Friday, November 20, 2026
Homeകേരളംഎൽപിഎസ്ടി ഉദ്യോഗാർത്ഥികൾ സമരം കടുപ്പിക്കുന്നു; നിരാഹാരമിരിക്കുന്ന എം ജയകൃഷ്ണൻ തലമുണ്ഡനം ചെയ്ത് പ്രതിഷേധം ആരംഭിച്ചു.

എൽപിഎസ്ടി ഉദ്യോഗാർത്ഥികൾ സമരം കടുപ്പിക്കുന്നു; നിരാഹാരമിരിക്കുന്ന എം ജയകൃഷ്ണൻ തലമുണ്ഡനം ചെയ്ത് പ്രതിഷേധം ആരംഭിച്ചു.

തിരുവനന്തപുരം : സെക്രട്ടേറിയറ്റിന് മുന്നിൽ സംസ്ഥാന സർക്കാരിനെതിരെ സമരം കടുപ്പിച്ച് എൽപിഎസ്ടി ഉദ്യോഗാർത്ഥികൾ. നിരാഹാരമിരിക്കുന്ന ഉദ്യോഗാർത്ഥി എം ജയകൃഷ്ണൻ തലമുണ്ഡനം ചെയ്ത് പ്രതിഷേധം ആരംഭിച്ചു. എസ് വളർമതിയും സമരപന്തലിൽ ഉണ്ടായിരുന്നു. ജയകൃഷ്ണന്റെ നിരാഹാര സമരം പത്താം ദിവസം പിന്നിട്ടിരുന്നു. ഉദ്യോഗാർത്ഥികളുടെ അനിശ്ചിതകാല സമരം 138-ാം ദിവസത്തിലേക്ക് കടന്നു.

മുഖ്യമന്ത്രി ഇന്നും കരയുമോ എന്നറിയില്ല, അദ്ദേഹത്തിന് കരച്ചിൽ വരാതിരിക്കട്ടെ, മുഖ്യമന്ത്രി കരയുന്നത് ഞങ്ങൾക്ക് ഇഷ്ടമല്ലെന്ന് എം ജയകൃഷ്ണൻ പറഞ്ഞു. സർക്കാർ പൊതുജനങ്ങളെ തെറ്റിദ്ധരിപ്പിക്കുകയാണ്. ചർച്ചക്ക് വഴിയൊരുക്കിയത് മുഖ്യമന്ത്രി. എന്നാൽ തടസം നിന്നത് മുഖ്യമന്ത്രി കൈകാര്യം ചെയുന്ന ധനവകുപ്പാണെന്ന് ജയകൃഷ്ണൻ പറഞ്ഞു.

ചർച്ച സർക്കാരിന്റെ മുഖം രക്ഷിക്കാനുള്ള കേവലം നാടകമാണ്. നിരാഹാരം ഇരിക്കുന്നവരോട് ഒരാഴ്ച സമയം ചോദിക്കുന്നത് നീതികേടാണെന്ന് ജയകൃഷ്ണൻ പറഞ്ഞു. ആരോഗ്യ പ്രശ്നങ്ങളാൽ നിരാഹാരം സമരം അവസാനിപ്പിക്കുകയാണെന്ന് എം ജയകൃഷ്ണൻ അറിയിച്ചു. ജീവൻ രക്ഷിക്കാൻ സർക്കാരിനെ കൊണ്ട് ആകുന്നില്ലെന്നും ഇത് സമരത്തിന് പിന്നോട്ട് പോകുന്നു എന്നല്ല അർഥമെന്നും ജയകൃഷ്ണൻ വ്യക്തമാക്കി.

ജീവനു വിലയില്ലാത്ത സർക്കാറിനു മുന്നിൽ എന്തിന് നിരാഹാരമിരിക്കുന്നുവെന്ന് ആളുകൾ ചോദിക്കുന്നുണ്ടെന്ന് അദ്ദേഹം കൂട്ടിച്ചേർത്തു. ജയകൃഷ്ണൻ മാത്രമാണ് നിലവിൽ നിരാഹാരം അവസാനിപ്പിച്ചത്. എസ്‌ വളർമതി നിരാഹാരം തുടരും.

RELATED ARTICLES

Most Popular

Recent Comments

ആനി . പി. സെബാസ്റ്റ്യൻ, മംഗരയിൽ, കൂടരഞ്ഞി, കോഴിക്കോട് on കനൽജ്വാല പോലൊരു കാൽവരിപ്പൂവ് (കഥ) ✍ റോമി ബെന്നി
മോഹൻദാസ് അക്ഷരക്കൂട്ട് on 🌸 ഓണം ഓർമ്മകൾ 🌸 ✍അജി സുരേന്ദ്രൻ
അച്യുതൻകുട്ടി പുത്തൻവീട്ടിൽ on കാർഡുകൾ (കഥ) ✍ പി. ചന്ദ്രശേഖരൻ