📱വാർത്തകൾ ഒറ്റനോട്ടത്തിൽ📱 – 2026 | ഓഗസ്റ്റ് 11 | ചൊവ്വ ✍️ കപിൽ ശങ്കർ

🔹ആകാശത്തു നിന്ന് വാര്‍ത്ത സൃഷ്ടിക്കുന്ന പ്രവണതയെപ്പറ്റി മാധ്യമ പ്രവര്‍ത്തകര്‍ ആത്മ വിമര്‍ശനം നടത്തണമെന്ന് മുഖ്യമന്ത്രി വി.ഡി സതീശന്‍. വ്യാജ വാര്‍ത്ത പൊടിപ്പും തൊങ്ങലും വച്ച് പ്രചരിപ്പിക്കുന്ന അവസ്ഥയാണുള്ളത്. കേരളത്തിലെ മാധ്യമപ്രവര്‍ത്തനം എങ്ങോട്ടാണ് പോകുന്നതെന്ന് ചിന്തിക്കണമെന്നും വാര്‍ത്ത തെറ്റാണെന്നറിഞ്ഞിട്ടും അസത്യം പ്രചരിപ്പിക്കുന്നുവെന്നും തെറ്റായ വാര്‍ത്ത നല്‍കിയാലും തിരുത്താന്‍ മാധ്യമങ്ങള്‍ തയ്യാറാകുന്നില്ലെന്നും ഇപ്പോഴുള്ളത് പരിധിവിട്ട മാധ്യമപ്രവര്‍ത്തനമാണെന്നും ഇത്തരം സംസ്‌കാരം ഉണ്ടാകുന്നത് പുതിയ ചില ചാനലുകളുടെ വരവോടെയാണെന്നും മുഖ്യമന്ത്രി പറഞ്ഞു. കൊല്ലത്ത് നടന്ന സീനിയര്‍ ജേണലിസ്റ്റ്സ് ഫോറം സംസ്ഥാന സമ്മേളനം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. സംസ്ഥാനത്തെ മാധ്യമ പ്രവര്‍ത്തകരുടെ പെന്‍ഷന്‍ വര്‍ദ്ധിപ്പിക്കാന്‍ പെന്‍ഷന്‍ കമ്മിറ്റി ഉടന്‍ പുനസ്സംഘടിപ്പിക്കുമെന്നും മുഖ്യമന്ത്രി പറഞ്ഞു.

🔹മുതലപ്പൊഴിയിൽ വള്ളത്തിൽ നിന്ന് വീണ് കാണാതായ മത്സ്യത്തൊഴിലാളിയുടെ മൃതദേഹം കണ്ടെത്തി. അഞ്ചുതെങ്ങ് പുത്തൻമണ്ണ് വാടയിൽ വീട്ടിൽ പ്രവീൺ (തോമസ്, 42) ആണ് മരിച്ചത്.ഇന്ന് രാവിലെ മത്സ്യബന്ധനത്തിന് പോയവരാണ് മൃതദേഹം ആദ്യം കണ്ടത്. തുടർന്ന് സ്ഥലത്തെത്തിയ പോലീസ് മൃതദേഹം ചിറയിൻകീഴ് താലൂക്ക് ആശുപത്രിയിലേക്ക് മാറ്റി.കഴിഞ്ഞ തിങ്കളാഴ്ച വൈകിട്ട് അഞ്ചരയോടെയായിരുന്നു അപകടം. വള്ളം ഒതുക്കിയിട്ടിരുന്ന സമയത്തായിരുന്നു അപകടമുണ്ടായത്. പ്രവീണായിരുന്നു വള്ളം നിയന്ത്രിച്ചിരുന്നത്. കോസ്റ്റൽ പോലീസും മറൈൻ എൻഫോഴ്‌സ്‌മെന്‍റും വൈകിട്ട് സ്ഥലത്തെത്തി പരിശോധന നടത്തിയെങ്കിലും മൃതദേഹം കണ്ടെത്താൻ സാധിച്ചിരുന്നില്ല.

🔹തിരുവനന്തപുരത്തും കൊല്ലത്തും കടലില്‍ കാണാതായ മത്സ്യത്തൊഴിലാളികള്‍ക്കായി പന്ത്രണ്ടാംദിനവും തിരച്ചില്‍. തിരച്ചില്‍ നിര്‍ത്തിവയ്ക്കില്ലെന്ന് സര്‍ക്കാര്‍ അറിയിച്ചു. കൊല്ലം നീണ്ടകരയില്‍ നിന്ന് കാണാതായ ഗൗതം കൃഷ്ണയുടെ കുടുംബാംഗങ്ങളെ ഫിഷറീസ് മന്ത്രി വി ഇ അബ്ദുല്‍ഗഫൂര്‍ സന്ദര്‍ശിച്ചു.

🔹തലശ്ശേരി സബ് ജയിലില്‍ റിമാന്‍ഡില്‍ കഴിയുന്ന അര്‍ജുന്‍ ആയങ്കിയെ മൂന്ന് ദിവസത്തേക്ക് പൊലീസ് കസ്റ്റഡിയില്‍ വിട്ടു. തലശ്ശേരി ചീഫ് ജുഡീഷ്യല്‍ മജിസ്‌ട്രേറ്റ് കോടതിയുടേതാണ് നടപടി. അതേസമയം, എല്ലാം ചെയ്തത് താനാണെന്നായിരുന്നു അര്‍ജുന്‍ ആയെങ്കിയുടെ പ്രതികരണം.

🔹അര്‍ജുന്‍ ആയങ്കിയുടെ വീട്ടില്‍ നിന്ന് പൊലീസ് ലാപ്ടോപ്പ് പിടിച്ചെടുത്തു. അമ്മയുടെയും സഹോദരന്‍ അജയ് ആയങ്കിയുടെയും മൊഴിയെടുത്തു. കണ്ണൂര്‍ സൈബര്‍ എസ്എച്ച്ഒ എ അനൂപിന്റെ നേതൃത്വത്തിലാണ് പരിശോധന നടന്നത്.

🔹അര്‍ജുന്‍ ആയങ്കിയുടെ ജാമ്യം റദ്ദാക്കാന്‍ പൊലീസ് റിപ്പോര്‍ട്ട് നല്‍കും. എറണാകുളത്തെ മൂന്ന് കേസുകളില്‍ ഒന്നില്‍ ആയങ്കിക്ക് ജാമ്യം ലഭിച്ചിരുന്നു. ജാമ്യവസ്ഥകള്‍ ലംഘിച്ചെന്ന് ചൂണ്ടിക്കാട്ടി റിപ്പോര്‍ട്ട് നല്‍കുമെന്ന് റൂറല്‍ എസ് പി പറഞ്ഞു.

🔹കുടുംബ വഴക്കിനെത്തുടർന്ന് നഗരസഭയിലെ വനിതാ കൗൺസിലർക്കും ഭർതൃമാതാവിനും കുത്തേറ്റു. പതിനാലാം വാർഡിലെ ഇടപ്പിള്ളിച്ചിറ പ്രദേശത്തെ കൗൺസിലറായ ക്രിസ്റ്റി ജോണിനും (32) ഭർത്താവിന്‍റെ മാതാവ് ലിസി (55) ക്കുമാണ് കുത്തേറ്റത്. ഇരുവരെയും പിറവം താലൂക്ക് ആശുപത്രിയിൽ പ്രവേശിപ്പിച്ച് പ്രഥമ ശുശ്രൂഷയ്ക്കുശേഷം കോട്ടയം മെഡിക്കൽ കോളജിലേക്ക് മാറ്റി. ഇതുമായി ബന്ധപ്പെട്ട് ക്രിസ്റ്റിയുടെ ഭർതൃപിതാവ് മുളക്കുളം നോർത്ത് പുന്നത്തുകുഴിയിൽ ജോയിയെ (57) പോലീസ് പിടികൂടിയിട്ടുണ്ട്.

🔹ഇടക്കൊച്ചിയിലെ ബേക്കറിയിൽ നിന്ന് വാങ്ങിയ ബ്രെഡ്ഡിനുള്ളിൽനിന്ന് ചത്ത രണ്ടു പല്ലികളെ കിട്ടിയതായി പരാതി. ഇടക്കൊച്ചി സ്വദേശി ദിവ്യ സുബീഷിനാണ് ഭക്ഷിച്ചുകൊണ്ടിരിക്കെ, ബ്രെഡ്ഡിനുള്ളിൽ നിന്ന് പല്ലികളെ കിട്ടിയത്. കടയുടമയെ അറിയിച്ചെങ്കിലും വിഷയം ഗൗരവത്തിലെടുക്കാതെ തങ്ങളെ പറഞ്ഞയയ്ക്കുകയായിരുന്നുവെന്ന് ഇവർ പറഞ്ഞു.ബ്രെഡ് കഴിച്ച് അൽപ സമയത്തിനുശേഷം ഛർദിയും അവശതയും തോന്നിയെന്നും തുടർന്ന് ആശുപത്രിയിൽ ചികിത്സ തേടിയെന്നും ഇവർ പറയുന്നു. വിവരം നഗരസഭ ഹെൽത്ത് വിഭാഗത്തെ വിവരം അറിയിച്ചിട്ടുണ്ട്, ഫുഡ് സേഫ്റ്റി കൺട്രോളർക്കും പരാതി നൽകുമെന്ന് ദിവ്യ സുബീഷ് പറഞ്ഞു.

🔹മാധ്യമപ്രവര്‍ത്തകന്‍ കെ എം ബഷീറിന്റെ അപകട മരണക്കേസിലെ പ്രതി ശ്രീറാം വെങ്കിട്ടരാമന്‍ രക്തം പുരണ്ട വസ്ത്രം മാറ്റിയെന്ന് സാക്ഷി മൊഴി. അപകടസമയത്ത് ശ്രീറാം ധരിച്ചിരുന്ന രക്തം പുരണ്ട വസ്ത്രങ്ങള്‍ അദ്ദേഹത്തിന്റെ ക്വാര്‍ട്ടേഴ്സിലേക്ക് മാറ്റിയതായി സുഹൃത്തും ഡോക്ടറുമായ അനീഷ് രാജ് തിരുവനന്തപുരം നാലാം അഡീഷണല്‍ സെഷന്‍സ് കോടതിയില്‍ മൊഴി നല്‍കി.

🔹പത്തനംതിട്ടയില്‍ പ്രളയദുരിതാശ്വാസത്തില്‍ പങ്കെടുത്ത വാഹനത്തിന് പെറ്റി അടിച്ച ഉദ്യോഗസ്ഥരുടെ സസ്പെന്‍ഷന്‍ പിന്‍വലിച്ച് മോട്ടോര്‍ വാഹനവകുപ്പ്. ഉദ്യോഗസ്ഥ സംഘടനകള്‍ സംസ്ഥാനവ്യാപക പ്രതിഷേധം തുടങ്ങിയതോടെയാണ് നടപടി സ്ഥലംമാറ്റത്തില്‍ ഒതുക്കിയത്.

🔹പ്രളയ ദുരന്തത്തില്‍ ചെറുപുഴയിലെ രക്ഷാപ്രവര്‍ത്തനത്തിനിടെ മരിച്ച രാജേഷിന്റെ വീട്ടിലെത്തി പ്രതിപക്ഷ നേതാവ് പിണറായി വിജയന്‍. കുടുംബത്തിന്റെ സംരക്ഷണം ഉറപ്പാക്കണമെന്ന് പിണറായി വിജയന്‍ ആവശ്യപ്പെട്ടു. രാജേഷിന്റെ കുടുംബം അനാഥമാകാന്‍ പാടില്ലെന്ന് ആവശ്യപ്പെട്ട പ്രതിപക്ഷ നേതാവ് മുന്‍കാലത്തേക്കാള്‍ കൂടുതല്‍ സഹായം നല്‍കണമെന്നും കൂട്ടിച്ചേര്‍ത്തു.

🔹സുഹൃത്തുക്കളുടെ അശ്ലീലദൃശ്യങ്ങള്‍ സമൂഹ മാധ്യമത്തില്‍ പ്രചരിപ്പിച്ചെന്ന കേസില്‍ തൊപ്പി എന്നറിയപ്പെടുന്ന യൂട്യൂബര്‍ നിഹാദിന് വീണ്ടും നോട്ടീസ് അയച്ച് പോലീസ്. എറണാകുളം റൂറല്‍ സൈബര്‍ പോലീസാണ് നോട്ടീസ് നല്‍കിയത്.

🔹ഓണ്‍ലൈന്‍ ഷെയര്‍ ട്രേഡിംഗിന്റെ പേരില്‍ 1.34 കോടി രൂപ തട്ടിയെടുത്ത കേസില്‍ ഒളിവിലായിരുന്ന പ്രതി കോഴിക്കോട് പുതുപ്പാടി കൈതപ്പൊയ്യില്‍ സ്വദേശി മലഞ്ഞ വീട്ടില്‍ സയ്യിദ് സഫ്വാന്‍ വിദേശത്തേക്ക് കടക്കാന്‍ ശ്രമിക്കുന്നതിനിടെ കോഴിക്കോട് വിമാനത്താവളത്തില്‍ വെച്ച് അറസ്റ്റിലായി.

🔹കുഞ്ഞിനെ വില്‍പ്പന നടത്തിയ സംഭവത്തില്‍ കണ്ണൂര്‍ ചക്കരക്കല്‍ പൊലീസ് രജിസ്റ്റര്‍ ചെയ്ത കേസില്‍ പ്രതികളായ തമിഴ്‌നാട് സ്വദേശി മുപ്പിലി രാജ, വാഗമണ്‍ സ്വദേശി അപര്‍ണ, കൊല്ലം പരവൂര്‍ സ്വദേശി അനീന തസ്‌നി എന്നിവരുടെ അറസ്റ്റ് രേഖപ്പെടുത്തി.

🔹ദില്ലിയില്‍ സമരം ചെയ്ത വിദ്യാര്‍ത്ഥികള്‍ക്കെതിരെ അധിക്ഷേപ പരാമര്‍ശത്തില്‍ അറസ്റ്റിലായ ടി ജി മോഹന്‍ദാസിന് ജാമ്യം അനുവദിച്ചു. ഉപാധികളോടെയാണ് തിരുവനന്തപുരം എസിജെഎം കോടതി ജാമ്യം അനുവദിച്ചത്. ടി ജി മോഹന്‍ദാസിനെ കസ്റ്റഡിയില്‍ ആവശ്യപ്പെട്ട പ്രോസിക്യൂഷന്റെ വാദം തള്ളിയാണ് കോടതി നടപടി.

🔹കണ്ണൂരില്‍ ഹെല്‍ത്ത് ഇന്‍സ്‌പെക്ടര്‍ കുഴഞ്ഞു വീണ് മരിച്ചു. ചൊക്ലി പഞ്ചായത്തിലെ എച്ഛ് ഐ ദീപ ലേഖയാണ്(51) മരിച്ചത്. പഞ്ചായത്ത് യോഗത്തിനിടെ കുഴഞ്ഞു വീഴുകയായിരുന്നു.

🔹ഭാര്യയെ പ്രസവത്തിനായി ആശുപത്രിയില്‍ എത്തിച്ച യുവാവിനെ കോഴിക്കോട് മെഡിക്കല്‍ കോളജ് ആശുപത്രിക്കു സമീപം നിര്‍ത്തിയിട്ട ജീപ്പിനുള്ളില്‍ മരിച്ച നിലയില്‍ കണ്ടെത്തി.
കോഴിക്കോട് കായക്കൊടി സ്വദേശി വിനു പ്രസാദ് (27) ആണ് മരിച്ചത്. മെഡിക്കല്‍ കോളേജ് പൊലീസിന്റെ നേതൃത്വത്തില്‍ അന്വേഷണം തുടങ്ങി.

🔹കൊല്ലം പരവൂരില്‍ വീടിന് തീപിടിച്ച് അമ്മയും മകനും ദുരൂഹ സാഹചര്യത്തില്‍ മരിച്ചു. പുത്തന്‍കുളം സ്വദേശിനി തങ്കമ്മ (96), മകന്‍ ശിവദാസന്‍ (70) എന്നിവരാണ് മരിച്ചത്.

🔹ഏഴുവയസ്സുകാരിയെ സ്‌കൂളില്‍ പോകാന്‍ അനുവദിക്കാതെ മുറിക്കുളളില്‍ പൂട്ടിയിടുകയും അടിച്ച് പരിക്കേല്‍പ്പിക്കുകയും ചെയ്ത സംഭവത്തില്‍ അച്ഛനെയും രണ്ടാനമ്മയെയും അറസ്റ്റുചെയ്തു. ബാലരാമപുരം സ്വദേശിയും ഓട്ടോഡ്രൈവറുമായ സുധീര്‍(46) ഇയാളൂടെ രണ്ടാമത്തെ ഭാര്യയും വെളളറട സ്വദേശിയുമായ ലിന്‍ഡമോള്‍(34) എന്നിവരെയാണ് വലിയതുറ പോലീസ് അറസ്റ്റുചെയ്തത്.

🔹കൊച്ചിയിൽ തെരുവ് നായയ്ക്ക് കോഴിമാലിന്യം നൽകിയ രണ്ട് പേർക്കെതിരെ പോലീസ് കേസെടുത്തു. ഫോർട്ട് കൊച്ചി പോലീസാണ് കേസെടുത്തത്.പ്രദേശത്ത് നേരത്തെ തെരുവ് നായയുടെ ആക്രമണത്തിൽ ഒരു യുവതിക്ക് പരിക്കേറ്റിരുന്നു. ഈ സംഭവത്തിന് പിന്നാലെ, നായ്ക്കൾക്ക് കോഴിമാലിന്യം നൽകുന്നത് തടയണമെന്നും ഇത് പ്രദേശത്ത് വലിയ അപകടഭീഷണി ഉയർത്തുന്നുണ്ടെന്നും കാണിച്ച് നാട്ടുകാർ പോലീസിൽ പരാതി നൽകിയിരുന്നു. ഇതിന്‍റെ അടിസ്ഥാനത്തിലാണ് നടപടി.

🔹മഹാരാഷ്ട്രയില്‍ ഹോസ്റ്റലില്‍വെച്ച് പാമ്പുകടിയേറ്റ മൂന്ന് വിദ്യാര്‍ത്ഥികള്‍ മരിച്ചു. തിങ്കളാഴ്ച പുലര്‍ച്ചെ പാമ്പുകടിയേറ്റ ആറുപേരില്‍ മൂന്നുപേര്‍ക്കാണ് ജീവന്‍ നഷ്ടമായത്. മൂന്നുപേര്‍ ആശുപത്രിയില്‍ ചികിത്സയിലാണ്. ഇതില്‍ ഒരാളുടെ നില ഗുരുതരം.

🔹തെക്കേ അമേരിക്കന്‍ രാജ്യമായ കൊളംബിയയില്‍ ശക്തമായ ഭൂചലനം. റിക്ടര്‍ സ്‌കെയിലില്‍ 7.4 തീവ്രത രേഖപ്പെടുത്തി. ഭൂചലനത്തില്‍ ചോക്കോ പ്രവിശ്യയില്‍ നാശമുണ്ടായി. ആളുകള്‍ക്ക് പരിക്കേറ്റിട്ടുണ്ട്. തലസ്ഥാനമായ ബോഗോട്ടയിലും പ്രകമ്പനം അനുഭവപ്പെട്ടു.

🔹അമേരിക്കന്‍ നിലപാട് തള്ളി ഇറാനെ ആക്രമിക്കാന്‍ ഇസ്രയേല്‍ തയ്യാറെടുക്കുന്നതായി റിപ്പോര്‍ട്ട്. ആണവായുധം ഉണ്ടാക്കാന്‍ ഇറാനെ അനുവദിക്കില്ലെന്ന് നെതന്യാഹു പ്രഖ്യാപിച്ചപ്പോള്‍, ഹോര്‍മുസ് കടലിടുക്ക് കൈകാര്യം ചെയ്യാനുള്ള ബില്ലിന് ഇറാന്‍ അംഗീകാരം നല്‍കി.

🔹പടിഞ്ഞാറന്‍ കൊളംബിയയിലുണ്ടായ ശക്തമായ ഭൂചലനത്തില്‍ മരണസംഖ്യ 132 ആയി. 570 പേര്‍ക്ക് പരിക്കേറ്റതായും തകര്‍ന്ന കെട്ടിടങ്ങള്‍ക്കടിയില്‍ ആളുകള്‍ കുടുങ്ങിക്കിടക്കുന്നുണ്ടെന്നും, മരണസംഖ്യ ഇനിയും വര്‍ധിച്ചേക്കാമെന്നും റിപ്പോര്‍ട്ടുകളുണ്ട്. റിക്ടര്‍ സ്‌കെയിലില്‍ 7.4 തീവ്രത രേഖപ്പെടുത്തിയ ഭൂചലനത്തില്‍ നിരവധികെട്ടിടങ്ങള്‍ തകര്‍ന്നു. കെട്ടിടാവശിഷ്ടങ്ങള്‍ക്കിടയില്‍ ഒട്ടേറെപ്പേര്‍ കുടുങ്ങിക്കിടക്കുകയാണ്. രാജ്യത്തെ ആറു വിമാനത്താവളങ്ങള്‍ താത്കാലികമായി അടച്ചു.

🔹ഇറാന്റെ വധഭീഷണിയെ തുടര്‍ന്ന് വിമാനം മാറി സഞ്ചരിച്ച് അമേരിക്കന്‍ പ്രസിഡണ്ട് ഡൊണാള്‍ഡ് ട്രംപ്. നാറ്റോ ഉച്ചകോടിക്ക് ശേഷം ട്രംപ് മടങ്ങിയത് സൈനിക വിമാനത്തിലെന്ന് റിപ്പോര്‍ട്ട്. തുര്‍ക്കിയിലെ അങ്കാറ വിമാനത്താവളത്തില്‍നിന്ന് പഴയ എയര്‍ഫോഴ്‌സ് വണ്‍ വിമാനത്തില്‍ കയറിയ ട്രംപിനെ പിന്നീട് രഹസ്യമായി മറ്റൊരു സൈനിക വിമാനത്തിലേക്ക് മാറ്റിയെന്നും തുടര്‍ന്ന് ഈ വിമാനത്തിലാണ് ട്രംപ് ബ്രിട്ടനിലേക്ക് യാത്രചെയ്തതെന്നുമാണ് റിപ്പോര്‍ട്ട്.

🔹മെസ്സിയുടെ പേരില്‍ സംസ്ഥാനത്ത് കോടികളുടെ തട്ടിപ്പെന്ന് റിപ്പോര്‍ട്ടുകള്‍. അന്വേഷണ റിപ്പോര്‍ട്ട് കായിക മന്ത്രി ഒ.ജെ.ജനീഷ് മുഖ്യമന്ത്രിക്കു കൈമാറി. മെസ്സിയെയും അര്‍ജന്റീന ഫുട്ബോള്‍ ടീമിനെയും കേരളത്തിലെത്തിക്കുമെന്നു പറഞ്ഞ് കഴിഞ്ഞ സര്‍ക്കാരിന്റെ കാലത്ത് നടത്തിയതു കോടികളുടെ തട്ടിപ്പും ചട്ടലംഘനവുമെന്നാണ് കായികവകുപ്പിന്റെ അന്വേഷണ റിപ്പോര്‍ട്ട്. അര്‍ജന്റീന ഫുട്ബോള്‍ അസോസിയേഷന് പണം അയച്ചതിന്റെയോ ടീം പണം കൈപ്പറ്റിയതിന്റെയോ ഒരു രേഖയുമില്ലെന്നും എഎഫ്എയും സംസ്ഥാന സര്‍ക്കാരും തമ്മില്‍ കരാര്‍ ഒപ്പുവച്ചതിന്റെയോ സ്പോണ്‍സറും സര്‍ക്കാരും തമ്മില്‍ കരാറുള്ളതിന്റെയോ പോലും രേഖകള്‍ ഇല്ലെന്നും റിപ്പോര്‍ട്ടില്‍ പറയുന്നു. വിദേശനാണ്യ വിനിമയചട്ട ലംഘനം, കള്ളപ്പണം വെളുപ്പിക്കല്‍ എന്നിവയില്‍ വിജിലന്‍സ്, കേന്ദ്ര ഏജന്‍സി അന്വേഷണങ്ങള്‍ കൂടി ശുപാര്‍ശ ചെയ്യുന്ന റിപ്പോര്‍ട്ടാണ് കായികവകുപ്പ് സ്പെഷല്‍ സെക്രട്ടറി എന്‍.പ്രശാന്ത് മന്ത്രി ഒ.ജെ.ജനീഷിന് നല്‍കിയത്.

🔹മുൻ ഇന്ത്യൻ ക്രിക്കറ്റ് ടീം നായകൻ സൗരവ് ഗാംഗുലിക്കും ഭാര്യ ഡോണ ഗാംഗുലിക്കും വധഭീഷണി. സൗരവിനെയും ഡോണയെയും വധിക്കുമെന്ന് കാണിച്ച് തിങ്കളാഴ്ച രണ്ട് കത്തുകൾ അദ്ദേഹത്തിന്‍റെ കോൽക്കത്തയിലെ ഓഫീസിൽ ലഭിച്ചു. ഇരുവരുമായി അടുത്ത് നിൽക്കുന്നവരെയും വധിക്കുമെന്ന് കത്തുകളിലുണ്ട്.സൗരവിന് മുന്പും ഇത്തരം കത്തുകൾ ലഭിച്ചിരുന്നെങ്കിലും അന്ന് അത് കാര്യമാക്കിയിരുന്നില്ല. സൗരവിനെ അപമാനിക്കുന്ന പരാമർശങ്ങൾ അടങ്ങിയതായിരുന്നു ആ കത്തുകൾ. എന്നാൽ തിങ്കളാഴ്ച ലഭിച്ച ഭീഷണിക്കത്തിന്‍റെ പശ്ചാത്തലത്തിൽ സൗരവിന്‍റെ സെക്രട്ടറി സൗത്ത് കോൽക്കത്തയിലെ താക്കൂർപുകൂർ പോലീസ് സ്റ്റേഷനിൽ പരാതി നൽകി.

🔹ദുല്‍ഖര്‍ സല്‍മാന്‍ ചിത്രം ‘ഐ ആം ഗെയിം’ലെ ആദ്യ ഗാനം പുറത്ത്. ജേക്സ് ബിജോയ് ഈണം നല്‍കിയ ‘മഴവില്ലായേ’ എന്ന ഗാനം ആലപിച്ചത് അര്‍മാന്‍ മാലിക് ആണ്. ഷര്‍ഫു ആണ് ഗാനത്തിന്റെ വരികള്‍ രചിച്ചത്. ചിത്രം ഓഗസ്റ്റ് 20 ന് ഓണം റിലീസായി ആഗോള തലത്തില്‍ തീയേറ്ററുകളിലെത്തും. വേഫെറര്‍ ഫിലിംസിന്റെ ബാനറില്‍ ദുല്‍ഖര്‍ സല്‍മാന്‍, ജോം വര്‍ഗീസ് എന്നിവര്‍ ചേര്‍ന്ന് നിര്‍മ്മിക്കുന്ന ചിത്രത്തിന് തിരക്കഥ രചിച്ചത് സജീര്‍ ബാബ, ഇസ്മായില്‍ അബൂബക്കര്‍, ബിലാല്‍ മൊയ്ദു എന്നിവര്‍ ചേര്‍ന്നാണ്. സജീര്‍ ബാബയും ആദര്‍ശ് സുകുമാരനും ഷബാസ് റഷീദും ചേര്‍ന്നാണ് ചിത്രത്തിന് വേണ്ടി സംഭാഷണങ്ങള്‍ ഒരുക്കിയത്. മലയാളം, തമിഴ്, തെലുങ്ക്, കന്നഡ, ഹിന്ദി ഭാഷകളിലാണ് ഈ ഗാനം റിലീസ് ചെയ്തിരിക്കുന്നത്. ആന്റണി വര്‍ഗീസ്, തമിഴ് നടനും സംവിധായകനുമായ മിഷ്‌കിന്‍, കായദു ലോഹര്‍, കതിര്‍, പാര്‍ത്ഥ് തിവാരി, തമിഴ് താരം സംയുക്ത വിശ്വനാഥന്‍ തുടങ്ങി വമ്പന്‍ താരനിരയാണ് അണിനിരക്കുന്നത്. സീ മ്യൂസിക് ആണ് ചിത്രത്തിന്റെ മ്യൂസിക് അവകാശം സ്വന്തമാക്കിയത്.

🔹ഫഹദ് ഫാസിലിന്റെ ഫാന്റസി എന്റെര്‍ടെയ്നര്‍ ‘ഡോണ്ട് ട്രബിള്‍ ദ ട്രബിള്‍’ എന്ന ചിത്രത്തിലെ ഗാനം റിലീസ് ചെയ്തു. കാലഭൈരവ സംഗീതം ഒരുക്കിയ ഗാനത്തിന് വരികള്‍ എഴുതിയിരിക്കുന്നത് കാലഭൈരവയും സര്‍ഷ്യംസും ചേര്‍ന്നാണ്. ഇരുവരും ചേര്‍ന്നാണ് ഗാനം ആലപിച്ചിരിക്കുന്നതും. ഇന്ത്യന്‍ സിനിമയിലെ ഏറ്റവും വൈവിധ്യമാര്‍ന്ന അഭിനേതാക്കളില്‍ ഒരാളായ ഫഹദ് ഫാസിലും, ബാഹുബലി പോലൊരു ഇതിഹാസ ചിത്രം സമ്മാനിച്ച ആര്‍ക്കാ മീഡിയ വര്‍ക്ക്സും, ബ്രഹ്‌മാണ്ഡ ബ്ലോക്ക്ബസ്റ്റര്‍ ചിത്രങ്ങള്‍ ഒരുക്കിയ സംവിധായകന്‍ എസ്. എസ്. രാജമൗലിയും ഒന്നിക്കുന്ന ചിത്രമാണ് ‘ഡോണ്‍ട്ട് ട്രബിള്‍ ദ ട്രബിള്‍’. നവാഗതനായ ശശാങ്ക് യെലേട്ടി ആണ് സംവിധാനം. ഫാന്റസിയും ഹ്യൂമറും ഹൃദയസ്പര്‍ശിയായ മുഹൂര്‍ത്തങ്ങളും ഒത്തുചേരുന്ന വ്യത്യസ്തമായ ഒരു സിനിമാനുഭവമാണ് ചിത്രം പ്രേക്ഷകര്‍ക്ക് വാഗ്ദാനം ചെയ്യുന്നത്. 2026 സെപ്റ്റംബര്‍ 11-ന് ലോകമെമ്പാടുമുള്ള തിയേറ്ററുകളില്‍ റിലീസ് ചെയ്യും.

🔹നിവിന്‍ പോളിയെ നായകനാക്കി റാം സംവിധാനം ചെയ്ത തമിഴ് ചിത്രം ‘ഏഴ് കടല്‍ ഏഴ് മലൈ’യിലെ ഗാനം പുറത്തെത്തി. നമക്കായ് ഒരു വാനം എന്ന ഗാനത്തിന് വരികള്‍ എഴുതിയിരിക്കുന്നത് മദന്‍ കാര്‍ക്കിയാണ്. യുവന്‍ ശങ്കര്‍ രാജയാണ് സംഗീതം പകര്‍ന്നിരിക്കുന്നത്. യുവന്‍ ശങ്കര്‍ രാജയും ആന്‍ഡ്രിയ ജെറമിയയുമാണ് ആലപിച്ചിരിക്കുന്നത്. ഒക്ടോബര്‍ 1 നാണ് ചിത്രത്തിന്റെ റിലീസ്. പൂര്‍ത്തിയായി രണ്ടര വര്‍ഷത്തോളം നീണ്ട കാത്തിരിപ്പിന് ഒടുവിലാണ് ചിത്രം തിയറ്റര്‍ റിലീസിന് എത്തുന്നത്. 2024 മെയ് 15 ന് റോട്ടര്‍ഡാം അന്തര്‍ദേശീയ ചലച്ചിത്രോത്സവത്തില്‍ പ്രീമിയര്‍ ചെയ്യപ്പെട്ട ചിത്രമാണ് ഇത്. വി ഹൗസ് പ്രൊഡക്ഷന്റെ ബാനറില്‍ സുരേഷ് കാമാച്ചിയാണ് നിര്‍മ്മാണം. മറ്റൊരു പ്രധാന കഥാപാത്രത്തെ അവതരിപ്പിക്കുന്നത് സൂരിയാണ്. നായികയായി എത്തുന്നത് അഞ്ജലി.

💦 ഗുരുജിയുടെ വാക്കുകൾ
*****************************

ഒരു മനുഷ്യന്റെ സ്വഭാവം നന്നാവണമെങ്കില്‍ അന്യരോടുള്ള സംസര്‍ഗ്ഗം സന്തോഷത്തോടും സൗഹാര്‍ദ്ദത്തോടും കൂടി ആയിരിക്കണം.
നിങ്ങളിലെ മെച്ചപ്പെട്ട വ്യക്തിത്വം ജീവിത വഴികളിൽ സമൂഹത്തിന്റെ വാത്സല്യപൂർണമായ പിന്തുണയും സഹായങ്ങളും സാധ്യമാക്കുന്നതാണ്.
ജീവന്റെ പരമാനന്ദങ്ങൾ കുടികൊള്ളുന്നത് ആത്മഹർഷം തുളുമ്പുന്ന വ്യക്തിബന്ധങ്ങളിലാകയാൽ നിങ്ങളിലെ വികർഷണ പ്രകൃതങ്ങളായ സ്വഭാവങ്ങൾ വലിച്ചെറിയുക.
മനുഷ്യനെ നശിപ്പിക്കുന്ന സ്വാര്‍ത്ഥത വളരാതിരിക്കണമെങ്കില്‍ ഏതു പ്രവൃത്തിയും ഈശ്വരനെ ഓര്‍ത്തു ചെയ്യണം.

ചരിത്രത്തിൽ ഇന്നത്തെ ദിവസത്തിന്റെ പ്രാധാന്യങ്ങൾ
********************************************************************

ഓഗസ്റ്റ് 11

•ഗ്രിഗോറിയൻ കലണ്ടർ പ്രകാരം ഓഗസ്റ്റ് 11 വർഷത്തിലെ 223-ാം ദിനമാണ് (അധിവർഷങ്ങളിൽ 224).

•ലോക സ്റ്റീൽപാൻ ദിനം (World Steelpan Day): ട്രിനിഡാഡ് ആൻഡ് ടൊബാഗോയിൽ ഉത്ഭവിച്ച ‘സ്റ്റീൽപാൻ’ എന്ന സംഗീതോപകരണത്തിന്റെ സാംസ്കാരികവും ചരിത്രപരവുമായ പ്രാധാന്യത്തെ മുൻനിർത്തി ഐക്യരാഷ്ട്രസഭ (UN) പ്രഖ്യാപിച്ച ഔദ്യോഗിക ദിനമാണിത്.

•ദേശീയ മകൻ-മകൾ ദിനം (National Son and Daughter Day): മാതാപിതാക്കളും മക്കളും തമ്മിലുള്ള സ്നേഹബന്ധം പുതുക്കാനും കുട്ടികളോടൊപ്പം ഗുണനിലവാരമുള്ള സമയം ചിലവഴിക്കാനും ഈ ദിവസം പ്രയോജനപ്പെടുത്തുന്നു.

•ചാഡ് സ്വാതന്ത്ര്യ ദിനം (Chad Independence Day): ആഫ്രിക്കൻ രാജ്യമായ ചാഡ് 1960 ഓഗസ്റ്റ് 11-ന് ഫ്രാൻസിൽ നിന്നും പൂർണ്ണ സ്വാതന്ത്ര്യം നേടിയതിന്റെ സ്മരണ പുതുക്കുന്ന ദിനം.

•പർവ്വത ദിനം (Mountain Day – ജപ്പാൻ): പർവ്വതങ്ങളെ ആദരിക്കാനും പ്രകൃതിയോട് നന്ദി കാണിക്കാനും ജപ്പാൻ ഈ ദിവസം ഒരു ദേശീയ അവധിയായി ആചരിക്കുന്നു.

•ഹിപ് ഹോപ് ദിനം (Hip Hop Day): 1973 ഓഗസ്റ്റ് 11-ന് ന്യൂയോർക്കിൽ നടന്ന ഒരു പാർട്ടിയിൽ നിന്നാണ് ഹിപ് ഹോപ് സംഗീത സംസ്കാരം ജനിച്ചതെന്ന് കരുതപ്പെടുന്നു. ഇതിന്റെ ഓർമ്മയ്ക്കായി ഈ ദിവസം ഹിപ് ഹോപ് ദിനമായി ആഘോഷിക്കുന്നു.

•1961 ഓഗസ്റ്റ് 11: മുൻപ് പോർച്ചുഗീസ് അധീനതയിലായിരുന്ന ദാദ്ര ആൻഡ് നഗർ ഹവേലി ഔദ്യോഗികമായി ഇന്ത്യൻ യൂണിയന്റെ ഭാഗമായി (കേന്ദ്രഭരണ പ്രദേശമായി) മാറി.

•1929 ഓഗസ്റ്റ് 11: വിഖ്യാത ബേസ്ബോൾ താരം ബേബ് റൂത്ത് തന്റെ കരിയറിലെ 500-ാമത്തെ ഹോം റൺ തികച്ച് ചരിത്രം കുറിച്ചു.

•1934 ഓഗസ്റ്റ് 11: അമേരിക്കയിലെ പ്രശസ്തമായ അൽകാട്രാസ് (Alcatraz) ജയിലിൽ ആദ്യത്തെ സിവിലിയൻ തടവുകാരെ പാർപ്പിച്ചു.

•സ്റ്റീവ് വോസ്നിയാക് (Steve Wozniak): ആപ്പിൾ (Apple Inc.) കമ്പനിയുടെ സഹസ്ഥാപകനും പ്രശസ്ത കമ്പ്യൂട്ടർ ശാസ്ത്രജ്ഞനുമായ ഇദ്ദേഹം ജനിച്ചത് 1950 ഓഗസ്റ്റ് 11-നാണ്.

തയ്യാറാക്കിയത്: കപിൽ ശങ്കർ

5 Likes

📱വാർത്തകൾ ഒറ്റനോട്ടത്തിൽ📱 – 2026 | ഓഗസ്റ്റ് 11 | ചൊവ്വ ✍️ കപിൽ ശങ്കർ

💦 ഗുരുജിയുടെ വാക്കുകൾ
*****************************

ചരിത്രത്തിൽ ഇന്നത്തെ ദിവസത്തിന്റെ പ്രാധാന്യങ്ങൾ
********************************************************************

ഓഗസ്റ്റ് 11

തയ്യാറാക്കിയത്: കപിൽ ശങ്കർ

അമേരിക്കന്‍ മണ്ണില്‍ നാടിന്റെ ഓര്‍മ്മ പുതുക്കി മലയാളി മുസ്ലിംസ്‌ ഓഫ്‌ ഗ്രേറ്ററിന്റെ വിപുലമായ ഓണാഘോഷം

വിദേശ നയതന്ത്ര പ്രതിനിധികളെ ‘ധാർമ്മിക ഭീരുക്കൾ’ എന്ന് വിശേഷിപ്പിച്ച് നെതന്യാഹു

LEAVE A REPLY Cancel reply

Most Popular

പറവൂര്‍ താലൂക്ക് ആശുപത്രിയില്‍ ഗുരുതര അനാസ്ഥ; ഫ്രീസര്‍ തകരാറിലായി, മൃതദേഹം അഴുകി.

ഞാൻ നിങ്ങളെ കാണുന്നില്ല, ദയവായി മാറി നിൽക്ക്’; മാധ്യമങ്ങളോട് ക്ഷുഭിതനായി വി.ഡി. സതീശൻ.

Recent Comments

EDITOR PICKS

പറവൂര്‍ താലൂക്ക് ആശുപത്രിയില്‍ ഗുരുതര അനാസ്ഥ; ഫ്രീസര്‍ തകരാറിലായി, മൃതദേഹം അഴുകി.

POPULAR POSTS

ഇന്ന് എസ് പി ബാലസുബ്രഹ്മണ്യത്തിന്റെ ആറാം ഓർമ്മദിനം…🎻

ബാങ്ക് ഇടപാടുകൾ മുടങ്ങാതിരിക്കാൻ ശ്രദ്ധിക്കുക: നാളെ ബാങ്ക് അവധി:28 മുതൽ ജീവനക്കാരുടെ പണിമുടക്ക്.

POPULAR CATEGORY

ABOUT US

FOLLOW US

📱വാർത്തകൾ ഒറ്റനോട്ടത്തിൽ📱 – 2026 | ഓഗസ്റ്റ് 11 | ചൊവ്വ ✍️ കപിൽ ശങ്കർ

💦 ഗുരുജിയുടെ വാക്കുകൾ *****************************

ചരിത്രത്തിൽ ഇന്നത്തെ ദിവസത്തിന്റെ പ്രാധാന്യങ്ങൾ ********************************************************************

ഓഗസ്റ്റ് 11

തയ്യാറാക്കിയത്: കപിൽ ശങ്കർ

LEAVE A REPLY Cancel reply

Most Popular

Recent Comments

EDITOR PICKS

POPULAR POSTS

POPULAR CATEGORY

ABOUT US

FOLLOW US

💦 ഗുരുജിയുടെ വാക്കുകൾ
*****************************

ചരിത്രത്തിൽ ഇന്നത്തെ ദിവസത്തിന്റെ പ്രാധാന്യങ്ങൾ
********************************************************************