വിരഹചികുരത്തിലേറിഞാനെന്റെ
പ്രണയത്തൂവൽത്തലോടവേ
പകുതിചാറിയടർന്നകന്നൊരു
കുളിരു മാരിയൊരോർമ്മയായ്
മിഴിതലോടിയ
മോഹസൂനങ്ങൾ
വഴിതടഞ്ഞിട്ട വീഥിയിൽ
മുള്ളുവേലിയ്ക്കിടയിലൂടെ-
യുദിച്ച സൂര്യനെക്കണ്ടതും
നല്ലചൂടിലെന്നിന്ദ്രിയങ്ങളി-
ലഗ്നിജ്വാലയുണർന്നതും
തള്ളവിരലിന്റെ ചിത്രഗോപുരം
താഴെ മണ്ണിൽപ്പിറന്നതും
വന്ന വേടന്റെ വില്ലൊടിഞ്ഞതും
അമ്പ് ഹൃത്തിൽ തുളഞ്ഞതും,
മറവിയാകാതെ മനകുടീരത്തി
ലുച്ചവെയിലിന്റെ കത്തലായ്.
മതികുടഞ്ഞിട്ട മൗനമേൽക്കവേ
മൃദുലഭാവത്തിലായി ഞാൻ.
ഓർമ്മതുന്നിയ താളകങ്ങളിൽ
പ്രണയഭാഷപരക്കവേ
സ്നേഹഗീതങ്ങളേറ്റുപാടുന്നു.
ഞാനുമെന്നാത്മഛേദങ്ങളും.
ഓർമ്മയിൽ (കവിത) ✍പ്രമോദിനി ദാസ്
