പിണറായി വിജയന്‍ രക്ഷപ്പെട്ടില്ലെന്നും സുപ്രീം കോടതി ED-യെ തള്ളി എന്നൊക്കെ പ്രചരിക്കുന്നത് തെറ്റാണെന്നും ഷോൺ ജോര്‍ജ്ജ്. ഇപ്പോള്‍ രജിസ്റ്റര്‍ ആയ ECR-നോ FIR-നോ ഒരു തടസ്സവും സുപ്രീം കോടതി പറഞ്ഞിട്ടില്ല. കേരള ഹൈക്കോടതി ഡിവിഷന്‍ ബെഞ്ച് പിണറായി വിജയന്റെ അപ്പീല്‍ കൊടുക്കാനുള്ള ലീവ് പെറ്റീഷന്‍ തള്ളിയിരുന്നു. ആ അപ്പീല്‍ കേള്‍ക്കണം എന്ന ആവശ്യം മാത്രമാണ് ഇപ്പോള്‍ സുപ്രീം കോടതി പരിഗണിച്ചത്.
ഈ കേസില്‍ സംസ്ഥാന സര്‍ക്കാര്‍ സ്വീകരിച്ച നടപടികളെ സുപ്രീം കോടതി രൂക്ഷമായി വിമര്‍ശിച്ചുവെന്നും ഷോണ്‍ പറഞ്ഞു. സിംഗിള്‍ ബെഞ്ചില്‍ എടുത്ത അതേ നിലപാട് തന്നെ ഡിവിഷന്‍ ബെഞ്ചിലും എടുത്തതില്‍ കൃത്യമായ നിലപാടില്ലായ്മ ഉണ്ടെന്നാണ് കോടതി നിരീക്ഷിച്ചത്. കേരളത്തില്‍ ഈ അന്വേഷണം നടക്കാതിരിക്കാന്‍ രാഹുല്‍ ഗാന്ധിയുടെ നിര്‍ദ്ദേശപ്രകാരം VD സതീശനും സര്‍ക്കാരും ശ്രമിച്ചു എന്നും, ഡല്‍ഹിയിലെ സമരങ്ങളുടെ പശ്ചാത്തലത്തില്‍ വിള്ളല്‍ ഉണ്ടാകാതിരിക്കാനാണ് ഇത് എന്നും അദ്ദേഹം ആരോപിക്കുന്നു. പിണറായിയെ അഴിമതി കേസില്‍ നിന്ന് രക്ഷിക്കാന്‍ CPM-ന് കോണ്‍ഗ്രസ് ഒത്താശ ചെയ്യുന്നു എന്നാണ് BJP ആരോപിക്കുന്നത്.
