വീണാ വിജയനെതിരായ ഇഡി ആരോപണങ്ങൾക്കും കള്ളപ്പണ പ്രചാരണങ്ങൾക്കുമെതിരെ രൂക്ഷമായ പ്രതികരണവുമായി സിപിഎം നേതാവ് പി.എ. മുഹമ്മദ് റിയാസ് രംഗത്തെത്തി. ഇഡി ചോദ്യം ചെയ്യലിൽ കള്ളപ്പണമാണെന്ന് വീണ അംഗീകരിച്ചുവെന്നത് പൂർണമായും വ്യാജ പ്രചാരണമാണെന്ന് വ്യക്തമാക്കിയ അദ്ദേഹം, ഇത്തരം കഥകൾ മെനയുന്നവർക്ക് മികച്ച തിരക്കഥയ്ക്കുള്ള അവാർഡ് നൽകണമെന്നും പരിഹസിച്ചു.
സിപിഎം സംസ്ഥാന സമിതി സമാപിക്കുന്ന ദിവസം തന്നെ ഇത്തരം വാർത്തകൾ പുറത്തുവിടുന്നത് രാഷ്ട്രീയ ലക്ഷ്യത്തോടെയാണെന്നും, കേന്ദ്ര ഏജൻസികളുടെ നടപടികളെ നിയമപരമായി നേരിടുമെന്നും റിയാസ് കോഴിക്കോട്ട് വ്യക്തമാക്കി. ഒപ്പുവെച്ച രേഖകളിലെ കാര്യങ്ങൾ സമ്മതിച്ചു എന്നതിന്റെ തെളിവല്ലെന്നും, ഇത്തരം രാഷ്ട്രീയ വേട്ടയാടലുകളെ ഭയപ്പെടില്ലെന്നും അദ്ദേഹം കൂട്ടിച്ചേർത്തു.
