ശ്രീനഗർ : ജമ്മുകശ്മീരിലെ അനന്ത്നാഗ്-രജൗരി മണ്ഡലത്തിൽ നിന്നും ലോക്സഭാ തിരഞ്ഞെടുപ്പിൽ മത്സരിക്കുമെന്ന് പീപ്പിൾസ് ഡെമോക്രാറ്റിക് പാർട്ടി വ്യക്തമാക്കി. പിഡിപി മേധാവി കൂടിയായ മെഹബൂബ മുഫ്തി ആണ് അനന്ത്നാഗ്-രജൗരി മണ്ഡലത്തിൽ സ്ഥാനാർത്ഥിയാകുന്നത്. ഗുലാം നബി ആസാദിനെതിരെ ആണ് മെഹബൂബ മുഫ്തി മത്സരിക്കുന്നത്.
അനന്ത്നാഗ്-രജൗരി മണ്ഡലത്തിൽ കൂടാതെ ശ്രീനഗറിലും ബാരാമുള്ളയിലും മത്സരിക്കുമെന്നും പിഡിപി വ്യക്തമാക്കിയിട്ടുണ്ട്. ശ്രീനഗറിൽ നിന്ന് വഹീദ് പാരയും ബാരാമുള്ളയിൽ നിന്ന് ഫയാസ് മിറും ആണ് പിഡിപി സ്ഥാനാർത്ഥികൾ ആകുന്നത്. എന്നാൽ ഉധംപൂരിലും ജമ്മുവിലും സ്ഥാനാർത്ഥികളെ നിർത്തില്ല എന്നും കോൺഗ്രസിനെ പിന്തുണയ്ക്കുമെന്നും പിഡിപി അറിയിച്ചു.
