📱വാർത്തകൾ ഒറ്റനോട്ടത്തിൽ📱 – 2026 | ജൂലൈ 18 | ശനി ✍️ കപിൽ ശങ്കർ

🔹അപ്രതീക്ഷിത പവര്‍കട്ട് മൂലം അത്യാസന്ന നിലയിലായിരുന്ന രോഗി ഓക്സിജന്‍ ലഭിക്കാതെ മരിച്ചു. പാലക്കാട് സ്വദേശി എം കൃഷ്ണനാണ് മരിച്ചത്. വൈദ്യുതി മുടങ്ങിയതോടെ ഓക്സിജന്‍ കോണ്‍സെന്‍ട്രേറ്ററിന്റെ പ്രവര്‍ത്തനം നിലച്ചതുമൂലമാണു മരിച്ചത്. അര്‍ദ്ധരാത്രിയോടെയാണു വൈദ്യുതി മുടങ്ങിയത്. പിന്നീട് വൈദ്യുതി ബന്ധം പുനസ്ഥാപിച്ചു. ഓക്സിജന്‍ കോണ്‍സെന്‍ട്രേറ്റര്‍ പ്രവര്‍ത്തിപ്പിച്ചെങ്കിലും രോഗി രാവിലെ ആറു മണിയോടെ മരിക്കുകയായിരുന്നു.

🔹വൈദ്യുതിനിയന്ത്രണത്തില്‍ അയവുവരുത്താന്‍ ഒരു വര്‍ഷത്തേക്ക് 200 മെഗാവാട്ട് വൈദ്യുതികൂടി വാങ്ങാന്‍ കെ.എസ്.ഇ.ബി.ക്ക് റെഗുലേറ്ററി കമ്മിഷന്‍ വാക്കാല്‍ അനുമതി നല്‍കിയെന്ന് റിപ്പോര്‍ട്ടുകള്‍. ശനിയാഴ്ച തെളിവെടുപ്പു നടത്തിയശേഷം ഔദ്യോഗിക അനുമതി നല്‍കും. യൂണിറ്റിന് 5.96 രൂപയാണ് വില. ഒരു വര്‍ഷത്തേക്ക് ദിവസം മുഴുവന്‍ 200 മെഗാവാട്ട് വൈദ്യുതിക്കാണ് കരാര്‍. വര്‍ഷം ഏകദേശം 140 കോടി യൂണിറ്റ് വരുമിത്. ചെലവ് ഏകദേശം 840 കോടി രൂപയും. ഇതോടെ നിയന്ത്രണത്തില്‍ ചെറിയ ഇളവുണ്ടാവും. എന്നാലും തുടരേണ്ടിവരും. കാരണം മഴയില്ലാത്ത ദിവസങ്ങളില്‍ 600 മെഗാവാട്ടുവരെ വൈദ്യുതി കുറവുണ്ട്.

🔹വൈദ്യുതി നിയന്ത്രണം മുന്‍കൂട്ടി അറിയിക്കാത്തത് ജനങ്ങള്‍ക്ക് വലിയ ബുദ്ധിമുട്ടുണ്ടാക്കുന്നുണ്ടെന്ന് പ്രതിപക്ഷ നേതാവ് പിണറായി വിജയന്‍. കഴിഞ്ഞ ദിവസം വീട്ടില്‍ ഒന്നേകാല്‍ മണിക്കൂര്‍ വൈദ്യുതി മുടങ്ങിയെന്നും അദ്ദേഹം പരിഹസിച്ചു. വൈദ്യുതി ലഭ്യതയില്‍ കുറവുണ്ടാകാം. കുറവ് മുന്‍കൂട്ടിക്കണ്ട് വാങ്ങാന്‍ നടപടിയാണ് വേണ്ടതെന്നും പ്രതിപക്ഷ നേതാവ് പറഞ്ഞു.

🔹വർഷം 2026 ആയിട്ടും ഇപ്പോഴും പവർ കട്ടിന് കാരണം മഴക്കാലമാണെന്ന് പറഞ്ഞ് സർക്കാർ കൈകഴുകുന്നു എന്ന് ബിജെപി സംസ്ഥാന അധ്യക്ഷൻ രാജീവ് ചന്ദ്രശേഖർ. ഇത് പ്രകൃതിയുടെ കുറ്റമല്ല, മനുഷ്യനിർമ്മിതമാണെന്നും ഇത് യുഡിഎഫ് സർക്കാരിന്‍റെ പച്ചയായ പരാജയമാണ് എന്നും അദ്ദേഹം ഫേസ്ബുക്കിൽ കുറിച്ചു.Politics

🔹പൊന്നാനിയില്‍ പൊലീസ് ഉദ്യോഗസ്ഥര്‍ക്കെതിരായ ബലാത്സംഗ പരാതിയില്‍ കേസെടുക്കുന്നതിനെതിരെ ഉന്നത പൊലീസ് ഉദ്യോഗസ്ഥര്‍ നല്‍കിയ അപ്പീല്‍ ഹൈക്കോടതി തള്ളി. മലപ്പുറം മുന്‍ എസ്പി സുജിത് ദാസ് അടക്കമുള്ളവരുടെ അപ്പീലാണ് ഹൈക്കോടതി തള്ളിയത്. പൊന്നാനി സ്വദേശിയായ സ്ത്രീയുടെ പരാതിയില്‍ കേസെടുക്കണമെന്ന പൊന്നാനി മജിസ്ട്രേറ്റ് കോടതി ഉത്തരവ് ഹൈക്കോടതി ശരിവച്ചു. 2022ല്‍ സ്വത്ത് തര്‍ക്കവുമായി ബന്ധപ്പെട്ട് പൊലീസിനെ സമീപിച്ച സ്ത്രീയെ എസ്പി, ഡിവൈഎസ്പി, സിഐ തുടങ്ങിയ ഉദ്യോഗസ്ഥര്‍ ബലാത്സംഗം ചെയ്തെന്നാണ് പരാതി.

🔹‎കെപിസിസിയിൽ നടന്ന ഉമ്മൻ ചാണ്ടി അനുസ്മരണ പരിപാടിക്കിടെ അലോഷ്യസ് സേവ്യറിനെ പേരെടുത്ത് പറഞ്ഞ് സുധീരൻ പ്രശംസിച്ചു. ആരുടെ മുൻപിലും ആർജവത്തോട നിലപാട് പറയുന്നതാണ് കെഎസ്‍യുവിന്റെ പാരമ്പര്യം. താത്ക്കാലികമായി ചില ബുദ്ധിമുട്ടുകൾ ഉണ്ടാകും. കെഎസ്‍യു ധീരമായി മുന്നോട്ട് പോകണമെന്നും വി എം സുധീരൻ പറഞ്ഞു.

‎🔹ജനപ്രതിനിധികൾ വിഐപികളെല്ലെന്നും ജനങ്ങളാണ് വിഐപികളെന്നും കരുതിയ ആളാണ് ഉമ്മൻ ചാണ്ടിയെന്ന് എഐസിസി ജനറൽ സെക്രട്ടറി കെ.സി. വേണുഗോപാൽ. അദ്ദേഹത്തിന് മുന്നിൽ വരുന്നവർ ആയിരുന്നു വിഐപിമാരെന്നും പുതുപ്പള്ളിയിൽ ഉമ്മൻ ചാണ്ടി അനുസ്മരണ യോഗത്തിൽ സംസാരിക്കവെ കെ.സി. വേണുഗോപാൽ പറഞ്ഞു.

🔹സാങ്കേതിക പരീക്ഷാ കണ്‍ട്രോളര്‍ നടത്തിയ കെ.ജി.സി.ഇ എന്‍ജിനിയറിങ് ഒന്നാം വര്‍ഷ പരീക്ഷകളില്‍ ക്രമക്കേട് കണ്ടതിനെത്തുടര്‍ന്ന് മൂന്ന് പരീക്ഷകള്‍ റദ്ദാക്കി. ജൂണ്‍ 23, 29, ജൂലൈ 1 തീയതികളില്‍ നടന്ന കെ.ജി.സി.ഇ എന്‍ജിനിയറിങ് (റിവിഷന്‍ 2022) ഏപ്രില്‍ 2026 പരീക്ഷയിലെ ‘1001-ബേസിക് മാത്തമാറ്റിക്സ് ആന്‍ഡ് സയന്‍സ്’ , ‘1002-എന്‍ജിനിയറിങ് ഡ്രോയിങ്’ , ‘1031-ഇലക്ട്രിക്കല്‍ ആന്‍ഡ് ഇലക്ട്രോണിക്സ് – 1’ എന്നീ പരീക്ഷകളാണ് റദ്ദാക്കിയത്.

🔹ആലപ്പുഴ കാക്കാഴത്തെ അധ്യാപക പരിശീലന കേന്ദ്രത്തില്‍നിന്ന് പത്ത് ഫാനുകള്‍ മോഷ്ടിച്ചു. എസ്എന്‍വി ടിടിഐയിലാണ് കളളന്‍ കയറിയത്.

🔹ചൂരല്‍മല, മുണ്ടക്കൈ ഉരുള്‍പ്പൊട്ടല്‍ ദുരന്ത ബാധിതര്‍ക്കായി കോണ്‍ഗ്രസ് നിര്‍മ്മിച്ചു നല്‍കുന്ന വീടുകളുടെ നിര്‍മ്മാണം തുടങ്ങി. തറക്കല്ലിടല്‍ ചടങ്ങ് നടത്തി 142 ദിവസത്തിനു ശേഷമാണ് മേപ്പാടി കുന്നംപറ്റയില്‍ നിര്‍മ്മാണ പ്രവര്‍ത്തനങ്ങള്‍ തുടങ്ങിയത്.

🔹ഒരേ ചടങ്ങിലുണ്ടായിരുന്നിട്ടും മുഖ്യമന്ത്രി വി ഡി സതീശന്‍ ഗൗനിക്കാത്തതിനു മറുപടിയില്ലെന്ന് കെ എസ് യു സംസ്ഥാന അധ്യക്ഷന്‍ അലോഷ്യസ് സേവ്യര്‍. കെ എസ് യുക്കാരുടെ ചോരയും നീരുമാണ് ഈ സര്‍ക്കാരെന്നും തെറ്റ് ചൂണ്ടിക്കാട്ടിയതു മാത്രമാണ് താന്‍ ചെയ്തതെന്നും അലോഷ്യസ് സേവ്യര്‍ പറഞ്ഞു. സമ്മുന്നതരെ കാണുമ്പോള്‍ ചിരിക്കുക എന്നതാണു താന്‍ പഠിച്ച രാഷ്ട്രീയം. അദ്ദേഹം പ്രതികരിച്ചു.

🔹എസ്‌കോര്‍ട്ട് ഡ്യൂട്ടിക്കുപോയ പോലീസുകാരന്റെ ബെല്‍റ്റ് പൗച്ചില്‍നിന്നു പിസ്റ്റള്‍ മോഷ്ടിച്ച കേസില്‍ ഒന്നും മൂന്നും പ്രതികളെ കോടതി വെറുതെ വിട്ടു. ആലപ്പുഴ ജുഡീഷ്യല്‍ ഒന്നാം ക്ലാസ് മജിസ്‌ട്രേറ്റ് ആണ് ഒന്നാം പ്രതി യദു കൃഷ്ണനെയും മൂന്നാം പ്രതി സന്ധ്യയെയും കുറ്റവിമുക്തരാക്കിയത്. രണ്ടാം പ്രതി ഇതുവരെ വിചാരണ നേരിട്ടിട്ടില്ല.

🔹പ്രീഡിഗ്രിക്ക് പഠിക്കുമ്പോള്‍ തെങ്ങില്‍ കയറിയതും പ്രിന്‍സിപ്പാള്‍ ബൈനോക്കുലര്‍ വെച്ച് നോക്കിയതുമായ ഓര്‍മ്മകള്‍ പങ്കുവച്ച് മുഖ്യമന്ത്രി വി ഡി സതീശന്‍. തേവര സേക്രട്ട് ഹാര്‍ട്ട് കോളജിലെ സ്വീകരണ പരിപാടിയിലാണ് മുഖ്യമന്ത്രി പ്രീഡിഗ്രി കാല ഓര്‍മ്മകള്‍ പങ്കുവച്ചത്. പ്രീഡിഗ്രി വിദ്യാര്‍ത്ഥിയായി കോളേജില്‍ വരുമ്പോള്‍ തനിക്ക് 14 വയസ്സായിരുന്നു പ്രായമെന്നും തെങ്ങില്‍ കയറിയതിന് പ്രിന്‍സിപ്പാള്‍ തന്നെ താക്കീത് ചെയ്തെന്നും മുഖ്യമന്ത്രി പറഞ്ഞു.

🔹പവര്‍ കട്ട് മൂലം ഓക്സിജന്‍ ലഭിക്കാതെ രോഗി മരിച്ച സംഭവം അതീവ സങ്കടകരവും ഗൗരവതരവുമാണെന്ന് മുന്‍ ആരോഗ്യ മന്ത്രിയും സി.പി.എം സംസ്ഥാന കമ്മിറ്റി അംഗവുമായ വീണ ജോര്‍ജ്. ഫേസ്ബുക്ക് കുറിപ്പിലൂടെയാണ് സര്‍ക്കാരിന്റെ അനാസ്ഥയ്ക്കെതിരെയും നിലവിലെ പവര്‍ കട്ടിനെതിരെയും അവര്‍ രംഗത്തെത്തിയത്.

🔹ശശി തരൂര്‍ എംപി ലിഫ്റ്റില്‍ കുടുങ്ങി. തിരുവനന്തപുരത്ത് സ്വകാര്യ ഹോട്ടല്‍ ലിഫ്റ്റില്‍. തിരുവനന്തപുരത്ത് പിഎംജി റോഡിലെ പ്രശാന്ത് ഹോട്ടലിലെ ലിഫ്റ്റിലാണ് കുടുങ്ങിയത്. കുറച്ച് നേരത്തെ അനിശ്ചിതത്വത്തിന് ശേഷം അദ്ദേഹത്തെ പുറത്തെത്തിച്ചു. ഫയര്‍ഫോഴ്സെത്തിയാണ് പുറത്തെത്തിച്ചത്. ഹോട്ടലില്‍ ട്രിവാന്‍ഡ്രം റോട്ടറി ക്ലബ് സംഘടിപ്പിച്ച പരിപാടിക്ക് പങ്കെടുക്കാന്‍ പോയതായിരുന്നു അദ്ദേഹം.

🔹നെടുമങ്ങാട് പൊലീസ് സ്റ്റേഷനില്‍ അറസ്റ്റിലായ ബന്ധുക്കളെ മോചിപ്പിക്കണമെന്ന് ആവശ്യപ്പെട്ട് മദ്യലഹരിയില്‍ അതിക്രമം നടത്തിയ സി ഐയെ അറസ്റ്റു ചെയ്തു വിട്ടയച്ചു. ക്രൈം റെക്കോര്‍ഡ്സ് ബ്യൂറോ സി ഐ യഹിയയെയാണ് സ്റ്റേഷന്‍ ജാമ്യത്തില്‍ വിട്ടയച്ചത്. ആയുധങ്ങളുമായി അക്രമത്തിനിറങ്ങിയ നാലംഗ സംഘത്ത പൊലീസ് കസ്റ്റഡിയിലെടുത്തിരുന്നു. ഇവരില്‍ ബന്ധുക്കളായ രണ്ടു പേരെ വിട്ടയക്കണമെന്ന് ആവശ്യപ്പെട്ടായിരുന്നു സിഐയുടെ പരാക്രമം.

🔹അധ്യാപക നിയമനത്തിനു 35 ലക്ഷം രൂപ വാങ്ങിയിട്ടും നിയമനം ശരിയാക്കാത്തതു ചോദ്യം ചെയ്ത യുവാവിനെ കാറടിച്ച് കൊലപ്പെടുത്താന്‍ ശ്രമിച്ച പ്രതിയെ കോങ്ങാട് പൊലീസ് അറസ്റ്റ് ചെയ്തു. മുണ്ടൂര്‍ കാഞ്ഞിക്കുളം സ്വദേശിയായ പി വി അജയാണ് പിടിയിലായത്. കന്നിമാരി സ്വദേശി ജിഷ്ണുവിനെയാണ് കാര്‍ ഇടിച്ചു കൊലപ്പെടുത്താന്‍ ശ്രമിച്ചത്. പരിക്കേറ്റ ജിഷ്ണു പാലക്കാട്ടെ ആശുപത്രിയില്‍ ചികിത്സയിലാണ്. അധ്യാപക നിയമനത്തിന് അജയിനും കേസിലെ രണ്ടാം പ്രതിയായ അനൂപ് കുമാറിനും 35 ലക്ഷം രൂപ നല്‍കിയിരുന്നു.

🔹ബലാത്സംഗ കേസില്‍ രണ്ട് പതിറ്റാണ്ടിലേറെ ഒളിവില്‍ കഴിഞ്ഞ പ്രതി പിടിയില്‍. കൊടുമണ്‍ പോലീസ് സ്റ്റേഷനില്‍ 2004-ല്‍ രജിസ്റ്റര്‍ ചെയ്ത ബലാത്സംഗ കേസിലെ പ്രതി തമിഴ്‌നാട് സ്വദേശിയായ സെല്‍വരാജാണ് പിടിയിലായത്.

🔹തീരദേശ മേഖലകളില്‍ ഉത്തരവാദിത്ത ഇക്കോ ടൂറിസം പ്രോത്സാഹിപ്പിക്കുന്നതിനായി സിഎംഎഫ്ആര്‍ഐ പുതിയ പദ്ധതിക്ക് തുടക്കം കുറിച്ചു. പരിസ്ഥിതി സൗഹൃദ ടൂറിസത്തിന് കരുത്ത് പകരുന്നതിനൊപ്പം സമുദ്രസംരക്ഷണ ബോധവല്‍ക്കരണം കൂടി ലക്ഷ്യമിട്ടാണ് ഈ നീക്കം.

🔹ഫിഫ ലോകകപ്പ് ഫൈനല്‍ മത്സരം പ്രമാണിച്ച് തിങ്കളാഴ്ച സ്‌കൂളുകള്‍ക്കും കോളേജുകള്‍ക്കും അവധി പ്രഖ്യാപിക്കണമെന്ന് പാലാ നഗരസഭാ ചെയര്‍പേഴ്സണ്‍ ദിയ ബിനു പുളിക്കകണ്ടം ആവശ്യപ്പെട്ടു. വിദ്യാര്‍ഥികളില്‍ കായിക താല്‍പ്പര്യം വളര്‍ത്താനും ലഹരി ഉപയോഗത്തിനെതിരെ കായികരംഗത്തെ പ്രോത്സാഹിപ്പിക്കാനും ഈ തീരുമാനം സഹായിക്കുമെന്ന് അവര്‍ നിവേദനത്തില്‍ ചൂണ്ടിക്കാട്ടി.

🔹വയനാട് മുത്തങ്ങയില്‍ അപകടത്തില്‍പ്പെട്ട 11 വയസുകാരന്‍ പൊലീസ് അനാസ്ഥയെ തുടര്‍ന്ന് മരിച്ചു. പരിക്കേറ്റ കുട്ടിയെ ആശുപത്രിയിലെത്തിക്കാന്‍ പൊലീസ് വിസമ്മതിച്ചെന്നും ഇത് മരണത്തിന് കാരണമായെന്നും ആരോപണമുണ്ട്. സംഭവത്തില്‍ ബാലാവകാശ കമ്മീഷന്‍ സ്വമേധയാ കേസെടുത്തു.

🔹സൗദി അറേബ്യയില്‍ നടന്ന കൊലക്കേസില്‍, വധശിക്ഷയില്‍ നിന്ന് ദയാധനം നല്‍കി മോചിതനായ കണ്ണൂര്‍ സ്വദേശി ഫസലുദ്ദീന്‍ നാട്ടില്‍ രാസലഹരി കേസില്‍ അറസ്റ്റിലായി. തട്ടുകടയുടെ മറവില്‍ മെത്താംഫെറ്റമിന്‍ വില്‍പന നടത്തിയ ഇയാളെ ഓപ്പറേഷന്‍ തൂഫാന്റെ ഭാഗമായാണ് ഇരിട്ടി പൊലീസ് പിടികൂടിയത്.

🔹കുറഞ്ഞ പലിശയ്ക്ക് വായ്പ വാഗ്ദാനം ചെയ്ത് യുവതികളെ കബളിപ്പിച്ച കേസില്‍ ആലപ്പുഴ സ്വദേശി ബിബിനും പങ്കാളി സൗമ്യയും അറസ്റ്റിലായി. പ്രോസസിങ് ഫീസ് നല്‍കാനാവാത്തവരെ നഗ്നചിത്രങ്ങള്‍ ഉപയോഗിച്ച് ഭീഷണിപ്പെടുത്തിയും ഇവര്‍ പണം തട്ടിയിരുന്നതായി പാലക്കാട് സൈബര്‍ ക്രൈം പൊലീസ് കണ്ടെത്തി.

‎🔹അന്താരാഷ്ട്ര ബ്രാൻഡുകളുടെ വ്യാജ ലോഗോകൾ പതിച്ച് വിപണിയിൽ വിൽപനയ്ക്ക് എത്തിച്ച അയ്യായിരത്തോളം വസ്ത്രങ്ങളും ചെരിപ്പുകളും കുവൈത്ത് അധികൃതർ പിടിച്ചെടുത്തു. മിന്നൽ പരിശോധനയിലാണ് 3,800-ലധികം വ്യാജ ഉൽപ്പന്നങ്ങൾ കണ്ടെടുത്തത്.

🔹‎നാല് വർഷത്തെ ഇടവേളയ്ക്ക് ശേഷം ആന്ധ്രപ്രദേശിൽ വീണ്ടും കൊവിഡ് മരണങ്ങളും പുതിയ കേസുകളും റിപ്പോർട്ട് ചെയ്തു. സംസ്ഥാനത്ത് മൂന്ന് ആഴ്ചയ്ക്കിടെ നാല് കൊവിഡ് മരണങ്ങളാണ് സ്ഥിരീകരിച്ചത്. കൂടാതെ ജൂൺ 26നും ജൂലൈ 16നും ഇടയിൽ വിവിധ ജില്ലകളിലായി 12 പേർക്ക് കൊവിഡ് ബാധിച്ചതായി ആരോഗ്യവകുപ്പ് സ്ഥിരീകരിച്ചു.

🔹ടാറ്റായുടെ കപ്പല്‍ നിര്‍മ്മാണ പദ്ധതിയെന്ന് സര്‍ക്കാര്‍ അവകാശപ്പെട്ടത് ഇടതു സര്‍ക്കാരിന്റെ ഇന്‍വെസ്റ്റ് കേരള പദ്ധതിയില്‍ താല്‍പര്യപത്രം ഒപ്പിട്ട ടാറ്റായുടെ സബ്സിഡിയറി കമ്പനിയായ ആട്സണ്‍ എഞ്ചിനിയറിംഗിന്റെ പദ്ധതിയെന്ന് റിപ്പോര്‍ട്ടുകള്‍. കൊച്ചിയില്‍ ചെറുകപ്പലുകളുടെ അറ്റകുറ്റ പണികള്‍ക്കു യൂണിറ്റ് തുടങ്ങാന്‍ താത്പര്യ പത്രം ഒപ്പിട്ടിരുന്നു. സംസ്ഥാന പൊതുമേഖല സ്ഥാപനമായ മലബാര്‍ സിമന്റ്സുമായി ചേര്‍ന്ന് കൊച്ചി വെല്ലിംഗ് ടണ്‍ ഐലന്റില്‍ പദ്ധതി നടപ്പാക്കാന്‍ ഈ വര്‍ഷം ഫെബ്രുവരി 12 ന് ആട്സണ്‍ ഗ്രൂപ്പ് കരാര്‍ ഒപ്പിട്ടിരുന്നു.

🔹കാണാതായ പതിനഞ്ചുകാരിയായ ദേശീയ ഷൂട്ടിങ് താരത്തെ കണ്ടെത്താന്‍ ഊര്‍ജിത അന്വേഷണവുമായി ബംഗാള്‍ പൊലീസ്. സെന്‍ട്രല്‍ ഹൗറ സ്വദേശിനിയായ ദമയന്തി സെന്നിനായാണ് കാണാതായത്. പലചരക്ക് സാധനങ്ങള്‍ വാങ്ങാന്‍ വീട്ടില്‍നിന്ന് പോയ ദമയന്തിയെ ഹൗറ റെയില്‍വേ സ്റ്റേഷനിലെ സിസിടിവി ദൃശ്യങ്ങളില്‍ കണ്ടെത്തി. എവിടേക്കു പോയെന്ന് ഇപ്പോഴും തുമ്പു ലഭിച്ചിട്ടില്ല.

🔹ജമ്മു കശ്മീരിലെ ദോഡ ജില്ലയില്‍ പോലീസ് വെടിവയ്പില്‍ യുവാവ് മരിച്ചതിനെത്തുടര്‍ന്ന് വന്‍ പ്രതിഷേധം. ജില്ലയില്‍ ഇന്റര്‍നെറ്റ് സേവനങ്ങള്‍ റദ്ദാക്കി. ഭദേര്‍വ സ്വദേശി ആരിഫ് ഹുസൈന്‍ (30) ആണ് മരിച്ചത്. ഝായില്‍ ജമ്മു കശ്മീര്‍ പോലീസുമായുണ്ടായ തര്‍ക്കത്തിനൊടുവില്‍ ആരിഫിനെ പോലീസ് വെടിവച്ചു കൊന്നെന്നാണ് നാട്ടുകാരുടെ ആരോപണം. പശുക്കടത്ത് അന്വേഷിക്കാന്‍ എത്തിയ പോലീസിനെ ആക്രമിച്ച് തോക്ക് തട്ടിയെടുക്കാന്‍ ശ്രമിച്ചപ്പോഴുണ്ടായ പിടിവലിക്കിടെ അബദ്ധത്തില്‍ വെടിപൊട്ടിയാണ് ആരിഫ് മരിച്ചതെന്നാണ് പോലീസ് പറയുന്നത്.

🔹അമൃത് ഭാരത് പദ്ധതിക്ക് കീഴില്‍ നവീകരിച്ച 75 റെയില്‍വേ സ്റ്റേഷനുകളുടെ ഉദ്ഘാടനം പ്രധാനമന്ത്രി നരേന്ദ്രമോദി നിര്‍വഹിച്ചു. പഞ്ചാബിലെ ജലന്ധര്‍ കാന്റ് റെയില്‍വേ സ്റ്റേഷനില്‍ നടന്ന ചടങ്ങിലാണ് അമൃത് ഭാരത് സ്റ്റേഷനുകളുടെ ഉദ്ഘാടനവും നിര്‍വഹിച്ചത്. മറ്റുസ്റ്റേഷനുകളില്‍ വീഡിയോ കോണ്‍ഫറന്‍സിങ് വഴി പ്രധാനമന്ത്രിയുടെ ഉദ്ഘാടനപ്രസം?ഗം പ്രദര്‍ശിപ്പിച്ചു.

🔹ഗാസിയാബാദില്‍ ബലാത്സംഗത്തിനിരയായ നാലുവയസ്സുകാരിക്ക് ചികിത്സ നല്‍കുന്നതില്‍ വീഴ്ച വരുത്തിയ ആശുപത്രികളെയും ഡോക്ടര്‍മാരെയും രൂക്ഷമായി വിമര്‍ശിച്ച് സുപ്രീംകോടതി. പാവപ്പെട്ട കുട്ടിയായതിനാലാണ് ചികിത്സ നല്‍കാതെ ഒഴിവാക്കിയതെന്നും ഇവിടങ്ങളിലെ ഡോക്ടര്‍മാര്‍ക്ക് പേരിനൊപ്പം ഡോക്ടര്‍ എന്നെഴുതാന്‍ അവകാശമില്ലെന്നും സുപ്രീംകോടതി പറഞ്ഞു.

🔹റിക്ഷയില്‍ കയറ്റിക്കൊണ്ടു പോയ ഇരുമ്പ് കമ്പികള്‍ പിറകേ വന്ന കാറിന്റെ മുന്‍ഗ്ലാസിലേക്ക് തുളച്ചുകയറി കാര്‍ ഡ്രൈവര്‍ മരിച്ചു. ഹരിയാനയിലെ ദ്വാരക എക്സ്പ്രസ് വേയില്‍ വെള്ളിയാഴ്ചയാണ് അപകടമുണ്ടായത്. റിക്ഷയിലെ ഇരുമ്പ് കമ്പികള്‍ കാര്‍ ഡ്രൈവറുടെ നെഞ്ചിലേക്ക് തുളച്ചുകയറുകയായിരുന്നു.

‎🔹കുവൈത്തിലെ പ്രമുഖ വൈദ്യുതി-, കുടിവെള്ള ഉൽപ്പാദന പ്ലാന്റിന് നേരെ ഇറാൻ നടത്തിയ ആക്രമണത്തെ തുടർന്ന് പ്ലാന്റിൽ വൻ തീപിടിത്തമുണ്ടായതായി വൈദ്യുതി, ജല, പുനരുപയോഗ ഊർജ മന്ത്രാലയം സ്ഥിരീകരിച്ചു. ആക്രമണത്തെ തുടർന്ന് നിലയത്തിലെ ഒരു പ്രധാന ഘടകത്തിലാണ് തീപിടിത്തമുണ്ടായത്.

‎🔹പശ്ചിമേഷ്യയിൽ സംഘർഷം കടുക്കുന്നതിനെ തുടർന്ന് ഗൾഫ് മേഖലയിൽ അതീവ ജാഗ്രത. സുരക്ഷാ മുൻകരുതലുകളുടെ ഭാഗമായി കുവൈത്ത് അന്താരാഷ്ട്ര വിമാനത്താവളത്തിന്‍റെ പ്രവർത്തനം താൽക്കാലികമായി നിർത്തിവെച്ചതിനെ തുടർന്ന് കുവൈത്ത് എയർവേസ് തങ്ങളുടെ ഭൂരിഭാഗം സർവീസുകളും പുനഃക്രമീകരിച്ചു.

🔹ഇറാനിലെ തെക്കന്‍ പ്രദേശത്തെ ജനവാസ മേഖലകളില്‍ യു.എസ് ആക്രമണം. പാലങ്ങളടക്കം ബോംബിട്ട് തകര്‍ത്തു. യുദ്ധം അവസാനിപ്പിച്ചില്ലെങ്കില്‍ സമ്പൂര്‍ണ നശീകരണ ശൈലിയിലേക്ക് നീങ്ങുമെന്ന് ഇറാന്റെ ഇസ്ലാമിക് റെവല്യൂഷണറി ഗാര്‍ഡ് കോര്‍ വ്യക്തമാക്കി. ഹോര്‍മുസില്‍ തായ് കപ്പലിനു നേരെ ഇറാന്‍ ആക്രമണം നടത്തി. ഇറാന്റെ ആക്രമണത്തില്‍ കുവൈറ്റിലെ വൈദ്യുതി ഉല്‍പാദന – കടല്‍ജല ശുദ്ധീകരണ നിലയത്തിന് കേടുപാടുകള്‍ സംഭവിച്ചു.

🔹വെസ്റ്റ് ഇന്‍ഡീസ് ക്രിക്കറ്റ് ഇതിഹാസം ഗാരി സോബേഴ്‌സ് (89) അന്തരിച്ചു. വാര്‍ധക്യ സഹജമായ അസുഖങ്ങളെ തുടര്‍ന്ന ബാര്‍ബഡോസിലെ വീട്ടിലായിരുന്നു അന്ത്യം. മകന്‍ ഡാനിയേല്‍ സോബേഴ്‌സ് ആണ് മരണവിവരം സ്ഥിരീകരിച്ചത്. ക്രിക്കറ്റ് ചരിത്രത്തിലെ ഏറ്റവും മികച്ച ഓള്‍റൗണ്ടര്‍മാരില്‍ ഒരാളായി കണക്കാക്കപ്പെടുന്ന അദ്ദേഹം, വെസ്റ്റ് ഇന്‍ഡീസ് ക്രിക്കറ്റിലെ ഒരു യുഗത്തിന്റെ പ്രതീകമായിരുന്നു.

🔹തമിഴ് സൂപ്പര്‍താരം സൂര്യയെ നായകനാക്കി മലയാളി സംവിധായകന്‍ ജിത്തു മാധവന്‍ ഒരുക്കുന്ന ‘സൂര്യ 47’ ചിത്രത്തിന്റെ ചിത്രീകരണം പൂര്‍ത്തിയായി. ഴഗരം സ്റ്റുഡിയോസ് ബാനറില്‍ നടി ജ്യോതിക ആണ് ചിത്രം നിര്‍മ്മിക്കുന്നത്. സൂര്യയ്ക്ക് പുറമേ മലയാളി താരം നസ്ലനും നിര്‍ണ്ണായക വേഷം ചെയ്യുന്ന ചിത്രത്തിലെ നായികയായി അഭിനയിക്കുന്നത് നസ്രിയ നസിം ആണ്. വമ്പന്‍ ബഡ്ജറ്റില്‍ വന്‍ കാന്‍വാസിലാണ് ഈ മാസ് എന്റര്‍ടെയ്നെര്‍ ചിത്രം ഒരുങ്ങുന്നത്. ചിത്രത്തിന് സംഗീതമൊരുക്കുന്നത് സുഷിന്‍ ശ്യാം ആണ്. സുഷിന്‍ ആദ്യമായി തമിഴില്‍ സംഗീത സംവിധാനം നിര്‍വഹിക്കുന്ന ചിത്രമാണിത്. രോമാഞ്ചം, ആവേശം എന്നീ ചിത്രങ്ങളിലൂടെ ശ്രദ്ധേയനായ ജിത്തു മാധവന്‍ ആദ്യമായി ഒരുക്കുന്ന തമിഴ് ചിത്രം കൂടിയാണിത്. ജോണ്‍ വിജയ്, ആനന്ദ് രാജ് എന്നിവരാണ് ചിത്രത്തിലെ മറ്റ് താരങ്ങള്‍.

💦 ഗുരുജിയുടെ വാക്കുകൾ
*****************************

സ്വന്തം ജീവിതത്തിൻ്റെ ആദ്യ വരി എഴുതുന്നത് നമ്മൾ തന്നെയാവണം.. എത്ര പേർ വിരൽ ചൂണ്ടിയാലും അതിൽ ഒരു തരി പോലും തെറ്റില്ല എന്ന ബോധ്യം വേണമെങ്കിൽ ആദ്യ വരിയുടെ മഷി.. അത് സ്വന്തം ചിന്തകൾ കൊണ്ട് മാത്രം ആയിരിക്കണം.. നമുക്ക് നമ്മളെത്തന്നെ നഷ്ടപ്പെടുന്ന ഒരിടവഴിയിൽ വച്ച് എങ്ങനെയാണ് മറ്റൊരാളെ സ്നേഹിക്കാനും കൂടെയിരിക്കാനും കഴിയുക. അങ്ങനെ സ്നേഹിച്ചാൽ അവിടെ ബാക്കി വരുന്നത് മുറിവേൽപ്പിച്ച വാക്കും നോക്കും മാത്രമായിരിക്കും..
അതിനേക്കാൾ എന്നും നല്ലത് നിങ്ങൾക്ക് തയ്യാറാവാനുള്ള സമയം ഉചിതമായ രീതിയിൽ നിങ്ങൾ തന്നെ തെരഞ്ഞെടുക്കുന്നതാണ്. ആ നേരം നിങ്ങളുടെ ഏറ്റവും ശക്തമായ അവകാശി നിങ്ങൾ മാത്രമായിരിക്കണം.

ചരിത്രത്തിൽ ഇന്നത്തെ ദിവസത്തിന്റെ പ്രാധാന്യങ്ങൾ
********************************************************************

ജൂലൈ 18

•അന്താരാഷ്ട്ര നെൽസൺ മണ്ടേല ദിനമായാണ് (Nelson Mandela International Day) എല്ലാ വർഷവും ജൂലൈ 18 ആചരിക്കുന്നത്.വർണ്ണവിവേചനത്തിനെതിരെ പോരാടിയ ദക്ഷിണാഫ്രിക്കൻ നേതാവ് നെൽസൺ മണ്ടേലയുടെ ജന്മദിനമാണ് ജൂലൈ 18. ലോകസമാധാനം, മനുഷ്യാവകാശം, ലിംഗസമത്വം, ദാരിദ്ര്യനിർമ്മാർജ്ജനം എന്നിവയ്ക്കായി അദ്ദേഹം നൽകിയ സംഭാവനകളെ മുൻനിർത്തി ഐക്യരാഷ്ട്രസഭ (UN) 2009 നവംബറിലാണ് ഈ ദിനാചരണം പ്രഖ്യാപിച്ചത്. 2010 ജൂലൈ 18-ന് ആദ്യ മണ്ടേല ദിനം ആചരിച്ചു. മണ്ടേല തന്റെ ജീവിതത്തിലെ 67 വർഷങ്ങൾ ജനസേവനത്തിനായി മാറ്റിവെച്ചു. ഇതിന്റെ ഓർമ്മയ്ക്കായി ഈ ദിവസം സാധാരണക്കാർ മറ്റുള്ളവരെ സഹായിക്കാനായി 67 മിനിറ്റ് വിനിയോഗിക്കാൻ യു.എൻ ആഹ്വാനം ചെയ്യുന്നു.ദാരിദ്ര്യത്തിനും അസമത്വത്തിനുമെതിരെ പോരാടുക എന്നതാണ് ഈ ദിനാചരണത്തിന്റെ പ്രധാന സന്ദേശം.

•തമിഴ്‌നാട് ദിനം (Tamil Nadu Day): മദ്രാസ് സംസ്ഥാനത്തിന്റെ പേര് ‘തമിഴ്‌നാട്’ എന്ന് മാറ്റാൻ പ്രമേയം പാസാക്കിയതിന്റെ ഓർമ്മയ്ക്കായി ജൂലൈ 18 തമിഴ്‌നാട് ദിനമായി ഔദ്യോഗികമായി ആചരിക്കപ്പെടുന്നു.

•ലോക ശ്രവണ ദിനം (World Listening Day): ശബ്ദമലിനീകരണത്തെക്കുറിച്ച് അവബോധം വളർത്താനും പ്രകൃതിയിലെ ശബ്ദങ്ങളെ ശ്രദ്ധിക്കാനും ഈ ദിവസം ആചരിക്കുന്നു.

തയ്യാറാക്കിയത്: കപിൽ ശങ്കർ

3 Likes

📱വാർത്തകൾ ഒറ്റനോട്ടത്തിൽ📱 – 2026 | ജൂലൈ 18 | ശനി ✍️ കപിൽ ശങ്കർ

💦 ഗുരുജിയുടെ വാക്കുകൾ
*****************************

ചരിത്രത്തിൽ ഇന്നത്തെ ദിവസത്തിന്റെ പ്രാധാന്യങ്ങൾ
********************************************************************

ജൂലൈ 18

തയ്യാറാക്കിയത്: കപിൽ ശങ്കർ

📱വാർത്തകൾ ഒറ്റനോട്ടത്തിൽ📱 – 2026 | ജൂലൈ 21 | ചൊവ്വ ✍️ കപിൽ ശങ്കർ

തിരുനാമകീര്‍ത്തനം പാടിയും സ്നേഹകാരുണൃം നൽകിയും മനുഷ്യസ്നേഹത്തിന്റെ അടയാളമായി ഡോ.സണ്ണി സ്റ്റീഫൻ

കാപ്പി കുടിക്കുന്നത് ഹൃദയത്തിന് ഗുണകരമെന്ന് റിപ്പോർട്ട്

LEAVE A REPLY Cancel reply

Most Popular

തോല്‍വിയുടെ വേദന കഠിനമാണ്, മുറിവുണങ്ങാന്‍ സമയമെടുക്കും’; വൈകാരിക കുറിപ്പുമായി മെസ്സി.

സർക്കാർ സ്കൂളിലെ സൗജന്യ കെ ഫോൺ സേവനം നിർത്തലാക്കി, ഇനി ബില്ലടച്ചവർക്ക് മാത്രം സേവനം.

സഭയിൽ കിട്ടിയാൽ എല്ലൊടിക്കും’; വിജയ്‌ക്കെതിരെ ഭീഷണി മുഴക്കിയ ഡിഎംകെ എംഎൽഎ അറസ്റ്റിൽ.

തിരുവനന്തപുരം മെഡിക്കൽ കോളജിൽ മോഷണം; കവർന്നത് ഉറക്കഗുളികകളും വിഷാദത്തിനുള്ള മരുന്നുകളും.

Recent Comments

EDITOR PICKS

തോല്‍വിയുടെ വേദന കഠിനമാണ്, മുറിവുണങ്ങാന്‍ സമയമെടുക്കും’; വൈകാരിക കുറിപ്പുമായി മെസ്സി.

സർക്കാർ സ്കൂളിലെ സൗജന്യ കെ ഫോൺ സേവനം നിർത്തലാക്കി, ഇനി ബില്ലടച്ചവർക്ക് മാത്രം സേവനം.

സഭയിൽ കിട്ടിയാൽ എല്ലൊടിക്കും’; വിജയ്‌ക്കെതിരെ ഭീഷണി മുഴക്കിയ ഡിഎംകെ എംഎൽഎ അറസ്റ്റിൽ.

POPULAR POSTS

സഭയിൽ കിട്ടിയാൽ എല്ലൊടിക്കും’; വിജയ്‌ക്കെതിരെ ഭീഷണി മുഴക്കിയ ഡിഎംകെ എംഎൽഎ അറസ്റ്റിൽ.

എൽ.പി.ജിക്ക് പകരം ഇനി എഥനോൾ, പുതിയ ഇന്ധനത്തിനൊരുങ്ങി കേന്ദ്രം.

രാജസ്ഥാനിൽ നവദമ്പതികൾ വനത്തിൽ തൂങ്ങിമരിച്ച നിലയിൽ; കൂട്ടബലാത്സംഗത്തിന് ശേഷമുള്ള കൊലപാതകമെന്ന് കുടുംബം.

POPULAR CATEGORY

ABOUT US

FOLLOW US

📱വാർത്തകൾ ഒറ്റനോട്ടത്തിൽ📱 – 2026 | ജൂലൈ 18 | ശനി ✍️ കപിൽ ശങ്കർ

💦 ഗുരുജിയുടെ വാക്കുകൾ *****************************

ചരിത്രത്തിൽ ഇന്നത്തെ ദിവസത്തിന്റെ പ്രാധാന്യങ്ങൾ ********************************************************************

ജൂലൈ 18

തയ്യാറാക്കിയത്: കപിൽ ശങ്കർ

LEAVE A REPLY Cancel reply

Most Popular

Recent Comments

EDITOR PICKS

POPULAR POSTS

POPULAR CATEGORY

ABOUT US

FOLLOW US

💦 ഗുരുജിയുടെ വാക്കുകൾ
*****************************

ചരിത്രത്തിൽ ഇന്നത്തെ ദിവസത്തിന്റെ പ്രാധാന്യങ്ങൾ
********************************************************************