Tuesday, May 21, 2024
Homeകേരളംഒരു കിലോ ചേനയുടെ വില 32 ലക്ഷം രൂപയും 60 പവന്‍ സ്വര്‍ണവും

ഒരു കിലോ ചേനയുടെ വില 32 ലക്ഷം രൂപയും 60 പവന്‍ സ്വര്‍ണവും

കൊല്ലം —ഒരു കിലോ ചേനയുടെ വില 32 ലക്ഷം രൂപയും 60 പവന്‍ സ്വര്‍ണവും വില വരുന്ന അത്ഭുതചേനയാണ് കൊല്ലത്തു അനുഗ്രഹത്തിനായി വിൽക്കുന്നത്. കൊല്ലത്ത് ഒരു ചേനയ്ക്കായി മൂന്ന് സ്ത്രീകള്‍ നല്‍കിയത് 32 ലക്ഷം രൂപയും 60 പവന്‍ സ്വര്‍ണവുമാണ്.

ഒരു ചേനയ്ക്ക് ഇത്ര വിലയോ എന്ന് നിങ്ങള്‍ ചിന്തിക്കുന്നുണ്ടോ. ഇത് സാധാരണ ചേനയല്ല. സ്വര്‍ണ ചേനയ്ക്ക് വേണ്ടിയാണ് 32 ലക്ഷം രൂപയും 60 പവന്‍ സ്വര്‍ണവും നല്‍കിയത്. കൊല്ലം തൊടിയൂര്‍ സ്വദേശിനിയായ അമ്പിളിയെയും ഇവരുടെ ബന്ധുക്കളായ ഗീത, രോഹിണി എന്നിവരുമാണ് സ്വര്‍ണ ചേന പ്രതീക്ഷിച്ച് പണം മുടക്കിയത്. 2023 ഫെബ്രുവരി മുതല്‍ പല തവണകളായി താലിപൂജയ്‌ക്കെന്ന പേരില്‍ പണവും സ്വര്‍ണവും നല്‍കി വരുകയായിരുന്നു. എന്നാല്‍ ഒരു വര്‍ഷം കഴിഞ്ഞപ്പോഴാണ് മൂവരും തട്ടിപ്പ് തിരിച്ചറിഞ്ഞത്.

തുടര്‍ന്ന് അമ്പിളി കരുനാഗപ്പള്ളി പൊലീസില്‍ നല്‍കിയ പരാതിയുടെ അടിസ്ഥാനത്തില്‍ അന്വേഷണം ആരംഭിച്ചു. പിന്നാലെ സ്വര്‍ണ ചേന വാഗ്ദാനം ചെയ്ത് തട്ടിപ്പ് നടത്തിയ കൊല്ലം തേവലക്കര കരീച്ചികിഴക്കതില്‍ രേഷ്മയെ പൊലീസ് പിടികൂടുകയായിരുന്നു. തട്ടിപ്പിന് രേഷ്മയെ സഹായിച്ചവര്‍ക്കായും പൊലീസ് അന്വേഷണം ആരംഭിച്ചിട്ടുണ്ട്.

RELATED ARTICLES

LEAVE A REPLY

Please enter your comment!
Please enter your name here

Most Popular

Recent Comments