ഞാനും നീയുമായി
വേർപിരിഞ്ഞപ്പോഴേ
ഞാനറിഞ്ഞുള്ളൂ ഇത്ര ദൂരം..!!
നമ്മളൊന്നിച്ചു നടന്ന ദൂരത്തേക്കാൾ
എത്ര വലുതാണീ ദൂരം…!!
നമ്മളിലേക്ക് തിരിഞ്ഞു നടക്കുവാൻ
ഞാനും നീയും താണ്ടുന്ന ദൂരം…!!
ഹിമപാതമുരുകുന്ന ദൂരം.!!
കനൽ കാട് താണ്ടുന്ന ദൂരം.!!
അങ്ങോട്ടുമിങ്ങോട്ടും
തമ്മിലായെയ്തൊരാ, വാക്കിൻ
ശരങ്ങൾ തൻ ദൂരം.!!
നമ്മളാ ശങ്ക തൻ ശരശയ്യമേൽ
മരണം കാത്ത് കിടന്ന നേരം.!!
തമ്മിലായ് നമ്മെ പകുത്ത പകുതിയെ,
തിരികെ എടുത്തു മറഞ്ഞ ദൂരം.!!
ഞാനായും നീയായും മാറിയ നമ്മൾ,
നമ്മിൽ തിരഞ്ഞ നമ്മളിലേക്കുള്ള
ദൂരം!!
ആശ്വാസവാക്കായി
ആമോദ ചന്ദ്രനായി,
ചേർന്നിരുന്നോരുടെ സ്നേഹദൂരം…!!
