കോട്ടയം: അമ്മയും മകളും സഞ്ചരിച്ച സ്കൂട്ടറില് ക്രെയിന് ഇടിച്ച് മകള് മരിച്ചു. കറുകച്ചാലിൽ ഇന്നലെ (തിങ്കളാഴ്ച) രാത്രി 8.30 ഓടെയാണ് അപകടം.
കറുകച്ചാൽ കൂത്രപ്പള്ളിയിൽ തട്ടാരടിയിൽ ജോർജിന്റെ ഭാര്യ ജോളിയും, മകൾ നോയൽ ജോർജ്ജും (23) സഞ്ചരിച്ച സ്കൂട്ടറാണ് അപകടത്തിൽ പെട്ടത്.
ഗുരുതരമായി പരിക്കേറ്റ നോയലിനെ ഉടൻ തന്നെ ആശുപത്രിയിൽ എത്തിച്ചുവെങ്കിലും മരിച്ചു.അമ്മ ജോളി പരിക്കുകളോടെ രക്ഷപ്പെട്ടു. കറുകച്ചാലിൽ നിന്നും സാധനങ്ങൾ വാങ്ങി വീട്ടിലേക്ക് പോകും വഴിയാണ് അപകടം.
