ലഖ്നൗ. ഉത്തർപ്രദേശിൽ പന്ത്രണ്ടുകാരിയെ കൂട്ടബലാത്സംഗം ചെയ്ത് വീട്ടിൽ കെട്ടിത്തൂക്കിയ സംഭവത്തിൽ നാലുപേർ അറസ്റ്റിൽ. വെള്ളിയാഴ്ചയാണ് ബലിയ ഗ്രാമത്തിൽ പെൺകുട്ടിയെ കൊലപ്പെടുത്തിയത്. മാതാപിതാക്കൾ ജോലി കഴിഞ്ഞ് തിരിച്ചെത്തിയപ്പോഴാണ്
മകളെ കെട്ടിത്തൂക്കിയ നിലയിൽ കണ്ടെത്തിയത്.
ബന്ധുവിനെതിരെ ലൈംഗിക അതിക്രമം നടത്തിയ കേസിൽ സാക്ഷിയായിരുന്നു പന്ത്രണ്ടുകാരി. കേസിൽ മൊഴി നൽകാനിരിക്കെയാണ് കൊലപാതകം. ഇതിലെ പ്രതികൾ തന്നെയാണ് മമകളെ കൊലപ്പെടുത്തിയതെന്നാണ് അമ്മയുടെ ആരോപണം. പൊലീസ് അന്വേഷണം തുടങ്ങി. സംഭവത്തിൽ പ്രതിഷേധിച്ച്
പ്രദേശത്ത് ഭീം ആർമി പ്രവർത്തകർ പ്രതിഷേധിച്ചു.



