📱വാർത്തകൾ ഒറ്റനോട്ടത്തിൽ📱 – 2026 | ഓഗസ്റ്റ് 16 | ഞായർ ✍️ കപിൽ ശങ്കർ

🔹സര്‍ക്കാര്‍ ജീവനക്കാരുടേയും അദ്ധ്യാപകരുടേയും ബോണസ് പരിധി വി.ഡി.സതീശന്‍ സര്‍ക്കാര്‍ വര്‍ദ്ധിപ്പിച്ചു. 4500 രൂപ ബോണസും 20,000 രൂപ ശമ്പള അഡ്വാന്‍സുമാണ് അനുവദിച്ചത്. അഡ്വാന്‍സ് ഒക്ടോബര്‍ മുതല്‍ അഞ്ച് തുല്യഗഡുക്കളായി തിരിച്ചടയ്ക്കണം.

🔹കോഴിക്കോട് കോര്‍പ്പറേഷനില്‍ സ്വാതന്ത്ര്യദിനാഘോഷത്തിനിടെ ദേശീയഗാനത്തോട് അനാദരം. ഔദ്യോഗിക ചടങ്ങില്‍ പതാക ഉയര്‍ത്തിയ ശേഷം മേയറുടെ നേതൃത്വത്തില്‍ എല്‍ഡിഎഫ് കൗണ്‍സിലര്‍മാര്‍ ദേശീയഗാനം ആലപിച്ചപ്പോള്‍ മറുവശത്ത് ബിജെപി കൗണ്‍സിലര്‍മാര്‍ വന്ദേമാതരം ചൊല്ലി. തങ്ങള്‍ വന്ദേമാതരം ആലപിക്കുന്നതിനിടെ ദേശീയഗാനം ആലപിച്ച് അനാദരം കാണിച്ചെന്ന് ബിജെപി പോലീസില്‍ പരാതി നല്‍കി.

🔹ഇടതുപക്ഷം എതിർത്തതുകൊണ്ടാണ് വന്ദേമാതരം പാടാത്തതെന്ന എ എ റഹീമിന്റെ പ്രസ്താവനയിൽ മറുപടിയുമായി മന്ത്രി കെ മുരളീധരൻ. റഹീം ഇമ്മാതിരി തള്ള് തള്ളരുതെന്ന് കെ മുരളീധരൻ പരിഹസിച്ചു. അതേ സമയം എഐസിസി ആസ്ഥാനത്ത് വന്ദേമാതരം മുഴുവൻ പാടിയത്, ദേശീയ നേതൃത്വം ആണ് നിലപാട് വ്യക്തമാക്കേണ്ടതെന്നും അദ്ദേഹം പറഞ്ഞു.News

🔹മുഖ്യമന്ത്രി വി.ഡി. സതീശനെ വിമര്‍ശിക്കുന്ന പോസ്റ്റുകള്‍ നീക്കം ചെയ്തത് ആരും ആവശ്യപ്പെടാതെയാണെന്നും സംഭവിച്ചത് സാങ്കേതിക പിഴവാണെന്നും മെറ്റ. മുഖ്യമന്ത്രിയെ വിമര്‍ശിക്കുന്നതടക്കമുള്ള പോസ്റ്റുകള്‍ സോഷ്യല്‍മീഡിയില്‍നിന്നു നീക്കം ചെയ്തതില്‍ കേരള പൊലീസ് വിശദീകരണം തേടിയിരുന്നു.

‎🔹തിരഞ്ഞെടുപ്പ് കാലത്ത് പൂഞ്ഞാറിൽ നാലരക്കോടി രൂപ ബിജെപി നേതൃത്വം നൽകിയിരുന്നുവെന്നും ബിജെപി നേതൃത്വം അനുവദിച്ച പണം നേതാക്കൾ തട്ടിയെടുത്തുവെന്നും പിസി ജോർജ്. കഴിഞ്ഞ മാസം എരുമേലിയിൽ നടന്ന പ്രസംഗത്തിലാണ് പിസി ജോർജ് തട്ടിപ്പിനെ കുറിച്ച് പരാമർശിച്ചത്.

🔹‎നാലര കോടി എത്തിയെന്ന വെളിപ്പെടുത്തലിൽ ബിജെപി സംസ്ഥാന നേതൃത്വം അതൃപ്തി പ്രകടിപ്പിച്ചതോടെ പറഞ്ഞത് മുഴുവൻ പി സി ജോർജ് മാറ്റിപ്പറഞ്ഞു. പൂഞ്ഞാറിൽ ഇലക്ഷന് ഫണ്ട്‌ എന്താണെന്ന് പോലും തനിക്ക് അറിയില്ലെന്നും ബിജെപിയുടെ രണ്ട് പ്രാദേശികനേതാക്കൾ നാലരക്കോടി രൂപ വന്നെന്ന് തന്നെ തെറ്റിദ്ധരിപ്പിക്കുകയായിരുന്നുവെന്നുമാണ് പിസി ജോർജ് ഇപ്പോൾ പറയുന്നത്.

🔹സംസ്ഥാന ദുരന്ത നിവാരണ അതോറിറ്റി ഐഐറ്റി റോപാറുമായി സഹകരിച്ച് കേരളത്തില്‍ 51 ഓട്ടോമാറ്റിക് കാലാവസ്ഥ മാപിനികള്‍ സ്ഥാപിച്ചു. പൊതുവിദ്യാഭ്യാസ വകുപ്പിന് കീഴിലുള്ള തിരഞ്ഞെടുത്ത സ്‌കൂളുകളിലാണ് ഓട്ടോമാറ്റിക് വെതര്‍ സ്റ്റേഷനുകള്‍ സ്ഥാപിച്ചത്.

🔹എറണാകുളത്ത് അന്തര്‍സംസ്ഥാന ബസ്സുകളില്‍ മോട്ടോര്‍ വാഹന വകുപ്പ് നടത്തിയ മിന്നല്‍ പരിശോധനയില്‍ ഒരു കോടിയിലേറെ രൂപ പിഴ ചുമത്തി. ബസുകളിലെ നികുതിവെട്ടിപ്പുമായി ബന്ധപ്പെട്ട് 72 കേസുകളാണ് രജിസ്റ്റര്‍ ചെയ്തത്. പുലര്‍ച്ചെ നാല് മുതല്‍ രാവിലെ 10 മണി വരെയാണ് പരിശോധന നടത്തിയത്.

‎🔹ചെമ്മനാട് അച്ഛനും മകളും വീട്ടിൽ മരിച്ച നിലയിൽ. മീപ്പുഗിരി സ്വദേശികളായ ഗണേശൻ (47), മകൾ വൈഷ്‌ണവി (17) എന്നിവരാണ് മരിച്ചത്. ചെമ്മനാട് കോളിയടുക്കത്തെ വാടക വീട്ടിലാണ് ഇരുവരേയും മരിച്ച നിലയിൽ കണ്ടെത്തിയത്.

🔹കുമളിയില്‍ പതിനാറു വയസുകാരി ആത്മഹത്യ ചെയ്ത സംഭവത്തില്‍ ആണ്‍ സുഹൃത്തിനെ അറസ്റ്റു ചെയ്തു. കുമളി ഒന്നാംമൈല്‍ സ്വദേശി തോട്ടത്തിന്‍ കുഴിയില്‍ വീട്ടില്‍ അഭിരാജന്‍ ആണ് പിടിയിലായത്. പോസ്റ്റുമോര്‍ട്ടം പരിശോധനയില്‍ കുട്ടി പീഡനത്തിന് ഇരയായിരുന്നതായി കണ്ടെത്തിയിരുന്നു.

🔹തിരുവനന്തപുരം മൃഗശാലയിലേക്ക് ഗുജറാത്തിലെ വന്‍താരയില്‍ നിന്ന് ഒരു ജോഡി സീബ്രകളെത്തുന്നു. പകരമായി ഒരു സിംഹവാലന്‍ കുരങ്ങനെയും രാജവെമ്പാലയെയും മൃഗശാലയില്‍നിന്ന് നല്‍കും.

🔹ഓച്ചിറയില്‍ നഴ്സിങ് വിദ്യാര്‍ഥി ആത്മഹത്യ ചെയ്തത് അധ്യാപകരുടെ പീഡനത്തെത്തുടര്‍ന്നാണെന്നു പരാതി. കരുനാഗപ്പള്ളി ആലുംകടവ് സ്വദേശി അഹമ്മദ് നജാദ് ആണ് മരിച്ചത്. നാല് അധ്യാപകരെ സസ്പെന്‍ഡ് ചെയ്തിട്ടുണ്ട്.

🔹എറണാകുളത്തുനിന്ന് ബെംഗളൂരുവിലേക്കു പോകുന്ന വന്ദേഭാരത് എക്സ്പ്രസില്‍ യാത്രക്കാരന്‍ സീറ്റില്‍ ചത്ത പാമ്പിനെ കണ്ടെന്നു പരാതി. കുടുംബത്തോടൊപ്പം യാത്ര ചെയ്യാനെത്തിയ വിനു വര്‍ഗീസാണ് പരാതി നല്‍കിയത്. റെയില്‍വേ അന്വേഷണം ആരംഭിച്ചിട്ടുണ്ട്.

🔹സൗത്ത് ആഫ്രിക്കയില്‍ നിന്ന് സിംഗപൂരിലേക്ക് പോയ കപ്പലില്‍ നിന്ന് യുവാവിനെ കാണാതായ സംഭവത്തില്‍ തെരച്ചില്‍ ശക്തമാക്കണമെന്ന് ആവശ്യപ്പെട്ട് കുടുംബം. ബുധനാഴ്ചയാണ് എറണാകുളം ഞാറക്കല്‍ സ്വദേശി ഷിന്റോണ്‍ ബെന്നിയെ കാണാതായതായി കുടുംബത്തിന് വിവരം ലഭിച്ചത്.

🔹ഹരിപ്പാട് ദേശീയപാതയില്‍ താമല്ലാക്കല്‍ കെവി ജെട്ടി ജങ്ഷന് സമീപം ലോറിയിടിച്ച് സ്‌കൂട്ടര്‍ യാത്രക്കാരനായ വ്യാപാരി മരിച്ചു. പുന്നപ്രയിലെ ‘ബിരിയാണി ബഷീര്‍’ എന്നറിയപ്പെടുന്ന വണ്ടാനം സ്വദേശി ബഷീര്‍ (74) ആണ് മരിച്ചത്.

🔹കര്‍ണാടകയിലെ ചാമരാജ് നഗറിലുള്ള കാവേരി വന്യജീവി സങ്കേതത്തിലുണ്ടായ വെടിവയ്പ്പില്‍ മൂന്നു പേര്‍ കൊല്ലപ്പെട്ടു. മൃഗങ്ങളെ വേട്ടയാടാനായി എത്തിയവരെയാണു വെടിവച്ചതെന്ന് വനംവകുപ്പ്. പ്രതിഷേധവുമായി എത്തിയ നാട്ടുകാര്‍ വനംവകുപ്പ് ഓഫീസ് കെട്ടിടവും ഉപകരണങ്ങളും അടിച്ചുതകര്‍ത്തു.

🔹ഉത്തരാഖണ്ഡ് ചമോലിയിലെ ജലവൈദ്യുത പദ്ധതി തുരങ്കത്തിലുണ്ടായ അപകടത്തില്‍ മരണസംഖ്യ എട്ടായി. ടണലിനുള്ളില്‍ രണ്ടു തൊഴിലാളികള്‍ കൂടി കിടക്കുന്നുണ്ട്. വ്യാഴാഴ്ച വൈകുന്നേരം മിന്നല്‍ പ്രളയത്തെ തുടര്‍ന്ന് വെള്ളവും ചെളിയും ഇരച്ചുകയറിയാണ് തൊഴിലാളികള്‍ തുരങ്കത്തില്‍ കുടുങ്ങിയത്.

🔹ഉത്തര്‍പ്രദേശിലെ സംഭലില്‍ സ്വാതന്ത്ര്യ ദിനാഘോഷത്തില്‍ പങ്കെടുക്കാനെത്തിയ വിദ്യാര്‍ത്ഥികള്‍ക്ക് മേല്‍ സ്‌കൂള്‍ കെട്ടിടം തകര്‍ന്ന് വീണ് എട്ടു വയസ്സുകാരന്‍ മരിച്ചു. നിരവധി വിദ്യര്‍ത്ഥികള്‍ക്ക് പരിക്കേറ്റു.

🔹ഇറാനെ തോല്‍പിച്ചാലുടന്‍ ഹോര്‍മുസ് കടലിടുക്ക് അമേരിക്കന്‍ പ്രദേശമായി പ്രഖ്യാപിക്കുമെന്ന് പ്രസിഡന്റ് ഡോണള്‍ഡ് ട്രംപ്. എന്നാല്‍ ട്വീറ്റ് കൊണ്ടോ വിമാനവാഹിനിക്കപ്പല്‍ കൊണ്ടോ ഹോര്‍മുസ് കടലിടുക്ക് പിടിച്ചെടുക്കാന്‍ കഴിയില്ലെന്ന് ഇറാന്‍ ഡെപ്യൂട്ടി വിദേശകാര്യ മന്ത്രി കാസിം ഗരീബാബാദി തിരിച്ചടിച്ചു.

🔹ഇന്തോനേഷ്യയില്‍ തുടര്‍ ഭൂചലനങ്ങള്‍. റിക്ടര്‍ സ്‌കെയിലില്‍ 7.7 രേഖപ്പെടുത്തി. 38 പേര്‍ മരിച്ചു. ഇന്നലെ രാത്രി പത്തോടെ റിക്ടര്‍ സ്‌കെയില്‍ ആറ് രേഖപ്പെടുത്തിയ മൂന്നാമത്തെ ഭൂചലനമുണ്ടായി. കിഴക്കന്‍ ഇന്തോനേഷ്യയിലെ ഫ്ലോറസ് ദ്വീപിലാണ് ഭൂകമ്പമുണ്ടായത്.

🔹മലയാളികളുടെ സ്വന്തം ക്രിക്കറ്റായ കെസിഎല്‍ സീസണ്‍-3യുടെ ഔദ്യോഗിക ടീം ലോഞ്ച് നാളെ തിരുവനന്തപുരത്ത് നടക്കും. കോവളം ഹോട്ടല്‍ ലീല റാവിസില്‍ വൈകുന്നേരം 5.30 ന് നടക്കുന്ന ചടങ്ങില്‍ ടൂറിസം-സാംസ്‌കാരിക വകുപ്പ് മന്ത്രി പി.സി. വിഷ്ണുനാഥും ഇന്ത്യന്‍ ക്രിക്കറ്റ് താരം സഞ്ജു സാംസണും മുഖ്യാതിഥികളാകും.

🔹ശ്രീലങ്കയ്ക്കെതിരായ ഒന്നാം ക്രിക്കറ്റ് ടെസ്റ്റില്‍ ഇന്ത്യ 288 ന് 2 എന്ന ശക്തമായ നിലയില്‍. കെ എല്‍ രാഹുല്‍ പരിക്കേറ്റ് മടങ്ങിയപ്പോള്‍ നായകന്‍ ശുഭ്മാന്‍ ഗില്‍ നിരാശപ്പെടുത്തി. ദേവ്ദത്ത് പടിക്കലിന്റെ സെഞ്ചുറിയാണ് ഇന്ത്യയെ മികച്ച നിലയിലെത്തിച്ചത്. 131 റണ്‍സെടുത്ത ദേവ്ദത്ത് പടിക്കലും 27 റണ്‍സെടുത്ത റിഷഭ് പന്തുമാണ് ക്രീസില്‍.

🔹തെലുങ്ക് സൂപ്പര്‍താരം പ്രഭാസിനെ നായകനാക്കി ഹനു രാഘവപുടി സംവിധാനം ചെയ്യുന്ന ‘ഫൗസി’യുടെ പുത്തന്‍ പോസ്റ്റര്‍ എത്തി. സ്വാതന്ത്ര്യ ദിനം പ്രമാണിച്ചാണ് ചിത്രത്തിന്റെ സ്പെഷ്യല്‍ പോസ്റ്റര്‍ പുറത്ത് വിട്ടത്. ചിത്രം 2026 ഡിസംബര്‍ 3 ന് ലോകമെമ്പാടും ഉള്ള തിയേറ്ററുകളിലെത്തും. ബ്രഹ്‌മാണ്ഡ കാന്‍വാസില്‍ ഒരുക്കുന്ന ഈ വമ്പന്‍ പാന്‍ ഇന്ത്യന്‍ ചിത്രം നിര്‍മ്മിക്കുന്നത് മൈത്രി മൂവി മേക്കേഴ്‌സാണ്. ‘എ ബറ്റാലിയന്‍ ഹു ഫൈറ്റ്സ് എലോണ്‍’ എന്നതാണ് ചിത്രത്തിന്റെ ടൈറ്റില്‍ ടാഗ്ലൈന്‍. ‘സീതാ രാമം’ എന്ന ബ്ലോക്ക്ബസ്റ്റര്‍ ചിത്രത്തിന് ശേഷം ഹനു രാഘവപുടി രചിച്ചു സംവിധാനം ചെയ്യുന്ന ചിത്രമാണ് ഫൗസി. ബോളിവുഡ് താരം അനുപം ഖേര്‍ ആണ് ചിത്രത്തില്‍ ഗാന്ധിജിയുടെ വേഷം ചെയ്യുന്നത് എന്നാണ് സൂചന. ഇമാന്‍വി ആണ് ചിത്രത്തിലെ നായികാവേഷം ചെയ്യുന്നത്. ബോളിവുഡ് താരം അനുപം ഖേര്‍, മിഥുന്‍ ചക്രവര്‍ത്തി, ജയപ്രദ എന്നിവരാണ് ചിത്രത്തിലെ മറ്റു പ്രധാന താരങ്ങള്‍.

🔹ആന്റണി വര്‍ഗീസ് പെപ്പെ നായകനായെത്തിയ ‘കാട്ടാളന്‍’ ഒടിടിയില്‍ സ്ട്രീമിങ് ആരംഭിച്ചു. മനോരമ മാക്സിലൂടെ പ്രേക്ഷകര്‍ക്ക് ചിത്രം കാണാനാകും. മനോരമ മാക്സിന്റെ തമിഴ്, കന്നഡ ഭാഷകളിലേക്കുള്ള ആദ്യ ഡബ്ബിങ്- റിലീസ് കൂടിയാണിത്. ‘കാട്ടാളന്റെ’ തമിഴ്, കന്നഡ റിലീസിലൂടെ ഈ സമീപനത്തിന് തുടക്കമിടുകയാണ് പ്ലാറ്റ്‌ഫോം. ഐവറി കാര്‍ട്ടല്‍ യുദ്ധത്തിന്റെ പശ്ചാത്തലത്തില്‍ ഒരുക്കിയിരിക്കുന്ന ‘കാട്ടാളന്‍’, അധികാരത്തിനും നിയന്ത്രണത്തിനും പ്രതികാരത്തിനും അതിജീവനത്തിനുമായി ഏറ്റുമുട്ടുന്ന ശക്തികളുടെ കഥയാണ്. ആന്റണി വര്‍ഗീസിനൊപ്പം സുനില്‍, കബീര്‍ ദുഹാന്‍ സിങ്, ദുഷാര വിജയന്‍, ജ?ഗദീഷ്, സിദ്ദിഖ് എന്നിവരും പ്രധാന വേഷങ്ങളിലെത്തുന്നുണ്ട്. നവാഗതനായ പോള്‍ ജോര്‍ജ് ആണ് ചിത്രം സംവിധാനം ചെയ്തിരിക്കുന്നത്.

💦 ഗുരുജിയുടെ വാക്കുകൾ
*****************************

ഉയരങ്ങളിൽ എത്തുമ്പോൾ ഉറ്റവർ ആവാൻ ഒരുപാട് ആളുകൾ ഉണ്ടാവും എന്നാൽ താഴ്ചയിലേക്ക് വരുമ്പോൾ താങ്ങായി നിൽക്കാൻ നമ്മൾ അറിയാതെ മാറ്റിനിർത്തിയ ചിലരെ ഉണ്ടാകു……അത് മനസിലാക്കി ജീവിതം മുന്നോട്ട് കൊണ്ട് പോവുക.

ചരിത്രത്തിൽ ഇന്നത്തെ ദിവസത്തിന്റെ പ്രാധാന്യങ്ങൾ
********************************************************************

ഓഗസ്റ്റ് 16

•ദേശീയ എയർബോൺ ദിനം (National Airborne Day): യുണൈറ്റഡ് സ്റ്റേറ്റ്സ് സൈന്യത്തിന്റെ ആദ്യത്തെ പാരച്യൂട്ട് ചാട്ടത്തിന്റെ ഓർമ്മയ്ക്കായി ഇത് ആചരിക്കുന്നു.

•റോളർ കോസ്റ്റർ ദിനം (National Roller Coaster Day): ആദ്യത്തെ റോളർ കോസ്റ്റർ പേറ്റന്റ് ചെയ്യപ്പെട്ടതിന്റെ ഓർമ്മ പുതുക്കുന്ന ദിനം.

•ടെൽ എ ജോക്ക് ഡേ (National Tell a Joke Day): ആളുകളിൽ ചിരിയും സന്തോഷവും പടർത്താനായി തമാശകൾ പങ്കുവെക്കുന്ന ദിനം.

•ഡയറക്ട് ആക്ഷൻ ഡേ (1946): ഇന്ത്യൻ സ്വാതന്ത്ര്യ ചരിത്രത്തിലെ കറുത്ത അധ്യായമായ ‘കൊൽക്കത്ത കലാപം’ (Great Calcutta Killings) നടന്നത് 1946 ഓഗസ്റ്റ് 16-നായിരുന്നു.

•സൈപ്രസ് സ്വാതന്ത്ര്യദിനം (1960): ബ്രിട്ടീഷ് ഭരണത്തിൽ നിന്നും സൈപ്രസ് പൂർണ്ണ സ്വാതന്ത്ര്യം നേടിയത് ഈ ദിവസമാണ്.

•ചിങ്ങം ഒന്നിന്റെ ഒരുക്കങ്ങൾ: സാധാരണയായി ഓഗസ്റ്റ് 16 അല്ലെങ്കിൽ 17 തീയതികളിലാണ് മലയാളം കലണ്ടറിലെ പുതുവർഷമായ ചിങ്ങം 1 ആരംഭിക്കുന്നത്. ശബരിമല നട ചിങ്ങമാസ പൂജകൾക്കായി ഓഗസ്റ്റ് 16-ന് വൈകുന്നേരത്തോടെ തുറക്കാറുണ്ട്.

•ജെയിംസ് കാമറൂൺ (James Cameron): ‘ടൈറ്റാനിക്’, ‘അവതാർ’ തുടങ്ങിയ വിഖ്യാത ചിത്രങ്ങളുടെ സംവിധായകൻ (ജനനം: 1954 ഓഗസ്റ്റ് 16).

തയ്യാറാക്കിയത്: കപിൽ ശങ്കർ

9 Likes

📱വാർത്തകൾ ഒറ്റനോട്ടത്തിൽ📱 – 2026 | ഓഗസ്റ്റ് 16 | ഞായർ ✍️ കപിൽ ശങ്കർ

💦 ഗുരുജിയുടെ വാക്കുകൾ
*****************************

ചരിത്രത്തിൽ ഇന്നത്തെ ദിവസത്തിന്റെ പ്രാധാന്യങ്ങൾ
********************************************************************

ഓഗസ്റ്റ് 16

തയ്യാറാക്കിയത്: കപിൽ ശങ്കർ

ട്രേസിംഗ് ഷാഡോ.ഒമാനിലെ ആദ്യ പ്രദർശനത്തിൽ മികച്ച അഭിപ്രായം.

നേപ്പാൾ മിന്നൽ പ്രളയം; മരണസംഖ്യ 538 ആയി

📱വാർത്തകൾ ഒറ്റനോട്ടത്തിൽ📱 – 2026 | ഓഗസ്റ്റ് 28 | വെള്ളി ✍️ കപിൽ ശങ്കർ

LEAVE A REPLY Cancel reply

Most Popular

ട്രേസിംഗ് ഷാഡോ.ഒമാനിലെ ആദ്യ പ്രദർശനത്തിൽ മികച്ച അഭിപ്രായം.

ഓണക്കാലത്ത് സംസ്ഥാനത്ത് വിലക്കയറ്റവും പൂഴ്ത്തിവയ്പ്പും തടയാനായി: കൃഷി മന്ത്രി ടി സിദ്ദിഖ്

നേപ്പാൾ മിന്നൽ പ്രളയം; മരണസംഖ്യ 538 ആയി

Recent Comments

EDITOR PICKS

ട്രേസിംഗ് ഷാഡോ.ഒമാനിലെ ആദ്യ പ്രദർശനത്തിൽ മികച്ച അഭിപ്രായം.

ഓണക്കാലത്ത് സംസ്ഥാനത്ത് വിലക്കയറ്റവും പൂഴ്ത്തിവയ്പ്പും തടയാനായി: കൃഷി മന്ത്രി ടി സിദ്ദിഖ്

POPULAR POSTS

ക്രിക്കറ്റ് ഉൾപ്പെടെ ഏതാനും കായിക ഇനങ്ങളിൽ മാത്രം ശ്രദ്ധ കേന്ദ്രീകരിക്കുന്ന പ്രവണത മാറണം’; പ്രധാനമന്ത്രി.

നേപ്പാൾ പ്രളയം; മരണസംഖ്യ ഉയരുന്നു, 290 ഇന്ത്യക്കാർ ഉൾപ്പെടെ 1500 പേരെക്കുറിച്ച് വിവരമില്ല

POPULAR CATEGORY

ABOUT US

FOLLOW US

📱വാർത്തകൾ ഒറ്റനോട്ടത്തിൽ📱 – 2026 | ഓഗസ്റ്റ് 16 | ഞായർ ✍️ കപിൽ ശങ്കർ

💦 ഗുരുജിയുടെ വാക്കുകൾ *****************************

ചരിത്രത്തിൽ ഇന്നത്തെ ദിവസത്തിന്റെ പ്രാധാന്യങ്ങൾ ********************************************************************

ഓഗസ്റ്റ് 16

തയ്യാറാക്കിയത്: കപിൽ ശങ്കർ

LEAVE A REPLY Cancel reply

Most Popular

Recent Comments

EDITOR PICKS

POPULAR POSTS

POPULAR CATEGORY

ABOUT US

FOLLOW US

💦 ഗുരുജിയുടെ വാക്കുകൾ
*****************************

ചരിത്രത്തിൽ ഇന്നത്തെ ദിവസത്തിന്റെ പ്രാധാന്യങ്ങൾ
********************************************************************