പയ്യോളി :പ്രദേശ വാസികളുടെ വാക്ക് അവഗണിച്ചു,കടലിൽ ഇറങ്ങരുതെന്ന് നാട്ടുകാർ ആവർത്തിച്ചു പറഞ്ഞെങ്കിലും കൈകോര്ത്ത് അവർ അഞ്ച് പേർ കടലിലേക്ക് ഇറങ്ങി.കടലോര മേഖലയിലെ അനുഭവ സമ്പത്തുളളവരെ അവഗണിച്ചതാണ് തിക്കോടിയില് തിരയില്പ്പെടാൻ കാരണമായതെന്ന് നാട്ടുകാർ പറയുന്നു.കല്പ്പറ്റ ബോഡി ഷേപ്പ് എന്ന ജിമ്മിലെ അംഗങ്ങളായിരുന്നു കടല് ഉള്വലിഞ്ഞുകിടക്കുന്നതടക്കം നാട്ടുകാര് മുന്നറിയിപ്പ് നല്കിയിരുന്നെങ്കിലും സംഘം അതുവകവെച്ചില്ലെന്ന് പറയുന്നു.കല്പ്പറ്റ ബോഡി ഷേപ്പ് എന്ന ജിമ്മിലെ അംഗങ്ങളായ ഇവർ കൈകള് കോര്ത്താണ് അഞ്ച് പേര് കടലില് ഇറങ്ങിയത്.
ഇന്നലെ വൈകിട്ട് നാല് മണിയോടെയായിരുന്നു സംഭവം നടന്നത്. ജിമ്മിലെ 25 അംഗങ്ങളായിരുന്നു കടൽ കാണാൻ എത്തിയത്. ഇതിനിടെ വയനാട് കല്പ്പറ്റ സ്വദേശികളായ വാണി, അനീസ, വിനീഷ്, ഫൈസല്, ജിന്സി എന്നിവർ കടലിൽ ഇറങ്ങി. നാല് പേര് തിരയില്പ്പെട്ട് ഒലിച്ചുപോയി. ഇതിനിടെ ജിന്സി അത്ഭുതകരമായി രക്ഷപ്പെടുകയായിരുന്നു. നാട്ടുകാരും മത്സ്യത്തൊഴിലാളികളും നടത്തിയ തിരച്ചിലില് മൂന്ന് പേരെ കരയില് എത്തിച്ചു. ഇവരെ ഉടൻ തന്നെ കൊയിലാണ്ടി താലൂക്ക് ആശുപത്രിയിൽ എത്തിച്ചെങ്കിലും മരണം സംഭവിക്കുകയായിരുന്നു. ഒരു മണിക്കൂർ കഴിഞ്ഞാണ് നാലാമത്തെയാളെ കടലിലെ പാറയിൽ തങ്ങിനിൽക്കുന്ന നിലയിൽ കണ്ടെത്തിയത്.
ഹരിതഗിരി ഹോട്ടൽ മാനേജർ അമ്പിലേരി സ്വദേശി സതീശൻ്റെ ഭാര്യയാണ് മരിച്ച വാണി. അനീസ ജിം ട്രെയിനറാണ്. പ്രാദേശിക രാഷ്ട്രീയ നേതാവാണ് ബിനീഷ്. മൂന്ന് പേരുടെ മൃതദേഹം കൊയിലാണ്ടി താലൂക്ക് ആശുപത്രിയിലും ഒരാളുടെ മൃതദേഹം സ്വകാര്യ ആശുപത്രിയിലുമാണ്. കടലിൽ ഇറങ്ങരുതെന്ന് സംഘത്തിന് നാട്ടുകാർ മുന്നറിയിപ്പ് നൽകിയിരുന്നുവെന്ന് തിക്കോടി പഞ്ചായത്ത് പ്രസിഡന്റ് ജമീല സമദ് പറഞ്ഞു. കടൽ ഉൾവലിഞ്ഞതും ആഴവും അടിയൊഴുക്കും അപകടത്തിന്റെ വ്യാപ്തി കൂട്ടിയെന്നും ജമീല സമദ് ചൂണ്ടിക്കാട്ടി.
