Friday, November 20, 2026
Homeകേരളംചാലിയാറിൽ മീൻപിടിക്കാനിറങ്ങിയ സൈനികനെ കാണാതായി.

ചാലിയാറിൽ മീൻപിടിക്കാനിറങ്ങിയ സൈനികനെ കാണാതായി.

കോഴിക്കോട്: ചാലിയാറിൽ മീൻപിടിക്കാനിറങ്ങിയ സൈനികനെ കാണാതായി. പെരുവയൽ മുണ്ടക്കൽ സ്വദേശിയും സൈനികനുമായ സുധീഷിനെയാണ് കാണാതായത്. മൂന്ന് ദിവസം മുമ്പാണ് സുധീഷ് അവധിക്ക് നാട്ടിലെത്തിയത്. ശനിയാഴ്ച വൈകിട്ട് അഞ്ചുമണിയോടെയായിരുന്നു സംഭവം.

മീൻപിടിക്കാനായി വല വീശുന്നതിനിടെ കാൽവഴുതി റെഗുലേറ്റർ കം ബ്രിഡ്ജിന്റെ പടിഞ്ഞാറുഭാഗത്തെ പുഴയിലേക്ക് വീഴുകയായിരുന്നുവെന്നാണ് നാട്ടുകാർ നൽകുന്ന വിവരം. റെഗുലേറ്ററിന്റെ ഷട്ടറുകൾ തുറന്നിരുന്നതിനാൽ പുഴയിൽ ശക്തമായ കുത്തൊഴുക്കുണ്ടായിരുന്നു. വെള്ളത്തിൽ വീണ സുധീഷ് പെട്ടെന്ന് തന്നെ ഒഴുക്കിൽപ്പെടുകയായിരുന്നു.

വിവരമറിഞ്ഞ് മാവൂർ അഗ്നിരക്ഷാസേനയും സ്കൂബാ സംഘവും സ്ഥലത്തെത്തി ഉടൻ തന്നെ തിരച്ചിൽ ആരംഭിച്ചിരുന്നു റെഗുലേറ്റർ കം ബ്രിഡ്ജിന്റെ ഷട്ടറുകൾ അടച്ച ശേഷമാണ് തിരച്ചിൽ നടപടികൾ എന്നാൽ പ്രതികൂല കാലാവസ്ഥയും കലങ്ങിയ വെള്ളവും രക്ഷാപ്രവർത്തനത്തിന് വലിയ തടസ്സം വന്നു ഞായറാഴ്ച രാവിലെ വീണ്ടും ആരംഭിക്കുമെന്നും മാവൂർ അഗ്നിരക്ഷാസേന അറിയിച്ചു. മഴക്കാലത്ത് പുഴകളിൽ ശക്തമായ നീരൊഴുക്കുള്ളതിനാൽ മത്സ്യബന്ധനത്തിനായി ഇറങ്ങുന്നവർ അതീവ ജാഗ്രത പാലിക്കണമെന്ന് അധികൃതർ മുന്നറിയിപ്പ് നൽകി.

RELATED ARTICLES

Most Popular

Recent Comments

ആനി . പി. സെബാസ്റ്റ്യൻ, മംഗരയിൽ, കൂടരഞ്ഞി, കോഴിക്കോട് on കനൽജ്വാല പോലൊരു കാൽവരിപ്പൂവ് (കഥ) ✍ റോമി ബെന്നി
മോഹൻദാസ് അക്ഷരക്കൂട്ട് on 🌸 ഓണം ഓർമ്മകൾ 🌸 ✍അജി സുരേന്ദ്രൻ
അച്യുതൻകുട്ടി പുത്തൻവീട്ടിൽ on കാർഡുകൾ (കഥ) ✍ പി. ചന്ദ്രശേഖരൻ