സംസ്ഥാനത്ത് സ്വര്‍ണ വില വീണ്ടും താഴേക്ക്. ആഗോള വിപണിയിലെ വിലയിടിവ് തന്നെയാണ് ഇന്ന് ആഭ്യന്തര വിപണിയിലും ദൃശ്യമായത്. ആഗോള വിപണിയില്‍ സ്വര്‍ണവില 0.6 ശതമാനം ഇടിഞ്ഞ് ഔണ്‍സിന് 3997.39 ഡോളറിലെത്തി. ഈ മാസം ആദ്യമാണ് വില 4000 ഡോളറിന് താഴേക്ക് വീഴുന്നത്.
കേരളത്തില്‍ ഇന്ന് ഒരു ഗ്രാം 22 കാരറ്റ് സ്വര്‍ണത്തിന് 155 രൂപയാണ് കുറഞ്ഞിരിക്കുന്നത്. ഇതോടെ ഒരു ഗ്രാം സ്വര്‍ണത്തിന്റെ വില ഇന്ന് 13040 രൂപയായി കുറഞ്ഞു. ഈ മാസത്തെ ഏറ്റവും കുറഞ്ഞ വിലയിലാണ് ഗ്രാം സ്വര്‍ണത്തിന്റെ വില്‍പന നടക്കുന്നത്. ഇന്നലെ 13195 രൂപയായിരുന്നു ഒരു ഗ്രാം സ്വര്‍ണത്തിന്റെ വില. ഒരു പവന് സ്വര്‍ണത്തിന്‍മേല്‍ 1240 രൂപയുടെ കുറവാണ് ഉണ്ടായിരിക്കുന്നത്.
ഇതോടെ പവന്‍വിലയും ഈ മാസത്തെ ഏറ്റവും കുറഞ്ഞ നിരക്കില്‍ എത്തി. ഇന്നലെ 105560 രൂപയായിരുന്ന ഒരു പവന് സ്വര്‍ണത്തിന് ഇന്ന് 104320 രൂപയായി മാറി. 24 കാരറ്റ് സ്വര്‍ണത്തിന് ഇന്ന് 169 രൂപയും 18 കാരറ്റിന് 127 രൂപയും ആണ് കുറഞ്ഞിരിക്കുന്നത്. ഇതോടെ ഈ ഇനത്തിന്റെ ഇന്നത്തെ ഗ്രാം വില യഥാക്രമം 14226 രൂപയും 10669 രൂപയും ആയി കുറഞ്ഞു. 24 കാരറ്റ് സ്വര്‍ണമാണ് സ്വര്‍ണത്തിന്റെ ഏറ്റവും ശുദ്ധമായ രൂപമായി കണക്കാക്കപ്പെടുന്നത്.
അതേസമയം, 22 കാരറ്റ് സ്വര്‍ണത്തില്‍, അതിന്റെ ഉറപ്പ് വര്‍ധിപ്പിക്കുന്നതിനായി മറ്റ് ലോഹങ്ങള്‍ ചേര്‍ത്തിട്ടുണ്ടാകും. ഇക്കാരണത്താല്‍, ആഭരണങ്ങള്‍ നിര്‍മ്മിക്കാന്‍ 22 കാരറ്റ് സ്വര്‍ണമാണ് കൂടുതലായി ഉപയോഗിക്കുന്നത്. എന്നാല്‍ നാണയങ്ങള്‍, സ്വര്‍ണക്കട്ടികള്‍ തുടങ്ങിയ നിക്ഷേപ ആവശ്യങ്ങള്‍ക്കായി 24 കാരറ്റ് സ്വര്‍ണമാണ് സാധാരണയായി തിരഞ്ഞെടുക്കുന്നത്. സ്വര്‍ണാഭരണങ്ങളുടെ അന്തിമ വില, കടകളില്‍ പറയുന്ന നിരക്കിനേക്കാള്‍ കൂടുതലായിരിക്കാം.
കാരണം ഇതിനൊപ്പം പണിക്കൂലിയും ബാധകമായ നികുതികളും കൂടി ചേര്‍ത്താണ് അന്തിമ വില നിശ്ചയിക്കുന്നത്. ഏഷ്യന്‍ വിപണിയിലെ വ്യാപാരത്തിന്റെ തുടക്കത്തില്‍ വെള്ളിയുടെ വില ഒരു ശതമാനം ഇടിഞ്ഞ് ഔണ്‍സിന് 51.87 ഡോളറിലെത്തി.
വിവിധ വിദേശ കറൻസികളുമായി ഇന്ത്യൻ രൂപയുടെ ഇന്നത്തെ (30 ഒക്ടോബർ 2026) തത്സമയ വിനിമയ നിരക്കുകൾ താഴെ നൽകുന്നു:
* യു.എസ് ഡോളർ (1 USD) ₹ 95.25
* യൂറോ (1 EUR) ₹ 106.54
* ബ്രിട്ടീഷ് പൗണ്ട് (1 GBP) ₹ 127.49
* യു.എ.ഇ ദിർഹം (1 AED) ₹ 25.94
* സൗദി റിയാൽ (1 SAR) ₹ 25.37
* ഒമാനി റിയാൽ (1 OMR) ₹ 247.73
* ഖത്തറി റിയാൽ (1 QAR) ₹ 26.13
* കുവൈറ്റി ദിനാർ (1 KWD) ₹ 306.23
* ബഹ്റൈൻ ദിനാർ (1 BHD) ₹ 252.40
* ഓസ്ട്രേലിയൻ ഡോളർ (1 AUD) ₹ 67.02
* സിംഗപ്പൂർ ഡോളർ (1 SGD) ₹ 74.54
* കനേഡിയൻ ഡോളർ (1 CAD) ₹ 68.18
* സ്വിസ് ഫ്രാങ്ക് (1 CHF) ₹ 115.81
* മലേഷ്യൻ റിംഗിറ്റ് (1 MYR) ₹ 23.53
* ന്യൂസിലാൻഡ് ഡോളർ (1 NZD) ₹ 53.70
* ജാപ്പനീസ് യെൻ (1 JPY) ₹ 0.60
