📱വാർത്തകൾ ഒറ്റനോട്ടത്തിൽ📱 – 2026 | സെപ്റ്റംബർ 05 | ശനി ✍️ കപിൽ ശങ്കർ

🔹തൃശൂര്‍ കയ്പമംഗലത്ത് റോഡില്‍ നിര്‍ത്തിയിട്ടിരുന്ന ചരക്ക് ലോറിയുടെ പിന്നില്‍ കാര്‍ ഇടിച്ചുണ്ടായ അപകടത്തില്‍ മരിച്ച എട്ടുപേരും വിദ്യാര്‍ത്ഥികള്‍. വിനോദയാത്രയ്ക്കായി കേരളത്തില്‍ എത്തിയ ദിണ്ടിഗലിലെ പിഎസ്എന്‍എ എഞ്ചിനീറിങ് കോളേജ് വിദ്യാര്‍ത്ഥികളാണു മരിച്ചത്. സേലം സ്വദേശി വിശ്വ (20), ദിണ്ടിഗല്‍ സ്വദേശി സൂര്യ (20), മധുര സ്വദേശി സന്തോഷ് (20), മധുര സ്വദേശി പ്രസന്ന, ദിണ്ടിഗല്‍ സ്വദേശി യുവസഞ്ജിത് (20) എന്നിവരാണ് മരിച്ചത്. മൂന്നുപേരെ തിരിച്ചറിഞ്ഞിട്ടില്ല. നിര്‍മാണം പുരോഗമിക്കുന്ന ദേശീയപാത 66ലെ ഡൈവേര്‍ഷന്‍ ഭാഗത്തായിരുന്നൂ തമിഴ്നാട് രജിസ്ട്രേഷനിലുള്ള കാര്‍ നിര്‍ത്തിയിട്ടിരുന്ന ലോറിയില്‍ ഇടിച്ചു തകര്‍ന്നത്.

🔹കയ്പമംഗലത്ത് നിര്‍ത്തിയിട്ട ലോറിയില്‍ കാറിടിച്ച് എട്ടു വിദ്യാര്‍ഥികളുടെ ജീവന്‍ പൊലിഞ്ഞ സംഭവത്തില്‍ ലോറി ഉടമയ്ക്കും ഡ്രൈവര്‍ക്കുമെതിരേ കേസെടുക്കും. പാര്‍ക്കു ചെയ്യാന്‍ പാടില്ലാത്ത റോഡിലാണ് ലോറി പാര്‍ക്കു ചെയ്തിരുന്നത്. പണി നടക്കുന്ന ദേശീയപാത അതോറിറ്റി സുരക്ഷാ സംവിധാനങ്ങള്‍ ഒരുക്കിയിരുന്നില്ല. അപകടത്തിനുശേഷം മാത്രമാണ് ബാരിക്കേഡുകള്‍ സ്ഥാപിച്ചത്.

🔹കയ്പമംഗലം അപകടത്തില്‍ പ്രതികരണവുമായി മന്ത്രി ഒ.ജെ ജനീഷ്. ജനങ്ങളുടെ ജീവന് യാതൊരു വിലയും കല്‍പ്പിക്കുന്ന രീതിയിലല്ല അതോറിറ്റിയുടെ ഭാഗത്ത് നിന്നുള്ള പലപ്പോഴുമുള്ള പെരുമാറ്റമെന്ന് മന്ത്രി പറഞ്ഞു. സംഭവത്തില്‍ ദേശീയപാത അതോറിറ്റിക്ക് വീഴ്ചയുണ്ടായെന്നും അദ്ദേഹം പറഞ്ഞു.

🔹ചിറയിന്‍കീഴില്‍ കോണ്‍ഗ്രസ് പ്രവര്‍ത്തകന്റെ വസതിയില്‍വെച്ച് തന്നെ മര്‍ദിച്ചെന്ന രമ്യഹരിദാസ് എംഎല്‍എയുടെ പരാതിയില്‍ ജില്ലാ പഞ്ചായത്ത് അംഗം അടക്കം 7 കോണ്‍ഗ്രസ് പ്രവര്‍ത്തകര്‍ക്കെതിരെ കേസെടുത്തു. എസ്സി, എസ്റ്റി വകുപ്പടക്കം ജാമ്യമില്ലാത്ത വകുപ്പാണ് ചുമത്തിയത്. വസ്ത്രം ഉള്‍പ്പെടെ വലിച്ചുകീറി എന്നും കയ്യില്‍ പിടിച്ചെന്നും വീട്ടിലേക്ക് ക്ഷണിച്ചു വരുത്തിയാണു തന്നെ ആക്രമിച്ചതെന്നും രമ്യ ഹരിദാസ്.

🔹രമ്യ ഹരിദാസ് എംഎല്‍എ പ്രകോപിതയായി പ്രശ്‌നങ്ങളുണ്ടാക്കിയെന്നും ആരും എംഎല്‍എയെ കൈയേറ്റം ചെയ്തിട്ടില്ലെന്നും ജില്ലാ പഞ്ചായത്ത് അംഗം സജിത് മുട്ടപ്പലം. ബ്ലോക്ക് ജനറല്‍ സെക്രട്ടറി സജാദിനെ വീട്ടിലേക്ക് കുട്ടികൊണ്ടുപോയത് എംഎല്‍എയും പാളയം പ്രദീപുമാണ്. പല ഇടപാടുകളിലും പാളയം പ്രദീപ് ഇടനിലക്കാനായി പ്രശ്‌നങ്ങളുണ്ടാക്കുകയാണെന്നും സജിത് മുട്ടപ്പലം ആരോപിച്ചു.

🔹സ്ത്രീസുരക്ഷാനിയമം രമ്യാഹരിദാസ് ദുരുപയോഗം ചെയ്യുകയാണെന്നും ജില്ലാ പഞ്ചായത്ത് അംഗം സജിത്തിനെ അറസ്റ്റ് ചെയ്താല്‍ പോലീസ് സ്റ്റേഷന്‍ ഉപരോധിക്കുമെന്നും യൂത്ത് കോണ്‍ഗ്രസ് തിരുവനന്തപുരം ജില്ലാ പ്രസിഡന്റ് നേമം ഷജീര്‍. സംസ്ഥാന നേതൃത്വത്തെ നിലപാട് അറിയിച്ചെന്നും അദ്ദേഹം പറഞ്ഞു.

🔹പാര്‍ട്ടിയിലെ ഒരുവിഭാഗം അണികള്‍ക്ക് തെറ്റിദ്ധാരണ ഉണ്ടായെന്നു പിണറായി വിജയന്‍ പറഞ്ഞതാണ് പാര്‍ട്ടി നിലപാടെന്ന് സിപിഎം നേതാവ് സജി ചെറിയാന്‍. അവരെക്കുറിച്ചാണ് പിണറായി പറഞ്ഞത്. പാര്‍ട്ടിയിലെ ചെറിയവിഭാഗം മാറി വോട്ട് ചെയ്തതുകൊണ്ടാണല്ലോ അവര്‍ വിജയിച്ചത്. അത് ചെയ്യാന്‍ പാടില്ലായിരുന്നു. അത് തെറ്റായിപ്പോയി. അതാണ് പിണറായി വിജയന്‍ സൂചിപ്പിച്ചതെന്നും സജി ചെറിയാന്‍.

🔹കമ്യൂണിസ്റ്റ് പാര്‍ട്ടിയില്‍ ശുദ്ധീകരണം ആവശ്യമെന്ന് പി. ജയരാജന്‍. അണികളുടെ അഭിപ്രായം കേട്ട് തിരുത്തല്‍ നടത്തുമെന്നും, രാഷ്ട്രീയ സ്വാധീനത്തില്‍ ഇടത് പക്ഷം എന്തുകൊണ്ട് പിന്നിലായെന്ന് പരിശോധിക്കണമെന്നും അദ്ദേഹം പറഞ്ഞു.

🔹വില്ലേജ് എക്സ്റ്റന്‍ഷന്‍ ഓഫീസറുടെ ലൈഫ് ഫണ്ട് തട്ടിപ്പിന് രാഷ്ട്രീയ-ഉദ്യോഗസ്ഥ ഒത്താശയുണ്ടെന്ന സംശയിക്കുന്നതായി പൊലീസ്. തണ്ണിത്തോട്, സീതത്തോട് പഞ്ചായത്തുകളിലെ പ്രാദേശിക രാഷ്ട്രീയ നേതാക്കളിലേക്ക് അന്വേഷണം നീളും. റിമാന്‍ഡിലുള്ള റാണി ലക്ഷ്മിയെ ഉടന്‍ കസ്റ്റഡിയില്‍ വാങ്ങി ചോദ്യം ചെയ്യാനാണ് അന്വേഷണസംഘത്തിന്റെ തീരുമാനം.

🔹എറണാകുളത്ത് 10 ലക്ഷം രൂപ കൈക്കൂലി വാങ്ങിയ കേസില്‍ ഇടനിലക്കാരനായി പ്രവര്‍ത്തിച്ച റിട്ടയേര്‍ഡ് ഡെപ്യൂട്ടി കളക്ടര്‍ വിജിലന്‍സ് പിടിയില്‍. കടവന്ത്ര സ്വദേശി എന്‍.കെ. കൃപയാണ് വിജിലന്‍സിന്റെ പിടിയിലായത്. കലൂര്‍ സ്വദേശിയുടെ വസ്തു തരം മാറ്റുന്നതിന് 10 ലക്ഷം കൈക്കൂലി വാങ്ങിയതിന് കണയന്നൂര്‍ തഹസില്‍ദാര്‍ ജോസഫ് ആന്റണി പിടിയിലായിരുന്നു.

🔹ചെക്ക് കേസില്‍ പാലാ എംഎല്‍എ മാണി സി കാപ്പന് ശിക്ഷ ലഭിച്ചത് പാലായ്ക്ക് അപമാനമാണെന്ന് കേരള കോണ്‍ഗ്രസ് എം ചെയര്‍മാന്‍ ജോസ് കെ മാണി. എംഎല്‍എ സ്ഥാനം രാജിവെക്കണോയെന്ന് കാപ്പന്‍ തീരുമാനിക്കണമെന്നും, വിഷയത്തില്‍ യുഡിഎഫ് നിലപാട് വ്യക്തമാക്കണമെന്നും അദ്ദേഹം ആവശ്യപ്പെട്ടു.

🔹സഹപാഠികളുടെ ചിത്രം മോര്‍ഫ് ചെയ്ത സംഭവത്തില്‍ വിദ്യാര്‍ത്ഥി പിടിയില്‍. ഏറ്റുമാനൂര്‍ മംഗളം കോളേജിലെ നാലാം വര്‍ഷ ബി ടെക് വിദ്യാര്‍ത്ഥി അജ്മലാണ് പിടിയിലായത്. ഫോണില്‍ സഹപാഠികളുടെ ചിത്രം മോര്‍ഫ് ചെയ്ത് സൂക്ഷിച്ചിരുന്നു. വിദ്യാര്‍ത്ഥികള്‍ ചിത്രങ്ങള്‍ കണ്ടതോടെ പൊലീസില്‍ വിവരം അറിയിക്കുയായിരുന്നു.

🔹തൃക്കാക്കര ഭാരത മാതാ കോളേജിലെ വിദ്യാര്‍ത്ഥിനികളുടെയും അധ്യാപകരുടെയും ചിത്രങ്ങള്‍ മോര്‍ഫ് ചെയ്ത് പ്രചരിപ്പിച്ച സംഭവത്തില്‍ നാലോ അഞ്ചോ അംഗങ്ങളുള്ള രഹസ്യ സംഘം പ്രവര്‍ത്തിച്ചിട്ടുണ്ടെന്ന് കൊച്ചി സിറ്റി പൊലീസ് കമ്മീഷണര്‍ കാളിരാജ് മഹേഷ് കുമാര്‍. ബന്ധുക്കളുടെ അടക്കമുള്ള ഫോട്ടോകള്‍ ഇത്തരത്തില്‍ മോര്‍ഫ് ചെയ്യപ്പെട്ടിട്ടുണ്ടെന്നും എന്നാല്‍ ഇതിലൂടെ പ്രതികള്‍ സാമ്പത്തിക ലാഭം നേടിയതായി തെളിവുകളില്ലെന്നും അദ്ദേഹം അറിയിച്ചു.

🔹തിരുവനന്തപുരം അമ്പൂരി ജംഗ്ഷന് സമീപത്ത് വര്‍ഷങ്ങളായി പ്രവര്‍ത്തിച്ചിരുന്ന സ്വകാര്യ ക്ലിനിക്ക് പഞ്ചായത്ത് അധികൃതര്‍ പൂട്ടി. ആശുപത്രി നടത്തിപ്പുകാരന്‍ അലോപ്പതി ലൈസന്‍സില്ലാത്ത വ്യാജ ഡോക്ടറാണെന്ന് കണ്ടെത്തിയതോടെയാണ് പഞ്ചായത്ത് ഹെല്‍ത് വിഭാഗം നടപടിയെടുത്തത്.

🔹അപകടത്തില്‍പ്പെട്ട ഫുക്കറ്റ് ഡല്‍ഹി വിമാനത്തിന്റെ പൈലറ്റ് ഇന്‍ കമാന്‍ഡന്റിനെ എയര്‍ ഇന്ത്യ പിരിച്ചുവിട്ടു. അപകട സമയം പൈലറ്റ് ലഹരി ഉപയോഗിച്ചിരുന്നുവെന്ന് എയര്‍ക്രാഫ്റ്റ് അക്സിഡന്റ് ഇന്‍വസ്റ്റിഗേഷന്‍ ബ്യൂറോ അന്വേഷണ റിപ്പോര്‍ട്ടില്‍ സ്ഥിരീകരിച്ചിരുന്നു. വിമാനത്തിലെ മൂന്ന് ഹൈഡ്രോളിക് സംവിധാനം ഒന്നിച്ച് നിലച്ചുവെന്ന റിപ്പോര്‍ട്ടുകളും അന്വേഷണ സംഘം ശരിവച്ചു.

🔹ചൈനയെ സാമ്പത്തികമായി ആശ്രയിക്കുന്നത് അപകടമാണെന്ന് ഇന്ത്യ മുന്നറിയിപ്പ് നല്‍കിയിരുന്നെന്ന് ബെല്‍ജിയന്‍ പ്രധാനമന്ത്രി ബാര്‍ട് വെവര്‍. ഡല്‍ഹിയില്‍ കോണ്‍ഫെഡറേഷന്‍ ഓഫ് ഇന്ത്യന്‍ ഇന്‍ഡസ്ട്രി സംഘടിപ്പിച്ച ചടങ്ങില്‍ സംസാരിക്കുകയായിരുന്നു അദ്ദേഹം. ചൈനീസ് ഉല്‍പ്പന്നങ്ങളുടെ കടന്നു കയറ്റം യൂറോപ്പിന്റെ വ്യാവസായിക അടിത്തറയെ തകര്‍ക്കാനും തങ്ങളെ സമ്മര്‍ദ്ദത്തിലാക്കാനുള്ള ഒരു സാമ്പത്തിക ആയുധമായി മാറാനും ഇടയാക്കിയെന്ന് അദ്ദേഹം ഓര്‍മ്മിപ്പിച്ചു.

🔹മഹാരാഷ്ട്രയിലെ ധാരാശിവ് ജില്ലയില്‍ വനിതാ ഗുസ്തിതാരം കുട്ടികളോടൊപ്പം ആത്മഹത്യ ചെയ്തു. മുപ്പതുകാരി അശ്വിനി മനോഹര്‍ പോള്‍ ആണ് നാല്‍ദുര്‍ഗ് കോട്ടയില്‍ നിന്ന് ചാടിമരിച്ചത്. അശ്വനിയും അഞ്ചര വയസും രണ്ടരവയസുമുളള കുട്ടികളും മരിച്ചു. രണ്ടര വയസുളള മറ്റൊരു കുട്ടി വെന്റിലേറ്ററിലാണ്.

🔹യുഎസ് പ്രസിഡന്റ് ഡോണാള്‍ഡ് ട്രംപിന്റെ ദൂതന്മാരുടെ സന്ദര്‍ശനത്തിന് മുന്നോടിയായി റഷ്യയുമായി താല്‍ക്കാലിക വെടിനിര്‍ത്തല്‍ നിര്‍ദേശവുമായി യുക്രൈന്‍ പ്രസിഡന്റ് വൊളോഡിമിര്‍ സെലന്‍സ്‌കി. തങ്ങള്‍ തത്കാലം വ്യോമാക്രമണങ്ങള്‍ നിര്‍ത്തുകയാണെന്നും റഷ്യയും ആക്രമണം നിര്‍ത്തണമെന്നും സെലന്‍സ്‌കി പറഞ്ഞു. യുഎസ് പ്രതിനിധികള്‍ റഷ്യയിലും യുക്രൈനിലും എത്തുന്ന പശ്ചാത്തലത്തില്‍ സുരക്ഷ മുന്‍നിര്‍ത്തിയാണ് സെലന്‍സ്‌കിയുടെ നിര്‍ദേശം.

🔹അമേരിക്ക ആക്രമണം പുനരാരംഭിച്ചതോടെ ഇറാന്‍ ഭരണകൂടം തകര്‍ച്ചയിലാണെന്നും ഉടന്‍ തന്നെ നിലംപൊത്തുമെന്നും ഇസ്രായേല്‍ പ്രധാനമന്ത്രി ബെഞ്ചമിന്‍ നെതന്യാഹു. ഇറാന്‍ ഭരണകൂടം മുന്‍പെങ്ങുമില്ലാത്തവിധം ദുര്‍ബലമായ അവസ്ഥയിലാണെന്ന് ഇസ്രായേല്‍ സൈനിക തലവന്മാര്‍ പങ്കെടുത്ത ചടങ്ങില്‍ അദ്ദേഹം പറഞ്ഞു.

🔹കെസിഎ പിങ്ക് വനിതാ ട്വന്റി-20 ചലഞ്ചേഴ്സ് ചാമ്പ്യന്‍ഷിപ്പില്‍ തുടര്‍ച്ചയായ മൂന്നാം വിജയവുമായി റൂബീസ്. സഫയറിനെ അഞ്ച് റണ്‍സിനാണ് റൂബീസ് കീഴടക്കിയത്. മറ്റൊരു മത്സരത്തില്‍ പേള്‍സ്, ആംബറിനെ ഏഴ് റണ്‍സിന് തോല്‍പ്പിച്ചു. ആംബറിനെതിരെ ആദ്യം ബാറ്റ് ചെയ്ത പേള്‍സ് 20 ഓവറില്‍ അഞ്ച് വിക്കറ്റ് നഷ്ടത്തില്‍ 110 റണ്‍സെടുത്തു. 34 റണ്‍സെടുത്ത ക്യാപ്റ്റന്‍ എ. അക്ഷയയും 39 റണ്‍സെടുത്ത അഷിമ ആന്റണിയുമാണ് പേള്‍സ് ബാറ്റിങ് നിരയില്‍ തിളങ്ങിയത്.

🔹ട്രിവാന്‍ഡ്രം റോയല്‍സിനെ ഒരു വിക്കറ്റിന് പരാജയപ്പെടുത്തി കേരള ക്രിക്കറ്റ് ലീഗില്‍ തൃശ്ശൂര്‍ ടൈറ്റന്‍സ് ഫൈനലില്‍. ട്രിവാന്‍ഡ്രം ഉയര്‍ത്തിയ 164 റണ്‍സ് വിജയലക്ഷ്യവുമായി ബാറ്റേന്തിയ തൃശ്ശൂര്‍ ഒന്‍പതുവിക്കറ്റ് നഷ്ടത്തില്‍ അവസാന ഓവറിലാണ് വിജയിച്ചത്. അവസാന ഓവറില്‍ ഒരു വിക്കറ്റ് ശേഷിക്കേ 15 റണ്‍സാണ് തൃശ്ശൂരിന് വേണ്ടിയിരുന്നത്. എന്നാല്‍ ആനന്ദ് ജോസഫിന്റെ അവിശ്വസനീയ ബാറ്റിങ്ങാണ് തൃശ്ശൂരിനെ വിജയത്തിലേക്കെത്തിച്ചത്. മൂന്ന് പന്തില്‍ നിന്ന് 16 റണ്‍സാണ് ആനന്ദ് ജോസഫ് അടിച്ചെടുത്തത്.

🔹ആലപ്പി റിപ്പിള്‍സിനെ 36 റണ്‍സിന് തകര്‍ത്ത് കാലിക്കറ്റ് ഗ്ലോബ്സ്റ്റാര്‍സ് കേരള ക്രിക്കറ്റ് ലീഗിന്റെ ഫൈനലില്‍ പ്രവേശിച്ചു. ആവേശകരമായ സെമിഫൈനല്‍ പോരാട്ടത്തില്‍ ആദ്യം ബാറ്റ് ചെയ്ത ഗ്ലോബ്സ്റ്റാര്‍സ് 20 ഓവറില്‍ 5 വിക്കറ്റ് നഷ്ടത്തില്‍ 218 റണ്‍സെന്ന കൂറ്റന്‍ സ്‌കോര്‍ പടുത്തുയര്‍ത്തി. മറുപടി ബാറ്റിംഗിനിറങ്ങിയ ആലപ്പി റിപ്പിള്‍സിനെ 20 ഓവറില്‍ 8 വിക്കറ്റ് നഷ്ടത്തില്‍ 182 റണ്‍സില്‍ തളച്ചാണ് ഗ്ലോബ്സ്റ്റാര്‍സ് കിരീടപ്പോരാട്ടത്തിലേക്ക് ടിക്കറ്റെടുത്തത്.

🔹ചരിത്രത്തിലാദ്യമായി ഇന്ത്യയും ജപ്പാനും തമ്മില്‍ ഈ മാസം 22 ന് ക്രിക്കറ്റ് മത്സരം. ഏഷ്യന്‍ ഗെയിംസിന് മുന്നോടിയായി തോചിഗി പ്രിഫെക്ചറിലെ സാനോ അന്താരാഷ്ട്ര ക്രിക്കറ്റ് ഗ്രൗണ്ടില്‍ രാവിലെ 9.30 നാണ് സുസുക്കി കപ്പ് ആരംഭിക്കുക. ട്വന്റ20 ഫോര്‍മാറ്റിലുള്ള മത്സരത്തില്‍ ശ്രേയസ് അയ്യര്‍ ഇന്ത്യന്‍ ടീമിനെ നയിക്കും.

🔹സൈജു കുറുപ്പ് നായകനായ ‘ആരം’ ചിത്രത്തിന്റെ ടീസര്‍ പുറത്തു വിട്ടു. രജീഷ് പരമേശ്വരന്‍ സംവിധാനം ചെയ്യുന്ന ആരത്തില്‍ പൊലീസ് ഉദ്യോഗസ്ഥനായാണ് സൈജു എത്തുന്നത്. കുറ്റാന്വേഷണ കഥയാണ് ആരം. സെപ്റ്റംബര്‍ മാസത്തില്‍ റിലീസ്സിനൊരുങ്ങുന്ന ചിത്രത്തിന്റെ പ്രൊമോഷന്‍ ഭാഗമായി ടീസര്‍ പുറത്തുവിട്ടു. കോഴിക്കോടിന്റെ പശ്ചാത്തലത്തില്‍ ഇമോഷണല്‍ ഡ്രാമ ത്രില്ലറായിട്ടാണ് ചിത്രം എത്തുന്നത്. സൈജുക്കുറുപ്പിന്റെ മുന്‍ കഥാപാത്രങ്ങളില്‍ നിന്നും തികച്ചും വ്യത്യസ്തായ പൊലീസ് കഥാപാത്രമാണ് ചിത്രത്തിലെ സിഐ ആന്റോ. നീതി നിര്‍വ്വഹണത്തില്‍ സത്യസന്ധനായി നിലകൊള്ളുന്ന പൊലീസ് ഉദ്യോഗസ്ഥന്റെ ഔദ്യോഗികജീവിതത്തില്‍ അദ്ദേഹത്തിനു നേരിടേണ്ടിവരുന്ന പ്രശ്നങ്ങളിലൂടെയാണ് ചിത്രത്തിന്റെ കഥ സഞ്ചരിക്കുന്നത്. അഞ്ജു കുര്യന്‍, സിദ്ദിഖ്, സുധീഷ്, മീരാ വാസുദേവ്. അഷ്‌ക്കര്‍ അലി, സുരഭി സന്തോഷ് രമാദേവി എന്നിവരും പ്രധാന താരങ്ങളാണ്.

🔹കോമഡി ഫാമിലി എന്റര്‍ടെയ്‌നറുമായി 16 വര്‍ഷങ്ങള്‍ക്ക് ശേഷം ജഗദീഷ്, മുകേഷ്, സിദ്ദിഖ്, അശോകന്‍ എന്നിവര്‍ പ്രധാന വേഷങ്ങളിലെത്തുന്ന ചിത്രമാണ് ‘പാതിരാ കുറുക്കന്‍’. ചിത്രത്തിന്റെ മറ്റൊരു പ്രധാന സവിശേഷത ഈ നാലുപേരുടെയും പാട്ടുമുണ്ട് എന്നതാണ്. ആദ്യമായി ജഗദീഷ്, മുകേഷ്, സിദ്ദിഖ്, അശോകന്‍ എന്നിവര്‍ ഒരുമിച്ച് ഒരു ഗാനം സിനിമയില്‍ ആലപിക്കുന്നു എന്നതാണ് ചിത്രത്തിന്റെ കൗതുകമുണര്‍ത്തുന്ന മറ്റൊരു പ്രത്യേകത. കോമഡി ത്രില്ലറായി ഒരുക്കിയിരിക്കുന്ന ഈ ചിത്രം ഒക്ടോബറില്‍ തിയേറ്ററുകളിലെത്തും. ഇന്ദ്രന്‍സ്, നിര്‍മല്‍ പാലാഴി, വിനീത് തട്ടില്‍, റിയാസ് നര്‍മ്മകല, സുധീര്‍ പറവൂര്‍, കുട്ടി അഖില്‍, അനീഷ് ഗോപാല്‍, ടെസ്സ ജോസഫ്, അജയന്‍ മാടയ്ക്കല്‍ എന്നിവരും ചിത്രത്തില്‍ പ്രധാന വേഷങ്ങളിലെത്തുന്നു. സോഷ്യല്‍ മീഡിയ ഇന്‍ഫ്ലുവന്‍സര്‍മാരായ അശ്വിത, അശ്വിജ എന്നിവരും ചിത്രത്തില്‍ ശ്രദ്ധേയ വേഷങ്ങളിലെത്തുന്നു.

💦 ഗുരുജിയുടെ വാക്കുകൾ
*****************************

ഒരിക്കൽ ദുരനുഭവങ്ങൾ എന്ന് കരുതിയവയെല്ലാം പിന്നീട്‌ ചിന്തകളെയും പ്രവർത്തികളെയും പാകപ്പെടുത്തിയിട്ടുണ്ട്‌ . ശത്രുക്കൾ ആയിരുന്നവർ ചങ്ങാതിമാരെക്കാൾ കൂടുതൽ ജാഗ്രതയും ദീർഘവീക്ഷണവും പ്രദാനം ചെയ്തിട്ടുണ്ട്‌ .
എന്തിനെയും നന്നായൊന്ന് നോക്കിയാൽ എല്ലാം നല്ലതിനാണെന്ന് മനസ്സിലാകും . ഒന്നിലും നന്മ കാണാൻ കഴിയാത്തവരിൽ നിന്ന് ഒരു നന്മയും ഉണ്ടാകില്ല.
എന്നും ആയിരിക്കുന്നിടത്ത്‌ , അവനവന്റെ ചുറ്റുപാടും നന്മ കണ്ടെത്താൻ കഴിയാത്തവർ, ഏതൊരു നാട്ടിൽ എത്തിയാലും അത്‌ കണ്ടെത്തില്ല. തീർച്ച!!!

ചരിത്രത്തിൽ ഇന്നത്തെ ദിവസത്തിന്റെ പ്രാധാന്യങ്ങൾ
********************************************************************

സെപ്റ്റംബർ 5

•ഇന്ത്യയിൽ സെപ്റ്റംബർ 5 ദേശീയ അധ്യാപക ദിനമായി (National Teachers’ Day) ആചരിക്കുന്നു. ഇന്ത്യയുടെ മുൻ രാഷ്ട്രപതിയും പ്രശസ്ത തത്വചിന്തകനും അധ്യാപകനുമായിരുന്ന ഡോ. സർവേപ്പള്ളി രാധാകൃഷ്ണന്റെ ജന്മദിനത്തിന്റെ (1888 സെപ്റ്റംബർ 5) ഓർമ്മപ്പെടുത്തലായാണ് ഈ ദിനാചരണം സംഘടിപ്പിക്കുന്നത്.ഡോ. എസ്. രാധാകൃഷ്ണൻ 1962-ൽ ഇന്ത്യയുടെ രണ്ടാമത്തെ രാഷ്ട്രപതിയായി ചുമതലയേറ്റപ്പോൾ, അദ്ദേഹത്തിന്റെ ശിഷ്യരും സുഹൃത്തുക്കളും ജന്മദിനം ആഘോഷിക്കാൻ അനുവാദം ചോദിച്ചു. എന്നാൽ തന്റെ ജന്മദിനം തനിക്കായി ആഘോഷിക്കുന്നതിന് പകരം രാജ്യത്തെ മുഴുവൻ അധ്യാപകരെയും ആദരിക്കുന്നതിനായി ‘അധ്യാപക ദിനമായി’ മാറ്റാൻ അദ്ദേഹം ആവശ്യപ്പെടുകയായിരുന്നു. ആ വർഷം മുതൽ സെപ്റ്റംബർ 5 അധ്യാപക ദിനമായി രാജ്യം ആചരിച്ചുപോരുന്നു.സമൂഹ നിർമ്മിതിയിലും വിദ്യാർത്ഥികളുടെ വ്യക്തിത്വ വികസനത്തിലും അധ്യാപകർ നൽകുന്ന വിലയേറിയ സംഭാവനകളെ ഓർമ്മിക്കാനും അവരെ ബഹുമാനിക്കാനുമാണ് ഈ ദിവസം മാറ്റിവെച്ചിരിക്കുന്നത്.ഈ ദിവസം വിദ്യാലയങ്ങളിൽ വിദ്യാർത്ഥികൾ അധ്യാപകർക്കായി പ്രത്യേക കലാപരിപാടികളും ഗെയിമുകളും സംഘടിപ്പിക്കാറുണ്ട്. മുതിർന്ന ക്ലാസുകളിലെ വിദ്യാർത്ഥികൾ അധ്യാപകരുടെ വേഷമണിഞ്ഞ് ചെറിയ ക്ലാസുകളിൽ ക്ലാസെടുക്കുന്ന സവിശേഷമായ രീതിയും പല സ്കൂളുകളിലുമുണ്ട്.
ദേശീയ അധ്യാപക പുരസ്കാരം: വിദ്യാഭ്യാസ മേഖലയിലെ മികച്ച സേവനങ്ങളെ മുൻനിർത്തി കേന്ദ്ര വിദ്യാഭ്യാസ മന്ത്രാലയം തിരഞ്ഞെടുക്കുന്ന രാജ്യത്തെ മികച്ച അധ്യാപകർക്ക് ഇന്ത്യൻ രാഷ്ട്രപതി ഈ ദിവസം National Teachers’ Award സമ്മാനിക്കുന്നു.

തയ്യാറാക്കിയത്: കപിൽ ശങ്കർ

8 Likes

📱വാർത്തകൾ ഒറ്റനോട്ടത്തിൽ📱 – 2026 | സെപ്റ്റംബർ 05 | ശനി ✍️ കപിൽ ശങ്കർ

💦 ഗുരുജിയുടെ വാക്കുകൾ
*****************************

ചരിത്രത്തിൽ ഇന്നത്തെ ദിവസത്തിന്റെ പ്രാധാന്യങ്ങൾ
********************************************************************

സെപ്റ്റംബർ 5

തയ്യാറാക്കിയത്: കപിൽ ശങ്കർ

ഫോമയുടെ ഇന്നലെ, ഇന്ന്, നാളെ; ചിക്കാഗോയിലെ സൗഹൃദ സംഗമത്തിന്റെ ഒരുക്കങ്ങള്‍ പൂര്‍ത്തിയാകുന്നു

ഇന്ത്യൻ അമേരിക്കക്കാർ: “മാതൃകാ ന്യൂനപക്ഷ”ത്തിൽ നിന്ന് സൂക്ഷ്മപരിശോധനയ്ക്ക് വിധേയമാകുന്ന ഒരു സമൂഹത്തിലേക്ക്

LEAVE A REPLY Cancel reply

Most Popular

രാഹുൽ ഗാന്ധിക്കെതിരായ പരാമർശം; ആർ. ശ്രീലേഖ മാപ്പ് പറയണം: ചെന്നിത്തല.

ഫോമയുടെ ഇന്നലെ, ഇന്ന്, നാളെ; ചിക്കാഗോയിലെ സൗഹൃദ സംഗമത്തിന്റെ ഒരുക്കങ്ങള്‍ പൂര്‍ത്തിയാകുന്നു

ഇന്ത്യൻ അമേരിക്കക്കാർ: “മാതൃകാ ന്യൂനപക്ഷ”ത്തിൽ നിന്ന് സൂക്ഷ്മപരിശോധനയ്ക്ക് വിധേയമാകുന്ന ഒരു സമൂഹത്തിലേക്ക്

Recent Comments

EDITOR PICKS

രാഹുൽ ഗാന്ധിക്കെതിരായ പരാമർശം; ആർ. ശ്രീലേഖ മാപ്പ് പറയണം: ചെന്നിത്തല.

ഫോമയുടെ ഇന്നലെ, ഇന്ന്, നാളെ; ചിക്കാഗോയിലെ സൗഹൃദ സംഗമത്തിന്റെ ഒരുക്കങ്ങള്‍ പൂര്‍ത്തിയാകുന്നു

POPULAR POSTS

POPULAR CATEGORY

ABOUT US

FOLLOW US

📱വാർത്തകൾ ഒറ്റനോട്ടത്തിൽ📱 – 2026 | സെപ്റ്റംബർ 05 | ശനി ✍️ കപിൽ ശങ്കർ

💦 ഗുരുജിയുടെ വാക്കുകൾ *****************************

ചരിത്രത്തിൽ ഇന്നത്തെ ദിവസത്തിന്റെ പ്രാധാന്യങ്ങൾ ********************************************************************

സെപ്റ്റംബർ 5

തയ്യാറാക്കിയത്: കപിൽ ശങ്കർ

LEAVE A REPLY Cancel reply

Most Popular

Recent Comments

EDITOR PICKS

POPULAR POSTS

POPULAR CATEGORY

ABOUT US

FOLLOW US

💦 ഗുരുജിയുടെ വാക്കുകൾ
*****************************

ചരിത്രത്തിൽ ഇന്നത്തെ ദിവസത്തിന്റെ പ്രാധാന്യങ്ങൾ
********************************************************************