Thursday, June 20, 2024
Homeകേരളംആദ്യകുർബാന ചടങ്ങിനെത്തിയ യുവാവിനെ കുത്തിമലർത്തി യുവാവ്; ജീവൻ നഷ്ടമായത് പാല സ്വദേശിയായ 26കാരന്.

ആദ്യകുർബാന ചടങ്ങിനെത്തിയ യുവാവിനെ കുത്തിമലർത്തി യുവാവ്; ജീവൻ നഷ്ടമായത് പാല സ്വദേശിയായ 26കാരന്.

കോട്ടയം: പാലായിൽ ചീട്ടുകളിയെ തുടർന്നുണ്ടായ വാക്കു തർക്കത്തിൽ യുവാവിനെ കുത്തിക്കൊന്നു. പാലാ കൊല്ലപ്പള്ളി മങ്കര സ്വദേശി ലിബിൻ ജോസ് (26) ആണ് മരിച്ചത്.

പാലാ മങ്കര ഭാഗത്ത് ബന്ധുവിന്‍റെ കുട്ടിയുടെ ആദ്യകുർബാന ചടങ്ങിന് എത്തിയതാണ് ലിബിനും സുഹൃത്തുക്കളും. അവിടെ വച്ച് നടന്ന ചീട്ടുകളിക്കിടെ ലിബിൻ പാലാ സ്വദേശിയുമായി വാക്ക് തർക്കത്തിൽ ഏർപ്പെട്ടുകയും അത് കൊലപാതകത്തിൽ കലാശിക്കുകയുമായിരുന്നു. തുടർന്ന് കത്രിക കൊണ്ട് ലിബിനെ കുത്തിക്കൊലപ്പെടുത്തുകയായിരുന്നു.

ഒരു സ്ത്രീ അടക്കം മൂന്നുപേർക്ക് അക്രമത്തിൽ പരിക്കേറ്റു. ഇന്നലെ രാത്രി മദ്യപാനവും ചീട്ടുകളിയും നടക്കുന്നതിനിടെയായിരുന്നു വാക്കുതർക്കവും സംഘട്ടനവും ഉണ്ടായതെന്നാണ് ദൃക്സാക്ഷികൾ പറയുന്നത്.

ഇന്നു പുലർച്ചെ ഒരു മണിയോടെയായിരുന്നു സംഭവം. ലിബിനെ കുത്തിയ അഭിലാഷും പരിക്കേറ്റ് ആശുപത്രിയിലാണ്. സംഭവത്തില്‍ കേസെടുത്ത പൊലീസ് അന്വേഷണം ആരംഭിച്ചു.

RELATED ARTICLES

LEAVE A REPLY

Please enter your comment!
Please enter your name here

Most Popular

Recent Comments