പോർട്ട്‌ മോറെസ്‌ബി
പാപ്പുവ ന്യൂ ഗിനിയയിലെ എൻഗ പ്രവിശ്യയിലുണ്ടായ മണ്ണിടിച്ചിലിൽ 670 പേർ മരിച്ചതായി ഐക്യരാഷ്‌ട്ര സംഘടനയുടെ കുടിയേറ്റ സംഘടന. വെള്ളിയാഴ്‌ചത്തെ മണ്ണിടിച്ചിലിൽ നൂറ്റമ്പതിലധികം വീട്‌ മണ്ണിനടിയിലായെന്നാണ്‌ പുറത്തുവരുന്ന വിവരം.
അഞ്ച്‌ മൃതദേഹം മാത്രമാണ്‌ ഞായറാഴ്‌ച തെരച്ചിലിൽ ലഭിച്ചത്‌. രക്ഷപെട്ടവരെ സുരക്ഷിതസ്ഥാനത്തേക്ക്‌ മാറ്റി. മോശം കാലാവസ്ഥയും ഗോത്രയുദ്ധങ്ങളും രക്ഷാപ്രവർത്തനത്തിന്‌ ഭീഷണിയുയർത്തുന്നുണ്ട്‌.”
