പൂഞ്ഞാർ: കനത്ത മഴയെ തുടർന്നുണ്ടായ മണ്ണിടിച്ചിലിൽ വീടിന് മേൽ മണ്ണ് വീണ് പൂഞ്ഞാർ കൈപ്പള്ളി പയ്യാനിത്തോട്ടത്ത് ജോസഫിൻ ജോണി മരണപ്പെട്ടു. കനത്ത മഴയെ തുടർന്ന് വീടിന് സമീപത്തുനിന്ന് മണ്ണ് ഇടിഞ്ഞുവീണ് വീട് തകർന്നതോടെയാണ് അപകടമുണ്ടായത്.
സംഭവത്തെ തുടർന്ന് ഫയർഫോഴ്സ്, പൊലീസ്, റവന്യൂ അധികൃതർ എന്നിവർ സ്ഥലത്തെത്തി രക്ഷാപ്രവർത്തനങ്ങൾ നടത്തിയെങ്കിലും രക്ഷിക്കാനായില്ല .തുടർന്ന് മൃതദേഹം കണ്ടെത്തി. പ്രദേശത്ത് ശക്തമായ മഴ തുടരുന്നതിനാൽ കൂടുതൽ മണ്ണിടിച്ചിൽ സാധ്യതയുണ്ടെന്ന് അധികൃതർ മുന്നറിയിപ്പ് നൽകിയിട്ടുണ്ട്.
