വിണ്ണിൽനിന്നുംമണ്ണിലേയ്ക്കുവിരു
ന്നു
വരും മഴമേഘങ്ങൾ,പെയ്യുവാൻ
വെമ്പുന്നനേരത്തായ് മേഘപാളി
കളാകെമൂടിയ കാർനിറം കൊണ്ടു.
കാരിരുൾ സമമാർന്നജാലങ്ങൾ-
ക്കകമ്പടിയായ് വന്നൂ,മാരുതൻ!
കാർകൊണ്ട മാനത്തുനോക്കി
പീലിവീശിയാടുന്ന മയിലുകൾ!
മണ്ണിതിൽ ഹർഷമണിയിക്കും
വർഷം,മുത്തുമണികളായ് വന്നീടും
ഉത്സവമേളത്തിന്നകമ്പടിപോൽ
താലവൃന്ദം വീശുന്നുമാമരങ്ങൾ!
കൊട്ടും കുരവയുമായിടിനാദം
മുഴങ്ങുന്നു,ദൂരത്തായൊരുത്സവ
മേളമതു കാണുവാനാകുന്നനേരം.
എങ്കിലും പെയ്തൊഴിയണമീ
മണ്ണിൽ,നിങ്ങൾമഴമേഘങ്ങളേ
അവനിക്കു പുണ്യംചാർത്തുവാൻ
മാത്രമാകണേ നിങ്ങൾതൻ
പുറപ്പാട്
ധരണിയെകുളിരണിയിക്കുവാൻ
വന്നീടുക മഴമേഘങ്ങളേ നിങ്ങൾ.
