🌹 ചിന്താ പ്രഭാതം 🌹 2024 | മെയ് 08 | ബുധൻ ✍ബേബി മാത്യു അടിമാലി

സ്വന്തം ഉന്നതിയിലെ അപരസാന്നിധ്യം തിരിച്ചറിയാത്തവർക്ക് അപരൻ എന്നും ഒരു അസംസ്കൃത വസ്തു മാത്രമായിരിക്കും. തന്നെക്കാൾ മെച്ചപ്പെട്ടവരോട് അസൂയയും തനിക്കൊപ്പം വളരുന്നവരോട് പുച്ഛവുമായിരിക്കും അവരുടെ മനോഭാവം .

മികച്ചവനെന്നോ താഴ്ന്നവനെന്നോ ഉള്ള അപക്വ വിലയിരുത്തൽ ബന്ധങ്ങളെ അകറ്റി നിർത്തുകയേയുള്ളൂ.

മുതലാളിയും തൊഴിലാളിയും ചെയ്യുന്ന ജോലികളിൽ വ്യത്യസ്തത കണ്ടേക്കാം. പക്ഷേ രണ്ടുപേരുടെയും ലക്ഷ്യം ഒന്നുതന്നെ ഉപജീവനം.

കൂടെ ജോലി ചെയ്യുന്നവരെ കീഴുദ്യോഗസ്ഥൻ, മേലുദ്യോഗസ്ഥൻ എന്നു വർഗീകരിക്കുന്നതിനു പകരം സഹപ്രവർത്തകർ എന്ന് ഏകീകരിക്കാൻ കഴിഞ്ഞാൽ എല്ലാ തൊഴിലിടങ്ങളും അഹം ബോധ വിമുക്തമാകും.

ഒത്തിരി ഇഷ്ടത്തോടെ……🙏

🙏 ശുഭദിനാശംസകൾ 🙏

ബേബി മാത്യു അടിമാലി✍