കോട്ടയം/ഡാളസ് : ദരിദ്ര കുടുംബങ്ങൾക്ക് ജാതി-മത ഭേദമന്യേ തണലായി വർത്തിക്കുന്ന കോട്ടയം ആസ്ഥാനമായുള്ള ഇന്ത്യൻ ജീവകാരുണ്യ ചാരിറ്റബിൾ ട്രസ്റ്റ് (IJCT) 30 വർഷത്തെ കാരുണ്യ സേവനം പൂർത്തിയാക്കി. യു എസ്സിലെ ഡാളസ് നിവാസിയായ മിസ്റ്റർ ജോസഫ് ചാണ്ടിയുടെ (മാനേജിംഗ് ട്രസ്റ്റി) നേതൃത്വത്തിൽ, അദ്ദേഹത്തിന്റെ സ്വന്തം സമ്പാദ്യത്തിൽ നിന്നാണ് ഈ ചാരിറ്റി പ്രവർത്തനങ്ങൾക്കുള്ള ഭൂരിഭാഗം ഫണ്ടും കണ്ടെത്തുന്നത്. ഇതുവരെ ഇന്ത്യയൊട്ടാകെ 15,53,64,100 രൂപയുടെ ജീവകാരുണ്യ പ്രവർത്തനങ്ങൾ ട്രസ്റ്റ് നടത്തിയിട്ടുണ്ട്.
വിദ്യാഭ്യാസ മേഖലയിലാണ് ട്രസ്റ്റ് ഏറ്റവും കൂടുതൽ സംഭാവന നൽകിയിട്ടുള്ളത്. കഴിഞ്ഞ മൂന്ന് പതിറ്റാണ്ടിനിടെ 3,72,300 സ്കൂൾ വിദ്യാർത്ഥികൾക്കും 30,510 കോളേജ് വിദ്യാർത്ഥികൾക്കും സ്കോളർഷിപ്പുകൾ വിതരണം ചെയ്തു. നിലവിൽ പ്രതിവർഷം 15,500 സ്കൂൾ വിദ്യാർത്ഥികൾക്കും 2,100 കോളേജ് വിദ്യാർത്ഥികൾക്കും സാമ്പത്തിക സഹായം നൽകിവരുന്നു.
2025-26 സാമ്പത്തിക വർഷത്തിൽ മാത്രം ട്രസ്റ്റ് 87,34,100 രൂപയുടെ പ്രവർത്തനങ്ങൾ നടപ്പിലാക്കി. വിവിധ മേഖലകളിലെ വിഹിതം താഴെ പറയുന്നപ്രകാരമാണ്:
₹34,33,600,ഭവന നിർമ്മാണ സഹായം: ₹34,20,000 (കരുണ്യ സ്പർശം പദ്ധതിയിലൂടെ 280 ബി.പി.എൽ കുടുംബങ്ങൾക്ക് സഹായം നൽകി),ഭിന്നശേഷിക്കാർക്കും എൻ.ജി.ഓകൾക്കുമുള്ള സഹായം: ₹5,07,000,അനാഥാലയങ്ങളും ചാരിറ്റബിൾ സ്ഥാപനങ്ങളും: ₹4,00,000,സ്ത്രീ ശാക്തീകരണ പരിപാടികൾ: ₹3,00,000,പാവപ്പെട്ട കുടുംബങ്ങളെ ദത്തെടുക്കൽ: ₹3,12,000 (വർഷം തോറും ₹12,000 വീതം ഏകദേശം 40 കുടുംബങ്ങൾക്ക് നൽകുന്നു)
₹1,89,500 (30 പേർക്ക് കണ്ണ് ശസ്ത്രക്രിയയ്ക്കും വീൽചെയർ വിതരണത്തിനും സഹായം നൽകി),വിദ്യാഭ്യാസ സ്ഥാപനങ്ങൾ: ₹1,00,000,സ്വയംതൊഴിൽ പദ്ധതികൾ: ₹57,000,ഭക്ഷണവും സാമഗ്രികളും: ₹15,000 കൂടാതെ, മികച്ച സാമൂഹിക പ്രവർത്തകരെ ആദരിക്കുന്നതിനായി 2024 മുതൽ ‘മദർ തെരേസ ജീവകാരുണ്യ സേവ അവാർഡ്’ ട്രസ്റ്റ് ഏർപ്പെടുത്തിയിട്ടുണ്ട്.
ഓൾ ഇന്ത്യ കോ-ഓർഡിനേറ്റർ പ്രൊഫ. ഡോ. എ.കെ. ജനാർദ്ദനൻ, സെക്രട്ടറി മിസ്റ്റർ ജെയിംസ് ജോസഫ് എന്നിവരും വിവിധ ജില്ലകളിലെ സാമൂഹിക പ്രവർത്തകരും ഈ പ്രവർത്തനങ്ങൾക്ക് നേതൃത്വം നൽകുന്നു.
