🌹 ചിന്താ പ്രഭാതം 🌹 – 2024 | ജൂൺ 22 | ശനി ✍ ബേബി മാത്യു അടിമാലി

നമ്മുടെ നിലപാടുകൾ ശരിയെന്ന് നമുക്ക് ഉത്തമ ബോദ്ധ്യമുണ്ടെങ്കിൽ വിമർശനങ്ങളുടെയോ അവഹേളനങ്ങളുടെയോ മുന്നിൽ തളർന്നു പോവുകയോ തലകുനിക്കുകയോ ചെയ്യരുത്.

ഏത്‌ പ്രതിസന്ധി ഘട്ടത്തിലും സാധ്യത കണ്ടെത്തുന്നവനാണ്‌ വിജയി.
ജീവിത വിജയം എന്നു പറയുന്നത് ആകാശത്തേയ്ക്ക് റോക്കറ്റ് കുതിച്ചുയരുന്നതുപോലെയാണ്.

റോക്കറ്റങ്ങനെ മുകളിലേയ്ക്ക് കുതിക്കുമ്പോള്‍ ഭൂമി അതിനൊരു പ്രതിരോധം തീർക്കും . ഭൂമിയുടെ ഗുരുത്വാകര്‍ഷണം റോക്കറ്റിനെ താഴേയ്ക്കു പിടിച്ചു വലിക്കും. ഇതിനെ അതിജീവിക്കാന്‍ സാധിക്കാതെ പല റോക്കറ്റുകളും മുകളിലേയ്ക്ക് കുതിച്ചതിനേക്കാള്‍ വേഗത്തില്‍ താഴേയ്ക്കു നിലം പതിക്കും.
ഇങ്ങനെയുള്ള റോക്കറ്റുകള്‍ ഒരിക്കലും ചരിത്രത്തില്‍ സ്ഥാനം പിടിക്കില്ല.

ഏന്നാല്‍ ചില റോക്കറ്റുകള്‍ ഇതിനെ അതിജീവിച്ച് ഭ്രമണപഥത്തില്‍ എത്തിച്ചേരും അത് ചരിത്രത്തിന്റെ ഭാഗമായി മാറും.

നമ്മളും ജീവിതത്തില്‍ ഉയരുവാന്‍ ശ്രമിക്കുമ്പോള്‍ നമ്മുടെ മനസില്‍ നിറച്ചു വച്ചിരിക്കുന്ന നെഗറ്റീവ് ചിന്താഗതികള്‍. അതുപോലെ നമ്മുടെ സുഹൃത്തുക്കള്‍, സമൂഹം നമ്മിൽ തൊടുത്തു വിടുന്ന കാമ്പില്ലാത്ത വിമർശനങ്ങൾ ഒക്കെ നമ്മെ പലപ്പോഴും താഴോട്ടു പിടിച്ചു വലിക്കും.

ഇതിനേയെല്ലാം അതിജീവിച്ചു പോകുവാന്‍ നമുക്കു വേണ്ടത് പോസിറ്റീവ്‌ ചിന്ത എന്ന ഇന്ധനവും വലിയ ഇച്ഛാശക്തിയുമാണ്. അതുണ്ടെങ്കിൽ വിജയത്തിൽ നമ്മേ പിന്തിരിപ്പിക്കുവാൻ ഒരു ശക്തിക്കും കഴിയുകയില്ല.

ഒത്തിരി ഇഷ്ടത്തോടെ……🙏

🙏 ശുഭദിനാശംസകൾ 🙏

ബേബി മാത്യു അടിമാലി✍