എല്ലാവർക്കും നമസ്കാരം
പുറത്തു മഴ കനക്കുമ്പോൾ അകത്തു മടിപിടിച്ച് കൂനിക്കൂടി ഇരിക്കുമ്പോൾ/സ്കൂളിൽ നിന്നോ ഓഫീസിൽ നിന്നോ വിശന്നു വരുമ്പോൾ ഒക്കെ എന്തെങ്കിലും കഴിക്കാൻ തോന്നാറില്ലേ. അങ്ങനെ തോന്നുമ്പോൾ വളരെ എളുപ്പത്തിൽ തയ്യാറാക്കാവുന്നതും എല്ലാവരും ഇഷ്ടപ്പെടുന്നതുമായ ഒരു നാലുമണിപ്പലഹാരമാണ് ഇന്നത്തെ വിഭവം.
🌽മുട്ട ബജി
🍁 ആവശ്യമായ സാധനങ്ങൾ
🌽മുട്ട – നാലെണ്ണം
🌽കടലമാവ് – 3/4 കപ്പ്
🌽ഉപ്പ് – ആവശ്യത്തിന്
🌽കുക്കിംഗ് സോഡ – ഒരു നുള്ള്
🌽കായപ്പൊടി – 1/4 ടീസ്പൂൺ
🌽മുളകുപൊടി – 1/2 ടീസ്പൂൺ
🌽വെള്ളം – ആവശ്യത്തിന്
🌽റിഫൈൻഡ് ഓയിൽ – ആവശ്യത്തിന്
🍁ഉണ്ടാക്കുന്ന വിധം
🌽മുട്ട വേവിച്ച് തോട് കളഞ്ഞ് പകുതി ആക്കി മുറിച്ചു വയ്ക്കുക
🌽കടലമാവിലേക്ക് ഉപ്പ്, സോഡ, മുളകുപൊടി, കായപ്പൊടി ഇവ ചേർത്തിളക്കി ആവശ്യത്തിന് വെള്ളം ഒഴിച്ച് ഇഡ്ഡലിമാവിൻ്റെ പാകത്തിൽ ബാറ്റർ തയ്യാറാക്കുക.
🌽ഓരോ കഷണം മുട്ട വീതം ബാറ്ററിൽ മുക്കി ചൂടായ എണ്ണയിൽ ഇട്ട് പൊരിച്ചെടുക്കുക.
🌽മഴ, ആവി പറക്കുന്ന ചായ, ചൂടു മുട്ട ബജി കൂടെ ഗ്രീൻ ചട്നി, മഴയുടെ താളത്തിൽ നേർത്തു വരുന്നൊരു പാട്ടും. ആഹാ! സൂപ്പർ അല്ലേ.
കടലമാവ് ഉണ്ടോ എന്ന് നോക്കട്ടെ. ഉണ്ടെങ്കിൽ ഇന്ന് തന്നെ ഉണ്ടാക്കണം മുട്ട ബജി