ഭർതൃസഹോദരന്റെ കല്ലറയിൽ വെക്കാനുള്ള പൂക്കൾ കാറിൽ കയറ്റവെ വാഹനമിടിച്ച് അദ്ധ്യാപിക മരിച്ചു. പിക്കപ്പ് ജീപ്പ് ഇടിച്ചാണ് അന്ത്യം. വയനാട് കോളിയാടി കണ്ണേത്ത് വിൽസൻ്റെ ഭാര്യയും കോളിയാടി എ.യു.പി. ഹൈസ്കൂൾ അധ്യാപികയുമായ ജിലി വിൽസനാണ് മരിച്ചത്.
വീടിന് മുന്നിൽ റോഡ് സൈഡിൽ നിർത്തിയിട്ട കാറിൻ്റെ ഡിക്കിയിൽ വിൽസൻ്റെ സഹോദരൻ്റെ ചരമദിനത്തിന് കല്ലറയിൽ വെക്കാനുള്ള പൂക്കൾ വെക്കുമ്പോഴാണ് പുറകിൽ നിയന്ത്രണം വിട്ട് വന്ന പിക്കപ്പ് ജീപ്പ് ഇടിച്ചു തെറിപ്പിച്ചത്.
സംഭവസ്ഥലത്ത് വെച്ച് തന്നെ അധ്യാപിക മരിച്ചു. ഡ്രൈവർ ഉറങ്ങി പോയതാണ് അപകടത്തിന് കാരണമെന്നാണ് വിലയിരുത്തൽ. അമൂല്യ, എയ്ഞ്ചൽ എന്നിവർ മക്കളാണ്.
