മുംബൈ –/മഹാരാഷ്ട്രയിലെ ഹിംഗോലി നഗരത്തിൽ വ്യാഴാഴ്ച പുലർച്ചെ പത്തു മിനിറ്റിനുള്ളിൽ രണ്ട് ഭൂചലനങ്ങൾ അനുഭവപ്പെട്ടു. നാഷണൽ സെൻ്റർ ഫോർ സീസ്മോളജി അനുസരിച്ച്, റിക്ടർ സ്കെയിലിൽ 4.5 തീവ്രത രേഖപ്പെടുത്തിയ ആദ്യത്തെ ഭൂചലനം രാവിലെ 06.08 ന് അനുഭവപ്പെട്ടു. നഗരത്തിൽ 10 കിലോമീറ്റർ താഴ്ചയിലാണ് ഭൂചലനം അനുഭവപ്പെട്ടത്.
രാവിലെ 6.19ഓടെയാണ് രണ്ടാമത്തെ ഭൂചലനം അനുഭവപ്പെട്ടത്. 10 കിലോമീറ്റർ ആഴത്തിൽ റിക്ടർ സ്കെയിലിൽ 3.6 രേഖപ്പെടുത്തിയതായി നാഷണൽ സെൻ്റർ ഫോർ സീസ്മോളജി അറിയിച്ചു. ഭൂചലനത്തിൽ നാശനഷ്ടങ്ങളോ ജീവഹാനിയോ ഉണ്ടായതായി റിപ്പോർട്ടില്ല. ജനങ്ങൾ പരിഭാന്ത്രരാകേണ്ടന്നു ഉദ്യോഗസ്ഥർ അറിയിച്ചു
