പയ്യോളി :തിക്കോടിയില് കടലില് ഇറങ്ങിയ രണ്ട് സ്ത്രീകളടക്കം നാലു പേര് തിരയില്പ്പെട്ട് മരിച്ചു.
വയനാട് കല്പ്പറ്റ സ്വദേശികളും,ജിമ്മിലെ വനിത ട്രെയിനര്മാര് ഉള്പ്പെടെയുള്ള സംഘമാണ് അപകടത്തില്പ്പെട്ടത്. മുണ്ടേരി സ്വദേശി ഫൈസല്, കല്പ്പറ്റ നോര്ത്ത് സിപിഎം ലോക്കല് കമ്മിറ്റി അംഗം വിനീഷ് (40), അനീസ (35), വാണി (32) എന്നിവരാണ് മരിച്ചത്.
ജിൻസി എന്ന സ്ത്രീയെ പരിക്കുകളോടെ കൊയിലാണ്ടി താലൂക്ക് ആശുപത്രിയില് പ്രവേശിപ്പിച്ചു
അപകടത്തില്പ്പെട്ട ഒരാളെ രക്ഷപ്പെടുത്തി ആശുപത്രിയില് പ്രവേശിപ്പിച്ചു. കല്പ്പറ്റയിലെ ജിമ്മില് ഒരുമിച്ച് പരിശീലനം നടത്തുന്നവരാണ് അപകടത്തില്പ്പെട്ടത്.
ഇന്ന് വൈകിട്ടോടെ തിക്കോടി കല്ലകത്ത് ബീച്ചിലാണ് ദാരുണാപകടം ഉണ്ടായത്.
അവധി ദിവസമായ ഞായറാഴ്ച ഇവര് രാവിലെയാണ് കോഴിക്കോട്ടേക്ക് ടൂര് പോയതായിരുന്നു. വയനാട്ടിലേക്ക് തിരികെ വരുമ്പോൾ ബീച്ചില് കയറിയപ്പോള് ആയിരുന്നു അപകടം. അവധിയായതിനാല് ബീച്ചില് നല്ല തിരക്കുണ്ടായിരുന്നു.
