📱വാർത്തകൾ ഒറ്റനോട്ടത്തിൽ📱 – 2024 | ഒക്ടോബർ 02 | ബുധൻ ✍ കപിൽ ശങ്കർ

🔹അഹിംസ എന്ന തത്വം അടിസ്ഥാനമാക്കി സത്യാഗ്രഹസമരങ്ങളിലൂടെ ജനഹൃദയങ്ങളിലേക്ക് ചേക്കറിയ രാഷ്ട്രപിതാവ് മഹാത്മാ ഗാന്ധിയുടെ 155-ാം ജന്മദിനം രാജ്യം ഇന്ന് ആഘോഷിക്കുന്നു. രാജ്യത്തിന് ദിശാബോധം പകര്‍ന്നുനല്‍കിയ മഹാത്മജിയുടെ ജന്മദിനം രാജ്യം വിപലുമായിട്ടാണ് ആഘോഷിക്കുന്നത്.

🔹കേരളത്തിന് പ്രളയ ധനസഹായമായി കേന്ദ്ര സര്‍ക്കാര്‍ 145.60 കോടി രൂപ അനുവദിച്ചു. പ്രളയ ധനസഹായമായി സംസ്ഥാന ദുരന്ത നിവാരണ ഫണ്ടിലെ കേന്ദ്ര വിഹിതമാണ് അനുവദിച്ചത്.വയനാട് ദുരന്തം ഉണ്ടായി രണ്ടുമാസം പിന്നിട്ടിട്ടും കേന്ദ്ര സഹായം വൈകുന്നതിനെതിരെ വിമര്‍ശനം ഉയരുന്നതിനിടെയാണ് സംസ്ഥാന ദുരന്ത നിവാരണ ഫണ്ടിലെ കേന്ദ്ര വിഹിതം അനുവദിക്കുന്നത്.

🔹സ്വര്‍ണക്കടത്തുമായി ബന്ധപ്പെട്ട് മുഖ്യമന്ത്രി പിണറായി വിജയന്റെ മലപ്പുറം പരാമര്‍ശം വിവാദമായതിനു പിന്നാലെ ഖേദം പ്രകടിപ്പിച്ച് അഭിമുഖം പ്രസിദ്ധീകരിച്ച ‘ദ ഹിന്ദു’ പത്രം. അഭിമുഖത്തിലെ വിവാദ ഭാഗം നല്‍കിയത് പിആര്‍ ഏജന്‍സിയാണെന്നാണ് വിശദീകരണം. സ്വര്‍ണക്കടത്ത്, ഹവാല പരാമര്‍ശങ്ങള്‍ മുന്‍ വാര്‍ത്തസമ്മേളനത്തിലേതാണെന്ന് പിആര്‍ ഏജന്‍സി പറഞ്ഞിരുന്നു. അത് മുഖ്യമന്ത്രിയുടേതായി പ്രസിദ്ധീകരിച്ചതില്‍ പത്രത്തിന് തെറ്റുപറ്റിയെന്നും ഖേദം പ്രകടിപ്പിക്കുന്നുവെന്നും ഹിന്ദുവിന്റെ ഔദ്യോഗിക വിശദീകരണത്തില്‍ പറയുന്നു. മലപ്പുറം പരാമര്‍ശത്തില്‍ മുഖ്യമന്ത്രിയുടെ ഓഫീസ് പത്രത്തിന് കത്ത് നല്‍കിയിരുന്നു. ഇതിന് പിന്നാലെയാണ് ഖേദം പ്രകടിപ്പിച്ചുകൊണ്ടുള്ള കുറിപ്പ് വന്നത്.

🔹കൊച്ചിയിലെ അനധികൃത ബോര്‍ഡുകള്‍ നീക്കം ചെയ്യാത്തതില്‍ കോടതിയലക്ഷ്യ നടപടി സ്വീകരിക്കുമെന്ന് ഹൈക്കോടതി.രാഷ്ട്രീയ പാര്‍ട്ടികളുടെ അനധികൃത ഫ്ലക്സ് ബോര്‍ഡുകള്‍ നീക്കം ചെയ്തില്ലേല്‍ തദ്ദേശ സ്ഥാപന സെക്രട്ടറിമാര്‍ക്കെതിരെ നടപടി സ്വീകരിക്കുമെന്നും കോടതി വ്യക്തമാക്കി. ഈ 21ാം നൂറ്റാണ്ടിലും സഞ്ചാരയോഗ്യമായ റോഡ് വേണമെന്ന ആവശ്യം ഉയരുന്നത് ആശങ്കയായി ആര്‍ക്കും തോന്നുന്നില്ലേയെന്നും ജില്ലാ കലക്ടര്‍മാര്‍ക്ക് ഇവിടെ എന്താണ് പണിയെന്നും ജസ്റ്റിസ് ദേവന്‍ രാമചന്ദ്രന്‍ ചോദിച്ചു.

🔹കോഴിക്കോട്ടെ റിയല്‍ എസ്റ്റേറ്റ് ഏജന്റും വ്യാപാരിയുമായ മാമി എന്ന മുഹമ്മദ് ആട്ടൂറിന്റെ തിരോധാനത്തില്‍ സിബിഐ അന്വേഷണമില്ല. അന്വേഷണം സംസ്ഥാന പൊലീസില്‍ നിന്ന് മാറ്റണമെന്നാവശ്യപ്പെട്ട് മാമിയുടെ ഭാര്യ റംലത്ത് നല്‍കിയ ഹര്‍ജി ഹൈക്കോടതി തീര്‍പ്പാക്കി. മാമി തിരോധാനത്തിന് പിന്നില്‍ സംസ്ഥാനത്തെ ഉന്നതര്‍ക്ക് ബന്ധമുണ്ടെന്ന് പി വി അന്‍വര്‍ ആരോപിച്ചിരുന്നു.

🔹നവരാത്രി ആഘോഷങ്ങളുടെ ഭാഗമായി ഒക്ടോബര്‍ 11ന് പൊതുവിദ്യാഭ്യാസ വകുപ്പിന് കീഴിലുള്ള സംസ്ഥാനത്തെ എല്ലാ സ്‌കൂളുകള്‍ക്കും അവധി പ്രഖ്യാപിച്ച് വിദ്യാഭ്യാസ വകുപ്പ്. ഇതുസംബന്ധിച്ച ഉത്തരവ് പൊതുവിദ്യാഭ്യാസ ഡയറക്ടര്‍ പുറത്തിറക്കി.

🔹ഡോക്ടര്‍മാരുടെ രജിസ്‌ട്രേഷന്‍ ഇല്ലാതെയുള്ള പ്രാക്ടീസ് കുറ്റകരമാണെന്ന് ആരോഗ്യ വകുപ്പ് മന്ത്രി വീണാ ജോര്‍ജ്. നിലവിലുള്ള നിയമം അനുസരിച്ച് മാത്രമേ സംസ്ഥാനത്ത് പ്രാക്ടീസ് നടത്താന്‍ പാടുള്ളൂ. ക്ലിനിക്കല്‍ എസ്റ്റാബ്ലിഷ്മെന്റ് നിയമ പ്രകാരം ആശുപത്രിയില്‍ ജോലി ചെയ്യുന്നവര്‍ നിശ്ചിത യോഗ്യതയുള്ളവരാണെന്നും രജിസ്റ്റര്‍ ചെയ്തവരാണെന്നും ഉറപ്പ് വരുത്തേണ്ടത് ആ സ്ഥാപനത്തിന്റെ ഉത്തരവാദിത്തമാണ് എന്നും മന്ത്രി പറഞ്ഞു.

🔹തിരുവനന്തപുരം മൃഗശാലയിലെ കൂട്ടിൽ നിന്ന് പുറത്ത് ചാടിയ രണ്ടു ഹനുമാൻ കുരങ്ങുകളെ തിരികെ കൂട്ടിൽ എത്തിച്ചു. കഴിഞ്ഞ ദിവസം രാവിലെയാണ് കൂട്ടിൽ നിന്ന് മൂന്ന് പെൺ ഹനുമാൻ കുരങ്ങുകൾ പുറത്ത് ചാടിയത്. ഇതിനുശേഷം മൃഗശാല വളപ്പിലെ വലിയ രണ്ടു മരങ്ങൾക്കു മുകളിൽ ഇവർ ഇരിക്കുകയായിരുന്നു. ഇതിൽ രണ്ടു കുരങ്ങുകളെയാണ് തിരികെ കൂട്ടിൽ എത്തിച്ചത്.
ഒരു ഹനുമാൻ കുരങ്ങ് ഇപ്പോഴും മരത്തിൽ തുടരുകയാണ്. ഒരു കുരങ്ങിനെ മൃഗശാല ജീവനക്കാർ അതിസാഹസികമായാണ് മരത്തിൽ നിന്ന് താഴെയിറക്കിയത്. ഈ ദൃശ്യങ്ങൾ കൈരളി ന്യൂസിന് ലഭിച്ചു. വലിയ ഉയരത്തിൽ ഇരിപ്പുറപ്പിച്ച ഈ കുരങ്ങനെ വാച്ചർമാർ മരത്തിനു മുകളിൽ കയറി പിടിക്കുകയായിരുന്നു. കയറിൽ കെട്ടി വാച്ചർമാർ പരസ്പരം കൈമാറിയാണ് കുരങ്ങിനെ താഴെ എത്തിച്ചത്. മറ്റൊരു കുരങ്ങ് ഭക്ഷണം കഴിക്കാനായി തിരികെ കൂട്ടിലേക്ക് എത്തുകയായിരുന്നു.
ആകെ നാലു ഹനുമാൻ കുരങ്ങുകളാണ് കൂട്ടിൽ ഉണ്ടായിരുന്നത്. ആൺകുരങ്ങ് ഒഴികെ മൂന്ന് പെൺകുരങ്ങുകളും കൂട്ടിൽ നിന്ന് പുറത്ത് ചാടിയിരുന്നു. മരത്തിൽ ഇരിക്കുന്ന മൂന്നാമത്തെ കുരങ്ങനെ കൂടി അടുത്തദിവസം താഴെ എത്തിക്കാം എന്നാണ് മൃഗശാല അധികൃതരുടെ പ്രതീക്ഷ. മനുഷ്യ സാന്നിധ്യം ഒഴിവാക്കാൻ ഇന്ന് മൃഗശാലയിൽ സന്ദർശകരെ പ്രവേശിപ്പിച്ചിരുന്നില്ല. നാളെ മുതൽ മൃഗശാലയിൽ സന്ദർശകരെ അനുവദിക്കുമെന്ന് മൃഗശാല ഡയറക്ടർ മഞ്ജുളാദേവി പറഞ്ഞു.

🔹വയോധികയെ കൊലപ്പെടുത്തി കുഴിച്ചുമൂടിയ കേസിൽ പ്രതിക്ക് ജീവപര്യന്തം തടവ്. ഇടുക്കി കട്ടപ്പന കുന്തളംപാറയിൽ 65 -കാരിയായ അമ്മിണിയെ കൊലപ്പെടുത്തി കുഴിച്ചുമൂടിയ അയൽവാസിയായ പ്രതി മണിക്കാണ് ഇടുക്കി അഡീഷണൽ കോടതി ശിക്ഷ വിധിച്ചത്. വിവിധ വകുപ്പുകളിലായി പ്രതി 23 വർഷം ശിക്ഷ അനുഭവിക്കണം.

🔹ആലപ്പുഴ നഗരത്തിലെ സ്വകാര്യ ആശുപത്രിയിൽ ചികിത്സ തേടിയെത്തിയ 55 -കാരൻ മരിച്ചു. ചികിത്സാ പിഴവാണ് മരണ കാരണമെന്ന് ആരോപിച്ച് ബന്ധുക്കൾ ആശുപത്രിയിൽ പ്രതിഷേധം നടത്തി. പ്രമേഹ രോഗ ചികിത്സയ്ക്ക് എത്തിയതായിരുന്നു ഇയാൾ. കുതിരപന്തി സ്വദേശി വിശ്വനാഥനാണ് മരിച്ചത്.

🔹ഇടുക്കി പൂപ്പാറയിൽ ജീപ്പ് ഇടിച്ചുതെറിപ്പിച്ച് ചികിത്സയിലായിരുന്ന യുവാവ് മരിച്ചു. പൂപ്പാർ സ്വദേശി കൊല്ലംപറമ്പിൽ വിഷ്ണു (26) ആണ് മരിച്ചത്. വെള്ളിയാഴ്ച രാത്രിയാണ് ഇരുചക്ര വാഹനത്തിൽ യാത്ര ചെയ്തിരുന്ന വിഷ്ണുവിനെ എതിർ ദിശയിൽ വന്ന ജീപ്പ് ഇടിച്ചുതെറിപ്പിച്ചത്. ജീപ്പ് ഓടിച്ചിരുന്ന എൻആർസിറ്റി സ്വദേശി ബിനോജിനെതിരെ മനപ്പൂർവ്വമല്ലാത്ത നരഹത്യക്ക് കേസെടുത്തു.

🔹കാസർഗോഡ് കുമ്പള പെർവാഡ് കടപ്പുറത്ത് മീൻ പിടിക്കുന്നതിനിടെ യുവാവിനെ കാണാതായി. കുമ്പള പെർവാഡ് കോളനിയിലെ അർഷാദി (20) നെയാണ് വൈകുന്നേരം കാണാതായത്. കടലിൽ വലയെറിയുന്നതിനിടെയാണ് യുവാവിനെ തിരയിൽപ്പെട്ട് കാണാതാവുന്നത്. സംഭവം കണ്ട നാട്ടുകാർ വിവരമറിയിച്ചതിനെത്തുടർന്ന് ഓടിയെത്തിയ മത്സ്യത്തൊഴിലാളികൾ തെരച്ചിൽ നടത്തി.

🔹കോട്ടയത്ത് വ്യത്യസ്ത പോക്സോ കേസുകളിൽ പ്രതികളായ 4 പേർക്ക് ശിക്ഷ വിധി പ്രസ്താവിച്ച് കോടതി. 76 കാരനും ബസ് ക്ലീനറും ഉൾപ്പെടെയുള്ള പ്രതികളെയാണ് വിവിധ കോടതികൾ ശിക്ഷിച്ചത്. 76 കാരന് 77 വർഷം കഠിന തടവാണ് ശിക്ഷാവിധി.
പ്രായപൂർത്തിയാകാത്ത പെൺകുട്ടിയെ പീഡിപ്പിച്ച കേസിലാണ് എരുമേലി പുഞ്ചവയൽ സ്വദേശി തോമസ് എന്ന 76 കാരെനെ 77 വർഷം കഠിന തടവ് കോടതി വിധിച്ചത്. പ്രതി 80,000 രൂപ പിഴയും ഒടുക്കണം. ഈരാറ്റുപേട്ട ഫാസ്റ്റ് ട്രാക്ക് സ്പെഷ്യൽ കോടതിയുടെതാണ് ശിക്ഷ വിധി. പിഴതുക അതിജീവിതയ്ക്ക് നൽകണമെന്നും കോടതി വ്യക്തമാക്കി. മുണ്ടക്കയം പൊലീസ് രജിസ്ട്രർ ചെയ്ത കേസിലാണ് വിധി.
ബസിനുള്ളിൽ വച്ച് ലൈംഗികാതിക്രമം നടത്തിയ കേസിൽ പ്രതിയായ ബസ് ക്ലീനർ തലപ്പലം സ്വദേശി ആർവി രാജീവിനെതിരെ ഈരാറ്റുപേട്ട ഫാസ്റ്റ് ട്രാക്ക് സ്പെഷ്യൽ പോക്സോ കോടതി എട്ടുവർഷം കഠിനതടവും 10,000 രൂപ പിഴയും ശിക്ഷ വിധിച്ചു. പ്രതി പിഴ അടച്ചാൽ 7500 രൂപ അതിജീവിതയ്ക്ക് നൽകമെന്നും ഉത്തരവിലുണ്ട്. ഈരാറ്റുപേട്ട പൊലീസിൽ എടുത്ത കേസിലാണ് ശിക്ഷാവിധി.
പ്രായപൂർത്തിയാകാത്ത പെൺകുട്ടിയെ പീഡിപ്പിച്ച് ഗർഭിണിയാക്കിയ ഏന്തയാർ സ്വദേശി അരുണിനെ കോട്ടയം അതിവേഗ പോക്സോ കോടതി ശിക്ഷിച്ചു. ജീവപര്യന്തം തടവും, 26 വർഷം കഠിനതടവും, 1.15 ലക്ഷം രൂപ പിഴയുമാണ് ശിക്ഷ. പിഴ അടയ്ക്കാത്ത പക്ഷം മൂന്നര വർഷം കൂടി ശിക്ഷ അനുഭവിക്കണം. പാമ്പാടി പൊലീസ് രജിസ്ട്രർ ചെയ്തത് കേസിലാണ് ശിക്ഷ.
പ്രായപൂർത്തിയാകാത്ത ആൺകുട്ടിയെ പ്രകൃതി വിരുദ്ധ പീഡനത്തിനിരയാക്കിയ കാഞ്ഞിരപ്പള്ളി സ്വദേശി അഷറഫിനെ 3 വർഷം കഠിന തടവും, 10,000 രൂപ പിഴയും കോടതി ശിക്ഷ വിധിച്ചു. ചങ്ങനാശ്ശേരി ഫാസ്റ്റ് ട്രാക്ക് സ്പെഷ്യൽ പോക്സോ കോടതിയാണ് ശിക്ഷിച്ചത്.

🔹നടി ശ്വേത മേനോനെ അപകീര്‍ത്തിപ്പെടുത്തിയ കേസില്‍ ക്രൈം നന്ദകുമാര്‍ അറസ്റ്റില്‍. എറണാകുളം നോര്‍ത്ത് പൊലീസാണ് ക്രൈം നന്ദകുമാറിനെഅറസ്റ്റ് ചെയ്തത്. യൂട്യൂബ് ചാനലിലൂടെ ശ്വേത മേനോനെ അപകീര്‍ത്തിപ്പെടുത്തി എന്നാണ് കേസ്.

🔹കൈതച്ചക്കകൃഷിക്കായി നിലമൊരുക്കാന്‍ പാഴ്മരങ്ങള്‍ മുറിക്കാന്‍ കരാറെടുത്തവര്‍ കണ്ണൂര്‍ ആറളം ഫാമില്‍ അനുമതി ഇല്ലാതെ ഇരുള്‍ ആഞ്ഞിലി ഉള്‍പ്പെടെയുള്ള 17 സംരക്ഷിത മരങ്ങള്‍ മുറിച്ചു. ക്രമക്കേടില്‍ കരാറുകാരനെതിരെ ഫാം അഡ്മിനിസ്ട്രേറ്റര്‍ പൊലീസില്‍ പരാതി നല്‍കി. ആറളം ഫാം അഞ്ചാം ബ്ലോക്കിലെ 1500 ഏക്കര്‍ കൈതച്ചക്കകൃഷിക്കായി പാട്ടത്തിന് കൊടുത്തിരുന്നു . ഇവിടെയുണ്ടായിരുന്ന പാഴ്മരങ്ങള്‍ മുറിക്കാനാണ് ഇരിക്കൂറിലെ സ്വകാര്യവ്യക്തിക്ക് കരാര്‍ നല്‍കിയത്.

🔹റോത്താഗിലെ മഞ്ഞുമലയില്‍ 56 വര്‍ഷത്തിന് ശേഷം കണ്ടെത്തിയ സൈനികരുടെ മൃതദേഹത്തില്‍ നിന്ന് പഴയ കുറിപ്പുകള്‍ ഉള്‍പ്പെടെ കണ്ടെത്തി. പത്തനംതിട്ട സ്വദേശി തോമസ് ചെറിയാനടക്കം 4 പേരുടെ മൃതദേഹങ്ങളാണ് കഴിഞ്ഞ ദിവസം കണ്ടെത്തിയത്. തോമസ് ചെറിയാന്റെ മൃതദേഹം ഹിമാചലിലെ ലോസര്‍ ഖാസ് ഹെലിപാഡിലെത്തിച്ചെന്നും നടപടികള്‍ പൂര്‍ത്തിയാക്കി ഇന്ന് നാട്ടിലെത്തിക്കാന്‍ ശ്രമം തുടരുകയാണെന്നും കരസേന അറിയിച്ചു. വിമാനം തകര്‍ന്ന് വീണ് കാണാതായ സൈനികര്‍ക്കുള്ള തെരച്ചില്‍ ഈ മാസം പത്തുവരെ തുടരുമെന്നും കരസേന പറഞ്ഞു.

🔹മദ്രാസ് ഹൈക്കോടതിയുടെ നിര്‍ദേശ പ്രകാരം സദ്ഗുരു ജഗ്ഗി വാസുദേവിന്റെ കോയമ്പത്തൂരിലെ ഇഷ ഫൗണ്ടേഷന്‍ ഓഫീസില്‍ പൊലീസ് പരിശോധന. രണ്ട് പെണ്‍മക്കള്‍ യോഗ സെന്ററില്‍ അടിമകളായി ജീവിക്കുന്നുവെന്ന കോയമ്പത്തൂര്‍ സ്വദേശിയുടെ പരാതിയിലാണ് പരിശോധന നടക്കുന്നത്.

🔹സുരേഷ് ഗോപിയുടെ മകന്‍ മാധവ് സുരേഷ് നായകനാവുന്ന ‘കുമ്മാട്ടിക്കളി’ ഒക്ടോബര്‍ രണ്ടിന് കടത്തനാടന്‍ സിനിമാസ് തിയറ്ററുകളിലെത്തിക്കുന്നു. സൂപ്പര്‍ ഗുഡ് ഫിലിംസിന്റെ ബാനറില്‍ ആര്‍ ബി ചൗധരിയാണ് ചിത്രത്തിന്റെ നിര്‍മ്മാണം. ചിമ്പു, വിജയ് തുടങ്ങിയ മുന്‍നിര നായകന്മാരുടെ ഹിറ്റ് ചിത്രങ്ങളിലൂടെ ഏറേ ശ്രദ്ധേയനായ ആര്‍ കെ വിന്‍സെന്റ് സെല്‍വ ആദ്യമായി തിരക്കഥയെഴുതി സംവിധാനം ചെയ്യുന്ന മലയാള ചിത്രമാണ് കുമ്മാട്ടിക്കളി. കടപ്പുറവും കടപ്പുറത്തെ ജീവിതങ്ങളും പ്രമേയമാക്കി ഒരുങ്ങുന്ന കുമ്മാട്ടിക്കളിയില്‍ തമിഴ്, കന്നട സിനിമകളിലെ പ്രമുഖ നടീനടന്മാര്‍ക്കൊപ്പം ലെന, റാഷിക് അജ്മല്‍, ദേവിക സതീഷ്, യാമി, അനുപ്രഭ, മൈം ഗോപി, അസീസ് നെടുമങ്ങാട്, ദിനേശ് ആലപ്പി, സോഹന്‍ ലാല്‍, ആല്‍വിന്‍ ആന്റണി ജൂനിയര്‍, ധനഞ്ജയ് പ്രേംജിത്ത്, മിഥുന്‍ പ്രകാശ് തുടങ്ങിയവരും അഭിനയിക്കുന്നു.

തയ്യാറാക്കിയത്:
കപിൽ ശങ്കർ

0 Likes

📱വാർത്തകൾ ഒറ്റനോട്ടത്തിൽ📱 – 2024 | ഒക്ടോബർ 02 | ബുധൻ ✍ കപിൽ ശങ്കർ

തയ്യാറാക്കിയത്:
കപിൽ ശങ്കർ

സൗദി അറേബ്യയിലേക്ക് എയർ ഇന്ത്യ, എയർ ഇന്ത്യ എക്സ്പ്രസ് സർവീസുകൾ റദ്ദാക്കിയത് നീട്ടി

ഫിലിപ്പീൻസിൽ പരിശീലനത്തിനിടെ വ്യോമസേനാ വിമാനങ്ങൾ കൂട്ടിയിടിച്ചു; നാല് പൈലറ്റുമാർക്ക് ദാരുണാന്ത്യം

“വാക്കുകൾക്കുമുണ്ട് മുറിവേൽപ്പിക്കാൻ ഒരു ജീവിതകാലം” ✍️ സിജു ജേക്കബ്. 2026 | ഒക്ടോബർ 25 | തിങ്കൾ.

LEAVE A REPLY Cancel reply

Most Popular

സൗദി അറേബ്യയിലേക്ക് എയർ ഇന്ത്യ, എയർ ഇന്ത്യ എക്സ്പ്രസ് സർവീസുകൾ റദ്ദാക്കിയത് നീട്ടി

ഫിലിപ്പീൻസിൽ പരിശീലനത്തിനിടെ വ്യോമസേനാ വിമാനങ്ങൾ കൂട്ടിയിടിച്ചു; നാല് പൈലറ്റുമാർക്ക് ദാരുണാന്ത്യം

Recent Comments

EDITOR PICKS

സൗദി അറേബ്യയിലേക്ക് എയർ ഇന്ത്യ, എയർ ഇന്ത്യ എക്സ്പ്രസ് സർവീസുകൾ റദ്ദാക്കിയത് നീട്ടി

POPULAR POSTS

സൗദി അറേബ്യയിലേക്ക് എയർ ഇന്ത്യ, എയർ ഇന്ത്യ എക്സ്പ്രസ് സർവീസുകൾ റദ്ദാക്കിയത് നീട്ടി

വിമാന ഇന്ധനത്തിന്റെ വാറ്റ് നികുതി ഗണ്യമായി കുറച്ച ടിവികെ സര്‍ക്കാരിന് കേന്ദ്ര സര്‍ക്കാരിന്റെ പ്രശംസ

ഇറാനെതിരേ കൂടുതല്‍ സൈനിക നടപടി ഉണ്ടായേക്കാമെന്ന് ട്രംപ്.

POPULAR CATEGORY

ABOUT US

FOLLOW US

📱വാർത്തകൾ ഒറ്റനോട്ടത്തിൽ📱 – 2024 | ഒക്ടോബർ 02 | ബുധൻ ✍ കപിൽ ശങ്കർ

തയ്യാറാക്കിയത്: കപിൽ ശങ്കർ

LEAVE A REPLY Cancel reply

Most Popular

Recent Comments

EDITOR PICKS

POPULAR POSTS

POPULAR CATEGORY

ABOUT US

FOLLOW US

തയ്യാറാക്കിയത്:
കപിൽ ശങ്കർ