ഹനോയ്: മിസ് വേൾഡ് കിരീടം ചൂടി ഡൊമിനിക്കൻ റിപ്പബ്ലിക്കിന്റെ ജൊഹെയ്റി മോള. വിയറ്റ്നാമിൽ നടന്ന മിസ് വേൾഡ് 2026 സൗന്ദര്യമത്സരത്തിലാണ് ജൊഹെയ്റി ജേതാവായത്. കഴിഞ്ഞവർഷത്തെ മിസ് വേൾഡായ തായ്ലാൻഡിന്റെ ഓപൽ സുചാത ചുവാങ്സ്രി ജൊഹെയ്റിയെ മിസ് വേൾഡ് കിരീടമണിയിച്ചു.
സ്പെയിനിന്റെ എലിസബത്ത് റെയ്ൻസ് ആണ് മത്സരത്തിൽ രണ്ടാമതെത്തിയത്. മലേഷ്യയുടെ താനുസിയ ചെട്ടി മൂന്നാംസ്ഥാനം നേടി. ഇന്ത്യയിൽനിന്ന് മത്സരത്തിൽ പങ്കെടുത്ത നികിത പോർവാൽ മത്സരത്തിലെ ടോപ് 40-യിൽ ഇടംനേടി. എന്നാൽ, നികിതയ്ക്ക് അടുത്തഘട്ടമായ ടോപ് 20-യിൽ ഇടംനേടാനായില്ല.
