Sunday, June 23, 2024
Homeഇന്ത്യ"മോദിയായി വേഷമിടില്ലെന്ന് സത്യരാജ് ; 'ആശയപരമായി താനൊരു പെരിയാറിസ്റ്റ്'.

“മോദിയായി വേഷമിടില്ലെന്ന് സത്യരാജ് ; ‘ആശയപരമായി താനൊരു പെരിയാറിസ്റ്റ്’.

ചെന്നൈ : താൻ പെരിയാറിസ്റ്റാണെന്നും  പ്രധാനമന്ത്രി നരേന്ദ്രമോദിയുടെ ബയോപിക്കിൽ അഭിനയിക്കില്ലെന്നും തമിഴ്‌ നടൻ സത്യരാജ്. മോദിയായി വേഷമിടാൻ തന്നെയാരും സമീപിച്ചിട്ടില്ലെന്നും നടൻ പറഞ്ഞു. അങ്ങനെയൊരു വേഷം വന്നാൽ താൻ ചെയ്യില്ലെന്നും ആശയപരമായി താനൊരു ‘പെരിയാറിസ്റ്റ്’ ആണെന്നും അദ്ദേഹം വ്യക്തമാക്കിയതായി തമിഴ് മാധ്യമങ്ങളാണ്‌ റിപ്പോർട്ട് ചെയ്തത്‌.

കോൺഗ്രസ് എം പി കാർത്തി ചിദംബരം ഉൾപ്പെടെയുള്ളവർ വിമർശനമുന്നയിച്ചതോടെയാണ് സത്യരാജ് വിശദീകരണവുമായി എത്തിയത്. ഇതോടെ സമീപ ദിവസങ്ങളിലായി സോഷ്യൽ മീഡിയയിലടക്കം ചർച്ചയായിക്കൊണ്ടിരിക്കുന്ന അഭ്യൂഹങ്ങൾക്ക്‌ വിരാമമായി.

2007-ൽ സാമൂഹിക പരിഷ്കർത്താവായ പെരിയാറിന്റെ ജീവചരിത്രത്തിൽ സത്യരാജ് അഭിനയിച്ചതിന്‌ പ്രേക്ഷക പ്രശംസ ഏറെയായിരുന്നു. അനലിസ്റ്റ് രമേശ് ബാലയാണ്‌ സത്യരാജ് മോദിയായി വേഷമിടുന്നുവെന്നും ബോളിവുഡിലെ പ്രമുഖ നിർമാണ കമ്പനിയായിരിക്കും ചിത്രം നിർമ്മിക്കുകയെന്നും മുൻപ് എക്‌സിലൂടെ വിവരം പങ്കുവെച്ചത്‌.

RELATED ARTICLES

LEAVE A REPLY

Please enter your comment!
Please enter your name here

Most Popular

Recent Comments