണ്.

ഈ യാത്രയെ ആത്മാർത്ഥതയോടെയും സമർപ്പണത്തോടെയും നയിച്ച് വിജയകരമാക്കിയ സൈമ ശങ്കറിന് മലയാളി മനസ്സ് കുടുംബത്തിന്റെ ഹൃദയം നിറഞ്ഞ നന്ദിയും ആദരവും.

17 Likes

👫കുട്ടീസ് കോർണർ 👬👫 (നൂറ്റിയൊന്നാം വാരം) ✍ സൈമ ശങ്കർ, മൈസൂർ

👫A) തീപ്പെട്ടി ചിത്രം (6)

തബല

👫B) വാക്യത്തിലെ പകരക്കാരൻ

👫C) ഗുണപാഠ കഥ

📗📗

👫E) എളുപ്പത്തിൽ ഒരു ചിത്രം വരയ്ക്കാം (85)

അവതരണം:
സൈമ ശങ്കർ മൈസൂർ
➖➖➖➖➖➖➖➖➖➖➖
👬👭👫👭👬👭👫👭👬👭

ഒരു സുവർണ യാത്രയുടെ സമാപനം ..
“കുട്ടീസ് കോർണർ”

101-ാം വാരം – സമാപന ലക്കം –

മുഖംമൂടികളുടെ ലോകത്ത് തിരിച്ചറിവാണ് യഥാർത്ഥ ജ്ഞാനം.. ✍️ സിജു ജേക്കബ്.

വേനൽ മഴ (കവിത) ✍ സിന്ധു സജീവ് ഘനശ്യാമം

പുഴയുടെ സംഗീതം (കവിത) ✍ ശശികല മോഹൻദാസ്, നവിമുംബൈ

LEAVE A REPLY Cancel reply

Most Popular

മുഖംമൂടികളുടെ ലോകത്ത് തിരിച്ചറിവാണ് യഥാർത്ഥ ജ്ഞാനം.. ✍️ സിജു ജേക്കബ്.

വേനൽ മഴ (കവിത) ✍ സിന്ധു സജീവ് ഘനശ്യാമം

പുഴയുടെ സംഗീതം (കവിത) ✍ ശശികല മോഹൻദാസ്, നവിമുംബൈ

ചക്രം (കഥ) ✍പ്രശാന്ത് പഴയിടം

Recent Comments

EDITOR PICKS

മുഖംമൂടികളുടെ ലോകത്ത് തിരിച്ചറിവാണ് യഥാർത്ഥ ജ്ഞാനം.. ✍️ സിജു ജേക്കബ്.

വേനൽ മഴ (കവിത) ✍ സിന്ധു സജീവ് ഘനശ്യാമം

പുഴയുടെ സംഗീതം (കവിത) ✍ ശശികല മോഹൻദാസ്, നവിമുംബൈ

POPULAR POSTS

ലബനനിലെ ഇസ്രയേല്‍ ആക്രമണങ്ങള്‍ക്ക് മറുപടിയായി ഇസ്രയേലിനെ ലക്ഷ്യമാക്കി ഇറാൻ വൻ മിസൈല്‍ ആക്രമണം നടത്തി.

ഇന്ത്യ സഖ്യത്തിന്‍റെ ഭാവി എന്താകും എന്ന കാര്യത്തില്‍ ഇന്ന് നിർണായക ദിനം.

ഇറാന്‍- ഇസ്രയേല്‍ സംഘര്‍ഷം സൗദി അറേബ്യയില്‍ ജാഗ്രതാ നിര്‍ദേശം .

POPULAR CATEGORY

ABOUT US

FOLLOW US

👫കുട്ടീസ് കോർണർ 👬👫 (നൂറ്റിയൊന്നാം വാരം) ✍ സൈമ ശങ്കർ, മൈസൂർ

👫A) തീപ്പെട്ടി ചിത്രം (6)

തബല

👫B) വാക്യത്തിലെ പകരക്കാരൻ

👫C) ഗുണപാഠ കഥ

📗📗

👫E) എളുപ്പത്തിൽ ഒരു ചിത്രം വരയ്ക്കാം (85)

അവതരണം: സൈമ ശങ്കർ മൈസൂർ ➖➖➖➖➖➖➖➖➖➖➖ 👬👭👫👭👬👭👫👭👬👭

ഒരു സുവർണ യാത്രയുടെ സമാപനം .. “കുട്ടീസ് കോർണർ”

101-ാം വാരം – സമാപന ലക്കം –

LEAVE A REPLY Cancel reply

Most Popular

Recent Comments

EDITOR PICKS

POPULAR POSTS

POPULAR CATEGORY

ABOUT US

FOLLOW US

അവതരണം:
സൈമ ശങ്കർ മൈസൂർ
➖➖➖➖➖➖➖➖➖➖➖
👬👭👫👭👬👭👫👭👬👭

ഒരു സുവർണ യാത്രയുടെ സമാപനം ..
“കുട്ടീസ് കോർണർ”