തൃശൂർ: ബിരിയാണിയിൽ പപ്പടവും മുട്ടയുമില്ലാത്തതിന്റെ പേരിൽ ഹോട്ടൽ ജീവനക്കാരെ ആക്രമിച്ചതായി പരാതി. തളിക്കുളം പത്താംകല്ല് ബസ് സ്റ്റോപ്പിന് സമീപമുള്ള സ്നേഹതീരം ഹോട്ടലിലെ ജീവനക്കാരെയാണ് രണ്ടംഗ സംഘം ആക്രമിച്ചത്. ഹോട്ടലിലെ കസേരകൾ മറിച്ചിട്ട നിലയിലാണ്. സംഭവത്തിൽ ജീവനക്കാർ വാടാനപ്പള്ളി പൊലീസിൽ പരാതി നൽകി.
ആക്രമണത്തിൽ കേരള ഹോട്ടൽ ആൻഡ് റസ്റ്ററന്റ് അസോസിയേഷൻ തൃപ്രയാർ യൂണിറ്റ് പ്രതിഷേധിച്ചു. പ്രസിഡന്റ് ആർ.എ. മുഹമ്മദ് അധ്യക്ഷനായി. സെക്രട്ടറി അക്ഷയ് കൃഷ്ണ, ട്രഷറർ റഹ്മത്ത് ബാബു, വർക്കിങ് പ്രസിഡന്റ് അഷ്റഫ്, ജോയിന്റ് സെക്രട്ടറിമാരായ ജാവീദ്, ബഷീർ എന്നിവർ പ്രസംഗിച്ചു.
