കോട്ടയ്ക്കൽ. പിഎസ് വി നാട്യസംഘം കലാകാരൻമാർക്കു വിവിധ അവാർഡുകൾ ലഭിച്ചു. പ്രധാന അധ്യാപകനും പ്രമുഖ കഥകളി നടനുമായ കോട്ടയ്ക്കൽ ദേവദാസ് പയ്യന്നൂർ കഥകളി അരങ്ങിന്റെ കലാമണ്ഡലം കൃഷ്ണൻ നായർ സ്മാരക പുരസ്കാരത്തിനാണ് (50,000) അർഹനായത്. ഇന്നു 10.30ന് പയ്യന്നൂർ ശ്രീപ്രഭ ഓഡിറ്റോറിയത്തിൽ നടക്കുന്ന ചടങ്ങിൽ അവാർഡ് ഏറ്റുവാങ്ങും.
കലാമണ്ഡലം കൃഷ്ണൻകുട്ടി പൊതുവാൾ ജൻമശതാബ്ദി ആഘോഷത്തിന്റെ ഭാഗമായി നൽകുന്ന കലാസാഗർ പുരസ്കാരമാണ് (20,000) നാട്യസംഘം ചെണ്ട അധ്യാപകനായ കോട്ടയ്ക്കൽ വിജയരാഘവന് ലഭിച്ചത്.
28ന് കലാമണ്ഡലത്തിൽ നടക്കുന്ന ചടങ്ങിൽ അവാർഡ് വിതരണം ചെയ്യും. തൃശൂർ കഥകളി ക്ലബിന്റെ സഹകരണത്തോടെ എൽഎസ് വി ഫൗണ്ടേഷൻ നൽകുന്ന യുവഗായക പുരസ്കാരമാണ് (20,000) നാട്യസംഘം സംഗീത അധ്യാപകൻ കോട്ടയ്ക്കൽ സന്തോഷിനു ലഭിച്ചത്. കഴിഞ്ഞദിവസം തൃശൂരിൽ നടന്ന ചടങ്ങിൽ അവാർഡ് ഏറ്റുവാങ്ങി.
— – – – – – –
