തിരുവനന്തപുരം; മെഡിക്കല് കോളേജിലെ ഡോ. അഭിരാമിയുടെ ആത്മഹത്യയില് മെഡിക്കല് കോളേജ് പൊലീസ് അന്വേഷണം ആരംഭിച്ചു.
അമിത അളവില് അനസ്തേഷ്യ മരുന്ന് കുത്തി വച്ചതാണ് മരണകാരണമെന്നായിരുന്നു പ്രാഥമിക നിഗമനം.പോസ്റ്റ് മോര്ട്ടം നടപടികള്ക്ക് ശേഷം കൂടുതല് കാര്യങ്ങള് വ്യക്തമാകും. ആത്മഹത്യക്ക് ആരും ഉത്തരവാദിക ഇല്ല എന്ന് കാണിക്കുന്ന തരത്തിൽ മുറിയിൽ നിന്നും കത്ത് കണ്ടെത്തിയതായി സൂചനയുണ്ട്.
എന്നാൽ അഭിരാമിയെ ആത്മഹത്യയിലേക്ക് നയിച്ച കാരണം എന്താണ് എന്ന് വ്യക്തമല്ല. 6 മാസം മുന്പായിരുന്നു അഭിരാമിയുടെ വിവാഹം കഴിഞ്ഞത്. കുടുംബ പ്രശ്നങ്ങളോ മറ്റ് എന്തെങ്കിലുമാണോ ആത്മഹത്യക്ക് കാരണം എന്നും പരിശോധിക്കും. പൊലീസ് അസ്വഭാവിക മരണത്തിനു കേസെടുത്തിട്ടുണ്ട്.
കഴിഞ്ഞ ദിവസം വൈകിട്ട് ആയിരുന്നു മെഡിക്കല് കോളേജിന് സമീപമുള്ള ഫ്ലാറ്റില് അഭിരാമിയെ മരിച്ച നിലയില് കണ്ടെത്തിയത്. വെള്ളനാട് സ്വദേശിയായ അഭിരാമി തിരുവനന്തപുരം മെഡിക്കല് കോളേജ് ആശുപത്രിയില് സീനിയര് റെസിഡന്റ് ഡോക്ടര് ആയി പ്രവര്ത്തിക്കുകയാണ്.
